तारावलिः Shri Taravali

श्रीवत्सवत्सचिह्नाञ्चितवक्षःस्थल धरासुताजाने ।त्वमिह दयादृष्ट्या मन्दाक्रान्तं रक्ष मां दयाशरधे(ब्धिदाशरथे) ॥ १॥

śrīvatsavatsacihnāñcitavakṣaḥsthala dharāsutājāne |tvamiha dayādṛṣṭyā mandākrāntaṃ rakṣa māṃ dayāśaradhe(bdhidāśarathe) || 1||

कृतयत्नविफलकारिणमतिकष्टदमर्यमात्मजं मन्दम् ।न स्तौमि तमसुरारे परिपालय मां दयाब्धिदाशरथे ॥ २॥

kṛtayatnaviphalakāriṇamatikaṣṭadamaryamātmajaṃ mandam |na staumi tamasurāre paripālaya māṃ dayābdhidāśarathe || 2||

शरणागतरक्षक तव चरणद्वयभक्तिरस्तु मम हृदये ।न स्तौमि तमसुरारे परिपालय मां दयाब्धिदाशरथे ॥ ३॥

śaraṇāgatarakṣaka tava caraṇadvayabhaktirastu mama hṛdaye |na staumi tamasurāre paripālaya māṃ dayābdhidāśarathe || 3||

अवमानदमापत्करमरिपक्षजयोत्सुकं सुदुःखकरम् ।न स्तौमि तमसुरारे परिपालय मां दयाब्धिदाशरथे ॥ ४॥

avamānadamāpatkaramaripakṣajayotsukaṃ suduḥkhakaram |na staumi tamasurāre paripālaya māṃ dayābdhidāśarathe || 4||

नानापवादभयदं सदनधनद्रव्यनाशकरकुद्दालम् ।न स्तौमि तमसुरारे परिपालय मां दयाब्धिदाशरथे ॥ ५॥

nānāpavādabhayadaṃ sadanadhanadravyanāśakarakuddālam |na staumi tamasurāre paripālaya māṃ dayābdhidāśarathe || 5||

कुत्सितगुणसम्पन्नं क्रौर्यमनःसंप्रकाशितोद्योगम् ।न स्तौमि तमसुरारे परिपालय मां दयाब्धिदाशरथे ॥ ६॥

kutsitaguṇasampannaṃ krauryamanaḥsaṃprakāśitodyogam |na staumi tamasurāre paripālaya māṃ dayābdhidāśarathe || 6||

गृध्राशनमतिमलिनं निद्रालस्यादिदोषदं नॄणाम् ।न स्तौमि तमसुरारे परिपालय मां दयाब्धिदाशरथे ॥ ७॥

gṛdhrāśanamatimalinaṃ nidrālasyādidoṣadaṃ nṝṇām |na staumi tamasurāre paripālaya māṃ dayābdhidāśarathe || 7||

निस्तुलदारिद्र्यगुणाप्रस्तुतकार्यप्रसक्तिदं नित्यम् ।न स्तौमि तमसुरारे परिपालय मां दयाब्धिदाशरथे ॥ ८॥

nistuladāridryaguṇāprastutakāryaprasaktidaṃ nityam |na staumi tamasurāre paripālaya māṃ dayābdhidāśarathe || 8||

पुत्रकलत्रभ्रात्राखिलबन्धुविरोधजनकमतिकठिनम् ।न स्तौमि तमसुरारे परिपालय मां दयाब्धिदाशरथे ॥ ९॥

putrakalatrabhrātrākhilabandhuvirodhajanakamatikaṭhinam |na staumi tamasurāre paripālaya māṃ dayābdhidāśarathe || 9||

नीलाञ्जननिभदेहं डोलायितमानसं बिडालाक्षम् ।न स्तौमि तमसुरारे परिपालय मां दयाब्धिदाशरथे ॥ १०॥

nīlāñjananibhadehaṃ ḍolāyitamānasaṃ biḍālākṣam |na staumi tamasurāre paripālaya māṃ dayābdhidāśarathe || 10||

कुनखयुतं कूर्मपदं कृशगात्रं शङ्कुरूपिणं च सदा ।न स्तौमि तमसुरारे परिपालय मां दयाब्धिदाशरथे ॥ ११॥

kunakhayutaṃ kūrmapadaṃ kṛśagātraṃ śaṅkurūpiṇaṃ ca sadā |na staumi tamasurāre paripālaya māṃ dayābdhidāśarathe || 11||

विनिमीलितसन्मीलितलोचनयुतभुजगतोत्तमाङ्गनतम् ।न स्तौमि तमसुरारे परिपालय मां दयाब्धिदाशरथे ॥ १२॥

vinimīlitasanmīlitalocanayutabhujagatottamāṅganatam |na staumi tamasurāre paripālaya māṃ dayābdhidāśarathe || 12||

गतलज्जाहृदयं निर्भाग्यं बृहदुदरपोषणतिलादम् ।न स्तौमि तमसुरारे परिपालय मां दयाब्धिदाशरथे ॥ १३॥

gatalajjāhṛdayaṃ nirbhāgyaṃ bṛhadudarapoṣaṇatilādam |na staumi tamasurāre paripālaya māṃ dayābdhidāśarathe || 13||

आशापिशाचभोगोल्लासकरं दौर्मनस्यदमशुभदम् ।न स्तौमि तमसुरारे परिपालय मां दयाब्धिदाशरथे ॥ १४॥

āśāpiśācabhogollāsakaraṃ daurmanasyadamaśubhadam |na staumi tamasurāre paripālaya māṃ dayābdhidāśarathe || 14||

आनृतनिष्कृतिवैकृतिकलितमदोद्रेककारणं चाहम् ।न स्तौमि तमसुरारे परिपालय मां दयाब्धिदाशरथे ॥ १५॥

ānṛtaniṣkṛtivaikṛtikalitamadodrekakāraṇaṃ cāham |na staumi tamasurāre paripālaya māṃ dayābdhidāśarathe || 15||

नरपतिचोरहुताशनभयदानसमर्थमहितकार्यकरम् ।न स्तौमि तमसुरारे परिपालय मां दयाब्धिदाशरथे ॥ १६॥

narapaticorahutāśanabhayadānasamarthamahitakāryakaram |na staumi tamasurāre paripālaya māṃ dayābdhidāśarathe || 16||

कुटिलगतिं कठिनमतिं स्फुटतरकटिघटितबाहुबलचेष्टम् ।न स्तौमि तमसुरारे परिपालय मां दयाब्धिदाशरथे ॥ १७॥

kuṭilagatiṃ kaṭhinamatiṃ sphuṭatarakaṭighaṭitabāhubalaceṣṭam |na staumi tamasurāre paripālaya māṃ dayābdhidāśarathe || 17||

चश्चलचित्तसमुच्छ्रितमुञ्छकवृत्तिं शनैः शनैर्यानम् ।न स्तौमि तमसुरारे परिपालय मां दयाब्धिदाशरथे ॥ १८॥

caścalacittasamucchritamuñchakavṛttiṃ śanaiḥ śanairyānam |na staumi tamasurāre paripālaya māṃ dayābdhidāśarathe || 18||

सकलजननिन्द्यमबलं विकलाङ्गं कालिमाभमपरेशम् ।न स्तौमि तमसुरारे परिपालय मां दयाब्धिदाशरथे ॥ १९॥

sakalajananindyamabalaṃ vikalāṅgaṃ kālimābhamapareśam |na staumi tamasurāre paripālaya māṃ dayābdhidāśarathe || 19||

विगतश्रीको विलोमभावो वीरुचिमुख्यो (? ) विविधामयदः ।किमसौ शनिरिह किं कुरुते मां त्वं परिपालय दाशरथे ॥ २०॥

vigataśrīko vilomabhāvo vīrucimukhyo (? ) vividhāmayadaḥ |kimasau śaniriha kiṃ kurute māṃ tvaṃ paripālaya dāśarathe || 20||

जनपददेशविदेशारण्यान्तरपर्यटनद्रुतिबलदः ।किमसौ शनिरिह किं कुरुते मां त्वं परिपालय दाशरथे ॥ २१॥

janapadadeśavideśāraṇyāntaraparyaṭanadrutibaladaḥ |kimasau śaniriha kiṃ kurute māṃ tvaṃ paripālaya dāśarathe || 21||

कामक्रोधाद्यरिभूरिभयाकरसञ्चारोऽस्फुट देहः ।किमसौ शनिरिह किं कुरुते मां त्वं परिपालय दाशरथे ॥ २२॥

kāmakrodhādyaribhūribhayākarasañcāro'sphuṭa dehaḥ |kimasau śaniriha kiṃ kurute māṃ tvaṃ paripālaya dāśarathe || 22||

दुर्जनवचनश्रवणप्रचुरप्रत्ययदः सत्सङ्गघ्नः ।किमसौ शनिरिह किं कुरुते मां त्वं परिपालय दशरथे ॥ २३॥

durjanavacanaśravaṇapracurapratyayadaḥ satsaṅgaghnaḥ |kimasau śaniriha kiṃ kurute māṃ tvaṃ paripālaya daśarathe || 23||

आत्मानात्मविचाराभ्यन्तरदोऽवरदः परिभूतमनाः ।किमसौ शनिरिह किं कुरुते मां त्वं परिपालय दाशरथे ॥ २४॥

ātmānātmavicārābhyantarado'varadaḥ paribhūtamanāḥ |kimasau śaniriha kiṃ kurute māṃ tvaṃ paripālaya dāśarathe || 24||

मायामयजगदखिलभ्रान्तिकरो देहात्मज्ञानहतः ।किमसौ शनिरिह किं कुरुते मां त्वं परिपालय दाशरथे ॥ २५॥

māyāmayajagadakhilabhrāntikaro dehātmajñānahataḥ |kimasau śaniriha kiṃ kurute māṃ tvaṃ paripālaya dāśarathe || 25||

तापत्रयभयदोषनिवारक भद्रगुणौघ दयाशरधे ।किमसौ शनिरिह किं कुरते मां त्वं परिपालय दाशरथे ॥ २६॥

tāpatrayabhayadoṣanivāraka bhadraguṇaugha dayāśaradhe |kimasau śaniriha kiṃ kurate māṃ tvaṃ paripālaya dāśarathe || 26||

रत्नकिरीटधराच्युत रामानन्त मुकुन्द दयाशरधे ।किमसौ शनिरिह किं कुरुते मां त्वं परिपालय दाशरथे ॥ २७॥

ratnakirīṭadharācyuta rāmānanta mukunda dayāśaradhe |kimasau śaniriha kiṃ kurute māṃ tvaṃ paripālaya dāśarathe || 27||

घनतरमुक्ताफलहारमिवादरणीयेयं दाशरथे ।तारावलिरनिशं सकलानां सौख्यं नितरां वितनोतु ॥ २८॥

ghanataramuktāphalahāramivādaraṇīyeyaṃ dāśarathe |tārāvaliraniśaṃ sakalānāṃ saukhyaṃ nitarāṃ vitanotu || 28||

श्रीतडकमल्लवंशोद्भवमनिशं कृष्णरायनामधरम् ।धरणीसुरवरवन्द्यं परिपालय तं प्रभुं दाशरथे ॥ २९॥

śrītaḍakamallavaṃśodbhavamaniśaṃ kṛṣṇarāyanāmadharam |dharaṇīsuravaravandyaṃ paripālaya taṃ prabhuṃ dāśarathe || 29||

इति श्रीतारावलिः सम्पूर्णा ।

iti śrītārāvaliḥ sampūrṇā |