रेणुकास्तोत्रम् (विनायकशास्त्रिकृतम्) Renuka Stotram by Vinayaka shastri

श्रीगणेशाय नमः ।

śrīgaṇeśāya namaḥ |

त्वदीयपदरेणुके शिरसि मामके रेणुकेनिधाय वरदं करं ननुदरं ममाऽनीनशः ।स्ववत्सलतयाऽनुदोर्नयनलालनच्छद्मनाप्रमोदभरदृग्झरस्तुतमदश्रुभिर्धावये ॥

tvadīyapadareṇuke śirasi māmake reṇukenidhāya varadaṃ karaṃ nanudaraṃ mamā'nīnaśaḥ |svavatsalatayā'nudornayanalālanacchadmanāpramodabharadṛgjharastutamadaśrubhirdhāvaye ||

प्रणम्य सुषमामिषद् दृग्निमेषशीर्सोल्लसत्किरीटकुलसङ्कुलं परिमलाऽलमङ्घ्र्युत्पलम् ।मनोलिरयमुमदः सपदि तेऽनुजिघ्रन्मनाक्तदन्यसुमनस्सु किं व्रजति नाधुना तत्स्मरन् ॥

praṇamya suṣamāmiṣad dṛgnimeṣaśīrsollasatkirīṭakulasaṅkulaṃ parimalā'lamaṅghryutpalam |manolirayamumadaḥ sapadi te'nujighranmanāktadanyasumanassu kiṃ vrajati nādhunā tatsmaran ||

भजन्तु विषयान् सजूर्विषयिणो विषाणीवतेरसारसिकमौलिना मम मनोऽलिनान्यक्कृताः ।श्रुतं तदवलोकितं भवतु तत्स्पृशन् जिघ्रतारसालपदपङ्कजं जननि ते सदा स्वाद्यताम् ॥

bhajantu viṣayān sajūrviṣayiṇo viṣāṇīvaterasārasikamaulinā mama mano'linānyakkṛtāḥ |śrutaṃ tadavalokitaṃ bhavatu tatspṛśan jighratārasālapadapaṅkajaṃ janani te sadā svādyatām ||

विजित्य हृदुपस्थितो मुहुरुपस्थितानन्दकम्विशुद्धिमुपसंहरन् विरमताभवद्भक्तिषु ।गिरा भजतु नाम ते करघृतार्चनोपस्करम्प्रयातु तव मन्दिरं विसृजतु त्वदन्यादरम् ॥

vijitya hṛdupasthito muhurupasthitānandakamviśuddhimupasaṃharan viramatābhavadbhaktiṣu |girā bhajatu nāma te karaghṛtārcanopaskaramprayātu tava mandiraṃ visṛjatu tvadanyādaram ||

मुमोच किल मां प्रसूः रथविदग्रणीरग्रजापिताऽपि दयितोऽग्रजः पर इहाश्रयो यस्य मे ।श्रयेऽहमधुनेहकं व्रजिन (ब्रजिन) पुञ्जवाक्याहतःप्रयामि दिशमम्बिके निदिश कान्दिशिकोऽद्यकाम् ॥

mumoca kila māṃ prasūḥ rathavidagraṇīragrajāpitā'pi dayito'grajaḥ para ihāśrayo yasya me |śraye'hamadhunehakaṃ vrajina (brajina) puñjavākyāhataḥprayāmi diśamambike nidiśa kāndiśiko'dyakām ||

यथायथमनुष्ठिताः स्तुतिकथाः कथञ्चिन्नमतेस्मरामि च कृतं न ते तेऽर्चनमकिञ्चनः किञ्चनः ।तपोमनुजपोऽप्युपोषणकारि न त्वत्कृतेऽपराद्धममुमम्बिके ! वद किमुद्धरिष्यस्यतः ॥

yathāyathamanuṣṭhitāḥ stutikathāḥ kathañcinnamatesmarāmi ca kṛtaṃ na te te'rcanamakiñcanaḥ kiñcanaḥ |tapomanujapo'pyupoṣaṇakāri na tvatkṛte'parāddhamamumambike ! vada kimuddhariṣyasyataḥ ||

विधिर्हरिहरादयो यदवधीरिता नान्तिकेपुरन्दरपुरोगमा न पुर आसितुं शक्नुयुः ।निगृह्य कृपयाऽमिके ! गुणगणैः स्वकीयैर्दृढम्बधान न यथा पुनः श्रयति हृत्पशुः शोच्यताम् ॥

vidhirhariharādayo yadavadhīritā nāntikepurandarapurogamā na pura āsituṃ śaknuyuḥ |nigṛhya kṛpayā'mike ! guṇagaṇaiḥ svakīyairdṛḍhambadhāna na yathā punaḥ śrayati hṛtpaśuḥ śocyatām ||

अगाध वदपारद्रुममदादियदो युताविवेकमुखमत्सखाऽप्युदधिवीचिमग्नाः परम् ।निधाय चरणौ पुरो नियमयाऽऽशु तृष्णा नदीविनश्यति यथाऽम्बिके! न परमार्थमार्गो मम ॥

agādha vadapāradrumamadādiyado yutāvivekamukhamatsakhā'pyudadhivīcimagnāḥ param |nidhāya caraṇau puro niyamayā''śu tṛṣṇā nadīvinaśyati yathā'mbike! na paramārthamārgo mama ||

स्तवीमि जमदग्निसद्गृहिणि नाम पृथ्वीगतांगृणन् परशुरामसज्जननि ! जल्पिताप्तर्थये ।तदम्ब ! कॄपयाऽऽप्स्यतेऽद्य वयसो न पञ्चाशताःमयापद्धति कोऽपि चेत्सफलमाप्नुयात्तादृशम् ॥

stavīmi jamadagnisadgṛhiṇi nāma pṛthvīgatāṃgṛṇan paraśurāmasajjanani ! jalpitāptarthaye |tadamba ! kṝpayā''psyate'dya vayaso na pañcāśatāḥmayāpaddhati ko'pi cetsaphalamāpnuyāttādṛśam ||

इति श्रीमत्पूज्यपादविनायकशास्त्रिवेतालविरचितंश्रीरेणुकास्तोत्रं सम्पूर्णम् ॥

iti śrīmatpūjyapādavināyakaśāstrivetālaviracitaṃśrīreṇukāstotraṃ sampūrṇam ||