भागवतानुशासनम् Shri Yoganandacharyakritam Bhagavatanushasanam

नत्त्वा भाष्यकृतं रामानन्दाचार्यं च राघवम् ।कल्याणकारकं कुर्वे भागवतानुशासनम् ॥ १॥

nattvā bhāṣyakṛtaṃ rāmānandācāryaṃ ca rāghavam |kalyāṇakārakaṃ kurve bhāgavatānuśāsanam || 1||

आत्मीयमथ चात्मानं श्रीरामाय समर्प्यताम् ।रामे रम्यं ममत्वं च सर्वं त्याक्त्वा विधीयताम् ॥ २॥

ātmīyamatha cātmānaṃ śrīrāmāya samarpyatām |rāme ramyaṃ mamatvaṃ ca sarvaṃ tyāktvā vidhīyatām || 2||

लाभेऽलाभे तथा दुःखे सुखे मानेऽपमानके ।द्वन्द्वे मित्रे तथाऽमित्रे सदा साम्यं निरीक्ष्यताम् ॥ ३॥

lābhe'lābhe tathā duḥkhe sukhe māne'pamānake |dvandve mitre tathā'mitre sadā sāmyaṃ nirīkṣyatām || 3||

लोकद्वयसुखाकाङ्क्षा सर्वथा परिहीयताम् ।चेतसि च स्थिता सर्वा वासना हि निरस्यताम् ॥ ४॥

lokadvayasukhākāṅkṣā sarvathā parihīyatām |cetasi ca sthitā sarvā vāsanā hi nirasyatām || 4||

रामनामामृतं पीत्वा निर्भयेनात्र भूयताम् ।योगिध्यानास्पदं रामः सर्वदाऽथानुचिन्त्यताम् ॥ ५॥

rāmanāmāmṛtaṃ pītvā nirbhayenātra bhūyatām |yogidhyānāspadaṃ rāmaḥ sarvadā'thānucintyatām || 5||

गर्वं त्यक्त्वा हि रामाग्रे सदा दैन्यमवाप्यताम् ।कायेन रामकैङ्कर्यम्प मुक्तिदं सुविधीयताम् ॥ ६॥

garvaṃ tyaktvā hi rāmāgre sadā dainyamavāpyatām |kāyena rāmakaiṅkaryampa muktidaṃ suvidhīyatām || 6||

श्रीरामश्चाभिरामो हि सर्वभूतेषु वीक्ष्यताम् ।चिदचिदीशतत्त्वानां स्वरूपमवबुध्यताम् ॥ ७॥

śrīrāmaścābhirāmo hi sarvabhūteṣu vīkṣyatām |cidacidīśatattvānāṃ svarūpamavabudhyatām || 7||

सत्यं प्रियं हितं चाथ सर्वदा चाभिधीयताम् ।अधर्ममपहायाथ सद्धर्मश्चावलम्ब्यताम् ॥ ८॥

satyaṃ priyaṃ hitaṃ cātha sarvadā cābhidhīyatām |adharmamapahāyātha saddharmaścāvalambyatām || 8||

तुलसीमालिके धृत्वा चोर्ध्वपुण्ड्रं विधीयताम् ।श्रीरामचापबाणाभ्यां बाहुद्वयं समङ्क्यताम् ॥ ९॥

tulasīmālike dhṛtvā cordhvapuṇḍraṃ vidhīyatām |śrīrāmacāpabāṇābhyāṃ bāhudvayaṃ samaṅkyatām || 9||

प्रायश्चित्तं हि शास्त्रेषु यस्य क्वापि न दृश्यते ।गार्हस्थ्यं तद् विरक्तेन सर्वथा परिहीयताम् ॥ १०॥

prāyaścittaṃ hi śāstreṣu yasya kvāpi na dṛśyate |gārhasthyaṃ tad viraktena sarvathā parihīyatām || 10||

विशिष्टाद्वैतसिद्धान्तो दोषशून्योऽवबुध्यताम् ।प्रस्थानतृतयानन्दभाष्यं नित्यं सुचिन्त्यताम् ॥ ११॥

viśiṣṭādvaitasiddhānto doṣaśūnyo'vabudhyatām |prasthānatṛtayānandabhāṣyaṃ nityaṃ sucintyatām || 11||

विधाय पूजनं रामो दण्डवत् सुप्रणम्यताम् ।यथा रामस्तथा नित्यं स्वाचार्यः समुपास्यताम् ॥ १२॥

vidhāya pūjanaṃ rāmo daṇḍavat supraṇamyatām |yathā rāmastathā nityaṃ svācāryaḥ samupāsyatām || 12||

रामानन्दार्यशिष्य श्रीयोगानन्दार्यनिर्मितम् ।कल्याणपरकं भूयाद् भागवतानुशासनम् ॥ १३॥

rāmānandāryaśiṣya śrīyogānandāryanirmitam |kalyāṇaparakaṃ bhūyād bhāgavatānuśāsanam || 13||

इति श्रीयोगानन्दाचार्यकृतं भागवतानुशासनं सम्पूर्णम् ।

iti śrīyogānandācāryakṛtaṃ bhāgavatānuśāsanaṃ sampūrṇam |