कैलासेश्वरप्रदोषपूजावर्णनम् ३ कैलासेश्वरप्रदोषपूजाकथनम् ३ Kailaseshvarapradoshapujavarnanam 3

(देव्याप्रति ईश्वरप्रोत्क्तं कैलासेश्वरप्रदोषपूजाकथनम् ३)ईश्वरःकुम्भैरम्भोधराच्छच्छविजितधवलैः पूरितैः क्षीरवार्द्धौपर्वोद्यच्छशिसन्निभैस्स्फटिकजैः कोट्यावधीसङ्ख्यया ।तत्क्षीरोत्तममण्डसारसुभगैस्सिञ्चामि लिङ्गे ममकैलासेश्वरनामके जनिजरारोगापहे शङ्करि ॥ ३३॥

(devyāprati īśvaraprotktaṃ kailāseśvarapradoṣapūjākathanam 3)īśvaraḥkumbhairambhodharācchacchavijitadhavalaiḥ pūritaiḥ kṣīravārddhauparvodyacchaśisannibhaissphaṭikajaiḥ koṭyāvadhīsaṅkhyayā |tatkṣīrottamamaṇḍasārasubhagaissiñcāmi liṅge mamakailāseśvaranāmake janijarārogāpahe śaṅkari || 33||

आनीतं मम तत्पयोम्बुधिभवं वीरैर्गणेन्द्रेश्शिवेसद्वृत्तामलधारया जनिमुमे तुष्टः प्रदोषेष्वहम् ।कष्टानि प्रसभं हारामि सुकृतां राशिन्दिशामि क्षणात्सिञ्चन्लिङ्गसुपूजकाय गिरिजे तस्मादहं पूजये ॥ ३४॥

ānītaṃ mama tatpayombudhibhavaṃ vīrairgaṇendreśśivesadvṛttāmaladhārayā janimume tuṣṭaḥ pradoṣeṣvaham |kaṣṭāni prasabhaṃ hārāmi sukṛtāṃ rāśindiśāmi kṣaṇātsiñcanliṅgasupūjakāya girije tasmādahaṃ pūjaye || 34||

दद्ध्यम्भोनिधिसम्भवैर्निबिडितं तत्खण्डमण्डं दधिप्रोद्यड्डिण्डिममण्डलाभमगजे दत्वा स्वलिङ्गोत्तमे ।गोदोहप्रथिते प्रदोषसमये सन्दारिताघौघकेकार्यं पूजनमेतदेव समये सर्वैस्सुरैरप्यहम् ॥ ३५॥

daddhyambhonidhisambhavairnibiḍitaṃ tatkhaṇḍamaṇḍaṃ dadhiprodyaḍḍiṇḍimamaṇḍalābhamagaje datvā svaliṅgottame |godohaprathite pradoṣasamaye sandāritāghaughakekāryaṃ pūjanametadeva samaye sarvaissurairapyaham || 35||

तल्लिङ्गं परिपूजयामि वसुधाधृग्धुर्यमौलौ निशञ्चोत्तुङ्गामलरत्नकुम्भविलसत्प्राज्याज्यधारादिभिः ।स्वाज्याम्भोधिसमाहृतैर्मम गणैस्सङ्ख्यातिगं तद्धृतंतत्राज्यामलगन्धसारसुभगा गन्धीकृतास्तादिशः ॥ ३६॥

talliṅgaṃ paripūjayāmi vasudhādhṛgdhuryamaulau niśañcottuṅgāmalaratnakumbhavilasatprājyājyadhārādibhiḥ |svājyāmbhodhisamāhṛtairmama gaṇaissaṅkhyātigaṃ taddhṛtaṃtatrājyāmalagandhasārasubhagā gandhīkṛtāstādiśaḥ || 36||

सिञ्चामि प्रभसं सुगोघृतघनैः कैलासलिङ्गं मममध्वम्भोधिसमाहृतैर्मणिघटैर्माध्वीकसारं मधु ।गर्भोद्यन्मणिसारकान्तिसुभगैर्गोमेदकाच्छप्रभैस्सिञ्चाम्यद्रिवरात्मजे सुमधुराधारेयगर्भं मधु ॥ ३७॥

siñcāmi prabhasaṃ sugoghṛtaghanaiḥ kailāsaliṅgaṃ mamamadhvambhodhisamāhṛtairmaṇighaṭairmādhvīkasāraṃ madhu |garbhodyanmaṇisārakāntisubhagairgomedakācchaprabhaissiñcāmyadrivarātmaje sumadhurādhāreyagarbhaṃ madhu || 37||

धाराकारमदीयलिङ्गशिरसि हर्षेण पश्याम्बिकेशैलोद्दामशिखानिभाश्शिखरितादुत्तुङ्गसारोपमाः ।प्रालेयाचलमौलिसारसुभगाश्चापाण्डुराश्शर्करादत्वा तन्मम लिङ्गमौलिविलसच्चन्द्रांशुधारा समम् ॥ ३८॥

dhārākāramadīyaliṅgaśirasi harṣeṇa paśyāmbikeśailoddāmaśikhānibhāśśikharitāduttuṅgasāropamāḥ |prāleyācalamaulisārasubhagāścāpāṇḍurāśśarkarādatvā tanmama liṅgamaulivilasaccandrāṃśudhārā samam || 38||

हर्षाप्लाविहृदन्तरः प्रतिदिनं हृष्यामि पश्याद्रिजेकुल्पास्तत्र मनोरमाद्रितनये नारेलनीलोद्भवाः ।ताभिस्सम्भृतसद्धटादिविततैर्लक्षैः प्रवाहाकुलातल्लिङ्गासेकनीरैः प्रवहति मधुजा देवगङ्गेति नाम्ना ॥ ३९॥

harṣāplāvihṛdantaraḥ pratidinaṃ hṛṣyāmi paśyādrijekulpāstatra manoramādritanaye nārelanīlodbhavāḥ |tābhissambhṛtasaddhaṭādivitatairlakṣaiḥ pravāhākulātalliṅgāsekanīraiḥ pravahati madhujā devagaṅgeti nāmnā || 39||

सर्वे विष्णुपितामहेन्द्रवरुणाश्चानन्दभक्त्या वृतास्तीर्थं तीर्थपरम्परैकफलदं ज्ञात्वानुभूयापि ते ।सेवन्ते सततं नितान्तमगजे जेतुं पुनस्संसृतिंतुङ्गाघौघतरङ्गभङ्गसुभगास्तस्यान्तरास्ते सुराः ॥ ४०॥

sarve viṣṇupitāmahendravaruṇāścānandabhaktyā vṛtāstīrthaṃ tīrthaparamparaikaphaladaṃ jñātvānubhūyāpi te |sevante satataṃ nitāntamagaje jetuṃ punassaṃsṛtiṃtuṅgāghaughataraṅgabhaṅgasubhagāstasyāntarāste surāḥ || 40||

सप्तछदाच्छफलशैलवरोऽद्रिकन्ये कॢप्तो मया सुगुरुपीततरश्च मेरोः ।तज्जैस्त्वगाररहितैश्शशिखण्डमौलिलिङ्गार्चनस्य फलमेव जनुर्भवानि ॥ ४१॥

saptachadācchaphalaśailavaro'drikanye kḷpto mayā sugurupītataraśca meroḥ |tajjaistvagārarahitaiśśaśikhaṇḍamauliliṅgārcanasya phalameva janurbhavāni || 41||

उत्तुङ्गसालसुरसालरसालसारैर्निष्टप्तहेमझरिसोदरगर्भजातैः ।तल्लिङ्गसेचनमुमे सुघटैः करोमि पुंसामपि प्रमथनाथपदं ददाति ॥ ४२॥

uttuṅgasālasurasālarasālasārairniṣṭaptahemajharisodaragarbhajātaiḥ |talliṅgasecanamume sughaṭaiḥ karomi puṃsāmapi pramathanāthapadaṃ dadāti || 42||

देवि स्त्रीकुचसन्निकाशलिकुचापारप्रभागन्धजस्फारासारमहारसादिकलशैस्संसेचयाम्यम्बिके ।कैलासाचललिङ्गमौलिविलसलिङ्गैकसद्भूषणंलिङ्गन्त्वेतदपारगन्धलुलितैर्नीरैश्च गन्धोदकैः ॥ ४३॥

devi strīkucasannikāśalikucāpāraprabhāgandhajasphārāsāramahārasādikalaśaissaṃsecayāmyambike |kailāsācalaliṅgamaulivilasaliṅgaikasadbhūṣaṇaṃliṅgantvetadapāragandhalulitairnīraiśca gandhodakaiḥ || 43||

इक्षुसागरमहोर्मिभिरीशे लिङ्गमौलिरियमेव विशिष्टा ।सिक्तये घटसहस्रसुधारा कारिता गिरिसुते कमनीया ॥ ४४॥

ikṣusāgaramahormibhirīśe liṅgamauliriyameva viśiṣṭā |siktaye ghaṭasahasrasudhārā kāritā girisute kamanīyā || 44||

कोशैः काननसम्भवैर्मधुझरीसारातिसारस्स्फुटंनिर्यत्पीततरातिकान्तिनिवहैर्गन्धीकृताशामुखैः ।तत्कोशामलराशिभिर्गिरिसुते सञ्छन्नमैशं शिरःपश्यामि प्रथितेक्षणः पूकटिते पुण्ये प्रदोषे मम ॥ ४५॥

kośaiḥ kānanasambhavairmadhujharīsārātisārassphuṭaṃniryatpītatarātikāntinivahairgandhīkṛtāśāmukhaiḥ |tatkośāmalarāśibhirgirisute sañchannamaiśaṃ śiraḥpaśyāmi prathitekṣaṇaḥ pūkaṭite puṇye pradoṣe mama || 45||

कस्तूरीघनसारकुङ्कुममहापाटीरसारैर्घटैश्चन्द्रासारविलोलिताम्बुघटितैस्सत्पाटलामोदितैः ।श्रान्ता मे गणपुङ्गवाश्च नितरां पुण्ये प्रदोषे ममस्वादूदामलनीलधारितघटोद्वाहे परं शैलजे ॥ ४६॥

kastūrīghanasārakuṅkumamahāpāṭīrasārairghaṭaiścandrāsāravilolitāmbughaṭitaissatpāṭalāmoditaiḥ |śrāntā me gaṇapuṅgavāśca nitarāṃ puṇye pradoṣe mamasvādūdāmalanīladhāritaghaṭodvāhe paraṃ śailaje || 46||

शङ्खानाञ्च सहस्रकैर्मणिचितैर्गोशृङ्गधारादिभिःक्षीराज्यादिमधुप्रवाहजलधिप्लुष्टैश्च तैलैरपि ।तद्गन्धोत्तमपिष्टलेपनगतश्रीचिक्कणाघर्षणैश्श्रीपत्रैर्मृदुसारसूक्ष्मतृणकैरुत्पञ्चगव्यैरपि ॥ ४७॥

śaṅkhānāñca sahasrakairmaṇicitairgośṛṅgadhārādibhiḥkṣīrājyādimadhupravāhajaladhipluṣṭaiśca tailairapi |tadgandhottamapiṣṭalepanagataśrīcikkaṇāgharṣaṇaiśśrīpatrairmṛdusārasūkṣmatṛṇakairutpañcagavyairapi || 47||

सौवर्णोत्तमकुम्भसम्भवमहाधारासहस्त्रैश्शतैरर्घ्यै रत्नसुवर्णकल्पितकुशाग्राम्बूद्भवैस्तज्जलैः ।अष्टाङ्गार्घ्यककल्पितैस्सुमधुरैर्गर्भाम्बुकुम्भैश्शिवेसंसिच्याखिलमिन्दुकुन्दजमहापाटीरसत्पाटलाः ॥ ४८॥

sauvarṇottamakumbhasambhavamahādhārāsahastraiśśatairarghyai ratnasuvarṇakalpitakuśāgrāmbūdbhavaistajjalaiḥ |aṣṭāṅgārghyakakalpitaissumadhurairgarbhāmbukumbhaiśśivesaṃsicyākhilamindukundajamahāpāṭīrasatpāṭalāḥ || 48||

मोदोत्थाम्बुदसन्निभैश्च कलशैस्तौर्यत्रिकोद्भावनैर्धूपैश्चापि महामधूत्थमधुपर्कासारपारैरपि ।प्रदोषसमये मया शरदुदीचराकाशशिप्रकाशचयसौहदैर्विर(म)लकुड्मलैरन्धसाम् ॥ ४९॥

modotthāmbudasannibhaiśca kalaśaistauryatrikodbhāvanairdhūpaiścāpi mahāmadhūtthamadhuparkāsārapārairapi |pradoṣasamaye mayā śaradudīcarākāśaśiprakāśacayasauhadairvira(ma)lakuḍmalairandhasām || 49||

मदीयरजताचलप्रकटशङ्किभाराशिभिस्सुधाकरकलालसल्ललितलिङ्गमौल्पर्पितैः ।वेदाश्चत्वार एते प्रथिततमयशस्स्तोमधारानुरागास्स्वादूदामलनीरसेचनविधौ शाखाशिखाभिः क्रमात् ॥ ५०॥

madīyarajatācalaprakaṭaśaṅkibhārāśibhissudhākarakalālasallalitaliṅgamaulparpitaiḥ |vedāścatvāra ete prathitatamayaśasstomadhārānurāgāssvādūdāmalanīrasecanavidhau śākhāśikhābhiḥ kramāt || 50||

रुद्राणां स्तवनेन मामपि शिवे सन्तोषयन्तस्स्थितामूर्तास्ते विहिताग्रपङ्कजकरा विश्वासभूता मम ॥ ५१॥

rudrāṇāṃ stavanena māmapi śive santoṣayantassthitāmūrtāste vihitāgrapaṅkajakarā viśvāsabhūtā mama || 51||

घनरसमृगनाभिसारधारामृगमदपटलीपटीरचन्द्रगन्धैः ।परिवीतं भुजगेशसन्निवीतं प्रभया कोटिशशाङ्कसूर्यतुल्यम् ॥ ५२॥

ghanarasamṛganābhisāradhārāmṛgamadapaṭalīpaṭīracandragandhaiḥ |parivītaṃ bhujageśasannivītaṃ prabhayā koṭiśaśāṅkasūryatulyam || 52||

गोत्राधिराजतनये विनयेन पश्य सम्पश्यदात्मगतिसौख्यदमेकभास्वत् ।घुमुघुमितसुगन्धगन्धिताशामुखमुखरैः परिलिप्य लिङ्गमेतत् ॥ ५३॥

gotrādhirājatanaye vinayena paśya sampaśyadātmagatisaukhyadamekabhāsvat |ghumughumitasugandhagandhitāśāmukhamukharaiḥ parilipya liṅgametat || 53||

परिहृष्टो नितरां भवामि गौरि त्रिदशालभ्यसुगन्धयक्षकर्दमैः ।मणिजालाततरत्नकूलचित्रैः परिधायामलस्वर्णसद्दुकूलैः ॥ ५४॥

parihṛṣṭo nitarāṃ bhavāmi gauri tridaśālabhyasugandhayakṣakardamaiḥ |maṇijālātataratnakūlacitraiḥ paridhāyāmalasvarṇasaddukūlaiḥ || 54||

शिवलिङ्गं मम शैलराजकन्ये परिपश्यामि सुगन्धिगन्धवस्त्रैः ।ब्रह्माण्डगोलकमुमे प्रभया न तुल्यं मल्लिङ्गगोलकवरोत्तमरत्नधारा ॥ ५५॥

śivaliṅgaṃ mama śailarājakanye paripaśyāmi sugandhigandhavastraiḥ |brahmāṇḍagolakamume prabhayā na tulyaṃ malliṅgagolakavarottamaratnadhārā || 55||

सावधूतशशिमौलिकलाललामन्तद्रत्नमौल्यकलने न विधिर्न विष्णुः ।यक्षाधिपोऽप्यगसुतेऽद्य विकुण्ठिताक्षः केऽन्ये क्षमा वद समानहृदा निरीक्ष्य ॥ ५६॥

sāvadhūtaśaśimaulikalālalāmantadratnamaulyakalane na vidhirna viṣṇuḥ |yakṣādhipo'pyagasute'dya vikuṇṭhitākṣaḥ ke'nye kṣamā vada samānahṛdā nirīkṣya || 56||

यद्दर्शनेन समदुःखविरामणं स्याद्यद्रत्नवर्यनिचयैर्मुकुटातिशोभम् ।पूरिताखिलजनाजनिकामं वामदेवमिह पश्य सुकामम् ॥ ५७॥

yaddarśanena samaduḥkhavirāmaṇaṃ syādyadratnavaryanicayairmukuṭātiśobham |pūritākhilajanājanikāmaṃ vāmadevamiha paśya sukāmam || 57||

फणामणि सहस्रकैर्विधृतवक्त्रमुक्ताफलैःप्रभाततसभावली मणिगणात्तकान्त्या युतम् ।त्रिपुण्ड्रनिटिलोल्लसत्तिलकिताच्छसद्धीरकंप्रपश्य गिरिकन्यके विमलमौलिलिङ्गं मम ॥ ५८॥

phaṇāmaṇi sahasrakairvidhṛtavaktramuktāphalaiḥprabhātatasabhāvalī maṇigaṇāttakāntyā yutam |tripuṇḍraniṭilollasattilakitācchasaddhīrakaṃprapaśya girikanyake vimalamauliliṅgaṃ mama || 58||

सहस्रमुखसत्फणिप्रवरमौलिमाणिक्यसद्द्युतीविजितकान्तितो मम स्वभोगसंवेष्टितैः ।फणाछविकृताम्बरछविजितायसच्छत्रकंशिवे शिरसि मे सदा दधति लिङ्गमोलौ मम ॥ ५९॥

sahasramukhasatphaṇipravaramaulimāṇikyasaddyutīvijitakāntito mama svabhogasaṃveṣṭitaiḥ |phaṇāchavikṛtāmbarachavijitāyasacchatrakaṃśive śirasi me sadā dadhati liṅgamolau mama || 59||

विश्वेश्वराख्यवरलिङ्गसमानमानमानन्दसौख्यदमिदं मम सुप्रियेयत् ।हन्तुं समग्रजनपातकराशिमेव सर्वार्थराशिदमिदं परिपूजयामि ॥ ६०॥

viśveśvarākhyavaraliṅgasamānamānamānandasaukhyadamidaṃ mama supriyeyat |hantuṃ samagrajanapātakarāśimeva sarvārtharāśidamidaṃ paripūjayāmi || 60||

नानामणिद्युतिसरावलिभूषितन्तन्मल्लिङ्गमेव कमलाच्छदृशा प्रपश्य ।पुण्ये प्रदोषसमये मुदितस्त्वयाऽहं तल्लिङ्गमध्यभवने महिमास्थितोऽहम् ॥ ६१॥

nānāmaṇidyutisarāvalibhūṣitantanmalliṅgameva kamalācchadṛśā prapaśya |puṇye pradoṣasamaye muditastvayā'haṃ talliṅgamadhyabhavane mahimāsthito'ham || 61||

विकसितसितपद्मरत्नकञ्जमालानवनीलोत्पलजैस्सहस्रमालिकाभिः ।मधुबन्धुरगन्धदिव्यगन्धैस्सितमन्दारजरक्तमालिकाभिः ॥ ६२॥

vikasitasitapadmaratnakañjamālānavanīlotpalajaissahasramālikābhiḥ |madhubandhuragandhadivyagandhaissitamandārajaraktamālikābhiḥ || 62||

दिनान्तसमयोल्लसन्मधुरगन्धजातीसरैर्वसन्तकलिकास्फुरन्मधुरगन्धमल्लीसरैः ।विकुण्ठितमिदं मम प्रकटसोमधामप्रभासमुत्थमगकन्यके विमलद्रोणमालायुतम् ॥ ६३॥

dināntasamayollasanmadhuragandhajātīsarairvasantakalikāsphuranmadhuragandhamallīsaraiḥ |vikuṇṭhitamidaṃ mama prakaṭasomadhāmaprabhāsamutthamagakanyake vimaladroṇamālāyutam || 63||

कदम्बवननीपजस्फुरदपारमालाभरैर्विलोलवरपीठगं प्रकटमौलिलिङ्गं शिवे ।प्रपश्य नयनाञ्चलैर्विकचमञ्जरीकप्रभैःप्रदोषसमयेऽम्बिके नयनजन्मनस्तत्फलम् ॥ ६४॥

kadambavananīpajasphuradapāramālābharairvilolavarapīṭhagaṃ prakaṭamauliliṅgaṃ śive |prapaśya nayanāñcalairvikacamañjarīkaprabhaiḥpradoṣasamaye'mbike nayanajanmanastatphalam || 64||

तद्बिल्वरत्नकमलैरमलैर्भवानि पुन्नागनागनवचम्पकदूर्वयापि ।नीलोत्पलैर्दमनकैः करवीरजातिद्रोणार्ककाशजवकैः कनकैस्समर्च्य ॥ ६५॥

tadbilvaratnakamalairamalairbhavāni punnāganāganavacampakadūrvayāpi |nīlotpalairdamanakaiḥ karavīrajātidroṇārkakāśajavakaiḥ kanakaissamarcya || 65||

सत्पुण्डरीकवकुलैर्धवकर्णिकारमालूरकुन्दकुसुमैरतिहर्षतोऽहम् ।राजीवामलमल्लिकासुमसरस्फारोत्थगन्धान्धकैर्लोलम्बेर्विकसत्सुमोत्थमधुपैः पश्याम्बिके पूजितम् ।एतल्लिङ्गवरं प्रदोषसमये बिल्वीदलोत्तंसकंधुत्तूरेण हि शोभतेऽद्य नितरां मौलिस्थचन्द्राधिकम् ॥ ६६॥

satpuṇḍarīkavakulairdhavakarṇikāramālūrakundakusumairatiharṣato'ham |rājīvāmalamallikāsumasarasphārotthagandhāndhakairlolambervikasatsumotthamadhupaiḥ paśyāmbike pūjitam |etalliṅgavaraṃ pradoṣasamaye bilvīdalottaṃsakaṃdhuttūreṇa hi śobhate'dya nitarāṃ maulisthacandrādhikam || 66||

अगरुतरुजातधूपधूमैर्बहुलामोदविकासिदिक्समूहैः ।मरुदाकुललम्बितोरुधाराविकसत्स्वर्गपथाः प्रचारजालैः ॥ ६७॥

agarutarujātadhūpadhūmairbahulāmodavikāsidiksamūhaiḥ |marudākulalambitorudhārāvikasatsvargapathāḥ pracārajālaiḥ || 67||

सुवर्णमणिभाजने शिशुनभोद्यदम्भोजिनीप्रियांशुचयसङ्क्रमिप्रकटदाक्ष्यरत्नांशुभिः ।मनोरथपथातिगैर्मम सुलिङ्गमालायितैस्सुपाण्डरशशिप्रभैर्हिमतुषारकुन्दप्रभैः ॥ ६८॥

suvarṇamaṇibhājane śiśunabhodyadambhojinīpriyāṃśucayasaṅkramiprakaṭadākṣyaratnāṃśubhiḥ |manorathapathātigairmama suliṅgamālāyitaissupāṇḍaraśaśiprabhairhimatuṣārakundaprabhaiḥ || 68||

सुचन्द्रवरखण्डकैर्विरचितोरुदीपावलीसुगोघृतसुवर्तिकोज्वलसुदीपजालैरपि ।गृहाङ्कणतमस्ततिप्रविददारद्दत्यादरैरखण्डतरमण्डनैः प्रथितपद्महंसोपमैः ॥ ६९॥

sucandravarakhaṇḍakairviracitorudīpāvalīsugoghṛtasuvartikojvalasudīpajālairapi |gṛhāṅkaṇatamastatipravidadāraddatyādarairakhaṇḍataramaṇḍanaiḥ prathitapadmahaṃsopamaiḥ || 69||

सुतारकगणावलीललितमुक्तजालप्रभैर्विलोकय गिरीन्द्रजे मम सुमौलिभासङ्करैः ।नानाभक्ष्यमहाद्रिगन्धसुरसाश्चमोदितास्तादिशस्सुखागन्नजराशिभिश्च घृतजैस्सूपप्रवाहैश्शिवे ॥ ७०॥

sutārakagaṇāvalīlalitamuktajālaprabhairvilokaya girīndraje mama sumaulibhāsaṅkaraiḥ |nānābhakṣyamahādrigandhasurasāścamoditāstādiśassukhāgannajarāśibhiśca ghṛtajaissūpapravāhaiśśive || 70||

शाकैश्शैलनिभैर्मधुप्रमथितैः क्षीरादिदध्योदनैःप्रालेयाचलसन्निभैस्सुगुडकैर्नैवेदितैश्शङ्करि ।नारिकेललिकुचैस्सुकपित्थैर्मातुलिङ्गकदलीसुरसालैः ॥ ७१॥

śākaiśśailanibhairmadhupramathitaiḥ kṣīrādidadhyodanaiḥprāleyācalasannibhaissuguḍakairnaiveditaiśśaṅkari |nārikelalikucaissukapitthairmātuliṅgakadalīsurasālaiḥ || 71||

खर्जूरैर्बदरीसुगन्धजरसैडिम्बनारङ्गकैःकङ्कोलामलकैस्सुरादनफलै राजादनैर्जातिकैः ।नैवेद्येक्षुजकाण्डकैर्गिरिवराज्जाते मुदे मे भवेत्ताम्बूलैः खदिरैर्लवङ्गमुखरैर्जातीफलैलायुतैः ॥ ७२॥

kharjūrairbadarīsugandhajarasaiḍimbanāraṅgakaiḥkaṅkolāmalakaissurādanaphalai rājādanairjātikaiḥ |naivedyekṣujakāṇḍakairgirivarājjāte mude me bhavettāmbūlaiḥ khadirairlavaṅgamukharairjātīphalailāyutaiḥ || 72||

मुक्ताचूर्णसुपूर्णपूगमधुरैः कर्पूरसंवासितैरुत्फुल्लामलनागवल्लिजदलैः प्रोद्यद्गिरीन्द्रप्रभैः ।नैवेद्यं परिकल्पयामि गिरिजे तस्मिन्प्रदोषे ह्यहंवीणानिक्वणमञ्जुमञ्जुलसुधाधारासमैर्गायनैः ॥ ७३॥

muktācūrṇasupūrṇapūgamadhuraiḥ karpūrasaṃvāsitairutphullāmalanāgavallijadalaiḥ prodyadgirīndraprabhaiḥ |naivedyaṃ parikalpayāmi girije tasminpradoṣe hyahaṃvīṇānikvaṇamañjumañjulasudhādhārāsamairgāyanaiḥ || 73||

मन्नामामृतमीश्वरेश्वरि मुदा रुद्राणिभिः कल्पितंशम्भो शङ्कर धूर्जटे त्रिणयन कालान्धकारे हर ।पाहीश प्रमथाधिनाथ महिमन्लिङ्गाकृते पाहिनोरत्नैः कल्पितमद्दलध्वनियुतैश्शङ्खोत्थनादैश्शिवे ॥ ७४॥

mannāmāmṛtamīśvareśvari mudā rudrāṇibhiḥ kalpitaṃśambho śaṅkara dhūrjaṭe triṇayana kālāndhakāre hara |pāhīśa pramathādhinātha mahimanliṅgākṛte pāhinoratnaiḥ kalpitamaddaladhvaniyutaiśśaṅkhotthanādaiśśive || 74||

प्रोद्यत्काहलनिस्वनैर्मधुरितं तन्मड्डुडिण्डीरवैः ॥ ७५॥

prodyatkāhalanisvanairmadhuritaṃ tanmaḍḍuḍiṇḍīravaiḥ || 75||

दुन्दुभ्याघातनादैर्मम गणवरगास्योरुनिश्वासरागैर्वेणूरन्ध्रनिषेवणाङ्गुलिभवैस्तालैश्च सज्झल्लरैः ।तुष्टोऽहं प्रथिते प्रदोषसमये तल्लिङ्गसेकादरोनान्यत्किञ्चिदवेदिषं त्रिजगतां व्यापारमप्यद्रिजे ॥ ७६॥

dundubhyāghātanādairmama gaṇavaragāsyoruniśvāsarāgairveṇūrandhraniṣevaṇāṅgulibhavaistālaiśca sajjhallaraiḥ |tuṣṭo'haṃ prathite pradoṣasamaye talliṅgasekādaronānyatkiñcidavediṣaṃ trijagatāṃ vyāpāramapyadrije || 76||

रङ्गे तुङ्गतरङ्गभङ्गचपलैर्नृत्यैर्महामद्दलैर्वीणावेणुनिनादसाम्यलयतो नृत्यन्ति लिङ्गाग्रतः ।रुद्राणीगणकोटयोऽत्र सुभगे मञ्जीरशिञ्जस्वनैश्शम्भो शङ्कर साम्ब पाहि शिव नस्तूर्णं प्रसादङ्कुरु ॥ ७७॥

raṅge tuṅgataraṅgabhaṅgacapalairnṛtyairmahāmaddalairvīṇāveṇuninādasāmyalayato nṛtyanti liṅgāgrataḥ |rudrāṇīgaṇakoṭayo'tra subhage mañjīraśiñjasvanaiśśambho śaṅkara sāmba pāhi śiva nastūrṇaṃ prasādaṅkuru || 77||

इत्येवं सुभगा विलासमधुरा हावैश्च भावैरपिचोत्क्रान्तावृतरत्नकान्तिविलसत्पूर्णेन्दुसाम्यानना ।कुम्भोद्यत्करिकुम्भसन्निभकुचाः काञ्चीझणन्निस्वनास्तालोत्थाहतिपादपद्मजरवैः कुर्वन्ति विद्युद्ध्वनिम् ॥ ७८॥

ityevaṃ subhagā vilāsamadhurā hāvaiśca bhāvairapicotkrāntāvṛtaratnakāntivilasatpūrṇendusāmyānanā |kumbhodyatkarikumbhasannibhakucāḥ kāñcījhaṇannisvanāstālotthāhatipādapadmajaravaiḥ kurvanti vidyuddhvanim || 78||

गणेशकरभास्वता विविधलोकसाम्राज्यधुग्विविक्तकृतलाञ्छनैश्शशिसुवृत्तमुक्ताततैः ।महोडुगणमौक्तिकप्रकटतारपङ्क्तीततैर्गिरीन्द्रतनये धृतान्यमितछत्रकोट्यो गणैः ॥ ७९॥

gaṇeśakarabhāsvatā vividhalokasāmrājyadhugviviktakṛtalāñchanaiśśaśisuvṛttamuktātataiḥ |mahoḍugaṇamauktikaprakaṭatārapaṅktītatairgirīndratanaye dhṛtānyamitachatrakoṭyo gaṇaiḥ || 79||

परटारमणोत्थकामिताङ्गोत्थितपक्षाहननाभचामरौघैः ।गणबृन्दैरखिलैश्च सेव्यमानं मम लिङ्गालयधूननैश्शिवेऽद्य ॥ ८०॥

paraṭāramaṇotthakāmitāṅgotthitapakṣāhananābhacāmaraughaiḥ |gaṇabṛndairakhilaiśca sevyamānaṃ mama liṅgālayadhūnanaiśśive'dya || 80||

प्रवालमयदण्डिना मलयशैलभूमारुतसुपोततरवायुना नगवरारिपाणीजुषा ।जयेन चमरीमृगप्रचलवालगुच्छात्मनासुखी जितमुमे तदा मम सुलिङ्गमत्यादरात् ॥ ८१॥

pravālamayadaṇḍinā malayaśailabhūmārutasupotataravāyunā nagavarāripāṇījuṣā |jayena camarīmṛgapracalavālagucchātmanāsukhī jitamume tadā mama suliṅgamatyādarāt || 81||

धृतैः प्रमदपाणिभिर्वनकलापिपुच्छोच्चयैःकृतैर्व्यजनकोटिभिर्हरितचन्द्रकोट्यंशुभिः ।मदीयमणिमण्डपं हरिमणीभिराकल्पितमिवाद्य गिरिजे तदा प्रथितभाभिरादीपितम् ॥ ८२॥

dhṛtaiḥ pramadapāṇibhirvanakalāpipucchoccayaiḥkṛtairvyajanakoṭibhirharitacandrakoṭyaṃśubhiḥ |madīyamaṇimaṇḍapaṃ harimaṇībhirākalpitamivādya girije tadā prathitabhābhirādīpitam || 82||

प्रमथप्रकरोर्ध्वहस्तसंस्थैर्मणिवर्यैर्विविधैस्सराग्रलम्बैः ।बिलसन्नवरत्नगुच्छसच्छैर्धुवदीशानवराग्रगाः पताकाः ॥ ८३॥

pramathaprakarordhvahastasaṃsthairmaṇivaryairvividhaissarāgralambaiḥ |bilasannavaratnagucchasacchairdhuvadīśānavarāgragāḥ patākāḥ || 83||

लिङ्गप्रक्रमणैरहं स इति तल्लिङ्गप्रणामादरस्स्वात्मानं परिचिन्तयामि गिरिजेऽप्यानन्दधारावृतः ।प्र(वृ)त्युत्थाखिललोकजालमखिलं मत्तो न भिनं क्वचित्किञ्चिचापि शिवे ममैव मनसस्सङ्कल्पजालं जगत् ॥ ८४॥

liṅgaprakramaṇairahaṃ sa iti talliṅgapraṇāmādarassvātmānaṃ paricintayāmi girije'pyānandadhārāvṛtaḥ |pra(vṛ)tyutthākhilalokajālamakhilaṃ matto na bhinaṃ kvacitkiñcicāpi śive mamaiva manasassaṅkalpajālaṃ jagat || 84||

मय्येवागसुते लयं प्रयाति निखिलञ्चैकोऽद्वयोऽहं सदानानेति प्रसभं वदन्ति निगमा वाचां मनोदूरगम् ।अन्यानन्द समं (अन्यानन्दमुमे) मदीयममलं जानन्ति नो योगिनोनो वेदा यतयस्सुरासुरगणा विष्पादयोऽप्यब्जजाः ॥ ८५॥

mayyevāgasute layaṃ prayāti nikhilañcaiko'dvayo'haṃ sadānāneti prasabhaṃ vadanti nigamā vācāṃ manodūragam |anyānanda samaṃ (anyānandamume) madīyamamalaṃ jānanti no yoginono vedā yatayassurāsuragaṇā viṣpādayo'pyabjajāḥ || 85||

ज्ञानं ज्ञेयमिदं जगद्गतमुमे ज्ञाता न किञ्चित्स्थितिर्भूमाहं सुखधामको हि महतां ह्रस्वो न चाणुस्स्थिरः ।स्वात्मानन्दमुमे ममाल्पकमिदं लिङ्गेऽप्यलिङ्गोऽस्म्यहंचा(आ)काशादिविदूरगस्थितिलयोत्पत्तिष्वसङ्गोऽस्म्यहम् ॥ ८६॥

jñānaṃ jñeyamidaṃ jagadgatamume jñātā na kiñcitsthitirbhūmāhaṃ sukhadhāmako hi mahatāṃ hrasvo na cāṇussthiraḥ |svātmānandamume mamālpakamidaṃ liṅge'pyaliṅgo'smyahaṃcā(ā)kāśādividūragasthitilayotpattiṣvasaṅgo'smyaham || 86||

इत्येवं परमार्थतस्त्रिभुवने तिष्ठामि विश्वातिगोगोप्यम्मद्धृदयं गिरीन्द्रतनये तुभ्यम्मया दर्शितम् ।इत्युक्त्वा परमेश्वरस्त्रिजगतां नाथोऽपि विश्वाकृतिर्दृष्ट्वा लिङ्गमपारबिल्वकुसुमैस्सम्पूजितं मस्तके ॥ ८७॥

ityevaṃ paramārthatastribhuvane tiṣṭhāmi viśvātigogopyammaddhṛdayaṃ girīndratanaye tubhyammayā darśitam |ityuktvā parameśvarastrijagatāṃ nātho'pi viśvākṛtirdṛṣṭvā liṅgamapārabilvakusumaissampūjitaṃ mastake || 87||

दृष्ट्वा तामगजां ननर्तपरमानन्दप्रसादैकभूःकैलासाचलमौलिमण्डपवरे तल्लिङ्गसान्निध्यके ।अण्डखण्डनमहाघनघोषश्चण्डताण्डवललद्विधिमुण्डः ।कुण्डलीशकृतकुण्डलगण्डस्तण्डुमड्डनिनदोत्थलयाङ्घ्रिः ॥ ८८॥

dṛṣṭvā tāmagajāṃ nanartaparamānandaprasādaikabhūḥkailāsācalamaulimaṇḍapavare talliṅgasānnidhyake |aṇḍakhaṇḍanamahāghanaghoṣaścaṇḍatāṇḍavalaladvidhimuṇḍaḥ |kuṇḍalīśakṛtakuṇḍalagaṇḍastaṇḍumaḍḍaninadotthalayāṅghriḥ || 88||

नन्दिभृङ्गिकृतडिण्डिमनादैर्मण्डितो हि शिवया स हि रङ्गः ।ढुण्ढिराजकृतशङ्खनिनादैस्तुण्डषट्ककृततूर्यनिनादैः ॥ ८९॥

nandibhṛṅgikṛtaḍiṇḍimanādairmaṇḍito hi śivayā sa hi raṅgaḥ |ḍhuṇḍhirājakṛtaśaṅkhaninādaistuṇḍaṣaṭkakṛtatūryaninādaiḥ || 89||

जटाच्छटविघर्षिताः परिपतन्ति तारागणावमन्ति रुधिरम्मुखैर्भुवननागनागा नगाः ।जगन्नटनसम्भ्रमाद्भवति हेलयान्दोलितंहरीन्द्रविधयस्सुरा मुनिजनास्सकम्पाङ्गकाः ॥ ९०॥

jaṭācchaṭavigharṣitāḥ paripatanti tārāgaṇāvamanti rudhirammukhairbhuvananāganāgā nagāḥ |jagannaṭanasambhramādbhavati helayāndolitaṃharīndravidhayassurā munijanāssakampāṅgakāḥ || 90||

अष्टावक्त्रसुगीतसाममुरजोच्चण्डप्रचण्डोल्लसड्डिण्डीमध्वनिमड्डुमद्दलमहासामाष्टदंष्ट्रारवैः ।भ्राजत्पद्मजमुण्डषण्डजमहामालालसद्वक्षसंलीलाचालितहस्तकङ्कणमहानागोर्ध्वमौलीलसत् ॥ ९१॥

aṣṭāvaktrasugītasāmamurajoccaṇḍapracaṇḍollasaḍḍiṇḍīmadhvanimaḍḍumaddalamahāsāmāṣṭadaṃṣṭrāravaiḥ |bhrājatpadmajamuṇḍaṣaṇḍajamahāmālālasadvakṣasaṃlīlācālitahastakaṅkaṇamahānāgordhvamaulīlasat || 91||

रत्नाप्लावितकान्तिरञ्जितदृशं नृत्यन्तमैक्षच्छिवाचोद्यद्भानुमरीचिसन्निभजटासाम्राज्यपट्टायिता ।लोलन्नीलसुरत्नपङ्कजलसद्गङ्गातरङ्गोत्थितापारावारसुधाघनोत्थनटनाटोपा फणीमञ्जुलम् ॥ ९२॥

ratnāplāvitakāntirañjitadṛśaṃ nṛtyantamaikṣacchivācodyadbhānumarīcisannibhajaṭāsāmrājyapaṭṭāyitā |lolannīlasuratnapaṅkajalasadgaṅgātaraṅgotthitāpārāvārasudhāghanotthanaṭanāṭopā phaṇīmañjulam || 92||

आनम्राखिललोकजालमुमया सद्रत्नरङ्गान्तरेनृत्यन्तं ददृशुस्सरुद्रगणपाः कैलासमौलिस्थितम् ।झलञ्झलितकङ्कणं पदवलत्क्वणन्नूपुरंकिणीकिणितसध्वनिं स्फटिकरत्नसन्मेखलम् ॥ ९३॥

ānamrākhilalokajālamumayā sadratnaraṅgāntarenṛtyantaṃ dadṛśussarudragaṇapāḥ kailāsamaulisthitam |jhalañjhalitakaṅkaṇaṃ padavalatkvaṇannūpuraṃkiṇīkiṇitasadhvaniṃ sphaṭikaratnasanmekhalam || 93||

घुणङ्घुणकृतारवं पदगरत्नमञ्जीरकंचटच्चटरवोत्थितप्रपदपद्मघोषं शिवम् ॥ ९४॥

ghuṇaṅghuṇakṛtāravaṃ padagaratnamañjīrakaṃcaṭaccaṭaravotthitaprapadapadmaghoṣaṃ śivam || 94||

तौर्यत्रिकोत्थितमहारवजातघोषलोकत्रयोद्गतसुरासुरकिन्नरेड्यम् ।मन्दस्मिताखिलविमोहनवेषभूषं राजच्छशाङ्कमहसा धवलीकृताशम् ॥ ९५॥

tauryatrikotthitamahāravajātaghoṣalokatrayodgatasurāsurakinnareḍyam |mandasmitākhilavimohanaveṣabhūṣaṃ rājacchaśāṅkamahasā dhavalīkṛtāśam || 95||

तं नीललोहितमुमा जगदादिहेतुं नृत्यन्तमिष्टदमुपैति च तुष्टच(व)क्रम् ।अष्टाकृतिं निखिलकष्टहरं प्रदोषेऽपश्यच्छिवा सकरुणारससारदृष्ट्या ॥ ९६॥

taṃ nīlalohitamumā jagadādihetuṃ nṛtyantamiṣṭadamupaiti ca tuṣṭaca(va)kram |aṣṭākṛtiṃ nikhilakaṣṭaharaṃ pradoṣe'paśyacchivā sakaruṇārasasāradṛṣṭyā || 96||

तां वीक्ष्यागसुतां स्मयन्निव महादेवस्सकैलासभूकैलासेश्वरपूजया सरसया कष्टानि सञ्जहिवान् ।लोकानां गणपात्मनामथ उमां प्राह प्रसन्नाननःपश्याम्बेति वदन्त्सदाशिवतरोर्मुग्धेन्दुचूडश्शिवः ॥ ९७॥

tāṃ vīkṣyāgasutāṃ smayanniva mahādevassakailāsabhūkailāseśvarapūjayā sarasayā kaṣṭāni sañjahivān |lokānāṃ gaṇapātmanāmatha umāṃ prāha prasannānanaḥpaśyāmbeti vadantsadāśivatarormugdhenducūḍaśśivaḥ || 97||

ईश्वर उवाचकैलासेश्वरलिङ्गमेतदमलं मुक्तिप्रदं शाश्वतञ्चापातालनिमग्नमूलमसकृत्सम्पूजितं तन्मया ।तस्योर्ध्वामलमौलिरप्यगसुते जानन्ति नैवागमादेवाद्यैर्मुनिभिस्त्वयापि च मया को वास्ति तत्पूजकः ॥ ९८॥

īśvara uvācakailāseśvaraliṅgametadamalaṃ muktipradaṃ śāśvatañcāpātālanimagnamūlamasakṛtsampūjitaṃ tanmayā |tasyordhvāmalamaulirapyagasute jānanti naivāgamādevādyairmunibhistvayāpi ca mayā ko vāsti tatpūjakaḥ || 98||

पूजापूजकपूज्यशब्दरहितं तत्केवलोऽहं शिवःतल्लिङ्गं वरदं सदाशिवमयं मच्छैलराजे शिवे ।(तल्लिङ्गं च सदा चकास्ति(गिरिजे)मच्छैलवर्येऽम्बिके ।)तद्दर्शनार्थं मुनयस्सुरासुरास्तप्यन्ति चाद्यापि जगत्यविप्लवाः (हराजविष्णवः) ॥ ९९॥

pūjāpūjakapūjyaśabdarahitaṃ tatkevalo'haṃ śivaḥtalliṅgaṃ varadaṃ sadāśivamayaṃ macchailarāje śive |(talliṅgaṃ ca sadā cakāsti(girije)macchailavarye'mbike |)taddarśanārthaṃ munayassurāsurāstapyanti cādyāpi jagatyaviplavāḥ (harājaviṣṇavaḥ) || 99||

देव्युवाचत्वयापि न ज्ञायत इत्यहो मे साश्चर्यमुक्तं हि त्वया सदाशिव ।तवापि तत्किं कृतलिङ्गपूजया रहस्यमेतन्मम तद्वद प्रभो ॥ १००॥

devyuvācatvayāpi na jñāyata ityaho me sāścaryamuktaṃ hi tvayā sadāśiva |tavāpi tatkiṃ kṛtaliṅgapūjayā rahasyametanmama tadvada prabho || 100||

इत्युक्तं गिरिजामनोहरवचश्श्रुत्वा महस्याम्बिकांलोकं स्रष्टुमथात्ति पाति सुतरान्तत्पालकश्शङ्करः ।वाचा चन्दनशीतया सुखकरश्शीतांशुधारी शिवःप्राहोत्फुल्लमनोहराब्जवदनो देवीं तदा भूतपः ॥ १०१॥

ityuktaṃ girijāmanoharavacaśśrutvā mahasyāmbikāṃlokaṃ sraṣṭumathātti pāti sutarāntatpālakaśśaṅkaraḥ |vācā candanaśītayā sukhakaraśśītāṃśudhārī śivaḥprāhotphullamanoharābjavadano devīṃ tadā bhūtapaḥ || 101||

ईश्वर उवाचनकर्मणा नैव समाधिभिर्जपैस्तपस्यया वा विविधैश्च यज्ञैः ।व्रतैश्च दानैर्नियमैर्ममेश्वरि प्राप्नोति किम्मत्पदपूजनं विना ॥ १०२॥

īśvara uvācanakarmaṇā naiva samādhibhirjapaistapasyayā vā vividhaiśca yajñaiḥ |vrataiśca dānairniyamairmameśvari prāpnoti kimmatpadapūjanaṃ vinā || 102||

तस्मादहं लिङ्गवरं सदा मुदा सम्पूजयामीष्टदमेव लोकान् ।संशिक्षितुं कार्यमिदं विमुक्त्यै सर्वार्थदञ्चेति मतम्मुदे मम ॥ १०३॥

tasmādahaṃ liṅgavaraṃ sadā mudā sampūjayāmīṣṭadameva lokān |saṃśikṣituṃ kāryamidaṃ vimuktyai sarvārthadañceti matammude mama || 103||

ध्यायामि तद्वेदशिरोऽधिगम्यमोङ्कारगम्यं परमार्थतत्वम् ।सत्यं शिवं ज्ञानसुखं सुबोधन्निर्द्वन्द्वमद्वैतमनन्तरूपम् ॥ १०४॥

dhyāyāmi tadvedaśiro'dhigamyamoṅkāragamyaṃ paramārthatatvam |satyaṃ śivaṃ jñānasukhaṃ subodhannirdvandvamadvaitamanantarūpam || 104||

एकं स्थिरं शाश्वतमव्ययं तत्प्राक्सृष्टितो विश्वमिदन्न यत्र ।संवीक्षितं तत्पुनरुद्बभूव तदेव जाये हृदि भावयामि ॥ १०५॥

ekaṃ sthiraṃ śāśvatamavyayaṃ tatprāksṛṣṭito viśvamidanna yatra |saṃvīkṣitaṃ tatpunarudbabhūva tadeva jāye hṛdi bhāvayāmi || 105||

यस्मात्परन्नापरमस्ति किञ्चित् यस्मागरीयो (यस्मादणीयः) न हि किञ्चिदस्ति ।येनैव पूर्णं परिदृश्यमानं विश्वन्तदेवाद्य विभावयामि ॥ १०६॥

yasmātparannāparamasti kiñcit yasmāgarīyo (yasmādaṇīyaḥ) na hi kiñcidasti |yenaiva pūrṇaṃ paridṛśyamānaṃ viśvantadevādya vibhāvayāmi || 106||

इत्युक्त्वा गिरिजां महाशिवतरोद्ध्यायन्भवस्स्थाणुवन्निर्व्यापारतरङ्गसागर इवाप्य(त्य)क्षुब्ध(क्षुद्र)गात्रश्शिवः ।देवीचापि मुमोद हर्षभरिता(ऽऽ)नन्दाङ्गकास्ते गणाःचेत्थं तस्य (इत्येस्तस्य) सुपूजनं मुनिवरास्सत्यं वदामि स्फुटम् ॥ १०७॥

ityuktvā girijāṃ mahāśivataroddhyāyanbhavassthāṇuvannirvyāpārataraṅgasāgara ivāpya(tya)kṣubdha(kṣudra)gātraśśivaḥ |devīcāpi mumoda harṣabharitā('')nandāṅgakāste gaṇāḥcetthaṃ tasya (ityestasya) supūjanaṃ munivarāssatyaṃ vadāmi sphuṭam || 107||

॥ इति शिवरहस्यान्तर्गते माहेश्वराख्ये कैलासेश्वरप्रदोषपूजावर्णनेदेव्याप्रति ईश्वरप्रोत्क्तं कैलासेश्वरप्रदोषपूजाकथनम् ॥॥ श्रीशिवरहस्यम् । माहेश्वराख्यः प्रथमांशः । अध्यायः १३ कैलासेश्वरप्रदोषपूजावर्णनम् । ३३१०७॥

|| iti śivarahasyāntargate māheśvarākhye kailāseśvarapradoṣapūjāvarṇanedevyāprati īśvaraprotktaṃ kailāseśvarapradoṣapūjākathanam |||| śrīśivarahasyam | māheśvarākhyaḥ prathamāṃśaḥ | adhyāyaḥ 13 kailāseśvarapradoṣapūjāvarṇanam | 33107||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः १३ – कैलासेश्वरप्रदोषपूजावर्णनम् ।३३-१०७॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 13 – kailāseśvarapradoṣapūjāvarṇanam | 33-107||