रेणुकास्तोत्रम् (आगमरहस्यान्तर्गतम्) Renuka Stotram from Agam rahasya

श्रीगणेशाय नमः ।

śrīgaṇeśāya namaḥ |

श्रीरेणुकायै नमः ।

śrīreṇukāyai namaḥ |

भैरवी उवाच

bhairavī uvāca

देव देव महेशान महादेव दयानिधे ।यत्त्वया पठ्यते नाथ रेणुकास्तोत्रमुत्तमम् ॥

deva deva maheśāna mahādeva dayānidhe |yattvayā paṭhyate nātha reṇukāstotramuttamam ||

ह्रीं रेणुकायै विद्महे राममात्रे च धीमहि ।तन्नो गौरी प्रचोदयात् ॥

hrīṃ reṇukāyai vidmahe rāmamātre ca dhīmahi |tanno gaurī pracodayāt ||

इति श्रीरेणुकागायत्रीमन्त्रः ।

iti śrīreṇukāgāyatrīmantraḥ |

तदहं श्रोतुमिच्छामि सर्वकामसमृद्धिदम् ।सर्वार्थसाधकं दिव्यं साधकनां सुखावहम् ॥

tadahaṃ śrotumicchāmi sarvakāmasamṛddhidam |sarvārthasādhakaṃ divyaṃ sādhakanāṃ sukhāvaham ||

महाभैरव उवाच

mahābhairava uvāca

शृणु देवि प्रवक्ष्यामि रेणुका स्तोत्रमुत्तमम् ।यस्य स्मरणमात्रेण सर्वान् कामानवाप्नुयात् ॥

śṛṇu devi pravakṣyāmi reṇukā stotramuttamam |yasya smaraṇamātreṇa sarvān kāmānavāpnuyāt ||

स्तोत्रस्यास्य ऋषिः सोऽहं छन्दोऽनुष्टुप्प्रकीर्तितम् ।देवता तु पराशक्तिः रेणुका जगदम्बिका ॥

stotrasyāsya ṛṣiḥ so'haṃ chando'nuṣṭupprakīrtitam |devatā tu parāśaktiḥ reṇukā jagadambikā ||

न्यासं जालं तथा ध्यानं मूलमन्त्रेण वै चरेत् ।

nyāsaṃ jālaṃ tathā dhyānaṃ mūlamantreṇa vai caret |

ध्यानम्

dhyānam

मध्ये बद्धमयूरपिच्छनिकरां श्यामां प्रबालाधरांगुञ्जाहारधरां धनुष्।ह्शरकरां नीलाम्बरामम्बराम् ।शृङ्गीवादनतत्परां सुनयनां मूर्द्धालकैर्बर्बरांभिल्लीवेषधरां नमामि शबरीं त्वामेकवीरां पराम् ॥

madhye baddhamayūrapicchanikarāṃ śyāmāṃ prabālādharāṃguñjāhāradharāṃ dhanuṣ|hśarakarāṃ nīlāmbarāmambarām |śṛṅgīvādanatatparāṃ sunayanāṃ mūrddhālakairbarbarāṃbhillīveṣadharāṃ namāmi śabarīṃ tvāmekavīrāṃ parām ||

मानसे योनिमुद्रां प्रदर्श्य /-/-

mānase yonimudrāṃ pradarśya /-/-

ॐ ह्रीङ्काररूपिणी देवी रेणुका सुखदायिनी ।क्लीङ्काररूपिणी श्रद्धा सिद्धिसौभाग्यदायिनी ॥

oṃ hrīṅkārarūpiṇī devī reṇukā sukhadāyinī |klīṅkārarūpiṇī śraddhā siddhisaubhāgyadāyinī ||

वाग्भवा कामरूपा च कामकल्लोलमालिनी ।षड्बीजा च त्रिबीजा च नवबीजा न वा नवा ॥

vāgbhavā kāmarūpā ca kāmakallolamālinī |ṣaḍbījā ca tribījā ca navabījā na vā navā ||

नवभैरवपूज्या च नवमी नव वल्लभा ।नमस्तस्यै नमस्तस्यै रेणुकायै नमो नमः ॥

navabhairavapūjyā ca navamī nava vallabhā |namastasyai namastasyai reṇukāyai namo namaḥ ||

चैतन्यरूपिणी विद्या निर्गुणा गुणपारगा ।नमस्तस्यै नमस्तस्यै रेणुकायै नमो नमः ॥

caitanyarūpiṇī vidyā nirguṇā guṇapāragā |namastasyai namastasyai reṇukāyai namo namaḥ ||

प्रपञ्चरहिता पृथ्वी लक्षणातीतविग्रहा ।नमस्तस्यै नमस्तस्यै रेणुकायै नमो नमः ॥

prapañcarahitā pṛthvī lakṣaṇātītavigrahā |namastasyai namastasyai reṇukāyai namo namaḥ ||

या कामधेनुः सकलार्थदात्री सर्वेश्वरी सर्वभयापहन्त्री ।या सच्चिदानन्दकरी जनानां सा रेणुका पातु निरन्तरं माम् ॥

yā kāmadhenuḥ sakalārthadātrī sarveśvarī sarvabhayāpahantrī |yā saccidānandakarī janānāṃ sā reṇukā pātu nirantaraṃ mām ||

या राममाता रमणीयरूपा रमाधवाद्यैरभिपूजितान्ध्रिः ।नित्योत्सवा निर्जरवन्दिता च सा रेणुका पातु निरन्तरं माम् ॥

yā rāmamātā ramaṇīyarūpā ramādhavādyairabhipūjitāndhriḥ |nityotsavā nirjaravanditā ca sā reṇukā pātu nirantaraṃ mām ||

या कालरात्रिः कलिकल्मषघ्नी कल्याणशैलामलवासवासा ।योगेश्वराराधितपादपद्मा सा रेणुका पातु निरन्तरं माम् ॥

yā kālarātriḥ kalikalmaṣaghnī kalyāṇaśailāmalavāsavāsā |yogeśvarārādhitapādapadmā sā reṇukā pātu nirantaraṃ mām ||

या भर्गपत्नी भवरोगहन्त्री भक्तेश्वरी भक्तजनाभिनन्दिनी ।भव्या भवानी भवपूजिता या सा रेणुका पातु निरन्तरं माम् ॥

yā bhargapatnī bhavarogahantrī bhakteśvarī bhaktajanābhinandinī |bhavyā bhavānī bhavapūjitā yā sā reṇukā pātu nirantaraṃ mām ||

या एकलाऽनेकशरीरधारिणी दिव्याम्बरा दिव्यसुरत्वपूजिता ।शिवाऽपरा सर्वसुखैकभूमिदा सा रेणुका पातु निरन्तरं माम् ॥

yā ekalā'nekaśarīradhāriṇī divyāmbarā divyasuratvapūjitā |śivā'parā sarvasukhaikabhūmidā sā reṇukā pātu nirantaraṃ mām ||

नमस्ते राममात्रे ते नमः कल्याणदायिनी ।नमः सकलसङ्घात्र्यै रेणुकायै नमोऽस्तु ते ॥

namaste rāmamātre te namaḥ kalyāṇadāyinī |namaḥ sakalasaṅghātryai reṇukāyai namo'stu te ||

ब्रह्मरूपे नमस्तेऽस्तु नमस्ते शिवरूपिणी ।विष्नुरूपे नमस्तेऽस्तु रेणुकायै नमोऽस्तु ते ॥

brahmarūpe namaste'stu namaste śivarūpiṇī |viṣnurūpe namaste'stu reṇukāyai namo'stu te ||

सर्वशक्त्यै नमस्तेऽस्तु सर्वव्यापिणि सर्वदा ।सर्वार्थसाधिके नित्यं रेणुकायै नमोऽस्तु ते ॥

sarvaśaktyai namaste'stu sarvavyāpiṇi sarvadā |sarvārthasādhike nityaṃ reṇukāyai namo'stu te ||

नमो नमस्ते भैरव्यै भवभीतिनिवारिणी ।भवान्यै भक्तवश्यायै रेणुकायै नमोऽस्तु ते ॥

namo namaste bhairavyai bhavabhītinivāriṇī |bhavānyai bhaktavaśyāyai reṇukāyai namo'stu te ||

विश्वाधारे विश्वमये विश्वेश्वरविलासिनी ।विश्वम्भरि विशालाक्षि रेणुकायै नमोऽस्तु ते ॥

viśvādhāre viśvamaye viśveśvaravilāsinī |viśvambhari viśālākṣi reṇukāyai namo'stu te ||

कमले कमलावासे कमलोद्भवपूजिते ।कामदे कामवरदे रेणुकायै नमोऽस्तु ते ॥

kamale kamalāvāse kamalodbhavapūjite |kāmade kāmavarade reṇukāyai namo'stu te ||

विश्वबीजे विराटायै विरजाम्बरधारिणि ।यन्त्रेश्वरि महामाये रेणुकायै नमोऽस्तु ते ॥

viśvabīje virāṭāyai virajāmbaradhāriṇi |yantreśvari mahāmāye reṇukāyai namo'stu te ||

निखिलनिगमगीते शम्भुवामाङ्कसंस्थेशरणजनसुतारे तारमन्त्रादिरूढे ।सुरवरमुनिवर्यैः पूजिते पात्रहस्तेपरमसुखसुखाब्धे रेणुके त्वं प्रसीद ॥

nikhilanigamagīte śambhuvāmāṅkasaṃstheśaraṇajanasutāre tāramantrādirūḍhe |suravaramunivaryaiḥ pūjite pātrahasteparamasukhasukhābdhe reṇuke tvaṃ prasīda ||

भैरव उवाच

bhairava uvāca

रेणुकास्तोत्रमेतत्ते कथितं भुवनेश्वरि ।सर्वकामप्रदं नॄणां सर्वारिष्टविनाशकृत् ॥

reṇukāstotrametatte kathitaṃ bhuvaneśvari |sarvakāmapradaṃ nṝṇāṃ sarvāriṣṭavināśakṛt ||

सर्वाभीष्टकरं दिव्यं पठनीयं प्रयत्नतः ।इत्यागमरहस्ये वै भैरवेण समीरितम् ॥

sarvābhīṣṭakaraṃ divyaṃ paṭhanīyaṃ prayatnataḥ |ityāgamarahasye vai bhairaveṇa samīritam ||

इति श्र्यागमरहस्ये भैरवप्रोक्तं रेणुकस्तोत्रं सम्पूर्णम् ॥

iti śryāgamarahasye bhairavaproktaṃ reṇukastotraṃ sampūrṇam ||

अथ श्रीरेणुकामन्त्रः

atha śrīreṇukāmantraḥ

अस्य श्रीरेणुकामन्त्रस्य श्रीरुद्र ऋषिः श्रीरेणुकादेवी देवताविराट् छन्दः क्लीं बीजं श्रीरेणुकादेवी शक्तिः क्लीं कीलकंममाभीष्टसिद्धये जपे विनियोगः ॥

asya śrīreṇukāmantrasya śrīrudra ṛṣiḥ śrīreṇukādevī devatāvirāṭ chandaḥ klīṃ bījaṃ śrīreṇukādevī śaktiḥ klīṃ kīlakaṃmamābhīṣṭasiddhaye jape viniyogaḥ ||

ध्यानम्

dhyānam

प्रफुल्लहारकेयूरकुण्डलादि विराजिताम् ।प्रसन्नवदनां शान्तां श्रीदेवीं रेणुकां भजे ॥

praphullahārakeyūrakuṇḍalādi virājitām |prasannavadanāṃ śāntāṃ śrīdevīṃ reṇukāṃ bhaje ||

मन्त्रः१। क्लीं क्लीं क्लीं रेणुकादेव्यै नमः ।

mantraḥ1| klīṃ klīṃ klīṃ reṇukādevyai namaḥ |

२। क्लीं क्लीं क्लीं स्वाहा ।३। क्लीं रेणुकायै स्वाहा ।

2| klīṃ klīṃ klīṃ svāhā | 3| klīṃ reṇukāyai svāhā |

ध्यानम्लोलल्यालिलसत्प्रफुल्लसुमनो जालोल्लसत्काननेभिल्लीवेषमनङ्गवेगजनकं धृत्वा चलन्ती शनैः ।लोलापाङ्गतरङ्गरङ्गसुदृशा सम्मोहयन्ती शिवंचञ्चच्चञ्चलनूपुरध्वनियुता वर्वर्ति सर्वार्थदा ॥॥ इति ॥

dhyānamlolalyālilasatpraphullasumano jālollasatkānanebhillīveṣamanaṅgavegajanakaṃ dhṛtvā calantī śanaiḥ |lolāpāṅgataraṅgaraṅgasudṛśā sammohayantī śivaṃcañcaccañcalanūpuradhvaniyutā varvarti sarvārthadā |||| iti ||