वृन्दादेव्यष्टकम् Vrindadevyashtakam
vṛndādevyaṣṭakam
Vrindadevyashtakam (वृन्दादेव्यष्टकम्): an eight-verse hymn (aṣṭaka) to Tulasī. 10 verses in Sanskrit with Devanagari and IAST.
- Stotra
- Aṣṭakam
- Tulasī
- Ashtaka
वृन्दादेव्यष्टकम्
1 / 10
विश्वनाथचक्रवर्ती ठकुरकृतम् ।गाङ्गेयचाम्पेयतडिद्विनिन्दिरोचिःप्रवाहस्नपितात्मवृन्दे ।बन्धूकबन्धुद्युतिदिव्यवासोवृन्दे नुमस्ते चरणारविन्दम् ॥ १॥
viśvanāthacakravartī ṭhakurakṛtam |gāṅgeyacāmpeyataḍidvinindirociḥpravāhasnapitātmavṛnde |bandhūkabandhudyutidivyavāsovṛnde numaste caraṇāravindam || 1||
बिम्बाधरोदित्वरमन्दहास्यनासाग्रमुक्ताद्युतिदीपितास्ये ।विचित्ररत्नाभरणश्रियाढ्ये वृन्दे नुमस्ते चरणारविन्दम् ॥ २॥
bimbādharoditvaramandahāsyanāsāgramuktādyutidīpitāsye |vicitraratnābharaṇaśriyāḍhye vṛnde numaste caraṇāravindam || 2||
समस्तवैकुण्ठशिरोमणौ श्रीकृष्णस्य वृन्दावनधन्यधामिन् ।दत्ताधिकारे वृषभानुपुत्र्या वृन्दे नुमस्ते चरणारविन्दम् ॥ ३॥
samastavaikuṇṭhaśiromaṇau śrīkṛṣṇasya vṛndāvanadhanyadhāmin |dattādhikāre vṛṣabhānuputryā vṛnde numaste caraṇāravindam || 3||
त्वदाज्ञया पल्लवपुष्पभृङ्गमृगादिभिर्माधवकेलिकुञ्जाः ।मध्वादिभिर्भान्ति विभूष्यमाणाः वृन्दे नुमस्ते चरणारविन्दम् ॥ ४॥
tvadājñayā pallavapuṣpabhṛṅgamṛgādibhirmādhavakelikuñjāḥ |madhvādibhirbhānti vibhūṣyamāṇāḥ vṛnde numaste caraṇāravindam || 4||
त्वदीयदौत्येन निकुञ्जयूनोः अत्युत्कयोः केलिविलाससिद्धिः ।त्वत्सौभगं केन निरुच्यतां तद्वृन्दे नुमस्ते चरणारविन्दम् ॥ ५॥
tvadīyadautyena nikuñjayūnoḥ atyutkayoḥ kelivilāsasiddhiḥ |tvatsaubhagaṃ kena nirucyatāṃ tadvṛnde numaste caraṇāravindam || 5||
रासाभिलाषो वसतिश्च वृन्दावने त्वदीशाङ्घ्रिसरोजसेवा ।लभ्या च पुंसां कृपया तवैव वृन्दे नुमस्ते चरणारविन्दम् ॥ ६॥
rāsābhilāṣo vasatiśca vṛndāvane tvadīśāṅghrisarojasevā |labhyā ca puṃsāṃ kṛpayā tavaiva vṛnde numaste caraṇāravindam || 6||
त्वं कीर्त्यसे सात्वततन्त्रविद्भिः लीलाभिधाना किल कृष्णशक्तिः ।तवैव मूर्तिस्तुलसी नृलोके वृन्दे नुमस्ते चरणारविन्दम् ॥ ७॥
tvaṃ kīrtyase sātvatatantravidbhiḥ līlābhidhānā kila kṛṣṇaśaktiḥ |tavaiva mūrtistulasī nṛloke vṛnde numaste caraṇāravindam || 7||
भक्त्या विहीना अपराधलेशैः क्षिप्ताश्च कामादितरङ्गमध्ये ।कृपामयि त्वां शरणं प्रपन्नाः वृन्दे नुमस्ते चरणारविन्दम् ॥ ८॥
bhaktyā vihīnā aparādhaleśaiḥ kṣiptāśca kāmāditaraṅgamadhye |kṛpāmayi tvāṃ śaraṇaṃ prapannāḥ vṛnde numaste caraṇāravindam || 8||
वृन्दाष्टकं यः शृणुयात्पठेच्च वृन्दावनाधीशपदाब्जभृङ्गः ।स प्राप्य वृन्दावननित्यवासं तत्प्रेमसेवां लभते कृतार्थः ॥ ९॥
vṛndāṣṭakaṃ yaḥ śṛṇuyātpaṭhecca vṛndāvanādhīśapadābjabhṛṅgaḥ |sa prāpya vṛndāvananityavāsaṃ tatpremasevāṃ labhate kṛtārthaḥ || 9||
इति विश्वनाथचक्रवर्ती ठकुरकृतं वृन्दादेव्यष्टकं सम्पूर्णम् ।
iti viśvanāthacakravartī ṭhakurakṛtaṃ vṛndādevyaṣṭakaṃ sampūrṇam |
॥ इति वृन्दादेव्यष्टकम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Vrindadevyashtakam?
Vrindadevyashtakam has 10 verses on this page, each shown with its number, Devanagari text and transliteration, and meaning where available.
Can I read Vrindadevyashtakam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Vrindadevyashtakam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
