विष्णुस्तोत्रम् (पुण्डरीककृतं १ स्कन्दपुराणान्तर्गतम् नमस्ते जगदाधार सर्गस्थित्यन्तकारण) Pundarikakritam 1 Vishnu Stotram

पुण्डरीक उवाच ।नमस्ते जगदाधार सर्गस्थित्यन्तकारण ।नारायण नमस्तेऽस्तु परमात्मन्परायण ॥ २१॥

puṇḍarīka uvāca |namaste jagadādhāra sargasthityantakāraṇa |nārāyaṇa namaste'stu paramātmanparāyaṇa || 21||

परमार्थस्त्वमेवैको भवाप्ययविवर्जितः ।नित्यानन्दस्वरूपं त्वां विदन्ति ध्यानचक्षुषः ॥ २२॥

paramārthastvamevaiko bhavāpyayavivarjitaḥ |nityānandasvarūpaṃ tvāṃ vidanti dhyānacakṣuṣaḥ || 22||

चिन्मात्रं जगतामीशमधिष्ठानं परात्परम् ।कथं नु मूढहृदयास्त्वां जानन्ति सुनिर्मलम् ॥ २३॥

cinmātraṃ jagatāmīśamadhiṣṭhānaṃ parātparam |kathaṃ nu mūḍhahṛdayāstvāṃ jānanti sunirmalam || 23||

कामार्थलिप्सासम्भ्रातचेतसोऽत्यन्तदुःखिनः ।गतागतपथे श्रान्ताः सुखभाजः कदाचन ॥ २४॥

kāmārthalipsāsambhrātacetaso'tyantaduḥkhinaḥ |gatāgatapathe śrāntāḥ sukhabhājaḥ kadācana || 24||

अनुकम्पय मां नाथ सुदीनं शरणागतम् ।मूढं दुष्कृतकर्माणं पतितं भवसागरे ॥ २५॥

anukampaya māṃ nātha sudīnaṃ śaraṇāgatam |mūḍhaṃ duṣkṛtakarmāṇaṃ patitaṃ bhavasāgare || 25||

कोऽन्यस्त्वत्सदृशो बन्धुर्ब्रह्माण्डे नाथ वर्त्तते ।स्वकर्त्तव्यानपेक्षो यो दीनानाथदयालुकः ॥ २६॥

ko'nyastvatsadṛśo bandhurbrahmāṇḍe nātha varttate |svakarttavyānapekṣo yo dīnānāthadayālukaḥ || 26||

उच्चावचभ्रमाद्दुःखं जलयन्त्रघटीमिव ।अजस्रमधिकर्त्तारं परित्राहि कृपाम्बुधे ॥ २७॥

uccāvacabhramādduḥkhaṃ jalayantraghaṭīmiva |ajasramadhikarttāraṃ paritrāhi kṛpāmbudhe || 27||

योगक्षेमाभिसन्धाना ये मूढास्त्वामुपासते ।लीलाविमुक्तिदं ते वै त्वन्मायापरिमोहिताः ॥ २८॥

yogakṣemābhisandhānā ye mūḍhāstvāmupāsate |līlāvimuktidaṃ te vai tvanmāyāparimohitāḥ || 28||

नारायणेति त्वन्नाम कीर्तितं तु यदृच्छया ।त्वत्तोऽधिकं जगन्नाथ चतुर्वर्गैकसाधनम् ॥ २९॥

nārāyaṇeti tvannāma kīrtitaṃ tu yadṛcchayā |tvatto'dhikaṃ jagannātha caturvargaikasādhanam || 29||

त्वं तु तैस्तैः पृथग्यज्ञैस्तास्ताः सिद्धीः प्रयच्छसि ।त्वमेकः शरणं नाथ पतितानां भवार्णवे ॥ २\।५\।३०॥ज्ञाननौकासमारूढः करुणाक्षेपणीकरः ।परं पारं प्रभो नेतुं संसाराब्धेर्विचेतनम् ॥ ३१॥

tvaṃ tu taistaiḥ pṛthagyajñaistāstāḥ siddhīḥ prayacchasi |tvamekaḥ śaraṇaṃ nātha patitānāṃ bhavārṇave || 2\|5\|30||jñānanaukāsamārūḍhaḥ karuṇākṣepaṇīkaraḥ |paraṃ pāraṃ prabho netuṃ saṃsārābdhervicetanam || 31||

त्वमेक ईशिषे भक्त्यानन्यया परिचिन्तितः ।येऽन्ये मुक्तिप्रदा देवाः शास्त्रेषु परिनिष्ठिताः ॥ ३२॥

tvameka īśiṣe bhaktyānanyayā paricintitaḥ |ye'nye muktipradā devāḥ śāstreṣu pariniṣṭhitāḥ || 32||

दुःखाब्धिकुम्भयोनिं ते त्वद्भक्तिं प्रापयन्ति वै ॥ ३३॥

duḥkhābdhikumbhayoniṃ te tvadbhaktiṃ prāpayanti vai || 33||

तन्मे प्रसीद भगवन्पदपङ्कजे तेभक्तिं दृढां वितर नाथ भवाब्धिमुच्चैः ।घोरं सुदुस्तरममुं हि यया तरेयमष्टाङ्गयोगजनितश्रमवर्जितोऽपि ॥ ३९३॥

tanme prasīda bhagavanpadapaṅkaje tebhaktiṃ dṛḍhāṃ vitara nātha bhavābdhimuccaiḥ |ghoraṃ sudustaramamuṃ hi yayā tareyamaṣṭāṅgayogajanitaśramavarjito'pi || 393||

धर्मार्थकामनिचयैः कुमतिप्रगृह्यैःक्षुद्रैरमीभिरहिताल्पसुखैर्न कार्यम् ।आज्ञापयाङ्घ्रिनलिनद्वयचिन्तनेऽद्यसान्द्रानुवर्धितसुखार्णवमज्जनं मे ॥ ३५॥

dharmārthakāmanicayaiḥ kumatipragṛhyaiḥkṣudrairamībhirahitālpasukhairna kāryam |ājñāpayāṅghrinalinadvayacintane'dyasāndrānuvardhitasukhārṇavamajjanaṃ me || 35||

इति श्रीस्कन्दपुराणे वैष्णवखण्डे पुरुषोत्तमजगन्नाथमाहात्म्येपञ्चमाध्यायान्तर्गतं पुण्डरीककृतं विष्णुस्तोत्रं समाप्तम् ।स्कन्दपुराण । वैष्णवखण्ड । पुरुषोत्तमखण्ड । अध्याय ५/२१२५॥स्कन्दपुराण । वैष्णवखण्ड । पुरुषोत्तमखण्ड । अध्याय ५/२१-२५॥

iti śrīskandapurāṇe vaiṣṇavakhaṇḍe puruṣottamajagannāthamāhātmyepañcamādhyāyāntargataṃ puṇḍarīkakṛtaṃ viṣṇustotraṃ samāptam |skandapurāṇa | vaiṣṇavakhaṇḍa | puruṣottamakhaṇḍa | adhyāya 5/2125||skandapurāṇa | vaiṣṇavakhaṇḍa | puruṣottamakhaṇḍa | adhyāya 5/21-25||