कैलासशैलप्राकारवर्णनम् ३ Kailasashailaprakaravarnanam 3

(कैलासशैले पञ्चब्रह्मप्राकारवर्णनम् ३)स्कन्द उवाचश्रुणुध्वं ब्रह्मविच्छ्रेष्ठा (ब्रह्मविष्णवाद्या)मुनयश्च गणोत्तमाः (तपोधनाः) ।जैगीषव्य महाप्राज्ञ शृणुध्वममलाः कथाः ॥ ७॥

(kailāsaśaile pañcabrahmaprākāravarṇanam 3)skanda uvācaśruṇudhvaṃ brahmavicchreṣṭhā (brahmaviṣṇavādyā)munayaśca gaṇottamāḥ (tapodhanāḥ) |jaigīṣavya mahāprājña śṛṇudhvamamalāḥ kathāḥ || 7||

शम्भोर्विचित्रविभवाश्श्रोत्रपावामलाः कथाः ।क्षीरोदधिमहाखातप्राकारोऽस्तितदन्तरः ॥ ८॥

śambhorvicitravibhavāśśrotrapāvāmalāḥ kathāḥ |kṣīrodadhimahākhātaprākāro'stitadantaraḥ || 8||

(तत्पुरुष)उद्भूतचन्द्रकिरणैस्तरङ्गचैव भासुरः ।रजतोच्छ्रायशृङ्गाग्रो महावृषभलाञ्छितः ॥ ९॥

(tatpuruṣa)udbhūtacandrakiraṇaistaraṅgacaiva bhāsuraḥ |rajatocchrāyaśṛṅgāgro mahāvṛṣabhalāñchitaḥ || 9||

नानागोपुररत्नौघप्रभाभासितदिङ्मुखः ।स्फटिकैः कृतदेवेशवरसुन्दरविग्रहैः ॥ १०॥

nānāgopuraratnaughaprabhābhāsitadiṅmukhaḥ |sphaṭikaiḥ kṛtadeveśavarasundaravigrahaiḥ || 10||

शोभितो गोपुराणाञ्च समूहैः परिशोभितः ।तत्पूर्वदेशे देवस्य तत्पूर्वस्य मनोहरम् ॥ ११॥

śobhito gopurāṇāñca samūhaiḥ pariśobhitaḥ |tatpūrvadeśe devasya tatpūrvasya manoharam || 11||

गोपुरं सौधसुभगं स्तम्भविद्रुमपुत्रिकम् ।मणिकॢप्ताच्छवलभीनिर्यत्पारावतीगणम् ॥ १२॥

gopuraṃ saudhasubhagaṃ stambhavidrumaputrikam |maṇikḷptācchavalabhīniryatpārāvatīgaṇam || 12||

तत्र सिंहासनवरं नवरत्नविचित्रितम् ।तत्र स्थितं गणैर्देवैश्शूलतेजोलसत्करैः ॥ १३॥

tatra siṃhāsanavaraṃ navaratnavicitritam |tatra sthitaṃ gaṇairdevaiśśūlatejolasatkaraiḥ || 13||

कपर्दधृतचन्द्रार्कैर्भसितामललोचनैः ।त्रिपुण्ड्रविलसद्भालैर्विलसद्भाललोचनैः ॥ १४॥

kapardadhṛtacandrārkairbhasitāmalalocanaiḥ |tripuṇḍravilasadbhālairvilasadbhālalocanaiḥ || 14||

रत्नान्तरितरुद्राक्षमालालळितकन्धरैः ।नीरदोद्यत्प्रभाभास्वन्नीरजोपमकन्धरैः ॥ १५॥

ratnāntaritarudrākṣamālālaḷitakandharaiḥ |nīradodyatprabhābhāsvannīrajopamakandharaiḥ || 15||

वाताशनकृतोच्छ्वासचलद्धारमनोहरैः ।महाडमरुनादेन भीषिताखिलदिक्तटैः ॥ १६॥

vātāśanakṛtocchvāsacaladdhāramanoharaiḥ |mahāḍamarunādena bhīṣitākhiladiktaṭaiḥ || 16||

फणामणिकृतापारनूपुराङ्गदकङ्कणैः ।रणन्मञ्जीरवलयैस्सिंहसंहननैर्गणैः ॥ १७॥

phaṇāmaṇikṛtāpāranūpurāṅgadakaṅkaṇaiḥ |raṇanmañjīravalayaissiṃhasaṃhananairgaṇaiḥ || 17||

पुण्डरीकाजिनभवत्कृष्णरेखाकटीतटैः ।महेभचर्मवसनैर्बालातपसमप्रभैः ॥ १८॥

puṇḍarīkājinabhavatkṛṣṇarekhākaṭītaṭaiḥ |mahebhacarmavasanairbālātapasamaprabhaiḥ || 18||

गणेन्द्रैर्वारणेन्द्राभैः करिशुण्डोरुबाहुभिः ।अहिमन्युभिरुत्कृष्टैः कोटिभिर्गणपैर्वृतः ॥ १९॥

gaṇendrairvāraṇendrābhaiḥ kariśuṇḍorubāhubhiḥ |ahimanyubhirutkṛṣṭaiḥ koṭibhirgaṇapairvṛtaḥ || 19||

पृषत्ककरनिस्तृंशवाणासनधरैर्वरैः ।पूर्वतो भातितत्पूर्षश्चेन्दुकुन्दसमप्रभः ॥ २०॥

pṛṣatkakaranistṛṃśavāṇāsanadharairvaraiḥ |pūrvato bhātitatpūrṣaścendukundasamaprabhaḥ || 20||

जटामुकुटसंशोभिराजराजकलाधरः ।भस्माभ्यक्तस्त्रिपुण्ड्राङ्कचतुर्बाहुरुदारधीः ॥ २१॥

jaṭāmukuṭasaṃśobhirājarājakalādharaḥ |bhasmābhyaktastripuṇḍrāṅkacaturbāhurudāradhīḥ || 21||

त्रिणेत्रो नीलकण्ठश्च बालसूर्यायुतप्रभः ।तत्पूरुषं महालिङ्गं सम्पूज्य वरिवस्यया ॥ २२॥

triṇetro nīlakaṇṭhaśca bālasūryāyutaprabhaḥ |tatpūruṣaṃ mahāliṅgaṃ sampūjya varivasyayā || 22||

समर्चयति विप्रेन्द्र बिल्वपत्त्रैश्शिवार्चकः ।स्तुवते सावधानेन तल्लिङ्गं रत्नधामगम् ॥ २३॥

samarcayati viprendra bilvapattraiśśivārcakaḥ |stuvate sāvadhānena talliṅgaṃ ratnadhāmagam || 23||

तत्पुरुषःस्वच्छछत्राभिरामं छविजितरजतं छन्दसाङ्गीततुष्टम्स्वच्छन्दायां निरिच्छोदधिनिजमहिगोच्छन्नमच्छाच्छदेहम् ।छद्मेभारिछदाच्छछदमजमजरं पिञ्छतापिञ्छगुच्छछायासछायवामाङ्गममदधिषणे सद्विपच्छेदनेच्छम् ॥ २४॥

tatpuruṣaḥsvacchachatrābhirāmaṃ chavijitarajataṃ chandasāṅgītatuṣṭamsvacchandāyāṃ niricchodadhinijamahigocchannamacchācchadeham |chadmebhārichadācchachadamajamajaraṃ piñchatāpiñchagucchachāyāsachāyavāmāṅgamamadadhiṣaṇe sadvipacchedaneccham || 24||

आशीविषाङ्गद सदैव महेश काशीवासीकृतानन्दवन प्रसीद ।संसारवाराशितरे पुरारे कीनाशनाश भयमाशु विनाशयाय ॥ २५॥

āśīviṣāṅgada sadaiva maheśa kāśīvāsīkṛtānandavana prasīda |saṃsāravārāśitare purāre kīnāśanāśa bhayamāśu vināśayāya || 25||

स्कन्दःइत्थं स्तौति सदाकालं पुरुषः पुरुषेश्वरम् ।(इत्थं स्तौति सदाकालं तत्पूरुषः परमेश्वरम्) ।(अघोर)तत्रास्तेगणपाधीशःप्राचीन्ताम्पालयन्दिशम् ॥ २६॥

skandaḥitthaṃ stauti sadākālaṃ puruṣaḥ puruṣeśvaram |(itthaṃ stauti sadākālaṃ tatpūruṣaḥ parameśvaram) |(aghora)tatrāstegaṇapādhīśaḥprācīntāmpālayandiśam || 26||

क्षारोदधिपरीवृत्तः कालायसविनिर्मितः ।प्राकारो राजते वित्र दक्षिणे गोपुरैर्वृतः ॥ २७॥

kṣārodadhiparīvṛttaḥ kālāyasavinirmitaḥ |prākāro rājate vitra dakṣiṇe gopurairvṛtaḥ || 27||

लवणाम्भोधिकल्लोलघर्घरानिलघोषितः ।तत्र नाना महाभोगफणारत्त्रालयो महान् ॥ २८॥

lavaṇāmbhodhikallolaghargharānilaghoṣitaḥ |tatra nānā mahābhogaphaṇārattrālayo mahān || 28||

सौधान्तरस्थपीठस्थोभ्रुकुटी कुटिलाननः ।उच्चण्डतरकोदण्डखण्डितारातिमण्डलः ॥ २९॥

saudhāntarasthapīṭhasthobhrukuṭī kuṭilānanaḥ |uccaṇḍatarakodaṇḍakhaṇḍitārātimaṇḍalaḥ || 29||

जटामण्डलगोद्भासिसुधामण्डलशेखरः ।विद्युल्लतेव घनवद्दंष्ट्राशोभितवक्त्रकः ॥ ३०॥

jaṭāmaṇḍalagodbhāsisudhāmaṇḍalaśekharaḥ |vidyullateva ghanavaddaṃṣṭrāśobhitavaktrakaḥ || 30||

नीलामलतनूभास्वद्भासितालेपसुन्दरः ।सजलोद्दमघनगगर्भान्तरविद्युता ॥ ३१॥

nīlāmalatanūbhāsvadbhāsitālepasundaraḥ |sajaloddamaghanagagarbhāntaravidyutā || 31||

सदृशामलपुण्ड्राङ्कस्तिलकाकल्पभूषितः ।धनुर्हेतिधरस्तादृग्गणपैरभितो वृतः ॥ ३२॥

sadṛśāmalapuṇḍrāṅkastilakākalpabhūṣitaḥ |dhanurhetidharastādṛggaṇapairabhito vṛtaḥ || 32||

प्रसन्नकरसङ्काशदोर्दण्डवरचण्डकैः ।ब्रह्माण्डस्फोटनारावैः कोदण्डवरमण्डितैः ॥ ३३॥

prasannakarasaṅkāśadordaṇḍavaracaṇḍakaiḥ |brahmāṇḍasphoṭanārāvaiḥ kodaṇḍavaramaṇḍitaiḥ || 33||

अघोरो घोरवदनः पातितान्दक्षिणान्दिशम् ।चण्डाज्ञानतमोच्चण्डखण्डनेमण्डितालकः ॥ ३४॥

aghoro ghoravadanaḥ pātitāndakṣiṇāndiśam |caṇḍājñānatamoccaṇḍakhaṇḍanemaṇḍitālakaḥ || 34||

अघोरेशं महालिङ्गं सम्पूज्य स्तौति भक्तितः ॥अघोरःसज्जन्निर्जरराजराजमकुटीनीराजनभ्राजिपद्राजीवं जगदार्तिभञ्जनरतञ्जेतारमाजौ पुरा(र)म् ।आसाम्राज्यमिहैव जीवितनये सायुज्यमेवेज्ययादातारं भज धूर्जटिं स्वहृदय मे जह्नुकन्याभुजङ्गम् ॥ ३५॥

aghoreśaṃ mahāliṅgaṃ sampūjya stauti bhaktitaḥ ||aghoraḥsajjannirjararājarājamakuṭīnīrājanabhrājipadrājīvaṃ jagadārtibhañjanaratañjetāramājau purā(ra)m |āsāmrājyamihaiva jīvitanaye sāyujyamevejyayādātāraṃ bhaja dhūrjaṭiṃ svahṛdaya me jahnukanyābhujaṅgam || 35||

अनिकटगमकपटगिरामहिकटकं नटनलम्पटं खपटम् ।अघपटलपाटनपटुं हाटक गोधारिधारिणं वन्दे ॥ ३६॥

anikaṭagamakapaṭagirāmahikaṭakaṃ naṭanalampaṭaṃ khapaṭam |aghapaṭalapāṭanapaṭuṃ hāṭaka godhāridhāriṇaṃ vande || 36||

स्कन्दः(सद्योजात)प्रतीच्यामपितत्रास्ति प्राकारः पुष्परागजः ।पुष्परागमणिज्योतिर्विभासितदिगन्तरः ॥ ३७॥

skandaḥ(sadyojāta)pratīcyāmapitatrāsti prākāraḥ puṣparāgajaḥ |puṣparāgamaṇijyotirvibhāsitadigantaraḥ || 37||

तन्मणीन्द्रकृतानेकरुद्रक्रीडादिविग्रहैः ।वृषभैस्तादृशैरेव गोपुराग्रप्रकल्पितैः ॥ ३८॥

tanmaṇīndrakṛtānekarudrakrīḍādivigrahaiḥ |vṛṣabhaistādṛśaireva gopurāgraprakalpitaiḥ || 38||

गोपुरैर्भूधराकारैः राजत्कलशसुन्दरैः ।तत्रास्ति भवनं पुण्यं नानामणिविराजितम् ॥ ३९॥

gopurairbhūdharākāraiḥ rājatkalaśasundaraiḥ |tatrāsti bhavanaṃ puṇyaṃ nānāmaṇivirājitam || 39||

वेदिकापट्टिकोपेतं सिह्मासनवरैर्वृ(र्यु)तम् ।सद्योजातं सुखासीनं क्षारसारविभूषितम् ॥ ४०॥

vedikāpaṭṭikopetaṃ sihmāsanavarairvṛ(ryu)tam |sadyojātaṃ sukhāsīnaṃ kṣārasāravibhūṣitam || 40||

पूर्वजातनिशानाथभासुराङ्गमनोहरम् ।राजत्पिङ्गामलजटाकृतापीडनिशाकरम् ॥ ४१॥

pūrvajātaniśānāthabhāsurāṅgamanoharam |rājatpiṅgāmalajaṭākṛtāpīḍaniśākaram || 41||

उडुनायकसंशोभिभालानलविलोचनम् ।प्रचण्डतरमार्ताण्डमण्डलोत्तमभूषितम् ॥ ४२॥

uḍunāyakasaṃśobhibhālānalavilocanam |pracaṇḍataramārtāṇḍamaṇḍalottamabhūṣitam || 42||

नीलेन्दीवरसङ्काशग्रीवायलयसुन्दरम् ।पुष्परागकृतानेकमालाकलितकन्धरम् ॥ ४३॥

nīlendīvarasaṅkāśagrīvāyalayasundaram |puṣparāgakṛtānekamālākalitakandharam || 43||

वैयाघ्रचर्मविलसत्कटिरत्नसुकाञ्चिकम् ।अहिमन्युवरानेकतादृशैर्गणपैर्युतम् ॥ ४४॥

vaiyāghracarmavilasatkaṭiratnasukāñcikam |ahimanyuvarānekatādṛśairgaṇapairyutam || 44||

पाशाङ्कुशाभयकरं पाशिना परिसेवितम् ।दधिमण्डमहाम्भोधिमध्यसौधवराश्रयम् ॥ ४५॥

pāśāṅkuśābhayakaraṃ pāśinā parisevitam |dadhimaṇḍamahāmbhodhimadhyasaudhavarāśrayam || 45||

गणैश्चापिमहोद्दण्डडिम्भारावविभीषणैः ।सेवितं पाशिभिस्तत्रपश्चिमाम्पातितान्दिशम् ॥ ४६॥

gaṇaiścāpimahoddaṇḍaḍimbhārāvavibhīṣaṇaiḥ |sevitaṃ pāśibhistatrapaścimāmpātitāndiśam || 46||

सद्योजातेश्वरं लिङ्गं स्तौति भक्त्या प्रपूजयन् ॥ ४७॥

sadyojāteśvaraṃ liṅgaṃ stauti bhaktyā prapūjayan || 47||

सद्योजातःपाटीरद्रुमकीटकेतनजटाकोटीरभागेरटत्स्पाटोच्चैस्तटिनीस्यदार्भटतटज्जूटीकृताहिछट ।घोटाकृत्रिमगोकटीतटपटीभूतेभचर्माम्बरक्षोणीरुण्णिकटाटखाटविटपिन्मच्चित्ततट्यामट ॥ ४८॥

sadyojātaḥpāṭīradrumakīṭaketanajaṭākoṭīrabhāgeraṭatspāṭoccaistaṭinīsyadārbhaṭataṭajjūṭīkṛtāhichaṭa |ghoṭākṛtrimagokaṭītaṭapaṭībhūtebhacarmāmbarakṣoṇīruṇṇikaṭāṭakhāṭaviṭapinmaccittataṭyāmaṭa || 48||

वतंसितसुधाकरं वरगुणौघरत्नाकरंस्फुरन्निटिललोचनज्वलनदग्धमीनध्वजम् ।कुलाचलकुमारिकाकुचतटीपटीराङ्कितम्भजामि भजतां सदाभयदमीश्वरं शङ्करम् ॥ ४९॥

vataṃsitasudhākaraṃ varaguṇaugharatnākaraṃsphuranniṭilalocanajvalanadagdhamīnadhvajam |kulācalakumārikākucataṭīpaṭīrāṅkitambhajāmi bhajatāṃ sadābhayadamīśvaraṃ śaṅkaram || 49||

स्कन्दःइति स्तौति सदा लिङ्गं सद्योजातो महेश्वरम् ।(वामदेव)तदुत्तरेऽपि प्राकारो गोमेधमणिकल्पितः ॥ ५०॥

skandaḥiti stauti sadā liṅgaṃ sadyojāto maheśvaram |(vāmadeva)taduttare'pi prākāro gomedhamaṇikalpitaḥ || 50||

घृतोदेनावृतस्तत्र तत्कल्लोलोत्थवायुभिः ।परीवीतो गोपुरैश्च तन्मणीन्द्रकृतैश्शुभैः ॥ ५१॥

ghṛtodenāvṛtastatra tatkallolotthavāyubhiḥ |parīvīto gopuraiśca tanmaṇīndrakṛtaiśśubhaiḥ || 51||

वररुद्रावतारोद्यद्विग्रहैर्वृषभैर्युतम् ।शोभितं तत्प्रभाभिश्च तस्थानं च तस्य हि ॥ ५२॥

vararudrāvatārodyadvigrahairvṛṣabhairyutam |śobhitaṃ tatprabhābhiśca tasthānaṃ ca tasya hi || 52||

सौधैरपारशिखरैर्बहुस्तम्भविराजितैः ।तत्र संस्थं महाबाहुं वामदेवं त्रिलोचनम् ॥ ५३॥

saudhairapāraśikharairbahustambhavirājitaiḥ |tatra saṃsthaṃ mahābāhuṃ vāmadevaṃ trilocanam || 53||

सिह्मासने सुखासीनं भस्मोद्धूलनपाण्डरम् ।हरिन्मणिनिभाकारं विद्युन्निभजटाधरम् ॥ ५४॥

sihmāsane sukhāsīnaṃ bhasmoddhūlanapāṇḍaram |harinmaṇinibhākāraṃ vidyunnibhajaṭādharam || 54||

तिपुण्ड्राङ्कितसद्भालं खङ्गखेटघरं शुभम् ।प्रसन्नास्यनीलकण्ठं राजदिन्दुकलाधरम् ॥ ५५॥

tipuṇḍrāṅkitasadbhālaṃ khaṅgakheṭagharaṃ śubham |prasannāsyanīlakaṇṭhaṃ rājadindukalādharam || 55||

हरितैर्गणपैश्चैव वायुभिः परिसेवितम् ।उद्यन्मरतकीगर्भसुन्दरैर्वायुवेगितैः ॥ ५६॥

haritairgaṇapaiścaiva vāyubhiḥ parisevitam |udyanmaratakīgarbhasundarairvāyuvegitaiḥ || 56||

तिपुण्ड्रचन्द्रार्धधरैर्जटामण्डलमस्तकैः ।बाणबाणासनधरैर्हल्लकाभूषभूषितैः ॥ ५७॥

tipuṇḍracandrārdhadharairjaṭāmaṇḍalamastakaiḥ |bāṇabāṇāsanadharairhallakābhūṣabhūṣitaiḥ || 57||

वल्लकीमुरजोत्तुङ्गमृदङ्गवरवादकैः ।सेवितं परितो वीरैश्शूलामललसत्करैः ॥ ५८॥

vallakīmurajottuṅgamṛdaṅgavaravādakaiḥ |sevitaṃ parito vīraiśśūlāmalalasatkaraiḥ || 58||

वामदेवं सामजाताजिनबद्धकटीतटम् ।कण्ठे भुजङ्गसंयुक्तं मृगेन्द्रामललोचनम् ॥ ५९॥

vāmadevaṃ sāmajātājinabaddhakaṭītaṭam |kaṇṭhe bhujaṅgasaṃyuktaṃ mṛgendrāmalalocanam || 59||

कुबेरेणोत्तरां पाति दिशं यक्षेश्वरावृताम् ।वामदेवेश्वरं लिङ्गं सम्पूज्यास्तुवदीश्वरम् ॥ ६०॥

kubereṇottarāṃ pāti diśaṃ yakṣeśvarāvṛtām |vāmadeveśvaraṃ liṅgaṃ sampūjyāstuvadīśvaram || 60||

वामदेवःतिष्ठन्ते स्तुतिपाठने तव विभो निष्ठ्यूतनिष्ठीववच्छाठ्यं निष्ठुरतां विधूय मनसा ब्रह्मैकनिष्ठाः कति ।वैकुण्ठार्चित रत्नपीठनिलय श्रीकण्ठ कण्ठोल्लसन्नील ज्येष्ठ कनिष्ठ कुष्ठहनन श्रेष्ठान्तरातिष्ठ मे ॥ ६१॥

vāmadevaḥtiṣṭhante stutipāṭhane tava vibho niṣṭhyūtaniṣṭhīvavacchāṭhyaṃ niṣṭhuratāṃ vidhūya manasā brahmaikaniṣṭhāḥ kati |vaikuṇṭhārcita ratnapīṭhanilaya śrīkaṇṭha kaṇṭhollasannīla jyeṣṭha kaniṣṭha kuṣṭhahanana śreṣṭhāntarātiṣṭha me || 61||

सुरकुवलयसोमं वामदेवाख्यसामस्तुतमखिलगुणानां सीमधामानमीशम् ।जगदवनविनाशं शाम्भवोद्यत्सुकामं निजनयनकटाक्षैर्दग्धकामं भजेऽहम् ॥ ६२॥

surakuvalayasomaṃ vāmadevākhyasāmastutamakhilaguṇānāṃ sīmadhāmānamīśam |jagadavanavināśaṃ śāmbhavodyatsukāmaṃ nijanayanakaṭākṣairdagdhakāmaṃ bhaje'ham || 62||

स्कन्दःएवं स्तौति महादेवं वामदेवः प्रसन्नधीः ।(ईशान)तदन्तरा गिरेर्मूर्ध्नि संस्थो हीरकसौधकः ॥ ६३॥

skandaḥevaṃ stauti mahādevaṃ vāmadevaḥ prasannadhīḥ |(īśāna)tadantarā girermūrdhni saṃstho hīrakasaudhakaḥ || 63||

रुद्रावतारप्रभवैर्विग्रहैर्वृषभैरपि ।उरगेन्द्रमहाहारो मद्ध्यन्दिनरविप्रभः ॥ ६४॥

rudrāvatāraprabhavairvigrahairvṛṣabhairapi |uragendramahāhāro maddhyandinaraviprabhaḥ || 64||

शर्वरीशानमकुटीभूतिभूषितविग्रहः ।गजेन्द्रचर्मवसनो हीरमालाकृताङ्गकः ॥ ६५॥

śarvarīśānamakuṭībhūtibhūṣitavigrahaḥ |gajendracarmavasano hīramālākṛtāṅgakaḥ || 65||

अन्तरिक्षै रुद्रगणैः पाति व्योम मनोहरम् ।निषङ्गिभिः कवचिभिश्छुरिकाहेतिधारिभिः ॥ ६६॥

antarikṣai rudragaṇaiḥ pāti vyoma manoharam |niṣaṅgibhiḥ kavacibhiśchurikāhetidhāribhiḥ || 66||

व्योमकेशप्रसादेन चेशानश्चोशिता सताम् ।ईशानेशं महालिङ्गं सम्पूज्य स्तौति भक्तितः ॥ ६७॥

vyomakeśaprasādena ceśānaścośitā satām |īśāneśaṃ mahāliṅgaṃ sampūjya stauti bhaktitaḥ || 67||

ईशानःरथन्तररवप्रियं रथरथाङ्गपाणीशरं मनोरथपथातिगं सुरथनाथसत्कङ्कणं ।भगीरथपथानुगाविहितजह्नुकन्याजटं भजामि सुरगो रथप्रिरियमपारपापापहम् ॥ ६८॥

īśānaḥrathantararavapriyaṃ ratharathāṅgapāṇīśaraṃ manorathapathātigaṃ surathanāthasatkaṅkaṇaṃ |bhagīrathapathānugāvihitajahnukanyājaṭaṃ bhajāmi surago rathapririyamapārapāpāpaham || 68||

चषके निजवाजिहेषितैश्चरणे वायुसुभोजिशिञ्जितैः ।कटिसीम्नि सुभूरिबृह्मितैर्मुखरं दैवतमाविरस्तु चित्ते ॥ ६९॥

caṣake nijavājiheṣitaiścaraṇe vāyusubhojiśiñjitaiḥ |kaṭisīmni subhūribṛhmitairmukharaṃ daivatamāvirastu citte || 69||

अश्वीकृतस्वीकृतवेदराशिनाङ्गीकृताङ्गीकृतशम्बरारिः ।अस्त्रीकृतस्त्रीकृतदानवारिर्देवस्सदा मे हृदये चकास्तु ॥ ७०॥

aśvīkṛtasvīkṛtavedarāśināṅgīkṛtāṅgīkṛtaśambarāriḥ |astrīkṛtastrīkṛtadānavārirdevassadā me hṛdaye cakāstu || 70||

स्कन्दःमहाकैलासभवने मणिकल्पितमुत्तमम् ।रत्नप्राकारमेतद्धिपञ्चब्रह्मप्रकल्पितम् ॥ ७२॥

skandaḥmahākailāsabhavane maṇikalpitamuttamam |ratnaprākārametaddhipañcabrahmaprakalpitam || 72||

महेशेन तदा विप्र श्रवणादघनाशनम् ॥ ७३॥

maheśena tadā vipra śravaṇādaghanāśanam || 73||

विचित्रं शिवनिर्माणं विचित्रं शिवचेष्टितम् ।विचित्रा शिवमाया सा महामायस्य शूलिनः ॥ ७४॥

vicitraṃ śivanirmāṇaṃ vicitraṃ śivaceṣṭitam |vicitrā śivamāyā sā mahāmāyasya śūlinaḥ || 74||

॥ इति शिवरहस्यान्तर्गते माहेश्वराख्ये कैलासशैले पञ्चब्रह्मप्राकारवर्णनम् ॥॥ श्रीशिवरहस्यम् । माहेश्वराख्यः प्रथमांशः । अध्यायः १६ पञ्चब्रह्मप्राकारवर्णनम् ॥– ॥ श्रीशिवरहस्यम् । माहेश्वराख्यः प्रथमांशः । अध्यायः १६ – पञ्चब्रह्मप्राकारवर्णनम् ॥

|| iti śivarahasyāntargate māheśvarākhye kailāsaśaile pañcabrahmaprākāravarṇanam |||| śrīśivarahasyam | māheśvarākhyaḥ prathamāṃśaḥ | adhyāyaḥ 16 pañcabrahmaprākāravarṇanam ||– || śrīśivarahasyam | māheśvarākhyaḥ prathamāṃśaḥ | adhyāyaḥ 16 – pañcabrahmaprākāravarṇanam ||