तुलसीस्तवराजः Tulasistavarajah

शौनकःसूत सूत महाप्राज्ञ सर्वशास्रविशारद ।ब्रूहि मे स्तवराजं तु तुलस्याः पुण्यवर्धनम् ॥ १॥

śaunakaḥsūta sūta mahāprājña sarvaśāsraviśārada |brūhi me stavarājaṃ tu tulasyāḥ puṇyavardhanam || 1||

श्री सूतःसाधु साधु महाभाग कृतः प्रश्नस्त्वयाऽनघ ।तुलस्याः स्तवराजं तु को नु वर्णयितुं क्षमः ॥ २॥

śrī sūtaḥsādhu sādhu mahābhāga kṛtaḥ praśnastvayā'nagha |tulasyāḥ stavarājaṃ tu ko nu varṇayituṃ kṣamaḥ || 2||

इह लोके परत्रापि ब्रह्मणाऽपि न शक्यते ।तुलसीकाननं दृष्ट्वा यत्र कुत्रापि वै स्थले ॥ ३॥

iha loke paratrāpi brahmaṇā'pi na śakyate |tulasīkānanaṃ dṛṣṭvā yatra kutrāpi vai sthale || 3||

स्मरणात्कीर्तनाद् ध्यानात् सर्वपापैः प्रमुच्यते ।किमुत स्तवराजेन स्तुवतो मुक्तिरस्य वै ॥ ४॥

smaraṇātkīrtanād dhyānāt sarvapāpaiḥ pramucyate |kimuta stavarājena stuvato muktirasya vai || 4||

भविशष्यतीति सन्देहो रौरवं नरकं व्रजेत् ।तुलसीस्तवराजस्य छन्दोऽनुष्टुप् प्रकीर्तितम् ।ऋषिर्नारायणो देवो देवता श्रीरुदीरिता ॥ ५॥

bhaviśaṣyatīti sandeho rauravaṃ narakaṃ vrajet |tulasīstavarājasya chando'nuṣṭup prakīrtitam |ṛṣirnārāyaṇo devo devatā śrīrudīritā || 5||

श्रीरिति बीजं\, तुमिति कीलकं\, लमिति शक्तिः\,श्रीमिति दिग्बन्धः । नम इति सर्वभूतोच्वाटनम् ॥अङ्गन्यासःॐ श्री हृदयाय नमः । ॐ तुं शिरसे स्वाहा ।ॐ लं शिखायै वषट् । ॐ स्यैं कवचाय हुम् ।ॐ नं नेत्रत्रयाय वौषट्। ॐ मः अस्राय फट् ।भूर्भुवस्सुवरोमिति दिग्बन्धः ॥ध्यानंचतुर्बाहुयुतां देवीं शङ्खपुस्तकधारिणीम् ।पद्माक्षमालां पुष्पं च धारिणीं पुण्यदायिनीम् ॥ ६॥

śrīriti bījaṃ\, tumiti kīlakaṃ\, lamiti śaktiḥ\,śrīmiti digbandhaḥ | nama iti sarvabhūtocvāṭanam ||aṅganyāsaḥoṃ śrī hṛdayāya namaḥ | oṃ tuṃ śirase svāhā |oṃ laṃ śikhāyai vaṣaṭ | oṃ syaiṃ kavacāya hum |oṃ naṃ netratrayāya vauṣaṭ| oṃ maḥ asrāya phaṭ |bhūrbhuvassuvaromiti digbandhaḥ ||dhyānaṃcaturbāhuyutāṃ devīṃ śaṅkhapustakadhāriṇīm |padmākṣamālāṃ puṣpaṃ ca dhāriṇīṃ puṇyadāyinīm || 6||

अमृताब्धिसमुत्पन्ने सर्वशोकविनाशिनी ।सर्वसौभाग्यदात्री(यी ) त्वं तुलसि (सी) रक्षणं कुरु ॥ ७॥

amṛtābdhisamutpanne sarvaśokavināśinī |sarvasaubhāgyadātrī(yī ) tvaṃ tulasi (sī) rakṣaṇaṃ kuru || 7||

दक्षिणे लोकविख्याते विष्णुधृतशरीरिणि ।विश्वरूपी विश्वकर्त्री तुलसी रक्षणं कुरु ॥ ८॥

dakṣiṇe lokavikhyāte viṣṇudhṛtaśarīriṇi |viśvarūpī viśvakartrī tulasī rakṣaṇaṃ kuru || 8||

सर्वलोकमये(यी ) पूज्ये सर्वसम्पत्प्रदायिनि ।सर्वतापप्रशमनि तुलसी रक्षणं कुरु ॥ ९॥

sarvalokamaye(yī ) pūjye sarvasampatpradāyini |sarvatāpapraśamani tulasī rakṣaṇaṃ kuru || 9||

महिता लोकपूज्या च महिषासुरभञ्जनि ।करवीरपुरावासे तुलसी रक्षणं कुरु ॥ १०॥

mahitā lokapūjyā ca mahiṣāsurabhañjani |karavīrapurāvāse tulasī rakṣaṇaṃ kuru || 10||

मायावती भगवती महिला भद्रकालिका ।मोहिनी सङ्गता शौरी तुलसी रक्षणं कुरु ॥ ११॥

māyāvatī bhagavatī mahilā bhadrakālikā |mohinī saṅgatā śaurī tulasī rakṣaṇaṃ kuru || 11||

महालक्ष्मि महाकाली सर्वत्र विजया जया ।अशरीरी शरीरी च तुलसी रक्षणं कुरु ॥ १२॥

mahālakṣmi mahākālī sarvatra vijayā jayā |aśarīrī śarīrī ca tulasī rakṣaṇaṃ kuru || 12||

ब्रह्माणी शङ्करी सौम्या वैष्णवी च स्वधा तथा ।देवसेना महारौद्री तुलसी रक्षणं कुरु ॥ १३॥

brahmāṇī śaṅkarī saumyā vaiṣṇavī ca svadhā tathā |devasenā mahāraudrī tulasī rakṣaṇaṃ kuru || 13||

चामुण्डा चञ्चला भीमा रेणुका मारिका तथा ।पद्माक्षी पञ्ममाला च तुलसी रक्षणं कुरु ॥ १४॥

cāmuṇḍā cañcalā bhīmā reṇukā mārikā tathā |padmākṣī pañmamālā ca tulasī rakṣaṇaṃ kuru || 14||

शुभाशुभप्रदात्री त्वं वृषभासुरभञ्जनी ।वञ्जुला जर्झरी क्रूरा तुलसी रक्षणं कुरु ॥ १५॥

śubhāśubhapradātrī tvaṃ vṛṣabhāsurabhañjanī |vañjulā jarjharī krūrā tulasī rakṣaṇaṃ kuru || 15||

अतिगुह्यतमं दिव्यं पुत्रपौत्रप्रवर्धनम् ।नास्तिकाय प्रदेयं न नाभक्ताय कदाचन ॥ १६॥

atiguhyatamaṃ divyaṃ putrapautrapravardhanam |nāstikāya pradeyaṃ na nābhaktāya kadācana || 16||

शुश्रूषवे च भक्ताय प्रदेयं हितमिच्छता ।विष्णुभक्ताय पूज्याय वैराग्य गुणशालिने ॥ १७॥

śuśrūṣave ca bhaktāya pradeyaṃ hitamicchatā |viṣṇubhaktāya pūjyāya vairāgya guṇaśāline || 17||

भृगुवारे भौमवारे प्रदोषे च विशेषतः ।प्रभाते सर्वदा जप्यं लिखित्वा पुस्तकं यदि ॥ १८॥

bhṛguvāre bhaumavāre pradoṣe ca viśeṣataḥ |prabhāte sarvadā japyaṃ likhitvā pustakaṃ yadi || 18||

स्थापितं पूजितं चेत्स्यात् सर्वरोगैः प्रमुच्यते ।महालक्ष्मीः सिन्धुतीरे विष्णुना प्रभविष्णुना ॥ १९॥

sthāpitaṃ pūjitaṃ cetsyāt sarvarogaiḥ pramucyate |mahālakṣmīḥ sindhutīre viṣṇunā prabhaviṣṇunā || 19||

साऽपि विधये प्रोक्तवती तेनोक्तं नारदाय वै ।नारदः प्रोक्तवान्मह्यं तदेतत्प्रोक्तवानहम् ॥ २०॥

sā'pi vidhaye proktavatī tenoktaṃ nāradāya vai |nāradaḥ proktavānmahyaṃ tadetatproktavānaham || 20||

एवं परम्पराप्राप्तं सर्वशास्रार्थ सङ्ग्रहम् ।तुलसीकवचं पुण्यं तस्मात्स्तोत्रं महात्फलम् ॥ २१॥

evaṃ paramparāprāptaṃ sarvaśāsrārtha saṅgraham |tulasīkavacaṃ puṇyaṃ tasmātstotraṃ mahātphalam || 21||

तस्मात्कोटिगुणं पुण्यं तुलसीस्तवराजतः ।पुत्रार्थी पुत्रमाप्नोति राज्यार्थी राज्यमाप्नुयात् ॥ २२॥

tasmātkoṭiguṇaṃ puṇyaṃ tulasīstavarājataḥ |putrārthī putramāpnoti rājyārthī rājyamāpnuyāt || 22||

किं तेन बहुनोक्तेन मोक्षार्थी मोक्षामाप्नुयात्त् ।सप्तद्वीपवतीं पृथ्वीं दत्वा यत्फलमाप्नुयात् ।तत्फलं समवाप्नोति तुलसीपत्रदानतः ॥ २३॥

kiṃ tena bahunoktena mokṣārthī mokṣāmāpnuyātt |saptadvīpavatīṃ pṛthvīṃ datvā yatphalamāpnuyāt |tatphalaṃ samavāpnoti tulasīpatradānataḥ || 23||

इति ब्रह्मपुराणान्तर्गतः तुलसीस्तवराजः सम्पूर्णः ।

iti brahmapurāṇāntargataḥ tulasīstavarājaḥ sampūrṇaḥ |