तुलसीस्तुतिः Tulasi Stutih

तुलसि श्रीसखि शुभे पापहारिणि पुण्यदे ।नमस्ते नारदनुते नारायणमनःप्रिये ॥ १॥

tulasi śrīsakhi śubhe pāpahāriṇi puṇyade |namaste nāradanute nārāyaṇamanaḥpriye || 1||

मनः प्रसादजननि सुखसौभाग्यदायिनि ।आधिव्याधिहरे देवि तुलसि त्वां नमाम्यहम् ॥ २॥

manaḥ prasādajanani sukhasaubhāgyadāyini |ādhivyādhihare devi tulasi tvāṃ namāmyaham || 2||

यन्मूले सर्वतीर्थानि यन्मध्ये सर्वदेवताः ।यदग्रे सर्व वेदाश्च तुलसि त्वां नमाम्यहम् ॥ ३॥

yanmūle sarvatīrthāni yanmadhye sarvadevatāḥ |yadagre sarva vedāśca tulasi tvāṃ namāmyaham || 3||

अमृतां सर्वकल्याणीं शोकसन्तापनाशिनीम् ।आधिव्याधिहरीं नॄणां तुलसि त्वां नम्राम्यहम् ॥ ४॥

amṛtāṃ sarvakalyāṇīṃ śokasantāpanāśinīm |ādhivyādhiharīṃ nṝṇāṃ tulasi tvāṃ namrāmyaham || 4||

देवैस्त्चं निर्मिता पूर्वं अर्चितासि मुनीश्वरैः ।नमो नमस्ते तुलसि पापं हर हरिप्रिये ॥ ५॥

devaistcaṃ nirmitā pūrvaṃ arcitāsi munīśvaraiḥ |namo namaste tulasi pāpaṃ hara haripriye || 5||

सौभाग्यं सन्ततिं देवि धनं धान्यं च सर्वदा ।आरोग्यं शोकशमनं कुरु मे माधवप्रिये ॥ ६॥

saubhāgyaṃ santatiṃ devi dhanaṃ dhānyaṃ ca sarvadā |ārogyaṃ śokaśamanaṃ kuru me mādhavapriye || 6||

तुलसी पातु मां नित्यं सर्वापद्भयोऽपि सर्वदा ।कीर्तिताऽपि स्मृता वाऽपि पवित्रयति मानवम् ॥ ७॥

tulasī pātu māṃ nityaṃ sarvāpadbhayo'pi sarvadā |kīrtitā'pi smṛtā vā'pi pavitrayati mānavam || 7||

या दृष्टा निखिलाघसङ्घशमनी स्पृष्टा वपुःपावनीरोगाणामभिवन्दिता निरसनी सिक्ताऽन्तकत्रासिनी ।प्रत्यासत्तिविधायिनी भगवतः कृष्णस्य संरोपितान्यस्ता तच्चरणे विमुक्तिफलदा तस्यै तुलस्यै नमः ॥ ८॥

yā dṛṣṭā nikhilāghasaṅghaśamanī spṛṣṭā vapuḥpāvanīrogāṇāmabhivanditā nirasanī siktā'ntakatrāsinī |pratyāsattividhāyinī bhagavataḥ kṛṣṇasya saṃropitānyastā taccaraṇe vimuktiphaladā tasyai tulasyai namaḥ || 8||

इति तुलसीस्तुतिः समाप्ता ।

iti tulasīstutiḥ samāptā |