कैलासेश्वरप्रदोषपूजावर्णनम् २ पञ्चमुखेश्वरलिङ्गस्तुतिः २ Kailaseshvarapradoshapujavarnanam 2

(ईश्वरप्रोक्ता पञ्चमुखेश्वरलिङ्गस्तुतिः २)ईश्वरःप्रालेयाचलमिन्दुकुन्दधवलं गोक्षीरफेनप्रभंभस्माभ्यङ्गमनङ्गदेहदहनज्वालावलीलोचनम् ।विष्णुब्रह्ममरुद्गणार्चितपदं ऋग्वेदनादोदयंवन्देऽहं सकलं कलङ्करहितं स्थाणोर्मुखं पश्चिमम् ॥ २५॥

(īśvaraproktā pañcamukheśvaraliṅgastutiḥ 2)īśvaraḥprāleyācalamindukundadhavalaṃ gokṣīraphenaprabhaṃbhasmābhyaṅgamanaṅgadehadahanajvālāvalīlocanam |viṣṇubrahmamarudgaṇārcitapadaṃ ṛgvedanādodayaṃvande'haṃ sakalaṃ kalaṅkarahitaṃ sthāṇormukhaṃ paścimam || 25||

गौरं कुङ्कुमपङ्किलं सुतिलकं व्यापाण्डुगण्डस्थलंभूविक्षेपकटाक्षवीक्षणलसत्संस्रस्तकर्णोत्पलम् ।स्निग्धं बिम्बफलाधरं प्रहसितं नीलालकालङ्कृतंवन्दे याजुषवेदनादजनकं वक्त्रं हरस्योत्तरम् ॥ २६॥

gauraṃ kuṅkumapaṅkilaṃ sutilakaṃ vyāpāṇḍugaṇḍasthalaṃbhūvikṣepakaṭākṣavīkṣaṇalasatsaṃsrastakarṇotpalam |snigdhaṃ bimbaphalādharaṃ prahasitaṃ nīlālakālaṅkṛtaṃvande yājuṣavedanādajanakaṃ vaktraṃ harasyottaram || 26||

बालार्काग्नितटित्प्रदीतकनकमस्पर्धितेजोरुणंगम्भीरध्वनिसामवेदजनकं ताम्राधरं सुन्दरम् ।अर्धेन्दुद्युतिलोलपिङ्गलजटाभारप्रबद्धोरगंवन्दे सिद्धसुरासुरेन्द्रनमितं पूर्वं मुखं शूलिनः ॥ २७॥

bālārkāgnitaṭitpradītakanakamaspardhitejoruṇaṃgambhīradhvanisāmavedajanakaṃ tāmrādharaṃ sundaram |ardhendudyutilolapiṅgalajaṭābhāraprabaddhoragaṃvande siddhasurāsurendranamitaṃ pūrvaṃ mukhaṃ śūlinaḥ || 27||

कालाभ्रभ्रमराञ्जनद्युतिनिभं व्यावृत्तपिङ्गेक्षणंकर्णोद्भासितभोगिमस्तकमणिप्रोद्भिन्नदंष्ट्राङ्कुरम् ।सर्पप्रोतकपालशुक्तिशकलं व्याकीर्णमाशेखरंवन्दे दक्षिणमीश्वरस्य वदनं चाथर्वनादोदयम् ॥ २८॥ (चाथर्वणादोदयम्?)

kālābhrabhramarāñjanadyutinibhaṃ vyāvṛttapiṅgekṣaṇaṃkarṇodbhāsitabhogimastakamaṇiprodbhinnadaṃṣṭrāṅkuram |sarpaprotakapālaśuktiśakalaṃ vyākīrṇamāśekharaṃvande dakṣiṇamīśvarasya vadanaṃ cātharvanādodayam || 28|| (cātharvaṇādodayam?)

व्यक्ताव्यक्तनिरूपितञ्च परमं शुद्धांशसत्वाधिकंतस्मादुत्तरतत्वमक्षरमिदं ध्येयं सदा योगिभिः ।ओङ्कारादिसमस्तमन्त्रजनकं सूक्ष्मातिसूक्ष्म परंध्यायेत्पञ्चममीश्वरस्य वदनं खव्यापि तेजोमयम् ॥ २९॥

vyaktāvyaktanirūpitañca paramaṃ śuddhāṃśasatvādhikaṃtasmāduttaratatvamakṣaramidaṃ dhyeyaṃ sadā yogibhiḥ |oṅkārādisamastamantrajanakaṃ sūkṣmātisūkṣma paraṃdhyāyetpañcamamīśvarasya vadanaṃ khavyāpi tejomayam || 29||

(फलम्)-एतानि पञ्चवदनानि महेश्वरस्यये कीर्तयन्ति मनुजास्सततं प्रभाते ।गच्छन्ति ते शिवपदं रुचिरैर्विमानैःक्रीडन्ति शङ्करगणैस्सततं शिवाग्रे ॥ ३०॥

(phalam)-etāni pañcavadanāni maheśvarasyaye kīrtayanti manujāssatataṃ prabhāte |gacchanti te śivapadaṃ rucirairvimānaiḥkrīḍanti śaṅkaragaṇaissatataṃ śivāgre || 30||

इत्युक्त्वा निरगात्ततो सुरसरितीरात्तदान्दोलिरतैर्हारैस्तैर्भुजगेश्वरप्रकलितै रत्नाच्छसत्पादुकः ।कैलासेश्वरधाम सुन्दरमहानन्दैकसारास्पदंदृष्ट्वा लिङ्गवरं प्रदोषसमये सम्पूज्य पूजाभरैः ॥ ३१॥

ityuktvā niragāttato surasaritīrāttadāndoliratairhāraistairbhujageśvaraprakalitai ratnācchasatpādukaḥ |kailāseśvaradhāma sundaramahānandaikasārāspadaṃdṛṣṭvā liṅgavaraṃ pradoṣasamaye sampūjya pūjābharaiḥ || 31||

श्रीविश्वेश्वर उग्र उग्रतनुजारातिप्रियश्शङ्करश्श्रीकण्ठः कलुषाद्रिपक्षदलनस्वाराडसङ्गश्शिवः ।प्राहोत्फुल्लसुरक्तपङ्कजलसद्वक्त्रो भवानीं हरःपश्येति प्रसभं मदीयमहिमारम्भैकपूजाभरम् ॥ ३२॥

śrīviśveśvara ugra ugratanujārātipriyaśśaṅkaraśśrīkaṇṭhaḥ kaluṣādripakṣadalanasvārāḍasaṅgaśśivaḥ |prāhotphullasuraktapaṅkajalasadvaktro bhavānīṃ haraḥpaśyeti prasabhaṃ madīyamahimārambhaikapūjābharam || 32||

॥ इति शिवरहस्यान्तर्गते माहेश्वराख्ये कैलासेश्वरप्रदोषपूजावर्णने ईश्वरप्रोक्ता पञ्चमुखेश्वरलिङ्गस्तुतिः ॥॥ श्रीशिवरहस्यम् । माहेश्वराख्यः प्रथमांशः । अध्यायः १३ कैलासेश्वरप्रदोषपूजावर्णनम् । २५३२॥

|| iti śivarahasyāntargate māheśvarākhye kailāseśvarapradoṣapūjāvarṇane īśvaraproktā pañcamukheśvaraliṅgastutiḥ |||| śrīśivarahasyam | māheśvarākhyaḥ prathamāṃśaḥ | adhyāyaḥ 13 kailāseśvarapradoṣapūjāvarṇanam | 2532||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः १३ – कैलासेश्वरप्रदोषपूजावर्णनम् ।२५-३२॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 13 – kailāseśvarapradoṣapūjāvarṇanam | 25-32||