कैलासशैललिङ्गमहिमा Kailasashailalingamahima

ईश्वरःपश्य लिङ्गानि मे देवि मणिधामगतान्युमे ।धाममौलिमहाकुम्भधाराव्याप्तानि शङ्करि ॥ १॥

īśvaraḥpaśya liṅgāni me devi maṇidhāmagatānyume |dhāmamaulimahākumbhadhārāvyāptāni śaṅkari || 1||

चन्द्रचन्दनलिप्तानि त्रिपुण्ड्रोज्वलितानि च ।मणिमुन्दरमन्दारपुष्पमौलीनि शङ्करि ॥ २॥

candracandanaliptāni tripuṇḍrojvalitāni ca |maṇimundaramandārapuṣpamaulīni śaṅkari || 2||

बिल्वोत्तमाङ्गसौन्दर्यसारगर्भाणि पार्वति ।वरकाकोदरानद्धफणाभूषणकान्यपि ॥ ३॥

bilvottamāṅgasaundaryasāragarbhāṇi pārvati |varakākodarānaddhaphaṇābhūṣaṇakānyapi || 3||

नन्दनानन्दमालाभिश्चन्दनालङ्कृतान्यपि ।दावदग्धागरुरसैर्धूपितानि सदाम्बिके ॥ ४॥

nandanānandamālābhiścandanālaṅkṛtānyapi |dāvadagdhāgarurasairdhūpitāni sadāmbike || 4||

दीपितानि मणिज्वालाजालकान्तीनि पश्य मे ।यथा मे देवदेवेशि मनो लिङ्गप्रपूजने ॥ ५॥

dīpitāni maṇijvālājālakāntīni paśya me |yathā me devadeveśi mano liṅgaprapūjane || 5||

न तथा जगतो जालनिर्माण मे मनोऽम्बिके ।तत्पालने तद्धनने नान्यधर्मेषु मे मनः ॥ ६॥

na tathā jagato jālanirmāṇa me mano'mbike |tatpālane taddhanane nānyadharmeṣu me manaḥ || 6||

नगोऽयं मम कैलासस्सर्वानन्दपयोनिधिः ।एतस्य तपसा तुष्टः प्रायच्छं वरमुत्तमम् ॥ ७॥

nago'yaṃ mama kailāsassarvānandapayonidhiḥ |etasya tapasā tuṣṭaḥ prāyacchaṃ varamuttamam || 7||

तवमौलो निवत्स्यामि नानालिङ्गसमाश्रयः ।प्रलयेनैव नाशोऽस्ति मत्सान्निध्यवलात्तव ॥ ८॥

tavamaulo nivatsyāmi nānāliṅgasamāśrayaḥ |pralayenaiva nāśo'sti matsānnidhyavalāttava || 8||

इत्युक्तो गिरिराजोऽयं ममानन्दप्रदस्सदा ।(इत्युक्तो गिरिराजोऽयं ममानन्दप्रदस्शिवः ।)प्रलये सागरास्सर्वे कैलासस्य शतोत्तरे ॥ ९॥

ityukto girirājo'yaṃ mamānandapradassadā |(ityukto girirājo'yaṃ mamānandapradasśivaḥ |)pralaye sāgarāssarve kailāsasya śatottare || 9||

पादमूले स्थितिं देवि यास्यन्ति च नगा अपि ।महर्लोकावधि महावीचीकल्लोलसङ्कुलैः ॥ १०॥

pādamūle sthitiṃ devi yāsyanti ca nagā api |maharlokāvadhi mahāvīcīkallolasaṅkulaiḥ || 10||

सप्तभिः पवनैर्वापि चालितास्ते तदाद्रिजे ।हिमाचले मन्दरेऽपि केदारेश्वरसञ्ज्ञकः ॥ ११॥

saptabhiḥ pavanairvāpi cālitāste tadādrije |himācale mandare'pi kedāreśvarasañjñakaḥ || 11||

निवत्स्यामि शुभापाङ्गि सदा लिङ्गाश्रयो हि सः ।मेरावयि महादेवि शिखरं मम सुन्दरं ॥ १२॥

nivatsyāmi śubhāpāṅgi sadā liṅgāśrayo hi saḥ |merāvayi mahādevi śikharaṃ mama sundaraṃ || 12||

तदुत्तरेऽपिकैलासे नानालिङ्गैकभासुरम् ।शिखरं तत्र देवैश्च पूजितो निवसाम्यहम् ॥ १३॥

taduttare'pikailāse nānāliṅgaikabhāsuram |śikharaṃ tatra devaiśca pūjito nivasāmyaham || 13||

एक एवाहमद्वैतो नीरूपोऽहमिहाद्रिजे ।त्वया कैलासशिखरे तुष्टो वासमरोचयम् ॥ १४॥

eka evāhamadvaito nīrūpo'hamihādrije |tvayā kailāsaśikhare tuṣṭo vāsamarocayam || 14||

सर्वावासोऽप्यहं देवि कैलासे निवसाम्यहम् ।अनन्तार्बुदलिङ्गानि मम कैलासपर्वते ॥ १५॥

sarvāvāso'pyahaṃ devi kailāse nivasāmyaham |anantārbudaliṅgāni mama kailāsaparvate || 15||

तत्प्रासादमणीरागशिखराद्योदितप्रभाः ।तिरस्कृतार्कचन्द्रेन्द्रा न तच्छक्यं हि वर्णितुम् ॥ १६॥

tatprāsādamaṇīrāgaśikharādyoditaprabhāḥ |tiraskṛtārkacandrendrā na tacchakyaṃ hi varṇitum || 16||

तत्रापि कोटिलिङ्गानां गणना किल सुन्दरि ।उत्तमेषु महादेवि तत्रापारेषु पार्वति ॥ १७॥

tatrāpi koṭiliṅgānāṃ gaṇanā kila sundari |uttameṣu mahādevi tatrāpāreṣu pārvati || 17||

तत्रापि लिङ्गसाहस्रं ममैव प्रीतिदायकम् ।दर्शनात्संस्पर्शनाच्च पूजनान्मोक्षदायकम् ॥ १८॥

tatrāpi liṅgasāhasraṃ mamaiva prītidāyakam |darśanātsaṃsparśanācca pūjanānmokṣadāyakam || 18||

विना ज्ञानेन तपसा कर्मणा श्रद्धया शिवे ।नयज्ञैर्न व्रताचारैर्योगैस्साङ्ख्यैर्महेश्वरि ॥ १९॥

vinā jñānena tapasā karmaṇā śraddhayā śive |nayajñairna vratācārairyogaissāṅkhyairmaheśvari || 19||

सागतिर्नैव लभ्येत यथा तल्लिङ्गपूजया ।कैलासाचलमौलिस्थलिङ्गानां दर्शनं शिवे ॥ २०॥

sāgatirnaiva labhyeta yathā talliṅgapūjayā |kailāsācalamaulisthaliṅgānāṃ darśanaṃ śive || 20||

दुर्लभं सर्वदेवानां नृणां किमुत शङ्करि ।कैलासेश्वरमुख्यानि लिङ्गान्यत्यद्भुतानिच ॥ २१॥

durlabhaṃ sarvadevānāṃ nṛṇāṃ kimuta śaṅkari |kailāseśvaramukhyāni liṅgānyatyadbhutānica || 21||

मणिगर्भगृहाधारसंस्थितान्यगजे सदा ।प्रोद्यत्कुम्भपताकानि मया सम्पूजितान्यपि ॥ २२॥

maṇigarbhagṛhādhārasaṃsthitānyagaje sadā |prodyatkumbhapatākāni mayā sampūjitānyapi || 22||

प्रातस्सङ्गवसायाह्नप्रदोषेषु महेश्वरि ।तेषु लिङ्गावलिं भद्रे शृणु वक्ष्यामि सादरम् ॥ २३॥

prātassaṅgavasāyāhnapradoṣeṣu maheśvari |teṣu liṅgāvaliṃ bhadre śṛṇu vakṣyāmi sādaram || 23||

कीर्तनश्रवणेनापि पापभेदीनि शङ्करि ।स्वर्गापवर्गदान्याशु नृभिस्तङ्कीर्तितान्यपि ॥ २४॥

kīrtanaśravaṇenāpi pāpabhedīni śaṅkari |svargāpavargadānyāśu nṛbhistaṅkīrtitānyapi || 24||

पूर्वतो मम कैलासे नानालिङ्गकुलेष्वपि ।तग्निरेर्दक्षिणे चापि पश्चादपि शुभानने ॥ २५॥

pūrvato mama kailāse nānāliṅgakuleṣvapi |tagnirerdakṣiṇe cāpi paścādapi śubhānane || 25||

तदुत्तरेऽपि देवेशि नानाज्योतिर्मयानि च ।न शक्यं वर्णितुं देवि देवैश्शेषेण भामिनि ॥ २६॥

taduttare'pi deveśi nānājyotirmayāni ca |na śakyaṃ varṇituṃ devi devaiśśeṣeṇa bhāmini || 26||

आद्यं मङ्गलदं देवि कैलासेश्वरसञ्ज्ञितम् ।यन्नवेदैरपिज्ञातं वेदान्तैरखिलैरपि ॥ ४२॥

ādyaṃ maṅgaladaṃ devi kailāseśvarasañjñitam |yannavedairapijñātaṃ vedāntairakhilairapi || 42||

अस्मिन्नेव लयं यान्ति ब्रह्मविष्णुमहेश्वराः ।(अत्रैवान्तेलयं यान्ति ब्रह्मविष्णुमहेश्वराः) ।लयनात्सर्वजगतां लिङ्गमित्युच्यते बुधैः ॥ ४३॥

asminneva layaṃ yānti brahmaviṣṇumaheśvarāḥ |(atraivāntelayaṃ yānti brahmaviṣṇumaheśvarāḥ) |layanātsarvajagatāṃ liṅgamityucyate budhaiḥ || 43||

ममैव निर्गुणं साक्षाद्रूपमेतन्महेश्वरि ।अस्यैव भासा सर्वेऽपि भान्ति लोकाश्चतुर्दश ॥ ४४॥

mamaiva nirguṇaṃ sākṣādrūpametanmaheśvari |asyaiva bhāsā sarve'pi bhānti lokāścaturdaśa || 44||

अस्यैव चेतनात्सर्वजगच्चेतयति प्रिये ।अस्यैवानन्दलेशेन सर्वानन्दमयं प्रिये ॥ ४५॥

asyaiva cetanātsarvajagaccetayati priye |asyaivānandaleśena sarvānandamayaṃ priye || 45||

लिङ्गमेतद्भूमधामसोमधामप्रभाधिकम् ।एतद्ब्रह्मैव देवेशि ममैव परमं प्रियम् ॥ ४६॥

liṅgametadbhūmadhāmasomadhāmaprabhādhikam |etadbrahmaiva deveśi mamaiva paramaṃ priyam || 46||

यस्मिन्त्सम्पूजितेज्ञातेध्यातेस्वात्मनिशैलजे ।लिङ्गीलिङ्गातिगोभातितदिदंलिङ्गमुत्तमम् ॥ ५३॥

yasmintsampūjitejñātedhyātesvātmaniśailaje |liṅgīliṅgātigobhātitadidaṃliṅgamuttamam || 53||

नामरूपातिगं भाति कैलासेश्वरसञ्ज्ञितम् ।तन्नामानि शृणुष्वार्ये सादरं कमलानने ॥ ५४॥

nāmarūpātigaṃ bhāti kailāseśvarasañjñitam |tannāmāni śṛṇuṣvārye sādaraṃ kamalānane || 54||

॥ इति शिवरहस्यान्तर्गते माहेश्वराख्ये कैलासशैललिङ्गमहिमा ॥॥ श्रीशिवरहस्यम् । माहेश्वराख्यः प्रथमांशः । अध्यायः ३९ कैलासशैललिङ्गमहिमा । वावृत्तश्लोकाः ॥– ॥ श्रीशिवरहस्यम् । माहेश्वराख्यः प्रथमांशः । अध्यायः ३९ – कैलासशैललिन्गमहिमा । वावृत्तश्लोकाः ॥

|| iti śivarahasyāntargate māheśvarākhye kailāsaśailaliṅgamahimā |||| śrīśivarahasyam | māheśvarākhyaḥ prathamāṃśaḥ | adhyāyaḥ 39 kailāsaśailaliṅgamahimā | vāvṛttaślokāḥ ||– || śrīśivarahasyam | māheśvarākhyaḥ prathamāṃśaḥ | adhyāyaḥ 39 – kailāsaśailalingamahimā | vāvṛttaślokāḥ ||