रामकवचम् २ त्रैलोक्यमोहन वज्रपञ्जर Shri Trailokyamohana Vajrapanjara Rama Kavacham

अस्य श्रीत्रैलोक्यमोहनवज्रपञ्जरकवचस्य ब्रह्मा ऋषिः,गायत्री छन्दः, श्रीरामचन्द्रो देवता, रां बीजं, रीं शक्तिः,रूं कीलकम् । मम समस्तप्रारब्धपरिहारद्वाराश्रीरामचन्द्रप्रीत्यर्थे जपे विनियोगः ।रामित्यादि षडङ्गन्यासः ।भूर्भुवस्सुवरोमिति दिग्बन्धः ।ध्यानम् ।नीलाम्भोधरकान्तिकान्तमानिशं वीरासनाध्यासितंमुद्रां ज्ञानमयीं दधानमपरं हस्ताम्बुजं जानुनि ।सीतां पार्श्वगतां सरोरुहकरां विद्युन्निभां राघवंपश्यन्तं मकुटाङ्गदादिविलसद्रत्नोज्ज्वलाङ्गं भजे ॥ १॥

asya śrītrailokyamohanavajrapañjarakavacasya brahmā ṛṣiḥ,gāyatrī chandaḥ, śrīrāmacandro devatā, rāṃ bījaṃ, rīṃ śaktiḥ,rūṃ kīlakam | mama samastaprārabdhaparihāradvārāśrīrāmacandraprītyarthe jape viniyogaḥ |rāmityādi ṣaḍaṅganyāsaḥ |bhūrbhuvassuvaromiti digbandhaḥ |dhyānam |nīlāmbhodharakāntikāntamāniśaṃ vīrāsanādhyāsitaṃmudrāṃ jñānamayīṃ dadhānamaparaṃ hastāmbujaṃ jānuni |sītāṃ pārśvagatāṃ saroruhakarāṃ vidyunnibhāṃ rāghavaṃpaśyantaṃ makuṭāṅgadādivilasadratnojjvalāṅgaṃ bhaje || 1||

लमित्यादि पञ्चपूजा ।ॐ श्रीपार्वत्युवाचभगवन् सर्वदेश सर्वदेवनमस्कृत ।सर्वं मे कथितं देव राममन्त्रं विशेषतः ॥ २॥

lamityādi pañcapūjā |oṃ śrīpārvatyuvācabhagavan sarvadeśa sarvadevanamaskṛta |sarvaṃ me kathitaṃ deva rāmamantraṃ viśeṣataḥ || 2||

त्रैलेक्यमोहनं नाम कवचं पूर्वसूचितम् ।कथयस्व महाभाग यद्यहं तव वल्लभा ॥ ३॥

trailekyamohanaṃ nāma kavacaṃ pūrvasūcitam |kathayasva mahābhāga yadyahaṃ tava vallabhā || 3||

श्री ईश्वर उवाचशृणु वक्ष्यामि देवेशि कवचं परमाद्भुतम् ।अत्यन्तगोपितं गुह्यं ब्रह्ममन्त्रौघविग्रहम् ॥ ४॥

śrī īśvara uvācaśṛṇu vakṣyāmi deveśi kavacaṃ paramādbhutam |atyantagopitaṃ guhyaṃ brahmamantraughavigraham || 4||

कवचस्य ऋषिर्ब्रह्मा गायत्री छन्द ईरितम् ।देवता रामचन्द्रोऽस्य विनियोगोऽष्टसिद्धिषु ॥ ५॥

kavacasya ṛṣirbrahmā gāyatrī chanda īritam |devatā rāmacandro'sya viniyogo'ṣṭasiddhiṣu || 5||

ओम् । प्रणवो मे शिरः पातु तारकब्रह्मरूपधृत् ।अनन्तोऽग्रिसहस्रेन्दुः नासां पातु रघोः पतिः ॥ ६॥

om | praṇavo me śiraḥ pātu tārakabrahmarūpadhṛt |ananto'grisahasrenduḥ nāsāṃ pātu raghoḥ patiḥ || 6||

रां रामाय नमस्तुभ्यं षड्वर्णो भुक्तिमुक्तिदः ।फालं पायान्नेत्रयुग्मं रामो द्व्यक्षरसंज्ञकः ॥ ७॥

rāṃ rāmāya namastubhyaṃ ṣaḍvarṇo bhuktimuktidaḥ |phālaṃ pāyānnetrayugmaṃ rāmo dvyakṣarasaṃjñakaḥ || 7||

रां रामचन्द्राय नमो भ्रूद्वयं पातु मेऽन्वहम् ।रां रामभद्राय नमश्चुबुकं पातु मे सदा ॥ ८॥

rāṃ rāmacandrāya namo bhrūdvayaṃ pātu me'nvaham |rāṃ rāmabhadrāya namaścubukaṃ pātu me sadā || 8||

क्लीं मे पायाच्छ्रोत्रयुग्मं कर्णौ मे विश्वमोहनः ।क्लीं रामाय नमश्चेति मुखं मे परिरक्षतु ॥ ९॥

klīṃ me pāyācchrotrayugmaṃ karṇau me viśvamohanaḥ |klīṃ rāmāya namaśceti mukhaṃ me parirakṣatu || 9||

तारं रामचतुर्थं तु क्रोधास्रवह्निकल्पितम् (?) ।अष्टर्णोऽयं परो मन्त्रो जिह्वां मे पातु सर्वदा ॥ १०॥

tāraṃ rāmacaturthaṃ tu krodhāsravahnikalpitam (?) |aṣṭarṇo'yaṃ paro mantro jihvāṃ me pātu sarvadā || 10||

गुणं बीजं तथा मायां हृद्रामाय ततश्चर ।शिरो मां राममन्त्रोऽयं गण्डयुग्मं सदावतु ॥ ११॥

guṇaṃ bījaṃ tathā māyāṃ hṛdrāmāya tataścara |śiro māṃ rāmamantro'yaṃ gaṇḍayugmaṃ sadāvatu || 11||

ॐ हृद्भगवते रामचन्द्रभद्रौ च ज्ञेयता ।अर्कानुद्विविधौ मन्त्रौ रक्षतां मम कन्धरम् ॥ १२॥

oṃ hṛdbhagavate rāmacandrabhadrau ca jñeyatā |arkānudvividhau mantrau rakṣatāṃ mama kandharam || 12||

रां रामचन्द्राय स्वाहा षड्वर्णोऽव्याद्भुजद्वयम् ।श्रीरामाय नमश्चासौ कक्षौ पातु खरान्तकः ॥ १३॥

rāṃ rāmacandrāya svāhā ṣaḍvarṇo'vyādbhujadvayam |śrīrāmāya namaścāsau kakṣau pātu kharāntakaḥ || 13||

? ? नृसिंहो लक्ष्मीपाशाङ्कुशस्ततः ।वर्मास्त्राणि वधू युक्तो रव्यर्णोऽव्यादुरःस्थलम् ॥ १४॥

? ? nṛsiṃho lakṣmīpāśāṅkuśastataḥ |varmāstrāṇi vadhū yukto ravyarṇo'vyāduraḥsthalam || 14||

श्रीरामचन्द्राय ततो रक्षोघ्नाय नमस्त्वयम् ।हृदयं मे सदा पातु रघुवंशसमुद्भवः ॥ १५॥

śrīrāmacandrāya tato rakṣoghnāya namastvayam |hṛdayaṃ me sadā pātu raghuvaṃśasamudbhavaḥ || 15||

रामाज्ञेतु वराहास्त्रं वह्निजायायुतं मनुः ।वीरस्वरूपरामाभ्यां सप्तार्णा पातु पार्श्वकौ (? ) ॥ १६॥

rāmājñetu varāhāstraṃ vahnijāyāyutaṃ manuḥ |vīrasvarūparāmābhyāṃ saptārṇā pātu pārśvakau (? ) || 16||

ॐ श्रीं ह्रीं क्लीं ततो रामं च रामाय नमस्त्वयम् ।दशाक्षराज्ञो मन्त्रो मे पुरतः पृष्ठतोऽवतु ॥ १७॥

oṃ śrīṃ hrīṃ klīṃ tato rāmaṃ ca rāmāya namastvayam |daśākṣarājño mantro me purataḥ pṛṣṭhato'vatu || 17||

श्रीपूर्वं जय मध्यस्थं तद्विधा राम राम च ।नमः पञ्चदशर्णोऽयं सदा पातु ममोदरम् ॥ १८॥

śrīpūrvaṃ jaya madhyasthaṃ tadvidhā rāma rāma ca |namaḥ pañcadaśarṇo'yaṃ sadā pātu mamodaram || 18||

हुं जानकीवल्लभाय स्वाहाद्यावतु मध्यमम् ।श्रीरामचन्द्राय स्वाहा नाभिमष्टाक्षरोऽवतु ॥ १९॥

huṃ jānakīvallabhāya svāhādyāvatu madhyamam |śrīrāmacandrāya svāhā nābhimaṣṭākṣaro'vatu || 19||

क्लीं रामचन्द्राय ततः सीतायाः पतये नमः ।मन्वस्यः सक्थिनी पातु राक्षसेन्द्रविमर्दनः ॥ २०॥

klīṃ rāmacandrāya tataḥ sītāyāḥ pataye namaḥ |manvasyaḥ sakthinī pātu rākṣasendravimardanaḥ || 20||

ॐ रामभद्राय नमो गुह्यं मे पातु राघवः ।श्रीरामभद्राय नमो मम पातूरुयुग्मकम् ॥ २१॥

oṃ rāmabhadrāya namo guhyaṃ me pātu rāghavaḥ |śrīrāmabhadrāya namo mama pātūruyugmakam || 21||

प्रणवो रामचन्द्राय स्वापात्यष्टाक्षरोऽवतु ।पादयुग्मं सदा पातु वानरेन्द्राश्रयः प्रभुः ॥ २२॥

praṇavo rāmacandrāya svāpātyaṣṭākṣaro'vatu |pādayugmaṃ sadā pātu vānarendrāśrayaḥ prabhuḥ || 22||

रामभद्र महेष्वास रघुवीर नृपोत्तम ।दशास्यान्तक मां रक्ष देहि नः परमे(मां) श्रियम् ॥ २३॥

rāmabhadra maheṣvāsa raghuvīra nṛpottama |daśāsyāntaka māṃ rakṣa dehi naḥ parame(māṃ) śriyam || 23||

द्वात्रिंशदक्षरो यस्स्यात् सर्वाङ्गं पातु मे सदा ।श्रीं सीतापतये नमः प्राच्यां मां सर्वदावतु ॥ २४॥

dvātriṃśadakṣaro yassyāt sarvāṅgaṃ pātu me sadā |śrīṃ sītāpataye namaḥ prācyāṃ māṃ sarvadāvatu || 24||

हुँ जानकीवल्लभाय स्वाहा याम्यां च सर्वदा ।क्लीं जानकीवल्लभाय प्रतीच्यां सर्वदावतु ॥ २५॥

hum̐ jānakīvallabhāya svāhā yāmyāṃ ca sarvadā |klīṃ jānakīvallabhāya pratīcyāṃ sarvadāvatu || 25||

श्रीरघुनन्दनाय नमः कौबेर्यां दिशि रक्षतु ।श्रीं सीतायै ततः स्वाहा रां रामाय नमस्त्वयम् ॥ २६॥

śrīraghunandanāya namaḥ kauberyāṃ diśi rakṣatu |śrīṃ sītāyai tataḥ svāhā rāṃ rāmāya namastvayam || 26||

सीतारामाख्यमन्त्रे(न्त्रोऽयं) विदिक्षूर्ध्वमधश्च माम् ।नमो भगवते ब्रूयाच्चचतुर्थ्यां रघुनन्दनः ॥ २७॥

sītārāmākhyamantre(ntro'yaṃ) vidikṣūrdhvamadhaśca mām |namo bhagavate brūyāccacaturthyāṃ raghunandanaḥ || 27||

रक्षो घोरदि ? ? मधुरादि समीरयेत् ।प्रसन्नवदनायेति पश्चादमितितेजसे ॥ २८॥

rakṣo ghoradi ? ? madhurādi samīrayet |prasannavadanāyeti paścādamititejase || 28||

बलाय पश्चाद्रामाय विष्णवे तदनन्तरम् ।प्रणवादिनमोऽन्तोऽयं मालामन्त्र उदीरितः ॥ २९॥

balāya paścādrāmāya viṣṇave tadanantaram |praṇavādinamo'nto'yaṃ mālāmantra udīritaḥ || 29||

सर्वस्थानेषु कालेषु पातु मां रघुनन्दनः ।वदेद्दाशरथायेति विद्महेति पदं ततः ॥ ३०॥

sarvasthāneṣu kāleṣu pātu māṃ raghunandanaḥ |vadeddāśarathāyeti vidmaheti padaṃ tataḥ || 30||

सीतापदं समुद्रत्या(समुच्चार्य)वल्लभायपदं ततः ।धीमहीत्यथ तं नोऽथ रामश्चापि प्रचोदयात् ॥ ३१॥

sītāpadaṃ samudratyā(samuccārya)vallabhāyapadaṃ tataḥ |dhīmahītyatha taṃ no'tha rāmaścāpi pracodayāt || 31||

एषा स्याद्रामगायत्री सर्वावस्थासु पातु माम् ।इति ते कथितं देवि सर्वमन्त्रौघविग्रहम् ॥ ३२॥

eṣā syādrāmagāyatrī sarvāvasthāsu pātu mām |iti te kathitaṃ devi sarvamantraughavigraham || 32||

त्रैलोक्यमोहनं नाम कवचं ब्रह्मरूपकम् ।प्रातः काले पठेद्यस्तु कवचं मुक्तिसाधकम् ॥ ३३॥

trailokyamohanaṃ nāma kavacaṃ brahmarūpakam |prātaḥ kāle paṭhedyastu kavacaṃ muktisādhakam || 33||

कीर्तिश्रीकान्तिमेधायुर्भूतिश्च भवति ध्रुवम् ।राममन्त्रमथ ब्रह्मकवचं मनुचोदितम् ॥ ३४॥

kīrtiśrīkāntimedhāyurbhūtiśca bhavati dhruvam |rāmamantramatha brahmakavacaṃ manucoditam || 34||

गुह्यमभ्यर्च्य विधिवत् पुनश्चर्यां समाचरेत् ।अष्टोत्तरशतं जप्त्वा दशांशं हवनादिकम् ॥ ३५॥

guhyamabhyarcya vidhivat punaścaryāṃ samācaret |aṣṭottaraśataṃ japtvā daśāṃśaṃ havanādikam || 35||

ततः सुसिद्धं कवचं सर्वकार्याणि साधयेत् ।मन्त्रसिद्धिर्भवेत्तस्य पुरश्चर्यां विना ततः ॥ ३६॥

tataḥ susiddhaṃ kavacaṃ sarvakāryāṇi sādhayet |mantrasiddhirbhavettasya puraścaryāṃ vinā tataḥ || 36||

लाज आज्यं च ।गद्यपद्यमयी वाणी तस्य वक्त्रात्प्रवर्तते ।वक्त्रे तस्य वसेद्वाणी कलाश्च निश्चला गृहे ॥ ३७॥

lāja ājyaṃ ca |gadyapadyamayī vāṇī tasya vaktrātpravartate |vaktre tasya vasedvāṇī kalāśca niścalā gṛhe || 37||

पुष्पाञ्जल्यष्टकं दत्त्वा मलेनैव परे सकृत् ।अपि वर्षसहस्राणि पूजायाः फलमाप्नुयात् ॥ ३८॥

puṣpāñjalyaṣṭakaṃ dattvā malenaiva pare sakṛt |api varṣasahasrāṇi pūjāyāḥ phalamāpnuyāt || 38||

विलिख्य भूर्जपत्रे तु स्वर्णस्थं धारयेद्यदि ।कर्णे च दक्षिणे बाहौ स कुर्या वतं(दवितं)जगत् ॥ ३९॥

vilikhya bhūrjapatre tu svarṇasthaṃ dhārayedyadi |karṇe ca dakṣiṇe bāhau sa kuryā vataṃ(davitaṃ)jagat || 39||

त्रैलोक्यं क्षोभयत्येव त्रैलोक्यविजयी भवेत् ।तद्गात्रं प्राप्य शास्त्राणि ब्रह्मास्त्रादीनि यानि च ॥ ४०॥

trailokyaṃ kṣobhayatyeva trailokyavijayī bhavet |tadgātraṃ prāpya śāstrāṇi brahmāstrādīni yāni ca || 40||

माल्यानि कुसुमानीव सुखदानि भवन्ति हि ।सार्धमु ॥॥॥। हवने लक्ष्मीवाणीमुखे वसेत् ॥ ४१॥

mālyāni kusumānīva sukhadāni bhavanti hi |sārdhamu ||||||| havane lakṣmīvāṇīmukhe vaset || 41||

य इदं कवचं ज्ञात्वा यो जपेद्राममन्त्रकम् ।शतलक्षमवाप्नोति सोऽचिरान्मृत्यु(न्मुक्ति)माप्नुयात् ॥ ४२॥

ya idaṃ kavacaṃ jñātvā yo japedrāmamantrakam |śatalakṣamavāpnoti so'cirānmṛtyu(nmukti)māpnuyāt || 42||

त्रैलोक्यमोहनं जप्त्वा न मन्त्रासिद्धिसाधकः ।स शस्त्रघातमाप्नोति सोऽचिरान्मृत्युमाप्नुयात् ।तस्मात् सर्वप्रयत्नेन कवचं धारयेद्बुधः ॥ ४३॥

trailokyamohanaṃ japtvā na mantrāsiddhisādhakaḥ |sa śastraghātamāpnoti so'cirānmṛtyumāpnuyāt |tasmāt sarvaprayatnena kavacaṃ dhārayedbudhaḥ || 43||

इति ब्रह्माण्डपुराणे पार्वतीश्वरसंवादे त्रैलोक्यमोहनवज्रपञ्जररामकवचनाम दिव्यमन्त्रकवचं सम्पूर्णम् ॥

iti brahmāṇḍapurāṇe pārvatīśvarasaṃvāde trailokyamohanavajrapañjararāmakavacanāma divyamantrakavacaṃ sampūrṇam ||