रेणुकाकवचम् १ Renuka Khavacham 1 From Bhairavarudrayamalatantra

श्री देव्युवाच ।

śrī devyuvāca |

जमदग्निप्रियां देवीं रेणुकामेकमातरंसर्वारम्भे प्रसीद त्वं नमामि कुलदेवताम् ।अशक्तानां प्रकारो वै कथ्यतां मम शङ्करपुरश्चरणकालेषु का वा कार्या क्रियापरा ॥

jamadagnipriyāṃ devīṃ reṇukāmekamātaraṃsarvārambhe prasīda tvaṃ namāmi kuladevatām |aśaktānāṃ prakāro vai kathyatāṃ mama śaṅkarapuraścaraṇakāleṣu kā vā kāryā kriyāparā ||

श्री शङ्कर उवाच ।

śrī śaṅkara uvāca |

विना जपं विना दानं विना होमं महेश्वरि ।रेणुका मन्त्रसिद्धिस्यान्नित्यं कवचपाठतः ॥

vinā japaṃ vinā dānaṃ vinā homaṃ maheśvari |reṇukā mantrasiddhisyānnityaṃ kavacapāṭhataḥ ||

त्रैलोक्यविजयं नाम कवचं परमाद्भुतम् ।सर्वसिद्धिकरं लोके सर्वराजवशङ्करम् ॥

trailokyavijayaṃ nāma kavacaṃ paramādbhutam |sarvasiddhikaraṃ loke sarvarājavaśaṅkaram ||

डाकिनीभूतवेतालब्रह्मराक्षसनाशनम् ।पुरा देवासुरे युध्दे माहिषे लोके विग्रहे ॥

ḍākinībhūtavetālabrahmarākṣasanāśanam |purā devāsure yudhde māhiṣe loke vigrahe ||

ब्रह्मणा निर्मिता रक्षा साधकानां सुखाय च ।मन्त्रवीर्यं समोपेतं भूतापस्मारनाशनम् ॥

brahmaṇā nirmitā rakṣā sādhakānāṃ sukhāya ca |mantravīryaṃ samopetaṃ bhūtāpasmāranāśanam ||

देवैर्देवस्य विजये सिद्धेः खेचरसिध्दये ।दिवा रात्रमधीतं स्यात् रेणुका कवचं प्रिये ॥

devairdevasya vijaye siddheḥ khecarasidhdaye |divā rātramadhītaṃ syāt reṇukā kavacaṃ priye ||

वने राजगृहे युद्धे ब्रह्मराक्षससङ्कुले ।बन्धने गमने चैव कर्मणि राजसङ्कटे ॥

vane rājagṛhe yuddhe brahmarākṣasasaṅkule |bandhane gamane caiva karmaṇi rājasaṅkaṭe ||

कवचस्मरणादेव सर्वं कल्याणमश्नुते ।रेणुकायाः महादेव्याः कवचं शृणु पार्वति ॥

kavacasmaraṇādeva sarvaṃ kalyāṇamaśnute |reṇukāyāḥ mahādevyāḥ kavacaṃ śṛṇu pārvati ||

यस्य स्मरणमात्रेण धर्मकामार्थभाजनम् ।रेणुकाकवचस्यास्य ऋषिर्ब्रह्मा विधीयते ॥

yasya smaraṇamātreṇa dharmakāmārthabhājanam |reṇukākavacasyāsya ṛṣirbrahmā vidhīyate ||

छन्दश्चित्राह्वयं प्रोक्तं देवता रेणुका स्मृता ।पृथ्वी बीजं रमा शक्तिः पुरुषार्थचतुष्टयम् ॥

chandaścitrāhvayaṃ proktaṃ devatā reṇukā smṛtā |pṛthvī bījaṃ ramā śaktiḥ puruṣārthacatuṣṭayam ||

विनियोगो महेशानि तदाकाले प्रकीर्त्तितः ( प्रकीर्तितः )।ध्यात्वा देवीं महामायां जगन्मातरमम्बिकाम् ॥

viniyogo maheśāni tadākāle prakīrttitaḥ ( prakīrtitaḥ )|dhyātvā devīṃ mahāmāyāṃ jaganmātaramambikām ||

पूर्णकुम्भसमायुक्तां मुक्ताहारविराजिताम् ।स्वर्णालङ्कारसंयुक्तां स्वर्णसिंहासनस्थिताम् ॥

pūrṇakumbhasamāyuktāṃ muktāhāravirājitām |svarṇālaṅkārasaṃyuktāṃ svarṇasiṃhāsanasthitām ||

मस्तके गुरुपादाब्जं प्रणम्य कवचं पठेत् ।इन्द्रो मां रक्षतु प्राच्यां वह्नौ वह्निः सुरेश्वरि ॥

mastake gurupādābjaṃ praṇamya kavacaṃ paṭhet |indro māṃ rakṣatu prācyāṃ vahnau vahniḥ sureśvari ||

याम्यां यमः सदा पातु नैरृत्यां निरृतिस्तथा ।पश्चिमे वरुणः पातु वायव्ये वायुदेवता ॥

yāmyāṃ yamaḥ sadā pātu nairṛtyāṃ nirṛtistathā |paścime varuṇaḥ pātu vāyavye vāyudevatā ||

धनश्चोत्तरे पातु ईशान्यामीश्वरो विभुः ।ऊर्ध्वं ब्रह्मा सदा पातु अनन्तोऽधः सदाऽवतु ॥

dhanaścottare pātu īśānyāmīśvaro vibhuḥ |ūrdhvaṃ brahmā sadā pātu ananto'dhaḥ sadā'vatu ||

पञ्चान्तको महेन्द्रश्च वामकर्णेन्दुभूषितः ।प्रणवं पुटितं कृत्वा तत्कृत्वा प्रणवं पुनः ॥

pañcāntako mahendraśca vāmakarṇendubhūṣitaḥ |praṇavaṃ puṭitaṃ kṛtvā tatkṛtvā praṇavaṃ punaḥ ||

समुच्चार्य ततो देवीकवचं प्रपठे तथा ।ब्रह्माणी मे शिरः पातु नेत्रे पातु महेश्वरी ॥

samuccārya tato devīkavacaṃ prapaṭhe tathā |brahmāṇī me śiraḥ pātu netre pātu maheśvarī ||

वैष्णवी नासिकायुग्मं कर्णयोः कर्णवासिनी ।कण्ठं मातु महालक्ष्मीर्हृदयं चण्डभैरवी ॥

vaiṣṇavī nāsikāyugmaṃ karṇayoḥ karṇavāsinī |kaṇṭhaṃ mātu mahālakṣmīrhṛdayaṃ caṇḍabhairavī ||

बाहू मे बगला पातु करौ महिषमर्दिनी ।कराङ्गुलिषु केशेषु नाभिं मे चर्चिकाऽवतु ॥

bāhū me bagalā pātu karau mahiṣamardinī |karāṅguliṣu keśeṣu nābhiṃ me carcikā'vatu ||

गुह्यं गुह्येश्वरी पातु ऊरू पातु महामतिः ।जानुनी जननी रामा गुल्फयोर्नारसिंहिका ॥

guhyaṃ guhyeśvarī pātu ūrū pātu mahāmatiḥ |jānunī jananī rāmā gulphayornārasiṃhikā ||

वसुन्धरा सदा पादौ पायात्पादाङ्गुलीषु च ।रोमकूपे मेदमज्जा रक्तमांसास्थिखण्डिके ॥

vasundharā sadā pādau pāyātpādāṅgulīṣu ca |romakūpe medamajjā raktamāṃsāsthikhaṇḍike ||

रेणुका जननी पातु महापुरनिवासिनी ।रक्षाहीनं तु यत्स्थानं वर्जितं कवचेन तु ॥

reṇukā jananī pātu mahāpuranivāsinī |rakṣāhīnaṃ tu yatsthānaṃ varjitaṃ kavacena tu ||

पूर्वं बीजं समुच्चार्य सम्पुटक्रमयोगतः ।मुद्रां वध्वा महेशानि गोलं न्यासं समाचरेत् ॥

pūrvaṃ bījaṃ samuccārya sampuṭakramayogataḥ |mudrāṃ vadhvā maheśāni golaṃ nyāsaṃ samācaret ||

अस्य श्रीरेणुकाकवचमन्त्रस्य ब्रह्मा ऋषिः अनुष्टुप् छन्दः रेणुका देवतालं बीजं रेणुका प्रीत्यर्थे गोलन्यासे विनियोगः ।

asya śrīreṇukākavacamantrasya brahmā ṛṣiḥ anuṣṭup chandaḥ reṇukā devatālaṃ bījaṃ reṇukā prītyarthe golanyāse viniyogaḥ |

ॐ रां अङ्गुष्ठाभ्यां नमः ।

oṃ rāṃ aṅguṣṭhābhyāṃ namaḥ |

ॐ रीं तर्जनीभ्यां नमः ।

oṃ rīṃ tarjanībhyāṃ namaḥ |

ॐ रूं मध्यमाभ्यां नमः ।

oṃ rūṃ madhyamābhyāṃ namaḥ |

ॐ रैं अनामिकाभ्यां नमः ।

oṃ raiṃ anāmikābhyāṃ namaḥ |

ॐ रौं कनिष्ठिकाभ्यां नमः ।

oṃ rauṃ kaniṣṭhikābhyāṃ namaḥ |

ॐ रः करतलकरपृष्ठाभ्यां नमः ।

oṃ raḥ karatalakarapṛṣṭhābhyāṃ namaḥ |

एवं हृदयादिन्यासः ।

evaṃ hṛdayādinyāsaḥ |

ॐ पं नमः मूर्ध्नि ।ॐ फं नमः दक्षिणनेत्रे ।ॐ बं नमः वामनेत्रे ।ॐ भं नमः दक्षिणनासापुटे ।ॐ मं नमः वामनासापुटे ।ॐ यं नमः दक्षिणकर्णे ।ॐ रं नमः वामकर्णे ।ॐ लं नमः मुखे ।ॐ वं नमः गुदे ।

oṃ paṃ namaḥ mūrdhni |oṃ phaṃ namaḥ dakṣiṇanetre |oṃ baṃ namaḥ vāmanetre |oṃ bhaṃ namaḥ dakṣiṇanāsāpuṭe |oṃ maṃ namaḥ vāmanāsāpuṭe |oṃ yaṃ namaḥ dakṣiṇakarṇe |oṃ raṃ namaḥ vāmakarṇe |oṃ laṃ namaḥ mukhe |oṃ vaṃ namaḥ gude |

ब्रह्माणी ब्रह्मभागे च शिरो धरणि धारिणी ।रक्ष रक्ष महेशानि सदा मां पाहि पार्वती ॥

brahmāṇī brahmabhāge ca śiro dharaṇi dhāriṇī |rakṣa rakṣa maheśāni sadā māṃ pāhi pārvatī ||

भैरवी त्रिपुरा बाला वज्रा मे तारिणी पऱा ।रक्ष रक्ष महेशानि सदा मां पाहि पार्वती ॥

bhairavī tripurā bālā vajrā me tāriṇī parā |rakṣa rakṣa maheśāni sadā māṃ pāhi pārvatī ||

एषा मेऽङ्गं सदा पातु पार्वती हरवल्लभा ।महिषासुरसंहर्त्री विधातृवरदायिनी ॥

eṣā me'ṅgaṃ sadā pātu pārvatī haravallabhā |mahiṣāsurasaṃhartrī vidhātṛvaradāyinī ||

मस्तके पातु मे नित्यं महाकाली प्रसीदतु ।आकाशे ताडका पातु पाताले वह्निवासिनी ॥

mastake pātu me nityaṃ mahākālī prasīdatu |ākāśe tāḍakā pātu pātāle vahnivāsinī ||

वामदक्षिणयोश्चापि कालिका च करालिका ।धनुर्बाणधरा चैव खड्गखट्वाङ्गधारिणी ॥

vāmadakṣiṇayoścāpi kālikā ca karālikā |dhanurbāṇadharā caiva khaḍgakhaṭvāṅgadhāriṇī ||

सर्वाङ्गं मे सदा पातु रेणुका वरदायिनी ।रां रां रां रेणुके मातर्भार्गवोद्धारकारिणी ॥

sarvāṅgaṃ me sadā pātu reṇukā varadāyinī |rāṃ rāṃ rāṃ reṇuke mātarbhārgavoddhārakāriṇī ||

राजराजकुलोद्भूते संग्रामे शत्रुसङ्कटे ।जलाप्नाव्ये व्याघ्रभये तथा राजभयेऽपि च ।श्मशाने सङ्कटे घोरे पाहि मां परमेश्वरि ॥

rājarājakulodbhūte saṃgrāme śatrusaṅkaṭe |jalāpnāvye vyāghrabhaye tathā rājabhaye'pi ca |śmaśāne saṅkaṭe ghore pāhi māṃ parameśvari ||

रूपं देहि यशो देहि द्विषतां नाशमेव च ।प्रसादः स्याच्छुभो मातर्वरदा रेणुके भव ॥

rūpaṃ dehi yaśo dehi dviṣatāṃ nāśameva ca |prasādaḥ syācchubho mātarvaradā reṇuke bhava ||

ऐं महेशि महेश्वरि चण्डिमेभुजङ्गधारिणि शङ्खकपालिके ।कनककुण्डलमण्डलभाजनेवपुरिदञ्च पुनीहि महेश्वरि ॥

aiṃ maheśi maheśvari caṇḍimebhujaṅgadhāriṇi śaṅkhakapālike |kanakakuṇḍalamaṇḍalabhājanevapuridañca punīhi maheśvari ||

इदं श्रीकवचं देव्याः रेणुकाया महेश्वरि ।त्रिकालं यः पठेन्नित्यं तस्य सिद्धिः प्रजायते ॥

idaṃ śrīkavacaṃ devyāḥ reṇukāyā maheśvari |trikālaṃ yaḥ paṭhennityaṃ tasya siddhiḥ prajāyate ||

ग्रहणेऽर्कस्य चन्द्रस्य शुचिः पूर्वमुपोषितः ।शतत्रयावृत्तिपाठाद्मन्त्रसिद्धिः प्रजायते ॥

grahaṇe'rkasya candrasya śuciḥ pūrvamupoṣitaḥ |śatatrayāvṛttipāṭhādmantrasiddhiḥ prajāyate ||

नदीसङ्गममासाद्य नाभिमात्रोदकस्थितः ।रविमण्डलमुद्वीक्ष्य जले तत्र स्थितां शिवाम् ॥

nadīsaṅgamamāsādya nābhimātrodakasthitaḥ |ravimaṇḍalamudvīkṣya jale tatra sthitāṃ śivām ||

विचिन्त्य मण्डले देवी कार्ये सिद्धिर्भवेद्ध्रुवम् ।घटं तव प्रतिष्ठाप्य विभूतिस्तत्र वेशयेत् ।दीपं सर्षपतैलेन कवचं त्रिः पठेत्तदा ॥

vicintya maṇḍale devī kārye siddhirbhaveddhruvam |ghaṭaṃ tava pratiṣṭhāpya vibhūtistatra veśayet |dīpaṃ sarṣapatailena kavacaṃ triḥ paṭhettadā ||

भूतप्रेतपिशाचाश्च डाकिन्यो यातुधानिका ।सर्व ते नाशमायान्ति कवचस्मरणात्प्रिये ॥

bhūtapretapiśācāśca ḍākinyo yātudhānikā |sarva te nāśamāyānti kavacasmaraṇātpriye ||

धनं धान्यं यशो मेधां यत्किञ्चिन्मनसेप्सितम् ।कवचस्मरणादेव सर्वमाप्नोति नित्यशः ॥

dhanaṃ dhānyaṃ yaśo medhāṃ yatkiñcinmanasepsitam |kavacasmaraṇādeva sarvamāpnoti nityaśaḥ ||

इति श्री मातृसंस्थाने भैरवरुद्रयामले रेणुकाकल्पेपञ्चमं पटलं सम्पूर्णम् ॥

iti śrī mātṛsaṃsthāne bhairavarudrayāmale reṇukākalpepañcamaṃ paṭalaṃ sampūrṇam ||