शिवध्यानम् कैलासतपश्चर्यायाम् Kailasatapashcharyayam Shiva Dhyanam

त्रिणेत्रं नीलकण्ठञ्च राजच्चन्द्रकलाधरं ॥ १०॥

triṇetraṃ nīlakaṇṭhañca rājaccandrakalādharaṃ || 10||

गङ्गातरङ्गविलसत्पद्ममालाविराजितम् ।भस्मोद्धूलितसर्वाङ्गं जटामुकुटमण्डितम् ॥ ११॥

gaṅgātaraṅgavilasatpadmamālāvirājitam |bhasmoddhūlitasarvāṅgaṃ jaṭāmukuṭamaṇḍitam || 11||

नागयज्ञोपवीतञ्च फणिभूषाविराजितम् ।भस्मोद्धूलितसर्वाङ्गं त्रिपुण्ड्रपरिशोभितम् ॥ १२॥

nāgayajñopavītañca phaṇibhūṣāvirājitam |bhasmoddhūlitasarvāṅgaṃ tripuṇḍrapariśobhitam || 12||

उमया सहितन्देवमङ्गरागोज्वलाङ्गकम् ।मन्दारकुन्ददामोद्यत्कन्धरालङ्कृतोरसम् ॥ १३॥

umayā sahitandevamaṅgarāgojvalāṅgakam |mandārakundadāmodyatkandharālaṅkṛtorasam || 13||

करिकृत्तिपटीभास्वत्कटीतटविराजितम् ।फणिमौलिमहारत्नगणाञ्चितसुकुण्डलम् ॥ १४॥

karikṛttipaṭībhāsvatkaṭītaṭavirājitam |phaṇimaulimahāratnagaṇāñcitasukuṇḍalam || 14||

हीरतारमहासारपद्मरागसुकङ्कणम् ।आरक्तोरुमहापट्टराजत्पादाम्बुजद्वयम् ॥ १५॥

hīratāramahāsārapadmarāgasukaṅkaṇam |āraktorumahāpaṭṭarājatpādāmbujadvayam || 15||

महार्हवसनं देवं प्रसन्नास्यं सदाशिवम् ।अष्टमीसोमसङ्काशनखराजिविराजितम् ॥ १६॥

mahārhavasanaṃ devaṃ prasannāsyaṃ sadāśivam |aṣṭamīsomasaṅkāśanakharājivirājitam || 16||

उत्फुल्लपुण्डरीकाक्षवदनं स्मरसुन्दरम् ।दाडिमीबीजसङ्काशरदनावलिभूषितम् ॥ १७॥

utphullapuṇḍarīkākṣavadanaṃ smarasundaram |dāḍimībījasaṅkāśaradanāvalibhūṣitam || 17||

पकबिम्बफलोदाररदमच्छदशोभितम् ।नीलेन्दीवरसङ्काशमानीलारक्तलोचनम् ॥ १८॥

pakabimbaphalodāraradamacchadaśobhitam |nīlendīvarasaṅkāśamānīlāraktalocanam || 18||

प्रसादसुमुखं साक्षाज्जगतां साक्षिमीश्वरम् ।हरिन्मणिनिभाकारां ममाङ्कस्थाञ्च त्वामपि ॥ १९॥

prasādasumukhaṃ sākṣājjagatāṃ sākṣimīśvaram |harinmaṇinibhākārāṃ mamāṅkasthāñca tvāmapi || 19||

दध्यौनगेन्द्रतिलकः पुष्पधम्मिल्लशोभिताम् ।चाम्पेयकलिकोद्भामिदिव्यनासाविराजिताम् ॥ २०॥

dadhyaunagendratilakaḥ puṣpadhammillaśobhitām |cāmpeyakalikodbhāmidivyanāsāvirājitām || 20||

उद्यत्कविनिभात्यच्छमुक्ताफलसुनासिकाम् ।सीमन्तरेखासिन्दूरराजत्भालसुशोभिताम् ॥ २१॥

udyatkavinibhātyacchamuktāphalasunāsikām |sīmantarekhāsindūrarājatbhālasuśobhitām || 21||

मणिध्वजमहाचापसन्निभभ्रूयुगोज्वलाम् ।कस्तूरीतिलकोल्लासिभालभागमनोहराम् ॥ २२॥

maṇidhvajamahācāpasannibhabhrūyugojvalām |kastūrītilakollāsibhālabhāgamanoharām || 22||

उद्यदुत्फुल्लनीलाच्छदलरक्तदृशा युताम् ।हीरसारकणात्यच्छदन्तपङ्क्तिविराजिताम् ॥ २३॥

udyadutphullanīlācchadalaraktadṛśā yutām |hīrasārakaṇātyacchadantapaṅktivirājitām || 23||

दाडिमीपुष्पसङ्कनशाधरधारारसां शिवाम् ।ताम्बूलापूरितमुखीं प्रसन्नां सस्मितामुमाम् ॥ २४॥

dāḍimīpuṣpasaṅkanaśādharadhārārasāṃ śivām |tāmbūlāpūritamukhīṃ prasannāṃ sasmitāmumām || 24||

तपनोडुपविभ्राजत्कर्णताटङ्कमण्डिताम् ।कर्णपत्रमणिव्रातभास्वन्मण्डितगण्डकाम् ॥ २५॥

tapanoḍupavibhrājatkarṇatāṭaṅkamaṇḍitām |karṇapatramaṇivrātabhāsvanmaṇḍitagaṇḍakām || 25||

कपोलपालिकादर्शधगद्धगितदिक्तटाम् ।चम्पकोद्दामकह्लारयकुलाशोकनागकैः ॥ २६॥

kapolapālikādarśadhagaddhagitadiktaṭām |campakoddāmakahlārayakulāśokanāgakaiḥ || 26||

मरुद्दमनकोद्भासिमल्लीमुल्लीसरावृताम् ।वेणुमण्डलरत्नाङ्कचन्द्रखण्डशिखण्डकाम् ॥ २७॥

maruddamanakodbhāsimallīmullīsarāvṛtām |veṇumaṇḍalaratnāṅkacandrakhaṇḍaśikhaṇḍakām || 27||

ग्रैवेयलग्नमणिजसरावलिलसद्गलाम् ।चिन्ताकल्लोलमुक्ताच्छराजत्पदकसन्ततिम् ॥ २८॥

graiveyalagnamaṇijasarāvalilasadgalām |cintākallolamuktāccharājatpadakasantatim || 28||

नवरत्नमणिभ्राजद्धीरहारोरुवक्षजाम् ।सुरत्नपुष्पगुच्छाच्छधारितायतवेणिकाम् ॥ २९॥

navaratnamaṇibhrājaddhīrahāroruvakṣajām |suratnapuṣpagucchācchadhāritāyataveṇikām || 29||

पराकेतोत्थितापारपीतोद्यत्केतकैर्युताम् ।केतकीगन्धसुभगशीतवातायिताङ्गकाम् ॥ ३०॥

parāketotthitāpārapītodyatketakairyutām |ketakīgandhasubhagaśītavātāyitāṅgakām || 30||

त्रिभङ्गीसुभगाकारतलोदरविराजिताम् ।तारास्वच्छमहावृत्तमुक्ताहारविराजिताम् ॥ ३१॥

tribhaṅgīsubhagākāratalodaravirājitām |tārāsvacchamahāvṛttamuktāhāravirājitām || 31||

स्फुरत्पदकरत्नाच्छकान्तिकाञ्चितदिक्तटाम् ।रत्नहारमणीभास्वन्नवरत्नालिशोभिताम् ॥ ३२॥

sphuratpadakaratnācchakāntikāñcitadiktaṭām |ratnahāramaṇībhāsvannavaratnāliśobhitām || 32||

उन्मत्तकरटीकुम्भसुवर्णाभकुचोज्वलाम् ।पाटीरसारकस्तूरीचन्द्रचन्दनचर्चिताम् ॥ ३३॥

unmattakaraṭīkumbhasuvarṇābhakucojvalām |pāṭīrasārakastūrīcandracandanacarcitām || 33||

पटवासागरुभवतैलगन्धैकभासुराम् ।निचोलरत्नपर्यन्तमुक्ताजाललसत्कुचाम् ॥ ३४॥

paṭavāsāgarubhavatailagandhaikabhāsurām |nicolaratnaparyantamuktājālalasatkucām || 34||

त्रिवलीललितोदारसुनाभ्युदरशोभिताम् ।मृणालनालसुभगरत्नबाहुद्वयाञ्चिताम् ॥ ३५॥

trivalīlalitodārasunābhyudaraśobhitām |mṛṇālanālasubhagaratnabāhudvayāñcitām || 35||

नानादल(नानारत्न)चितानेकबाहुभूषणभूषिताम् ।नागबन्धफणारत्नलोलितापारमौक्तिकाम् ॥ ३६॥

nānādala(nānāratna)citānekabāhubhūṣaṇabhūṣitām |nāgabandhaphaṇāratnalolitāpāramauktikām || 36||

वङ्किकाफल्लिकाभ्राजद्रवपङ्कजशोभिताम् ।मणिमाणिक्यखचितहस्तकङ्कणशोभिताम् ॥ ३७॥

vaṅkikāphallikābhrājadravapaṅkajaśobhitām |maṇimāṇikyakhacitahastakaṅkaṇaśobhitām || 37||

रत्नाङ्गुलीयविलसन्नखपङ्क्तिविराजिताम् ।महाहीराच्छफलकाङ्गुष्ठवेष्टनवेष्टिताम् ॥ ३८॥

ratnāṅgulīyavilasannakhapaṅktivirājitām |mahāhīrācchaphalakāṅguṣṭhaveṣṭanaveṣṭitām || 38||

तदङ्गुष्ठशिरोत्तुङ्गचलनात्कान्तदिक्तटाम् ।सुरत्नकाञ्चीखचितनवरत्नप्रभोत्कटाम् ॥ ३९॥

tadaṅguṣṭhaśirottuṅgacalanātkāntadiktaṭām |suratnakāñcīkhacitanavaratnaprabhotkaṭām || 39||

तदधस्ताल्ललत्क्षुद्रघण्टारणितसुन्दराम् ।दाडिमीफुल्लकुसुमकान्तिरञ्जितचेलिकाम् ॥ ४०॥

tadadhastāllalatkṣudraghaṇṭāraṇitasundarām |dāḍimīphullakusumakāntirañjitacelikām || 40||

रत्नपर्यन्तसाराच्छधाराप्लुष्टकु(क)चोत्तराम् ।मणिमञ्जीरशिञ्जानलग्नपादाम्बुजद्वयाम् ॥ ४१॥

ratnaparyantasārācchadhārāpluṣṭaku(ka)cottarām |maṇimañjīraśiñjānalagnapādāmbujadvayām || 41||

पदपाथोजकाङ्गुष्ठवेष्टनाग्रोत्थगुच्छकाम् ।पादाङ्गुलीयभूषाभिरालक्ताङ्कितपद्वयाम् ॥ ४२॥

padapāthojakāṅguṣṭhaveṣṭanāgrotthagucchakām |pādāṅgulīyabhūṣābhirālaktāṅkitapadvayām || 42||

॥ इति शिवरहस्यान्तर्गते माहेश्वराख्ये कैलासतपश्चर्यायां शिवध्यानम् ॥॥ श्रीशिवरहस्यम् । माहेश्वराख्यः प्रथमांशः । अध्यायः ४४ कैलासतपश्चर्या । १०\।२४२॥– ॥ श्रीशिवरहस्यम् । माहेश्वराख्यः प्रथमांशः । अध्यायः ४४ – कैलासतपश्चर्या । १०।२-४२॥

|| iti śivarahasyāntargate māheśvarākhye kailāsatapaścaryāyāṃ śivadhyānam |||| śrīśivarahasyam | māheśvarākhyaḥ prathamāṃśaḥ | adhyāyaḥ 44 kailāsatapaścaryā | 10\|242||– || śrīśivarahasyam | māheśvarākhyaḥ prathamāṃśaḥ | adhyāyaḥ 44 – kailāsatapaścaryā | 10|2-42||