रेणुकास्तोत्रम् (मुचुकुन्दकृतम्) Renuka Stotram Muchukunda kritam

श्रीगणेशाय नमः ।

śrīgaṇeśāya namaḥ |

मुचुकुन्द उवाच

mucukunda uvāca

अनाथमकृतप्रज्ञं अज्ञानतिमिरावृतम् ।मोहपङ्कनिमग्नञ्च मामुद्धर सुरेश्वरि ॥

anāthamakṛtaprajñaṃ ajñānatimirāvṛtam |mohapaṅkanimagnañca māmuddhara sureśvari ||

त्वां रेणुकेति वरदेति च सुन्दरीतिवागीश्वरीति सकलेति च पार्वतीति ।सिद्धेश्वरीति सुभगेति च ये वदन्तितान् देवि नित्यमनधान् परिपालय त्वम् ॥

tvāṃ reṇuketi varadeti ca sundarītivāgīśvarīti sakaleti ca pārvatīti |siddheśvarīti subhageti ca ye vadantitān devi nityamanadhān paripālaya tvam ||

अम्बेति विश्वजननीति जगद्धितेतिविद्येति धर्मनिरतेति परात्परेति ।आद्येति वेदजननीति च ये वदन्तितान् देवि नित्यमनधान् परिपालय त्वम् ॥

ambeti viśvajananīti jagaddhitetividyeti dharmanirateti parātpareti |ādyeti vedajananīti ca ye vadantitān devi nityamanadhān paripālaya tvam ||

त्वां वेदशास्त्रमितिहासविनोदिनीतिब्रह्मेति ब्रह्मगमकेति शुभावहेति ।विश्वेश्वरीति कमलेति च ये वदन्तितान् देवि नित्यमनधान् परिपालय त्वम् ॥

tvāṃ vedaśāstramitihāsavinodinītibrahmeti brahmagamaketi śubhāvaheti |viśveśvarīti kamaleti ca ye vadantitān devi nityamanadhān paripālaya tvam ||

आनन्दभूतनिलयेत्यनलोद्भवेतिगूढेति भावगमकेति शुभावहेति ।विश्वेश्वरीति कमलेति च ये वदन्तितान् देवि नित्यमनधान् परिपालय त्वम् ॥

ānandabhūtanilayetyanalodbhavetigūḍheti bhāvagamaketi śubhāvaheti |viśveśvarīti kamaleti ca ye vadantitān devi nityamanadhān paripālaya tvam ||

नित्येति दिव्यचरणेति महाव्रतेतिहृद्येति भक्तजनदुःखविनाशिनीति ।श्रद्धेति रामजननीति च ये वदन्तितान् देवि नित्यमनधान् परिपालय त्वम् ॥

nityeti divyacaraṇeti mahāvratetihṛdyeti bhaktajanaduḥkhavināśinīti |śraddheti rāmajananīti ca ye vadantitān devi nityamanadhān paripālaya tvam ||

त्वां पुण्यदेति जमदग्निऋषिप्रियेतिगङ्गेति तत्त्वविहितेति परापरेति ।सुद्धेति पातककदम्बकुठारकेतितान् देवि नित्यमनधान् परिपालय त्वम् ॥

tvāṃ puṇyadeti jamadagniṛṣipriyetigaṅgeti tattvavihiteti parāpareti |suddheti pātakakadambakuṭhāraketitān devi nityamanadhān paripālaya tvam ||

त्वां राजनीति परमामृतभोजनेतिशृङ्गारमुख्यनवषट् च रसप्रियेति ।लक्ष्मीप्रदेति सुमुखेति च ये वदन्तितान् देवि नित्यमनधान् परिपालय त्वम् ॥

tvāṃ rājanīti paramāmṛtabhojanetiśṛṅgāramukhyanavaṣaṭ ca rasapriyeti |lakṣmīpradeti sumukheti ca ye vadantitān devi nityamanadhān paripālaya tvam ||

स्कन्द उवाच

skanda uvāca

स्तुतैवं मुचुकुन्देन रेणुका ब्रह्मरूपिणी ।प्रत्यक्षरूपा प्राहेदं प्रसन्नाहं मुनीश्वर ॥

stutaivaṃ mucukundena reṇukā brahmarūpiṇī |pratyakṣarūpā prāhedaṃ prasannāhaṃ munīśvara ||

देव्युवाच

devyuvāca

मुचुकुन्द त्वया तुल्यः कश्चिद्भक्तो न विद्यते ।किं प्रार्थयसि मत्तस्त्वं ब्रूहि यत्तेऽभिवाञ्छितम् ॥

mucukunda tvayā tulyaḥ kaścidbhakto na vidyate |kiṃ prārthayasi mattastvaṃ brūhi yatte'bhivāñchitam ||

मुचुकुन्द उवाच

mucukunda uvāca

त्वद्भक्तिमतुलां देहि देवि त्वं विश्वरूपिणी ।नान्यदिच्छाम्यहं मातः सत्यमेतन्मयोदितम् ॥

tvadbhaktimatulāṃ dehi devi tvaṃ viśvarūpiṇī |nānyadicchāmyahaṃ mātaḥ satyametanmayoditam ||

आत्मनः स्वं परं ब्रह्मस्वरूपं दर्शयस्व मे ।यदि तुष्टासि दासस्य कृपया त्वं ममोपरि ॥

ātmanaḥ svaṃ paraṃ brahmasvarūpaṃ darśayasva me |yadi tuṣṭāsi dāsasya kṛpayā tvaṃ mamopari ||

इति श्रीस्कन्दमहापुराणे रेणुकामाहात्म्येश्रीरेणुकास्तोत्रं मुचुकुन्दकृतम् ॥

iti śrīskandamahāpurāṇe reṇukāmāhātmyeśrīreṇukāstotraṃ mucukundakṛtam ||