हरिस्तोत्रम् पृथिवीकृतं Prithivikritam Hari Stotram

पृथिव्युवाचनमस्ते जगदव्यक्तरूप कारणकारण ।प्रधान पुरुषातीत स्थित्युत्पत्तिलयात्मक ॥ १५॥

pṛthivyuvācanamaste jagadavyaktarūpa kāraṇakāraṇa |pradhāna puruṣātīta sthityutpattilayātmaka || 15||

जगन्नियोजनपर स्वाहाभोगधरोत्तम ।जगदानन्दनन्दात्मन् भगवन् जगदीश्वर ॥ १६॥

jaganniyojanapara svāhābhogadharottama |jagadānandanandātman bhagavan jagadīśvara || 16||

नियोजको नियोज्यश्च विभ्राजन् विष्णुरव्ययः ।नमस्तुभ्यं जगद्धातस्त्रिलोकालय विश्वकृत् ॥ १७॥

niyojako niyojyaśca vibhrājan viṣṇuravyayaḥ |namastubhyaṃ jagaddhātastrilokālaya viśvakṛt || 17||

यः पालयति नित्यानि स्थापयत्येव तत्परः ।तं त्वां नियमरूपेण नमामि जगदीश्वर ॥ १८॥

yaḥ pālayati nityāni sthāpayatyeva tatparaḥ |taṃ tvāṃ niyamarūpeṇa namāmi jagadīśvara || 18||

त्वं माधवः प्रवेकश्च कामः कामालयो लयः ।प्रसूतिच्युतिहेत्वर्थत्राणकारणमीश्वरः ॥ १९॥

tvaṃ mādhavaḥ pravekaśca kāmaḥ kāmālayo layaḥ |prasūticyutihetvarthatrāṇakāraṇamīśvaraḥ || 19||

न यस्य ते क्लेदाय स्युरापो नोष्मा तथोष्मणे ।न शीताय भवेच्छीतं तस्मै तुभ्यं नमो नमः ॥ २०॥

na yasya te kledāya syurāpo noṣmā tathoṣmaṇe |na śītāya bhavecchītaṃ tasmai tubhyaṃ namo namaḥ || 20||

न समुद्रः प्लवकरो न शोषाय दहात्मकः ।न मृत्यवे यस्य यमस्तस्मै तुभ्यं नमो नमः ॥ २१॥

na samudraḥ plavakaro na śoṣāya dahātmakaḥ |na mṛtyave yasya yamastasmai tubhyaṃ namo namaḥ || 21||

यच्चिद्धार्यं योगिभिः शान्तदेहैरुन्मार्गाणां यात्यरिध्येयकृत्यम् ।नित्यं यत्तद्रूपमार्गावसक्तंस त्वं त्राहि त्राणमिच्छन् धरित्रीम् ॥ २२॥

yacciddhāryaṃ yogibhiḥ śāntadehairunmārgāṇāṃ yātyaridhyeyakṛtyam |nityaṃ yattadrūpamārgāvasaktaṃsa tvaṃ trāhi trāṇamicchan dharitrīm || 22||

इति कालिकापुराणे षट्त्रिंशाध्यायान्तर्गतं पृथिवीकृतं हरिस्तोत्रम् ।

iti kālikāpurāṇe ṣaṭtriṃśādhyāyāntargataṃ pṛthivīkṛtaṃ haristotram |