शिवस्तुतिः निषधहेमकूटादिकृता Kailasashaile Ashtadikpratishthitan Nishadhahemakutadikrita Shiva Stuti

स्कन्दःतत्र शैलाश्शिवेनैव चाष्टदिक्षु प्रतिष्ठिताः ।निषधो हेमकूटश्च विन्ध्यो मलयदर्दुरौ ॥ २८\।४॥मन्दरो हिमवांश्चैव नीलोऽत्रैव प्रकाशितः ।तेषां तपस्यया शम्भुस्सन्तुष्टो नितरां तदा ॥ २८\।५॥स्वावासेऽपि महाशैले महाकैलासपर्वते ।तेषां नित्यं निवसतिं ददौ कारुण्यतश्शिवः ॥ २८\।६॥पूर्वतो निषधो भाति चाग्नेय्यां हेमकूटकः ।विन्ध्योऽसौ दक्षिणे भाति मलयो नैरृते स्थितः ॥ २८\।८॥वारुण्यां दर्दुरो भाति वायव्यां भाति मन्दरः ।हिमवानुत्तरे भाति चैशान्यां नीलपर्वतः ॥ २८\।९॥अष्टदिक्षु स्थिता एते महाकैलासपर्वते ।स्वमौलिभिर्भासयन्ति दिशां स्तोमं नगोत्तमाः ॥ २८\।१०॥शृणुष्व जैगीषव्यत्वं पापभङ्गाय केवलम् ।निषधेशो हेमकेशो विन्ध्येशो मलयेश्वरः ॥ ३०\।६३॥दर्दुरेशो मन्दरेशो हिमशैलेश्वरो हरः ।नीलेश्वरोऽहि परितो महासौधवराश्रयाः ॥ ३०\।६४॥रम्यगोपुरकोपेता नगास्तत्र वपुर्धराः ।पूजयन्त्यत्र लिङ्गानि बिल्वपत्रैर्मनोहरैः ॥ ३०\।६५॥

skandaḥtatra śailāśśivenaiva cāṣṭadikṣu pratiṣṭhitāḥ |niṣadho hemakūṭaśca vindhyo malayadardurau || 28\|4||mandaro himavāṃścaiva nīlo'traiva prakāśitaḥ |teṣāṃ tapasyayā śambhussantuṣṭo nitarāṃ tadā || 28\|5||svāvāse'pi mahāśaile mahākailāsaparvate |teṣāṃ nityaṃ nivasatiṃ dadau kāruṇyataśśivaḥ || 28\|6||pūrvato niṣadho bhāti cāgneyyāṃ hemakūṭakaḥ |vindhyo'sau dakṣiṇe bhāti malayo nairṛte sthitaḥ || 28\|8||vāruṇyāṃ darduro bhāti vāyavyāṃ bhāti mandaraḥ |himavānuttare bhāti caiśānyāṃ nīlaparvataḥ || 28\|9||aṣṭadikṣu sthitā ete mahākailāsaparvate |svamaulibhirbhāsayanti diśāṃ stomaṃ nagottamāḥ || 28\|10||śṛṇuṣva jaigīṣavyatvaṃ pāpabhaṅgāya kevalam |niṣadheśo hemakeśo vindhyeśo malayeśvaraḥ || 30\|63||dardureśo mandareśo himaśaileśvaro haraḥ |nīleśvaro'hi parito mahāsaudhavarāśrayāḥ || 30\|64||ramyagopurakopetā nagāstatra vapurdharāḥ |pūjayantyatra liṅgāni bilvapatrairmanoharaiḥ || 30\|65||

निषधःनिषधेशं भवरोगभेषजं सुनिषण्णं सकलेऽपि भूतवर्गे ।विषमाक्षं कलुषैर्विहीनदेहं प्रणमामीश्वरमेवमेव नित्यम् ॥ २८\।३१॥हेमकूटःपापाद्रिकूटकुलिशोत्तम हेमकूट वीटीकृताखिल सुमेरुज हेमकूट ।प्रोद्यत्सुधांशुचयमौलितटोरुभास्वत्कोटीर घोटककृतागमकूट पाहि ॥ २८\।४९॥विन्ध्यःविन्ध्येश वन्ध्यदिवसो न भवेत्कदाचित्वत्पादपुजननतिस्तुतिभिर्ममाद्य ।वन्ध्योऽपि त्वत्पदनिवेदितभोज्यभुक्स्याद्विन्ध्योपमं दृढतरं हि सुतं लभेत ॥ २९\।२०॥मलयःमलयेश महेश शङ्कर प्रमथाधीश्वर चारुचन्द्रमौले ।त्वयि जातमिदं जगत्किलापि शम्भो प्रलयं याति लये त्वदीयकुक्षौ ॥ २९\।३४॥दर्दुरःपापापारमतङ्गकुम्भहरणे त्वं शङ्करो दर्दुरोभीमोऽहीश्वरकङ्कणोत्तमलसत्पाणीनखोद्यत्प्रभः ।सिह्मस्सर्वसुरेश्वरो हि भगवानिन्दूकपर्दोज्वलःसर्वेषां जनिता गराञ्चितगलः काशे गुणैर्वाचकः ॥ २९\।५०॥(सर्वेषां जनिता गरञ्जरयिता केशं गुणैर्वाचकः) ॥ २९\।५०॥(सर्वेषां जनिता गहरञ्जरयिता केशो गुणैर्वाचकः) ॥ २९\।५०॥मन्दरःश्रीमन्दरेश विविधागममौलिवृन्दसन्दोहनन्दितपदाम्बुजभृङ्गभावम् ।सम्प्रार्थयामि तरुणेन्दुकलाललाम वृन्दारवन्दितपदाम्बुजसेवयाहम् ॥ ३०\।१८॥हिमवान्परिणतहिमधामकान्तिराजज्जटयालङ्कृतगङ्गयोरुभासम् ।भवदाननपङ्कजोत्पलाभै रविसोमानललोचनैर्विलोकयाशु(+मान्तवम्) ॥ ३०\।४६॥नीलःनीललोहित महागरकन्धरामलकपालभुजङ्गविभूषण ।कालकालभगवन्कृपाम्बुधे तारयाशु भवसंसृतिजालम् ॥ ३०\।६७॥गिरयःहर हर परमेश देवदेव त्रिपुरयमान्धकजातभीतिनाश ।अगपतितनयाधव प्रभो नः परिपाहीश्वर देवसार्वभौम ॥ ३०\।६९॥भवता भवतापहारिणा वसता नाकशिरोत्थसौधमौलौ ।वयमप्यमला नगाश्शिलाभिर्नगवल्लीतृणपक्षिवीरुधैः ॥ ३०\।७०॥सुमृगैरपि चन्द्रचूड शम्भो गतिभाजस्सुतरां च धन्यधन्याः ।वेदेषु प्रथितोऽसि रुद्र भगवन् मीढुष्टमशङ्करोबभ्रुश्शम्भुरखण्डघोषकरणश्चोग्रोऽसि भीमोऽसि च ।अस्माकन्त्वधिपोऽसि पाहि दयया ख्यातो निरीशोऽपि च ॥ ३०\।७१॥

niṣadhaḥniṣadheśaṃ bhavarogabheṣajaṃ suniṣaṇṇaṃ sakale'pi bhūtavarge |viṣamākṣaṃ kaluṣairvihīnadehaṃ praṇamāmīśvaramevameva nityam || 28\|31||hemakūṭaḥpāpādrikūṭakuliśottama hemakūṭa vīṭīkṛtākhila sumeruja hemakūṭa |prodyatsudhāṃśucayamaulitaṭorubhāsvatkoṭīra ghoṭakakṛtāgamakūṭa pāhi || 28\|49||vindhyaḥvindhyeśa vandhyadivaso na bhavetkadācitvatpādapujananatistutibhirmamādya |vandhyo'pi tvatpadaniveditabhojyabhuksyādvindhyopamaṃ dṛḍhataraṃ hi sutaṃ labheta || 29\|20||malayaḥmalayeśa maheśa śaṅkara pramathādhīśvara cārucandramaule |tvayi jātamidaṃ jagatkilāpi śambho pralayaṃ yāti laye tvadīyakukṣau || 29\|34||darduraḥpāpāpāramataṅgakumbhaharaṇe tvaṃ śaṅkaro dardurobhīmo'hīśvarakaṅkaṇottamalasatpāṇīnakhodyatprabhaḥ |sihmassarvasureśvaro hi bhagavānindūkapardojvalaḥsarveṣāṃ janitā garāñcitagalaḥ kāśe guṇairvācakaḥ || 29\|50||(sarveṣāṃ janitā garañjarayitā keśaṃ guṇairvācakaḥ) || 29\|50||(sarveṣāṃ janitā gaharañjarayitā keśo guṇairvācakaḥ) || 29\|50||mandaraḥśrīmandareśa vividhāgamamaulivṛndasandohananditapadāmbujabhṛṅgabhāvam |samprārthayāmi taruṇendukalālalāma vṛndāravanditapadāmbujasevayāham || 30\|18||himavānpariṇatahimadhāmakāntirājajjaṭayālaṅkṛtagaṅgayorubhāsam |bhavadānanapaṅkajotpalābhai ravisomānalalocanairvilokayāśu(+māntavam) || 30\|46||nīlaḥnīlalohita mahāgarakandharāmalakapālabhujaṅgavibhūṣaṇa |kālakālabhagavankṛpāmbudhe tārayāśu bhavasaṃsṛtijālam || 30\|67||girayaḥhara hara parameśa devadeva tripurayamāndhakajātabhītināśa |agapatitanayādhava prabho naḥ paripāhīśvara devasārvabhauma || 30\|69||bhavatā bhavatāpahāriṇā vasatā nākaśirotthasaudhamaulau |vayamapyamalā nagāśśilābhirnagavallītṛṇapakṣivīrudhaiḥ || 30\|70||sumṛgairapi candracūḍa śambho gatibhājassutarāṃ ca dhanyadhanyāḥ |vedeṣu prathito'si rudra bhagavan mīḍhuṣṭamaśaṅkarobabhruśśambhurakhaṇḍaghoṣakaraṇaścogro'si bhīmo'si ca |asmākantvadhipo'si pāhi dayayā khyāto nirīśo'pi ca || 30\|71||

॥ इति शिवरहस्यान्तर्गते माहेश्वराख्ये कैलासशैले अष्टदिक्प्रतिष्ठितान् निषधहेमकूटादिकृता शिवस्तुतिः ॥

|| iti śivarahasyāntargate māheśvarākhye kailāsaśaile aṣṭadikpratiṣṭhitān niṣadhahemakūṭādikṛtā śivastutiḥ ||

॥ श्रीशिवरहस्यम् ।माहेश्वराख्यः प्रथमांशः ।अध्यायः २८२९३०। वावृत्तश्लोकाः ॥

|| śrīśivarahasyam |māheśvarākhyaḥ prathamāṃśaḥ |adhyāyaḥ 282930| vāvṛttaślokāḥ ||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः २८-२९-३०। वावृत्तश्लोकाः ॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 28-29-30| vāvṛttaślokāḥ ||