रेणुकास्तोत्रम् (वासुदेवानन्दसरस्वतीकृतम्) Renuka Stotram Vasudevananda Sarasvati Kritam

श्रीगणेशाय नमः ।

śrīgaṇeśāya namaḥ |

ऐन्द्र्यादिवन्दितपते वरदेऽभीष्टकामदे ।कामदेवर्चितेऽनन्ते रेणुकेऽम्ब नमोऽस्तु ते ॥

aindryādivanditapate varade'bhīṣṭakāmade |kāmadevarcite'nante reṇuke'mba namo'stu te ||

एकवीरे निजाधारे रुचिरे सज्जनादरे ।उदरे रेणुसञ्जाते रेणुकेऽम्ब नमोऽस्तु ते ॥

ekavīre nijādhāre rucire sajjanādare |udare reṇusañjāte reṇuke'mba namo'stu te ||

करुणारससम्पूर्णे नयने सुस्मितानने ।शोभने पाहि नो भीते रेणुकेऽम्ब नमोऽस्तु ते ॥

karuṇārasasampūrṇe nayane susmitānane |śobhane pāhi no bhīte reṇuke'mba namo'stu te ||

वीरमातर्महादेवी त्वदन्या का परा भुवि ।तारिणीदुर्गतोऽनन्ते रेणुकेऽम्ब नमोऽस्तु ते ॥

vīramātarmahādevī tvadanyā kā parā bhuvi |tāriṇīdurgato'nante reṇuke'mba namo'stu te ||

राममातर्महामाये जमदग्निप्रियाऽभये ।विजये वेदविनुते रेणुकेऽम्ब नमोऽस्तु ते ॥

rāmamātarmahāmāye jamadagnipriyā'bhaye |vijaye vedavinute reṇuke'mba namo'stu te ||

यैरर्चिते तव पदे ते धन्याः परमे पदे ।निहितास्ते सुरनुते रेणुकेऽम्ब नमोऽस्तु ते ॥

yairarcite tava pade te dhanyāḥ parame pade |nihitāste suranute reṇuke'mba namo'stu te ||

न त्वदन्यागतिर्देवि परमा खलु शाम्भवि ।भुक्तिमुक्तिप्रदे शान्ते रेणुकेऽम्ब नमोऽस्तु ते ॥

na tvadanyāgatirdevi paramā khalu śāmbhavi |bhuktimuktiprade śānte reṇuke'mba namo'stu te ||

यः केशवेश्वरश्चापि सृष्टिस्थित्यन्तकारिणः ।प्रसादादेव तेऽनन्ते रेणुकेऽम्ब नमोऽस्तु ते ॥

yaḥ keśaveśvaraścāpi sṛṣṭisthityantakāriṇaḥ |prasādādeva te'nante reṇuke'mba namo'stu te ||

जगदम्बे नमोऽस्तु रेणुके परिपाहीश्वरि नः सुभावुके ।जयलाभयशःप्रदे मुदे स्तुतिरेषास्तु तवाखिलार्थदे ॥

jagadambe namo'stu reṇuke paripāhīśvari naḥ subhāvuke |jayalābhayaśaḥprade mude stutireṣāstu tavākhilārthade ||

नावाहनं नार्चन पद्धतिं तेजाने न भक्तिं त्वयि मे भवान्तके ।अथापि मां त्वं कुलदेविभक्तंकुलोद्भवं पाह्यपि चार्थसक्तम् ॥

nāvāhanaṃ nārcana paddhatiṃ tejāne na bhaktiṃ tvayi me bhavāntake |athāpi māṃ tvaṃ kuladevibhaktaṃkulodbhavaṃ pāhyapi cārthasaktam ||

मातापुरनिवासिन्याः श्रीदेव्याः स्तोत्रमुत्तमम् ।यः पठेत्प्रयतो भक्त्या सर्वान् कामान् स आप्नुयात् ॥

mātāpuranivāsinyāḥ śrīdevyāḥ stotramuttamam |yaḥ paṭhetprayato bhaktyā sarvān kāmān sa āpnuyāt ||

इति श्रीवासुदेवानन्दसरस्वतीपण्डितविरचितं श्रीरेणुकास्तोत्रं सम्पूर्णम् ॥

iti śrīvāsudevānandasarasvatīpaṇḍitaviracitaṃ śrīreṇukāstotraṃ sampūrṇam ||