कैलासवर्णनम् ८ कैलासशैले अष्टदिक्प्रतिष्ठितान् निषधहेमकूटादिनिवासवर्णनम् ८ Kailasavarnanam 8

(कैलासशैले अष्टदिक्प्रतिष्ठितान् निषधहेमकूटादिनिवासवर्णनम् ८)स्कन्दःतस्यान्तरे च प्राकारो नवरत्नविचित्रितः ।अष्टाशीतिसहस्राणां योजनोच्छ्रयकल्पितः ॥ २८\।१॥चतुर्दशमहेशेन मनसैव प्रकल्पितः ।ब्रह्माण्डोर्ध्वगमौली स प्रोद्यद्भानुसहस्रभाः ॥ २८\।२॥न देवा न च गन्धर्वा न यक्षोरगराक्षसाः ।गणेन्द्रैरपि दुष्प्रेक्ष्यः प्राकारो रत्नकल्पितः ॥ २८\।३॥तत्र शैलाश्शिवेनैव चाष्टदिक्षु प्रतिष्ठिताः ।निषधो हेमकूटश्च विन्ध्यो मलयदर्दुरौ ॥ २८\।४॥मन्दरो हिमवांश्चैव नीलोऽत्रैव प्रकाशितः ।तेषां तपस्यया शम्भुस्सन्तुष्टो नितरां तदा ॥ ५॥

(kailāsaśaile aṣṭadikpratiṣṭhitān niṣadhahemakūṭādinivāsavarṇanam 8)skandaḥtasyāntare ca prākāro navaratnavicitritaḥ |aṣṭāśītisahasrāṇāṃ yojanocchrayakalpitaḥ || 28\|1||caturdaśamaheśena manasaiva prakalpitaḥ |brahmāṇḍordhvagamaulī sa prodyadbhānusahasrabhāḥ || 28\|2||na devā na ca gandharvā na yakṣoragarākṣasāḥ |gaṇendrairapi duṣprekṣyaḥ prākāro ratnakalpitaḥ || 28\|3||tatra śailāśśivenaiva cāṣṭadikṣu pratiṣṭhitāḥ |niṣadho hemakūṭaśca vindhyo malayadardurau || 28\|4||mandaro himavāṃścaiva nīlo'traiva prakāśitaḥ |teṣāṃ tapasyayā śambhussantuṣṭo nitarāṃ tadā || 5||

स्वावासेऽपि महाशैले महाकैलासपर्वते ।तेषां नित्यं निवसतिं ददौ कारुण्यतश्शिवः ॥ ६॥

svāvāse'pi mahāśaile mahākailāsaparvate |teṣāṃ nityaṃ nivasatiṃ dadau kāruṇyataśśivaḥ || 6||

अन्यत्र ते शिलाशैलाः कैलासे रत्नसन्निभाः ।तत्प्राकाराष्टकोणेषु विहिताश्शूलपाणिना ॥ ७॥

anyatra te śilāśailāḥ kailāse ratnasannibhāḥ |tatprākārāṣṭakoṇeṣu vihitāśśūlapāṇinā || 7||

पूर्वतो निषधो भाति चाग्नेय्यां हेमकूटकः ।विन्ध्योऽसौ दक्षिणे भाति मलयो नैरृते स्थितः ॥ ८॥

pūrvato niṣadho bhāti cāgneyyāṃ hemakūṭakaḥ |vindhyo'sau dakṣiṇe bhāti malayo nairṛte sthitaḥ || 8||

वारुण्यां दर्दुरो भाति वायव्यां भाति मन्दरः ।हिमवानुत्तरे भाति चैशान्यां नीलपर्वतः ॥ ९॥

vāruṇyāṃ darduro bhāti vāyavyāṃ bhāti mandaraḥ |himavānuttare bhāti caiśānyāṃ nīlaparvataḥ || 9||

अष्टदिक्षु स्थिता एते महाकैलासपर्वते ।स्वमौलिभिर्भासयन्ति दिशां स्तोमं नगोत्तमाः ॥ १०॥

aṣṭadikṣu sthitā ete mahākailāsaparvate |svamaulibhirbhāsayanti diśāṃ stomaṃ nagottamāḥ || 10||

तन्मौलिसौधशिखरैस्सूर्यचन्द्रातिकान्तिकैः ।माणिक्यकान्तिर्नितषधश्चैन्द्र्यामिन्द्रधनुः प्रभः ॥ ११॥

tanmaulisaudhaśikharaissūryacandrātikāntikaiḥ |māṇikyakāntirnitaṣadhaścaindryāmindradhanuḥ prabhaḥ || 11||

भोगं पातङ्कर्मिणाञ्च पश्यन्हृष्यति चाम्बया ।निषधेशालयं तत्र मणिकुम्भमनोहरम् ॥ २७॥

bhogaṃ pātaṅkarmiṇāñca paśyanhṛṣyati cāmbayā |niṣadheśālayaṃ tatra maṇikumbhamanoharam || 27||

निषधो मूर्तिमांस्तत्र तलिङ्गं पूजयंस्तदा ।भस्मरुद्राक्षसम्पन्नो दिव्यैः पञ्चामृतैस्तदा ॥ २८॥

niṣadho mūrtimāṃstatra taliṅgaṃ pūjayaṃstadā |bhasmarudrākṣasampanno divyaiḥ pañcāmṛtaistadā || 28||

गन्धैश्चैव च वासोभिर्बिल्वमन्दारचम्पकैः ।धूपैर्दीपैश्च नैवेद्यैस्ताम्बूलैश्च नमंस्तदा ॥ २९॥

gandhaiścaiva ca vāsobhirbilvamandāracampakaiḥ |dhūpairdīpaiśca naivedyaistāmbūlaiśca namaṃstadā || 29||

प्रदक्षिणाभिस्सततं निषधेशं स्तुवंस्थितः ॥ ३०॥

pradakṣiṇābhissatataṃ niṣadheśaṃ stuvaṃsthitaḥ || 30||

आग्नेयबहुलामोदवनगन्धैश्च सुन्दरम् ।मारुतो वाति धूपानां प्रमोदामोदसुन्दरः ॥ ४२॥

āgneyabahulāmodavanagandhaiśca sundaram |māruto vāti dhūpānāṃ pramodāmodasundaraḥ || 42||

तमालसुन्दरवनमग्निलोकविभूषणम् ।अग्निदिक्सौधगं (आनलैस्सौधगैः) तत्र सेवितं सुमनोहरम् ॥ ४३॥

tamālasundaravanamagnilokavibhūṣaṇam |agnidiksaudhagaṃ (ānalaissaudhagaiḥ) tatra sevitaṃ sumanoharam || 43||

अग्नीश्वराभिधं लिङ्गं पूजयन्तो हि वह्नयः ।आग्नेयगणपैश्चैव तत्र तल्लोकवासिभिः ॥ ४४॥

agnīśvarābhidhaṃ liṅgaṃ pūjayanto hi vahnayaḥ |āgneyagaṇapaiścaiva tatra tallokavāsibhiḥ || 44||

पुरा समर्च्य तल्लिङ्गं सर्वभक्षकृता दधत् ।विमुक्तस्स तदा वह्निस्तं पश्यन् शङ्करोऽम्बया ॥ ४५॥

purā samarcya talliṅgaṃ sarvabhakṣakṛtā dadhat |vimuktassa tadā vahnistaṃ paśyan śaṅkaro'mbayā || 45||

हेमकूटो महाशैलो मूर्तिमान्लिङ्गमैश्वरम् ।हेमकूटेश्वरं नाम्ना प्रतिष्ठाण्यात भावनैः ॥ ४७॥

hemakūṭo mahāśailo mūrtimānliṅgamaiśvaram |hemakūṭeśvaraṃ nāmnā pratiṣṭhāṇyāta bhāvanaiḥ || 47||

स्तौति देवं महादेवं हेमकूटश्शुभव्रतः ॥ ४८॥

stauti devaṃ mahādevaṃ hemakūṭaśśubhavrataḥ || 48||

(स्तौति देवं हेमकूटो भस्मरुद्राक्षधृङ्नगः) ॥ ४८॥

(stauti devaṃ hemakūṭo bhasmarudrākṣadhṛṅnagaḥ) || 48||

इत्थं सदा हेमकूटस्तत्र स्तौति महेश्वरम् ॥ ५०॥

itthaṃ sadā hemakūṭastatra stauti maheśvaram || 50||

महेशाश्रयजोन्मादमुदितो विन्ध्यभूधरः ।तन्मौलिगोपुरोत्तुङ्गशिखरैर्वृषभैरपि ॥ ४॥

maheśāśrayajonmādamudito vindhyabhūdharaḥ |tanmauligopurottuṅgaśikharairvṛṣabhairapi || 4||

महानीलगणोद्यद्भानीलीकृतदिगन्तरः ।तन्मौलितिलकोद्दामपुण्डरीकसहस्रकैः ॥ ५॥

mahānīlagaṇodyadbhānīlīkṛtadigantaraḥ |tanmaulitilakoddāmapuṇḍarīkasahasrakaiḥ || 5||

नीलसारैश्च वृषभैर्मणिनेत्रैश्च शोभितः ।स्फटिकेन्द्रमहानीलजालकाङ्कितकुट्टिमः ॥ ८॥

nīlasāraiśca vṛṣabhairmaṇinetraiśca śobhitaḥ |sphaṭikendramahānīlajālakāṅkitakuṭṭimaḥ || 8||

नीरनीलोत्पलकृतचारुमालाविभूषितः ।गवाक्षित इवाभाति चाम्बरं तत्र सुन्दरम् ॥ ९॥

nīranīlotpalakṛtacārumālāvibhūṣitaḥ |gavākṣita ivābhāti cāmbaraṃ tatra sundaram || 9||

तस्मिन्त्सौधोत्तमे मञ्चे चेन्द्रनीलोरुपादके ।तस्मिन्मञ्चोपरिलसन्नीललोहित ईश्वरः ॥ १०॥

tasmintsaudhottame mañce cendranīlorupādake |tasminmañcoparilasannīlalohita īśvaraḥ || 10||

देव्या सदास्ते नितरां गणवृन्दनिषेवितः ।पश्यन् यामीन्दिशं शम्भुर्यमं संयमिनीश्वरम् ॥ ११॥

devyā sadāste nitarāṃ gaṇavṛndaniṣevitaḥ |paśyan yāmīndiśaṃ śambhuryamaṃ saṃyaminīśvaram || 11||

क्रीडत्यत्यन्तमुदितो देवो देव्या महेश्वरः ।विन्ध्यमौलिमहासौधे नीलेन्द्रमणिकल्पिते ॥ १६॥

krīḍatyatyantamudito devo devyā maheśvaraḥ |vindhyamaulimahāsaudhe nīlendramaṇikalpite || 16||

विन्ध्यो विन्ध्येश्वरं लिङ्गं तत्र सम्पूज्य भक्तितः ।पञ्चामृतैः फलरसैश्चन्दनैर्धूपदीपकैः ॥ १७॥

vindhyo vindhyeśvaraṃ liṅgaṃ tatra sampūjya bhaktitaḥ |pañcāmṛtaiḥ phalarasaiścandanairdhūpadīpakaiḥ || 17||

बिल्वचम्पकमन्दारकरवीरसुपङ्कजैः ।प्रदक्षिणानतीभिश्च मणिनीराजनैरपि ॥ १८॥

bilvacampakamandārakaravīrasupaṅkajaiḥ |pradakṣiṇānatībhiśca maṇinīrājanairapi || 18||

सम्पूज्य विन्ध्यस्संस्तौति भक्त्या विन्ध्येश्वरं शिवम् ॥ १९॥

sampūjya vindhyassaṃstauti bhaktyā vindhyeśvaraṃ śivam || 19||

इत्थं स्तौति सदा विन्ध्यो विन्ध्येशं तत्र शैलराट् ।मलयो नैरृते भाति राजत्सुन्दरशेखरः ॥ २१॥

itthaṃ stauti sadā vindhyo vindhyeśaṃ tatra śailarāṭ |malayo nairṛte bhāti rājatsundaraśekharaḥ || 21||

पुष्परागमणिप्रख्यो नानानिर्झरकन्दरः ।रम्यशृङ्गाग्रविलसद्गोपुरावलिभासुरः ॥ २२॥

puṣparāgamaṇiprakhyo nānānirjharakandaraḥ |ramyaśṛṅgāgravilasadgopurāvalibhāsuraḥ || 22||

रुद्रक्रीडादिसहितो ललामवृषभाञ्चितः ।स्वप्रभाभासितोल्लासिसर्वलोकातिगो नगः ॥ २३॥

rudrakrīḍādisahito lalāmavṛṣabhāñcitaḥ |svaprabhābhāsitollāsisarvalokātigo nagaḥ || 23||

पुष्परागमणीकॢप्तसहस्रस्तम्भमण्डितः ।सुरत्नकलशोपेतस्सहस्रतलमण्डितः ॥ २५॥

puṣparāgamaṇīkḷptasahasrastambhamaṇḍitaḥ |suratnakalaśopetassahasratalamaṇḍitaḥ || 25||

परार्ध्यरत्नखचितसिह्मासनवराश्रयः ।रत्नगुच्छमहापुष्पसरालम्बितपीठभूः ॥ २६॥

parārdhyaratnakhacitasihmāsanavarāśrayaḥ |ratnagucchamahāpuṣpasarālambitapīṭhabhūḥ || 26||

तत्रस्थभूषणोपेतो देव्या क्रीडति शङ्करः ।महामलयजोद्भूतचन्दनामोदिमारुतैः ॥ २७॥

tatrasthabhūṣaṇopeto devyā krīḍati śaṅkaraḥ |mahāmalayajodbhūtacandanāmodimārutaiḥ || 27||

चन्द्रचन्दनलिप्ताङ्गो महाकल्पकपुष्पधृक् ।गुग्गुलूद्दामसुभगधूमामोदितदिक्तटः ॥ २८॥

candracandanaliptāṅgo mahākalpakapuṣpadhṛk |guggulūddāmasubhagadhūmāmoditadiktaṭaḥ || 28||

तान्नैरृतीं दिशं शम्भुः पश्यन्निरृतिजान्गणान् ।कृष्णान्करालान्विकटान्निस्त्रिंशवरधारिणः ॥ २९॥

tānnairṛtīṃ diśaṃ śambhuḥ paśyannirṛtijāngaṇān |kṛṣṇānkarālānvikaṭānnistriṃśavaradhāriṇaḥ || 29||

सप्ताम्बुधीनां कोणानि तदन्तर्गतभूमपि ।द्वीपांश्च सरितश्शैलान्वनानि च महेश्वरः ॥ ३०॥

saptāmbudhīnāṃ koṇāni tadantargatabhūmapi |dvīpāṃśca saritaśśailānvanāni ca maheśvaraḥ || 30||

मलयेन स्वनाम्ना वै लिङ्गन्तन्मलयेश्वरम् ।मणिधाममयं तत्र पूजितं सर्वकामदम् ॥ ३१॥

malayena svanāmnā vai liṅgantanmalayeśvaram |maṇidhāmamayaṃ tatra pūjitaṃ sarvakāmadam || 31||

पञ्चामृतैश्चन्दनैश्च बिल्वमन्दारचम्पकैः ।धूपैर्दीपैश्च नैवेद्यैः प्रणामप्रक्रमादिभिः ॥ ३२॥

pañcāmṛtaiścandanaiśca bilvamandāracampakaiḥ |dhūpairdīpaiśca naivedyaiḥ praṇāmaprakramādibhiḥ || 32||

संस्तुवन्परया भक्त्या गिरिणा मलयेन च ॥ ३३॥

saṃstuvanparayā bhaktyā giriṇā malayena ca || 33||

इत्थं स्तौति सदा देवं मलयश्शैलसत्तमः ।दर्दुरः पश्चिमे भाति नानाशृङ्गवराश्रयः ॥ ३५॥

itthaṃ stauti sadā devaṃ malayaśśailasattamaḥ |darduraḥ paścime bhāti nānāśṛṅgavarāśrayaḥ || 35||

वैडूर्यसारसुभगतत्सूत्रछविना ततः ।तन्मौलिगोपुरापारशिखरैरतिभासुरः ॥ ३६॥

vaiḍūryasārasubhagatatsūtrachavinā tataḥ |tanmauligopurāpāraśikharairatibhāsuraḥ || 36||

वैडूर्यसारगर्भाच्छसुन्दरान्तरकाञ्चितः ।तत्र सिह्मासनं दिव्यं पञ्चयोजनकल्पितम् ॥ ४०॥

vaiḍūryasāragarbhācchasundarāntarakāñcitaḥ |tatra sihmāsanaṃ divyaṃ pañcayojanakalpitam || 40||

परार्ध्यास्तरणोपेतं तस्मिन्देव्या महेश्वरः ।विहरत्यन्तरगणैर्वरुणो वारुणीं श्रितः ॥ ४१॥

parārdhyāstaraṇopetaṃ tasmindevyā maheśvaraḥ |viharatyantaragaṇairvaruṇo vāruṇīṃ śritaḥ || 41||

दिशं पयोधिनाथेन पालितां यादसां तदा ।वैडूर्यरत्नमकुटतटबद्धेन्दुशेखरः ॥ ४२॥

diśaṃ payodhināthena pālitāṃ yādasāṃ tadā |vaiḍūryaratnamakuṭataṭabaddhenduśekharaḥ || 42||

तद्वैडूर्यमहासूत्रधाराविद्योदितान्तरः ।पश्यन्पश्चिमदिङ्नाथं वरुणं तद्गणानपि ॥ ४५॥

tadvaiḍūryamahāsūtradhārāvidyoditāntaraḥ |paśyanpaścimadiṅnāthaṃ varuṇaṃ tadgaṇānapi || 45||

देवभागांश्च तत्रत्यान् क्षेत्राणि च महेश्वरः ।विहरत्यम्बया सार्धं सौधे तस्मिन्पिनाकधृक् ॥ ४७॥

devabhāgāṃśca tatratyān kṣetrāṇi ca maheśvaraḥ |viharatyambayā sārdhaṃ saudhe tasminpinākadhṛk || 47||

दर्दुरेशाभिधं तेन पूजीतं दिव्यधामगम् ।पञ्चामृतासेचनैश्च गन्धैर्बिल्वैश्च चम्पकैः ॥ ४८॥

dardureśābhidhaṃ tena pūjītaṃ divyadhāmagam |pañcāmṛtāsecanaiśca gandhairbilvaiśca campakaiḥ || 48||

धूपैर्दीपैश्च नैवेद्यैर्नमनप्रक्रमस्तवैः ।तुष्टाव दर्दुरो देवं दर्दुरेशं महेश्वरम् ॥ ४९॥

dhūpairdīpaiśca naivedyairnamanaprakramastavaiḥ |tuṣṭāva darduro devaṃ dardureśaṃ maheśvaram || 49||

वायव्यां मन्दरस्तत्र मणिमुन्दरकन्दरः ।महेशस्य प्रियो नित्यं सर्वमन्दारनन्दितः ॥ १॥

vāyavyāṃ mandarastatra maṇimundarakandaraḥ |maheśasya priyo nityaṃ sarvamandārananditaḥ || 1||

मन्दारतरुभिस्तस्य मौलिस्थैर्द्योतिता दिशः ।हरिन्मणिप्रभाजालपरिष्कृतदिगन्तरः ॥ २॥

mandāratarubhistasya maulisthairdyotitā diśaḥ |harinmaṇiprabhājālapariṣkṛtadigantaraḥ || 2||

तत्रदेव्या हरित्कान्त्या वामभागस्थया शिवः ।सेवितो हरितोद्दामपादमञ्चेऽधिसंस्थितः ॥ १२॥

tatradevyā haritkāntyā vāmabhāgasthayā śivaḥ |sevito haritoddāmapādamañce'dhisaṃsthitaḥ || 12||

देवलोकांस्तथादेवो देव्या लोकान्प्रतीक्षयन् ।मन्दरेणार्चितं तत्र लिङ्गं सुन्दरमन्दिरे ॥ १४॥

devalokāṃstathādevo devyā lokānpratīkṣayan |mandareṇārcitaṃ tatra liṅgaṃ sundaramandire || 14||

नाम्नैव मन्दरेशानमिन्दुकुन्दसमप्रभम् ।पञ्चामृतैस्तथा नीरैश्चन्दनैर्बिल्वपलवैः ॥ १५॥

nāmnaiva mandareśānamindukundasamaprabham |pañcāmṛtaistathā nīraiścandanairbilvapalavaiḥ || 15||

अरविन्दमरन्दैश्च मन्दारतरुजैस्सुमैः ।धूपैर्दीपैश्च नैवेद्यैर्नमनक्रमैस्तथा ॥ १६॥

aravindamarandaiśca mandāratarujaissumaiḥ |dhūpairdīpaiśca naivedyairnamanakramaistathā || 16||

आनन्दसुन्दरोदारस्तवैस्संस्तौति भक्तितः ॥ १७॥

ānandasundarodārastavaissaṃstauti bhaktitaḥ || 17||

इत्थं स्तौति सदा देवं मन्दरश्चारुकन्दरः ।मम मातामहोद्दामशेखरैरर्दिता दिशः ॥ १९॥

itthaṃ stauti sadā devaṃ mandaraścārukandaraḥ |mama mātāmahoddāmaśekharairarditā diśaḥ || 19||

हीरसारमयो भाति हिमवान् गगनातिगः ।हिमसारमहाधाराशशिकान्तशिलामयः ॥ २०॥

hīrasāramayo bhāti himavān gaganātigaḥ |himasāramahādhārāśaśikāntaśilāmayaḥ || 20||

तत्कान्तिकान्तिता लोका महागोपुरभासुरः ।रुद्रावतारचरितैर्वृषस्तोमविराजितः ॥ २१॥

tatkāntikāntitā lokā mahāgopurabhāsuraḥ |rudrāvatāracaritairvṛṣastomavirājitaḥ || 21||

नियुतं योजनायामः कैलासोत्तरभागगः ।सहस्रकेसरिसटातटभ्राजिसुपाण्डरः ॥ २२॥

niyutaṃ yojanāyāmaḥ kailāsottarabhāgagaḥ |sahasrakesarisaṭātaṭabhrājisupāṇḍaraḥ || 22||

सुधासागरमध्यस्थमणिद्वीपं शिवप्रियम् ।नीपापारवनं तच्च रत्ननीपैस्समावृतम् ॥ ४०॥

sudhāsāgaramadhyasthamaṇidvīpaṃ śivapriyam |nīpāpāravanaṃ tacca ratnanīpaissamāvṛtam || 40||

हिमशैलामलाकारधारासौधे महेश्वरः ।देव्या विहरति स्वैरं चलच्चामरवीजनैः ॥ ४१॥

himaśailāmalākāradhārāsaudhe maheśvaraḥ |devyā viharati svairaṃ calaccāmaravījanaiḥ || 41||

रत्नचाम्पेयमालाभिर्भूषितस्तत्र शङ्करः ।गणेन्द्रैरुद्यतलसत्त्रिशूलकरभासुरैः ॥ ४२॥

ratnacāmpeyamālābhirbhūṣitastatra śaṅkaraḥ |gaṇendrairudyatalasattriśūlakarabhāsuraiḥ || 42||

हिमाचलेश्वरं लिङ्गं चन्द्रस्फटिकधामगम् ।अपारवरिवस्याभिर्हिमशैलेन चार्चितम् ॥ ४३॥

himācaleśvaraṃ liṅgaṃ candrasphaṭikadhāmagam |apāravarivasyābhirhimaśailena cārcitam || 43||

पञ्चामृतैः फलरसैस्सुगन्धैर्यक्षकर्दमैः ।बिल्वारविन्दकह्लारैश्चम्पकैर्वकसम्भवैः ॥ ४४॥

pañcāmṛtaiḥ phalarasaissugandhairyakṣakardamaiḥ |bilvāravindakahlāraiścampakairvakasambhavaiḥ || 44||

धूपदीपोपहारैश्च प्रणामप्रक्रमादिभिः ।अस्तौषीद्धिमशैलेशं हिमांश्च कृताञ्जलिः ॥ ४५॥

dhūpadīpopahāraiśca praṇāmaprakramādibhiḥ |astauṣīddhimaśaileśaṃ himāṃśca kṛtāñjaliḥ || 45||

इत्थं हिमाचलस्स्तौति हिममौलिमहेश्वरम् ।नीलो विभाति चैशान्यां कैलासामलपर्वते ॥ ४७॥

itthaṃ himācalasstauti himamaulimaheśvaram |nīlo vibhāti caiśānyāṃ kailāsāmalaparvate || 47||

रम्यसानुशतोपेतस्सहस्रशिखरैर्वृतः ।नीलोऽपि वामतश्शैलः प्रवालमणिभासुरः ॥ ४८॥

ramyasānuśatopetassahasraśikharairvṛtaḥ |nīlo'pi vāmataśśailaḥ pravālamaṇibhāsuraḥ || 48||

प्रवालवर्तुलात्यच्छमालागुच्छैकशोभितः ।तत्रैव सुमनामोदमाद्यद्युङ्कृतषट्पदः ॥ ५५॥

pravālavartulātyacchamālāgucchaikaśobhitaḥ |tatraiva sumanāmodamādyadyuṅkṛtaṣaṭpadaḥ || 55||

तत्प्रवालमणिज्योत्स्नानिवारिततमस्त्रुटिः ।तस्मिन्प्रवालपादाच्छमञ्चके स्तरणास्तृते ॥ ५६॥

tatpravālamaṇijyotsnānivāritatamastruṭiḥ |tasminpravālapādācchamañcake staraṇāstṛte || 56||

देव्या विहरति प्रीत्या चन्द्रचूडो महेश्वरः ।सप्ताधिवेष्टितापारभूमयोद्वीपकानपि ॥ ५७॥

devyā viharati prītyā candracūḍo maheśvaraḥ |saptādhiveṣṭitāpārabhūmayodvīpakānapi || 57||

वनानि सरितश्शैलान्क्षेत्राण्यपि महेश्वरः ।ईशानलोकं तत्रैव नानारुद्रगणैर्वृतम् ॥ ५८॥

vanāni saritaśśailānkṣetrāṇyapi maheśvaraḥ |īśānalokaṃ tatraiva nānārudragaṇairvṛtam || 58||

शृणुष्व जैगीषव्यत्वं पापभङ्गाय केवलम् ।निषधेशो हेमकेशो विन्ध्येशो मलयेश्वरः ॥ ६३॥

śṛṇuṣva jaigīṣavyatvaṃ pāpabhaṅgāya kevalam |niṣadheśo hemakeśo vindhyeśo malayeśvaraḥ || 63||

दर्दुरेशो मन्दरेशो हिमशैलेश्वरो हरः ।नीलेश्वरोऽहि परितो महासौधवराश्रयाः ॥ ६४॥

dardureśo mandareśo himaśaileśvaro haraḥ |nīleśvaro'hi parito mahāsaudhavarāśrayāḥ || 64||

रम्यगोपुरकोपेता नगास्तत्र वपुर्धराः ।पूजयन्त्यत्र लिङ्गानि बिल्वपत्रैर्मनोहरैः ॥ ६५॥

ramyagopurakopetā nagāstatra vapurdharāḥ |pūjayantyatra liṅgāni bilvapatrairmanoharaiḥ || 65||

नीलोऽपि तत्र नीलेशं पूज्यानेकैस्सुमैरपि ।धूपैर्दीपैश्च नैवेद्यैस्स्तौति नीलेश्वरं शिवं ।स्वमौलिमणिजापारधामगं प्राञ्जलिस्तदा ॥ ६६॥

nīlo'pi tatra nīleśaṃ pūjyānekaissumairapi |dhūpairdīpaiśca naivedyaisstauti nīleśvaraṃ śivaṃ |svamaulimaṇijāpāradhāmagaṃ prāñjalistadā || 66||

इत्थं स्तुवन्ति ते शैला गिरीशां गिरिशं तदा ॥ ६८॥

itthaṃ stuvanti te śailā girīśāṃ giriśaṃ tadā || 68||

॥ इति शिवरहस्यान्तर्गते माहेश्वराख्ये कैलासशैले अष्टदिक्प्रतिष्ठितान् निषधहेमकूटादिनिवासवर्णनम् ॥॥ श्रीशिवरहस्यम् । माहेश्वराख्यः प्रथमांशः । अध्यायः २८२९३०। वावृत्तश्लोकाः ॥– ॥ श्रीशिवरहस्यम् । माहेश्वराख्यः प्रथमांशः । अध्यायः २८-२९-३०। वावृत्तश्लोकाः ॥

|| iti śivarahasyāntargate māheśvarākhye kailāsaśaile aṣṭadikpratiṣṭhitān niṣadhahemakūṭādinivāsavarṇanam |||| śrīśivarahasyam | māheśvarākhyaḥ prathamāṃśaḥ | adhyāyaḥ 282930| vāvṛttaślokāḥ ||– || śrīśivarahasyam | māheśvarākhyaḥ prathamāṃśaḥ | adhyāyaḥ 28-29-30| vāvṛttaślokāḥ ||