कैलासशैलप्राकारवर्णनम् ४ Kailasashailaprakaravarnanam 4

(कैलासशैले प्राकारवर्णने रुद्रगणार्चनवर्णनम् ४)स्कन्दःतत्प्राकारवरोत्तुङ्गमणीन्द्रवृषभाञ्चितः ।अन्तरिक्षे रुद्रगणास्तच्छ्रीमाकाररक्षकाः ॥ ६॥

(kailāsaśaile prākāravarṇane rudragaṇārcanavarṇanam 4)skandaḥtatprākāravarottuṅgamaṇīndravṛṣabhāñcitaḥ |antarikṣe rudragaṇāstacchrīmākārarakṣakāḥ || 6||

एकादशसहस्रं वै बाणकार्मुकपाणयः ।महानिषङ्गप्रष्ठास्ते कपर्दधृतचन्द्रकाः ॥ ७॥

ekādaśasahasraṃ vai bāṇakārmukapāṇayaḥ |mahāniṣaṅgapraṣṭhāste kapardadhṛtacandrakāḥ || 7||

सिह्मसंहननास्सर्वे युवानो मृष्टकुण्डलाः ।करिशृङ्गाभवत्तोरुभुजदण्डवरायुधाः ॥ ८॥

sihmasaṃhananāssarve yuvāno mṛṣṭakuṇḍalāḥ |kariśṛṅgābhavattorubhujadaṇḍavarāyudhāḥ || 8||

चिन्तामणिगणासारगोपुरं कुम्भरञ्जितम् ।रुद्रावतारचरितैश्शोभितं सुमनोहरम् ॥ ९॥

cintāmaṇigaṇāsāragopuraṃ kumbharañjitam |rudrāvatāracaritaiśśobhitaṃ sumanoharam || 9||

मौलिसंस्थमहानन्दिनन्दिताखिलदिक्तटम् ।प्राच्यां तद्गोपुरंशम्भो रक्षन्तिगणपास्सदा ॥ १०॥

maulisaṃsthamahānandinanditākhiladiktaṭam |prācyāṃ tadgopuraṃśambho rakṣantigaṇapāssadā || 10||

प्राकारञ्चापि ते सर्वे त्रिशूलोद्यतपाणयः ।तत्र शम्भोर्गणैर्लिङ्गं पूजितं सर्वकामदम् ॥ ११॥

prākārañcāpi te sarve triśūlodyatapāṇayaḥ |tatra śambhorgaṇairliṅgaṃ pūjitaṃ sarvakāmadam || 11||

मणिरुद्रेश्वरं नाम्ना चिन्तामणिगणक्षये ।प्रोद्यत्कुम्भैकवसता पूजितं तं गणेश्वरैः ॥ १२॥

maṇirudreśvaraṃ nāmnā cintāmaṇigaṇakṣaye |prodyatkumbhaikavasatā pūjitaṃ taṃ gaṇeśvaraiḥ || 12||

संस्तुतं परया भक्त्या चान्तिरिक्षे गणैस्तदा ॥ १३॥

saṃstutaṃ parayā bhaktyā cāntirikṣe gaṇaistadā || 13||

तद्दक्षिणेऽपि प्राकारं मुक्तारत्नविनिर्मितम् ॥ १५॥

taddakṣiṇe'pi prākāraṃ muktāratnavinirmitam || 15||

तन्मध्यगोपुरवरं मणिमाणिक्यनिर्मितम् ।महामणिशिखाकीलकलितं शेखरान्वितं ॥ १६॥

tanmadhyagopuravaraṃ maṇimāṇikyanirmitam |mahāmaṇiśikhākīlakalitaṃ śekharānvitaṃ || 16||

रुद्रावतारचरितैर्वृषभैश्चसमन्वितम् ।एकादशसहस्रं वै तोमरासिवरायुधाः ॥ १७॥

rudrāvatāracaritairvṛṣabhaiścasamanvitam |ekādaśasahasraṃ vai tomarāsivarāyudhāḥ || 17||

महाबलामहोत्साहा दिव्यास्तत्र गणाश्शुभाः ।जटामुकुटशोभाढ्यास्तारानाथकलाधराः ॥ १८॥

mahābalāmahotsāhā divyāstatra gaṇāśśubhāḥ |jaṭāmukuṭaśobhāḍhyāstārānāthakalādharāḥ || 18||

शिवाज्ञाकारिणस्सर्वे यौवनोन्मत्तविग्रहाः ।तत्र सम्पूजयन्त्येव दिव्यरुद्रेश्वरं हि ते ॥ १९॥

śivājñākāriṇassarve yauvanonmattavigrahāḥ |tatra sampūjayantyeva divyarudreśvaraṃ hi te || 19||

मणिधाम्नि महालिङ्गं सम्पूज्य स्तुवन्तीश्वरम् ॥ २०॥

maṇidhāmni mahāliṅgaṃ sampūjya stuvantīśvaram || 20||

गोपुरं तच्च प्राकारं रक्षन्ति सततं गणाः ॥ २२॥

gopuraṃ tacca prākāraṃ rakṣanti satataṃ gaṇāḥ || 22||

तत्पश्चान्मणिसङ्कॢप्तप्राकारं मणिगोपुरम् ।रुद्रावतारचरितैर्ललामवृषशेखरैः ॥ २३॥

tatpaścānmaṇisaṅkḷptaprākāraṃ maṇigopuram |rudrāvatāracaritairlalāmavṛṣaśekharaiḥ || 23||

प्रोल्लसत्ककुदैश्चैव मणीन्द्रमुकुटैरपि ।तत्र रक्षन्ति गणपा हेतिशूलवरायुधाः ॥ २४॥

prollasatkakudaiścaiva maṇīndramukuṭairapi |tatra rakṣanti gaṇapā hetiśūlavarāyudhāḥ || 24||

त्रिपुण्ड्रावलिभालोरुकपर्दवरमौलयः ।बालारुणप्रतिप्रख्यचञ्चच्चन्द्रकलाधराः ॥ २५॥

tripuṇḍrāvalibhālorukapardavaramaulayaḥ |bālāruṇapratiprakhyacañcaccandrakalādharāḥ || 25||

एकादशसहस्रं वै रक्षन्ति गणपास्सदा ।दक्षाध्वरविनाशाय महेशाङ्गाद्विनिर्गताः ॥ २६॥

ekādaśasahasraṃ vai rakṣanti gaṇapāssadā |dakṣādhvaravināśāya maheśāṅgādvinirgatāḥ || 26||

रौम्या नाम गणश्रेष्ठा मत्तमातङ्गविक्रमाः ।तत्र ते पूजयन्त्येव रौम्येशं मणिधामगम् ॥ २७॥

raumyā nāma gaṇaśreṣṭhā mattamātaṅgavikramāḥ |tatra te pūjayantyeva raumyeśaṃ maṇidhāmagam || 27||

उत्तरे भौमकानाम गणाश्शम्भोर्महात्मनः ॥ ३०॥

uttare bhaumakānāma gaṇāśśambhormahātmanaḥ || 30||

एकादशसहस्रन्तु विकोशीकृतहेतयः ।दंष्ट्राकरालवदना जटाबद्धेन्दुखण्डकाः ॥ ३१॥

ekādaśasahasrantu vikośīkṛtahetayaḥ |daṃṣṭrākarālavadanā jaṭābaddhendukhaṇḍakāḥ || 31||

सजलोद्दामघनभास्सदेहास्तेऽतुलप्रभाः ।भस्मदिग्धास्त्रिपुण्ड्राङ्का रुद्राक्षावलिभासुराः ॥ ३२॥

sajaloddāmaghanabhāssadehāste'tulaprabhāḥ |bhasmadigdhāstripuṇḍrāṅkā rudrākṣāvalibhāsurāḥ || 32||

खेटटक्काध्वनिभृतस्तटित्कूटसमारवाः ।उरगेन्द्राधिकक्रोधा उरगेन्द्राधिका जवे ॥ ३३॥

kheṭaṭakkādhvanibhṛtastaṭitkūṭasamāravāḥ |uragendrādhikakrodhā uragendrādhikā jave || 33||

शिवाज्ञाकारिणो भौमा बलवीर्यपराक्रमाः ।ततोत्तरे च प्राकारे मणिसालोज्वलप्रभे ॥ ३४॥

śivājñākāriṇo bhaumā balavīryaparākramāḥ |tatottare ca prākāre maṇisālojvalaprabhe || 34||

तन्मध्यगोपुरे चापि रुद्रक्रीडावृषैर्युते ।मणिराजन्महाकुम्भे रञ्जिते भानुप्रभे ॥ ३५॥

tanmadhyagopure cāpi rudrakrīḍāvṛṣairyute |maṇirājanmahākumbhe rañjite bhānuprabhe || 35||

तिष्ठन्ति ते च रक्षन्ति प्राकारं तच्च गोपुरम् ।तैश्च भौमेश्वरं नाम्ना मणिधामगतोऽर्चितः ॥ ३६॥

tiṣṭhanti te ca rakṣanti prākāraṃ tacca gopuram |taiśca bhaumeśvaraṃ nāmnā maṇidhāmagato'rcitaḥ || 36||

संस्तुतः परयाभक्त्यालिङ्गसंस्थोमहेश्वरः ॥ ३७॥

saṃstutaḥ parayābhaktyāliṅgasaṃsthomaheśvaraḥ || 37||

चतुर्दिक्ष्वपि ते रुद्रा ब्रह्मविष्ण्विन्द्रहन्तृकाः ।हेतिशूलकरास्सर्वे भस्मपाण्डरविग्रहाः ॥ ४१॥

caturdikṣvapi te rudrā brahmaviṣṇvindrahantṛkāḥ |hetiśūlakarāssarve bhasmapāṇḍaravigrahāḥ || 41||

रम्भोपमानवृत्तोरु ऊरुद्वयविराजिताः ।वक्षःकवाटपट्टाभहिरण्यकवचावृताः ४२॥उष्णीषिणोमुकुटिनचोरगेन्द्रोरुमौलयः ।धावन्तस्संस्थिताः केचिन्निषण्णास्स्वापकाःपरे ॥ ४३॥

rambhopamānavṛttoru ūrudvayavirājitāḥ |vakṣaḥkavāṭapaṭṭābhahiraṇyakavacāvṛtāḥ 42||uṣṇīṣiṇomukuṭinacoragendrorumaulayaḥ |dhāvantassaṃsthitāḥ kecinniṣaṇṇāssvāpakāḥpare || 43||

निषङ्गिणः कवचिनश्शरकार्मुकपाणयः ।वर्षन्तश्शरवर्षैश्चाप्यशैवान्नुन्नसायकैः ॥ ४४॥

niṣaṅgiṇaḥ kavacinaśśarakārmukapāṇayaḥ |varṣantaśśaravarṣaiścāpyaśaivānnunnasāyakaiḥ || 44||

पथि वृक्षे जले चैव सागरै भुविसंस्थिताः ।विपिने च तथा ग्रामे पुरे खर्वे वृके (खर्वेऽटके) तथा ॥ ४५॥

pathi vṛkṣe jale caiva sāgarai bhuvisaṃsthitāḥ |vipine ca tathā grāme pure kharve vṛke (kharve'ṭake) tathā || 45||

शिवाज्ञाकारिणस्सर्वे चाग्निदीप्ता महौजसः ॥ ४६॥

śivājñākāriṇassarve cāgnidīptā mahaujasaḥ || 46||

॥ इति शिवरहस्यान्तर्गते माहेश्वराख्ये कैलासशैले प्राकारवर्णने रुद्रगणार्चनवर्णनम् ॥॥ श्रीशिवरहस्यम् । माहेश्वराख्यः प्रथमांशः । अध्यायः ३१ प्राकारवर्णने रुद्रगणार्चनम् । वावृत्तश्लोकाः ॥– ॥ श्रीशिवरहस्यम् । माहेश्वराख्यः प्रथमांशः । अध्यायः ३१ – प्राकारवर्णने रुद्रगणार्चनम् । वावृत्तश्लोकाः ॥

|| iti śivarahasyāntargate māheśvarākhye kailāsaśaile prākāravarṇane rudragaṇārcanavarṇanam |||| śrīśivarahasyam | māheśvarākhyaḥ prathamāṃśaḥ | adhyāyaḥ 31 prākāravarṇane rudragaṇārcanam | vāvṛttaślokāḥ ||– || śrīśivarahasyam | māheśvarākhyaḥ prathamāṃśaḥ | adhyāyaḥ 31 – prākāravarṇane rudragaṇārcanam | vāvṛttaślokāḥ ||