प्रातरनुसन्धेयश्लोकाः Prataranusandheyashlokah

श्रीरस्तु ।श्रीमते हयग्रीवाय नमः ।श्रीमते रामानुजाय नमः ॥ग्राहग्रस्ते गजेन्द्रे रुवति सरभसं तार्क्ष्यमारुह्य धावन्व्याघूर्णन्माल्यभूषावसनपरिकरो मेघगम्भीरघोषः ।आबिभ्राणो रथाङ्गं शरमसिमभयं शङ्खचापौ सखेटौहस्तैः कौमोदकीमप्यवतु हरिरसांवहसां संहतेर्नः ॥ १॥

śrīrastu |śrīmate hayagrīvāya namaḥ |śrīmate rāmānujāya namaḥ ||grāhagraste gajendre ruvati sarabhasaṃ tārkṣyamāruhya dhāvanvyāghūrṇanmālyabhūṣāvasanaparikaro meghagambhīraghoṣaḥ |ābibhrāṇo rathāṅgaṃ śaramasimabhayaṃ śaṅkhacāpau sakheṭauhastaiḥ kaumodakīmapyavatu harirasāṃvahasāṃ saṃhaternaḥ || 1||

नक्राक्रान्ते करीन्द्रे मुकुलितनयने मूलमूलेति खिन्नेनाहं नाहं नचाहं न च भवति पुनस्तादृशो मादृशेषु ।इत्येवं त्यक्तहस्ते सपदि सुरगणे भावशून्ये समस्तेमूलं यः प्रादुरासीत्स दिशतु भगवान् मङ्गलं सन्ततं नः ॥ २॥

nakrākrānte karīndre mukulitanayane mūlamūleti khinnenāhaṃ nāhaṃ nacāhaṃ na ca bhavati punastādṛśo mādṛśeṣu |ityevaṃ tyaktahaste sapadi suragaṇe bhāvaśūnye samastemūlaṃ yaḥ prādurāsītsa diśatu bhagavān maṅgalaṃ santataṃ naḥ || 2||

प्रातःस्मरामि भवभीतिमहार्तिशान्त्यैनारायणं गरुडवाहनमञ्जनाभम् ।ग्राहाभिभूतमदवारणमुक्तिहेतुंचक्रायुधं तरुणवारिजपत्रनेत्रम् ॥ ३॥

prātaḥsmarāmi bhavabhītimahārtiśāntyainārāyaṇaṃ garuḍavāhanamañjanābham |grāhābhibhūtamadavāraṇamuktihetuṃcakrāyudhaṃ taruṇavārijapatranetram || 3||

प्रातर्नमामि मनसा वचसा च मूर्ध्नापादारविन्दयुगलं परमस्य पुंसः ।नारायणस्य नरकार्णवतारणस्यपारायणप्रवणविप्रपरायणस्य ॥ ४॥

prātarnamāmi manasā vacasā ca mūrdhnāpādāravindayugalaṃ paramasya puṃsaḥ |nārāyaṇasya narakārṇavatāraṇasyapārāyaṇapravaṇavipraparāyaṇasya || 4||

प्रातर्भजामि भजतामभयङ्करं तंप्राक्सर्वजन्मकृतपापभयापनुत्त्यै ।यो ग्राहवक्त्रपतिताङ्घ्रिगजेन्द्रघोरशोकप्रणाशनकरो धृतशङ्खचक्रः ॥ ५॥

prātarbhajāmi bhajatāmabhayaṅkaraṃ taṃprāksarvajanmakṛtapāpabhayāpanuttyai |yo grāhavaktrapatitāṅghrigajendraghoraśokapraṇāśanakaro dhṛtaśaṅkhacakraḥ || 5||

इति प्रातरनुसन्धेयश्लोकाः समाप्ताः ।

iti prātaranusandheyaślokāḥ samāptāḥ |