कैलासशैलप्राकारवर्णनम् २ Kailasashailaprakaravarnanam 2

(कैलासशैले अष्टदिग्गोपुरवर्णनम् २)स्कन्द उवाचनैरृते गोपुरं शम्भोः पञ्चलक्षप्रमाणकम् ।रुद्राणां चरितैश्चैव शोभितं शिखरैरपि ॥ १॥

(kailāsaśaile aṣṭadiggopuravarṇanam 2)skanda uvācanairṛte gopuraṃ śambhoḥ pañcalakṣapramāṇakam |rudrāṇāṃ caritaiścaiva śobhitaṃ śikharairapi || 1||

बाणस्तत्र महादेवमुपास्ते गणलक्षकैः ।नवरन्नसरोभूषो महाप्रासादमध्यगः ॥ २॥

bāṇastatra mahādevamupāste gaṇalakṣakaiḥ |navarannasarobhūṣo mahāprāsādamadhyagaḥ || 2||

तदालयं रत्नकॢप्तं सहस्रस्तम्भमण्डितम् ।तत्र बाणेश्वरागारं तेन लिङ्गं समत्तितम् ॥ ३॥

tadālayaṃ ratnakḷptaṃ sahasrastambhamaṇḍitam |tatra bāṇeśvarāgāraṃ tena liṅgaṃ samattitam || 3||

मण्डपैर्गोपुरैर्युक्तं त्रिकालं बिल्वपल्लवैः ॥बाण उवाचबाणेश शम्भो हरिबाणपाणे त्वं पाहि गङ्गाधर चन्द्रचूड ।विश्वेश भर्ग मदनान्तक कालकाल मामद्य शङ्कर विभो गणनाथपूज्य ॥ ४॥

maṇḍapairgopurairyuktaṃ trikālaṃ bilvapallavaiḥ ||bāṇa uvācabāṇeśa śambho haribāṇapāṇe tvaṃ pāhi gaṅgādhara candracūḍa |viśveśa bharga madanāntaka kālakāla māmadya śaṅkara vibho gaṇanāthapūjya || 4||

भद्राणि मे संविधत्स्वाद्य शम्भो दीक्षादिदक्षाध्वरध्वंसकाव ।महेशान पञ्चाननेन्दुमकृष्टैकधाम प्रभो सम्प्रसीद प्रसीद प्रसीद ॥ ५॥

bhadrāṇi me saṃvidhatsvādya śambho dīkṣādidakṣādhvaradhvaṃsakāva |maheśāna pañcānanendumakṛṣṭaikadhāma prabho samprasīda prasīda prasīda || 5||

स्कन्द उवाचइत्थं स्तौति गणेन्द्रोऽसौ बाणो बाणेश्वरं शिवम् ।नैरृते गोपुरे तत्रप्रासादवरमध्यगः ॥ ६॥

skanda uvācaitthaṃ stauti gaṇendro'sau bāṇo bāṇeśvaraṃ śivam |nairṛte gopure tatraprāsādavaramadhyagaḥ || 6||

अस्ताद्रिः पारियात्रश्च पश्चात्प्राकारसन्नगाः ।तत्रैव गोपुरं शम्भोर्दशलक्षैकयोजनम् ॥ ७॥

astādriḥ pāriyātraśca paścātprākārasannagāḥ |tatraiva gopuraṃ śambhordaśalakṣaikayojanam || 7||

पट्टिकादेववगोष्ठैश्च स्तम्भैः कुम्भैश्च कोणजैः ।रुद्रावताराक्रीडाभी रचितं वृषभैर्वृतम् ॥ ८॥

paṭṭikādevavagoṣṭhaiśca stambhaiḥ kumbhaiśca koṇajaiḥ |rudrāvatārākrīḍābhī racitaṃ vṛṣabhairvṛtam || 8||

तलानाञ्च सहस्रेण निर्मितञ्चित्रवेदिकम् ।सुवर्णरत्नकलशैः कैलासादतिमुन्दरम् ॥ ९॥

talānāñca sahasreṇa nirmitañcitravedikam |suvarṇaratnakalaśaiḥ kailāsādatimundaram || 9||

तत्रास्ति सौधप्रवरं सहस्रस्तम्भमण्डितम् ।मणिमाणिक्यखचितं दिव्यसिह्मासनैर्वृतम् ॥ १०॥

tatrāsti saudhapravaraṃ sahasrastambhamaṇḍitam |maṇimāṇikyakhacitaṃ divyasihmāsanairvṛtam || 10||

धूपदीपादिबहुलं भक्ष्यभोज्यसमन्वितम् ।तत्र भृङ्गी महातेजा भस्मोद्धलितविग्रहः ॥ ११॥

dhūpadīpādibahulaṃ bhakṣyabhojyasamanvitam |tatra bhṛṅgī mahātejā bhasmoddhalitavigrahaḥ || 11||

त्रिपुण्ड्रविलसद्भालो मणिमाणिक्यकङ्कणः ।चन्द्रार्धशेखराबद्धराजत्पिङ्गजटाधरः ॥ १२॥

tripuṇḍravilasadbhālo maṇimāṇikyakaṅkaṇaḥ |candrārdhaśekharābaddharājatpiṅgajaṭādharaḥ || 12||

सिह्मासनस्थो वरदो गन्धर्वैर्गणपैर्वृतः ।वरुणादिसुदिक्पालैर्गरुडैरप्सरोगणैः ॥ १३॥

sihmāsanastho varado gandharvairgaṇapairvṛtaḥ |varuṇādisudikpālairgaruḍairapsarogaṇaiḥ || 13||

सेवितो रत्नसौधस्थो दशलक्षगणैर्वृतः ।वासुकिश्शङ्कपालश्च कम्बलाश्वतरौ तथा ॥ १४॥

sevito ratnasaudhastho daśalakṣagaṇairvṛtaḥ |vāsukiśśaṅkapālaśca kambalāśvatarau tathā || 14||

शेषश्च तक्षकश्चैव दैत्यनाथा नृपास्तथा ।उपासते भृङ्गिरिटिश्शिवध्यानहताशुभः ॥ १५॥

śeṣaśca takṣakaścaiva daityanāthā nṛpāstathā |upāsate bhṛṅgiriṭiśśivadhyānahatāśubhaḥ || 15||

तत्रास्ति गर्भभवनं प्राकारवरगोपुरम् ।भृङ्गीश्वराख्यं लतल्लिङ्गं सम्पूज्य स्तौति भक्तितः ॥ १६॥

tatrāsti garbhabhavanaṃ prākāravaragopuram |bhṛṅgīśvarākhyaṃ latalliṅgaṃ sampūjya stauti bhaktitaḥ || 16||

पञ्चामृतैः फलरसैः पञ्चगव्योदकैरपि ।चन्दनैः पुष्पमालाभिर्बिल्वमन्दारचम्पकैः ॥ १७॥

pañcāmṛtaiḥ phalarasaiḥ pañcagavyodakairapi |candanaiḥ puṣpamālābhirbilvamandāracampakaiḥ || 17||

धूपैर्दीपस्तथापुष्पैर्नैवेद्यैर्मुखवासजैः ॥ १८॥

dhūpairdīpastathāpuṣpairnaivedyairmukhavāsajaiḥ || 18||

भृङ्गी उवाचभृङ्गीगीश मे मनसिजस्तवपादपद्मभृङ्गो भवत्वनुदिनं सरसानुमोदः ।प्राप्नोतु भक्तिमखिलां तव पादपद्मे माया तु यातु दुरितिं चरितन्तवेश ॥ १९॥

bhṛṅgī uvācabhṛṅgīgīśa me manasijastavapādapadmabhṛṅgo bhavatvanudinaṃ sarasānumodaḥ |prāpnotu bhaktimakhilāṃ tava pādapadme māyā tu yātu duritiṃ caritantaveśa || 19||

श्रीशङ्करामयहरेश्वर विश्वमूर्ते विश्वाधिकेश करसङ्गिकुरङ्गबाल ।मन्दारकुन्दनवचम्पकबिल्वमाला दिव्योत्तमाङ्गदशुभुजङ्ग सुरेश पाहि ॥ २०॥

śrīśaṅkarāmayahareśvara viśvamūrte viśvādhikeśa karasaṅgikuraṅgabāla |mandārakundanavacampakabilvamālā divyottamāṅgadaśubhujaṅga sureśa pāhi || 20||

स्कन्द उवाचइत्थं स्तौति सदाकालं शङ्करं लोकशङ्करम् ।गणानां शतलक्षैश्च स्वसमानैः परीवृतः ॥ २१॥

skanda uvācaitthaṃ stauti sadākālaṃ śaṅkaraṃ lokaśaṅkaram |gaṇānāṃ śatalakṣaiśca svasamānaiḥ parīvṛtaḥ || 21||

वायव्ये गोपुरं शम्भोः पञ्चलक्षप्रमाणतः ।रुद्रावतारक्रीडाभिरन्वितम्मणिवेदिकैः ॥ २२॥

vāyavye gopuraṃ śambhoḥ pañcalakṣapramāṇataḥ |rudrāvatārakrīḍābhiranvitammaṇivedikaiḥ || 22||

रत्नकुम्भशताकीर्णं वायुधूतपताकम् ।वृषभालङ्कृतं दिव्यं तत्र सौधं महात्मनः ॥ २३॥

ratnakumbhaśatākīrṇaṃ vāyudhūtapatākam |vṛṣabhālaṅkṛtaṃ divyaṃ tatra saudhaṃ mahātmanaḥ || 23||

सहस्रस्तम्भसंयुक्तं हेमासनसमाश्रितम् ।रिटिरास्ते शिवध्यानविधूताखिलहृत्तमः ॥ २४॥

sahasrastambhasaṃyuktaṃ hemāsanasamāśritam |riṭirāste śivadhyānavidhūtākhilahṛttamaḥ || 24||

भस्माभ्यक्तस्त्रिपुण्ड्राङ्को रत्नाकल्पविभूषितः ।सोमार्धशेखरोद्भासिमुकुटो वायुसेवितः ॥ २५॥

bhasmābhyaktastripuṇḍrāṅko ratnākalpavibhūṣitaḥ |somārdhaśekharodbhāsimukuṭo vāyusevitaḥ || 25||

द्विलक्षगणपैश्चैव रुद्रवृन्दैर्निषेवितः ।तत्र गभेगृहं शन्भो रिटीशाख्यमहेशितुः ॥ २६॥

dvilakṣagaṇapaiścaiva rudravṛndairniṣevitaḥ |tatra gabhegṛhaṃ śanbho riṭīśākhyamaheśituḥ || 26||

प्राकारगोपुरोपेतं धूपैर्दीपैर्मनोहरैः ।जातीमल्लिकमन्दारबिल्वैरभ्यर्च्य शङ्करम् ॥ २७॥

prākāragopuropetaṃ dhūpairdīpairmanoharaiḥ |jātīmallikamandārabilvairabhyarcya śaṅkaram || 27||

कृताञ्जलिपुटस्स्तौतिरिटीशम्भक्तिभावितः ।समुद्यत्पुलको देवं त्रिकालं लिङ्गसंस्थितम् ॥ २८॥

kṛtāñjalipuṭasstautiriṭīśambhaktibhāvitaḥ |samudyatpulako devaṃ trikālaṃ liṅgasaṃsthitam || 28||

रिटिरुवाचविश्वेश विश्व मदनान्तक विश्वमूर्ते गौरीवरामरभुजङ्गफणाभिराम ।गङ्गाधरान्तकरिपो प्रमथाधिनाथ पाहीश मामकधियाद्य ललामसोम ॥ २९॥

riṭiruvācaviśveśa viśva madanāntaka viśvamūrte gaurīvarāmarabhujaṅgaphaṇābhirāma |gaṅgādharāntakaripo pramathādhinātha pāhīśa māmakadhiyādya lalāmasoma || 29||

स्कन्द उवाचइत्थंस्तौतिरिटिर्भक्त्यारिटीशं मुदितान्तरः ।ततोत्तरे च प्राकारे संस्थिताश्चकुलाचलाः ॥ ३०॥

skanda uvācaitthaṃstautiriṭirbhaktyāriṭīśaṃ muditāntaraḥ |tatottare ca prākāre saṃsthitāścakulācalāḥ || 30||

दुन्दुभिर्मन्दरो नाम्ना पर्वतो रैवतस्ततः ।तत्रापि गोपुरं शम्भोर्दशलक्षोर्द्वगं स्थितम् ॥ ३१॥

dundubhirmandaro nāmnā parvato raivatastataḥ |tatrāpi gopuraṃ śambhordaśalakṣordvagaṃ sthitam || 31||

सहस्रतलसंयुक्तं पट्टिकावेदिकान्वितम् ।रत्नशृङ्गाग्रविलसद्धूयमानपताककम् ॥ ३२॥

sahasratalasaṃyuktaṃ paṭṭikāvedikānvitam |ratnaśṛṅgāgravilasaddhūyamānapatākakam || 32||

रुद्रावतारक्रीडाभिरन्वितं वृषभैरपि ।तत्रास्ति सौधप्रवरं माणिक्यतलकुट्टिमम् ॥ ३३॥

rudrāvatārakrīḍābhiranvitaṃ vṛṣabhairapi |tatrāsti saudhapravaraṃ māṇikyatalakuṭṭimam || 33||

सहस्रकनकस्तम्भैर्निर्मितं वनराजितम् ।हेमसिह्मासनैर्युक्तं धूपगन्धानुमोदितम् ॥ ३४॥

sahasrakanakastambhairnirmitaṃ vanarājitam |hemasihmāsanairyuktaṃ dhūpagandhānumoditam || 34||

मणिप्रभाभासितञ्च तिरस्कृतनभोङ्कणम् ।(मणिप्रभाभासितञ्च तिरस्कृततमोगुणम् ।)कालाग्निरुद्रस्तत्रास्ते यक्षेशैच निषेवितः ॥ ३५॥

maṇiprabhābhāsitañca tiraskṛtanabhoṅkaṇam |(maṇiprabhābhāsitañca tiraskṛtatamoguṇam |)kālāgnirudrastatrāste yakṣeśaica niṣevitaḥ || 35||

भस्मरुद्राक्षवीताङ्गो मुक्तामाणिक्यभूषणः ।मुकुटोद्यत्सुधाधामखण्डोज्वलितवक्त्रकः ॥ ३६॥

bhasmarudrākṣavītāṅgo muktāmāṇikyabhūṣaṇaḥ |mukuṭodyatsudhādhāmakhaṇḍojvalitavaktrakaḥ || 36||

त्रिपुण्ड्ररेखाविततभालभागमनोहरः ।त्रिशूलपाणिर्वरदो हेमसिंहासनस्थितः ॥ ३७॥

tripuṇḍrarekhāvitatabhālabhāgamanoharaḥ |triśūlapāṇirvarado hemasiṃhāsanasthitaḥ || 37||

कुबेरेण च देवैश्च पञ्चलक्षगणैरपि ।हेतिपाशमहाशूलधरैस्तैरहिमन्युभिः ॥ ३८॥

kubereṇa ca devaiśca pañcalakṣagaṇairapi |hetipāśamahāśūladharaistairahimanyubhiḥ || 38||

तत्रागारं महेशस्य कालरुद्रेश्वरस्य च ।प्राकारगोपुरयुतं धूपदीपशतावृतम् ॥ ३९॥

tatrāgāraṃ maheśasya kālarudreśvarasya ca |prākāragopurayutaṃ dhūpadīpaśatāvṛtam || 39||

नैवेद्यैश्चन्दनैश्चैव बिल्वमन्दारपङ्कजैः ।सम्पूज्य परया भक्त्या स्तौति देवं पिनाकिनम् ॥ ४०॥

naivedyaiścandanaiścaiva bilvamandārapaṅkajaiḥ |sampūjya parayā bhaktyā stauti devaṃ pinākinam || 40||

कालाग्निरुद्र उवाचत्रियम्बक सदाशिव त्रिपुरमारकालान्तकत्रिशूलवरपाशसंयुतकराद्रिबाणासन ।(त्रियम्बक सदाशिव त्रिपुरमार कालान्धकाद्यपारसुरशत्रुहन्हरिशराद्रिबाणासन ।)प्रसादजनितानन प्रकटचण्डधामागमसुधांशुकशिखण्डक सुरसनाथ मां पालय ॥ ४१॥

kālāgnirudra uvācatriyambaka sadāśiva tripuramārakālāntakatriśūlavarapāśasaṃyutakarādribāṇāsana |(triyambaka sadāśiva tripuramāra kālāndhakādyapārasuraśatruhanhariśarādribāṇāsana |)prasādajanitānana prakaṭacaṇḍadhāmāgamasudhāṃśukaśikhaṇḍaka surasanātha māṃ pālaya || 41||

इतिस्तौतिप्रहृष्टात्माकालरुद्रोमहेश्वरम् ।तस्यप्राकारकोणेचाप्यैशान्यां दिशिसंस्थितः ॥ – – ॥(श्लोक नुम्बेरिन्ग् एर्रोर् इन् सोउर्चे तेक्ष्त्)वीरभद्रस्सदैवास्ते गणलक्षैः परीवृतः ।तदुत्तरं हि कैलासं तत्र गोपुरमुत्तमम् ॥ ४२॥

itistautiprahṛṣṭātmākālarudromaheśvaram |tasyaprākārakoṇecāpyaiśānyāṃ diśisaṃsthitaḥ || – – ||(śloka numbering error in source tekṣt)vīrabhadrassadaivāste gaṇalakṣaiḥ parīvṛtaḥ |taduttaraṃ hi kailāsaṃ tatra gopuramuttamam || 42||

पञ्चलक्षप्रमाणेन वेदिकापट्टिकान्वितम् ।सुर्वर्णरत्नखचितं कलशेश्शोभितं मुने ॥ ४३॥

pañcalakṣapramāṇena vedikāpaṭṭikānvitam |survarṇaratnakhacitaṃ kalaśeśśobhitaṃ mune || 43||

रुद्रावतारवृषभैश्शोभितं तन्मनोहरम् ।तत्र सौधवरे कॢप्ते सहस्रस्तम्भमण्डपे ॥ ४४॥

rudrāvatāravṛṣabhaiśśobhitaṃ tanmanoharam |tatra saudhavare kḷpte sahasrastambhamaṇḍape || 44||

हेमरत्नचिते दिव्यहेमसिंहासन(ने)स्थितः ।इशानेन च रुद्रैश्च गणलक्षसमन्वितः ॥ ४५॥

hemaratnacite divyahemasiṃhāsana(ne)sthitaḥ |iśānena ca rudraiśca gaṇalakṣasamanvitaḥ || 45||

भस्मोद्धूलितसर्वाङ्गस्त्रिपुण्ड्रपरिचिन्हितः ।राजद्रत्नाङ्गदैर्युक्तो मणिरुद्राक्षहारकः ॥ ४६॥

bhasmoddhūlitasarvāṅgastripuṇḍraparicinhitaḥ |rājadratnāṅgadairyukto maṇirudrākṣahārakaḥ || 46||

मुकुटोद्यत्सुधाधामखण्डार्धजटिलालकः ।सदाशिवार्चकवरश्शूल्हस्तोहि भैरवः ॥ ४७॥

mukuṭodyatsudhādhāmakhaṇḍārdhajaṭilālakaḥ |sadāśivārcakavaraśśūlhastohi bhairavaḥ || 47||

तत्रैकं भवनं शम्भोर्वीरभद्रेश्वरस्य च ।नवरत्नाङ्कितं दिव्यं प्राकारवरगोपुरम् ॥ ४८॥

tatraikaṃ bhavanaṃ śambhorvīrabhadreśvarasya ca |navaratnāṅkitaṃ divyaṃ prākāravaragopuram || 48||

धूपामोदितदिक्चक्रं मणिद्युतिविराजितम् ।तल्लिङ्गं पूज्येत्व बिल्वमन्दारचम्पकैः ॥ ४९॥

dhūpāmoditadikcakraṃ maṇidyutivirājitam |talliṅgaṃ pūjyetva bilvamandāracampakaiḥ || 49||

दीपोपहारधूपैश्च चन्दनेनाक्षतादिभिः ।स्तौति हृष्टस्त्रिकालं स तल्लिङ्गं पारमेश्वरम् ॥ ५०॥

dīpopahāradhūpaiśca candanenākṣatādibhiḥ |stauti hṛṣṭastrikālaṃ sa talliṅgaṃ pārameśvaram || 50||

वीरभद्र उवाचक्षयद्वीर दक्षाध्वरध्वंसकाशावसेशान चाशाविहीनेति तुष्टः ।त्वमेवासि भद्रं त्वमेवास्य भद्रं सताञ्चासतामाशु मां मोक्षयाद्य ॥ ५१॥

vīrabhadra uvācakṣayadvīra dakṣādhvaradhvaṃsakāśāvaseśāna cāśāvihīneti tuṣṭaḥ |tvamevāsi bhadraṃ tvamevāsya bhadraṃ satāñcāsatāmāśu māṃ mokṣayādya || 51||

इत्थं स्तौति सदाशम्भुं वीरभद्रो गणाग्रणीः ।शैलावरणमेतद्वै शम्भोश्शिवगणाश्रयम् ॥ ५२॥

itthaṃ stauti sadāśambhuṃ vīrabhadro gaṇāgraṇīḥ |śailāvaraṇametadvai śambhośśivagaṇāśrayam || 52||

दशलक्षप्रमाणेन परिधाकृतिविस्तरम् ।गोपुरार्बुदकोपेतं रम्यमण्डपमण्डितम् ॥ ५३॥

daśalakṣapramāṇena paridhākṛtivistaram |gopurārbudakopetaṃ ramyamaṇḍapamaṇḍitam || 53||

सहस्रनियुतस्तम्भैः कुम्भैश्चापि समन्वितम् ।रम्यलिङ्गालयोत्तुरङ्गराजद्वृषभशेखरः ॥ ५४॥

sahasraniyutastambhaiḥ kumbhaiścāpi samanvitam |ramyaliṅgālayotturaṅgarājadvṛṣabhaśekharaḥ || 54||

धगद्धगितदिक्चक्रं शैलावरणमीशितुः ।व्यायामायतदीर्घञ्चाप्येतद्बोऽभिहितं मया ॥ ५५॥

dhagaddhagitadikcakraṃ śailāvaraṇamīśituḥ |vyāyāmāyatadīrghañcāpyetadbo'bhihitaṃ mayā || 55||

एवमाभ्यन्तराः कॢप्ताः प्राकारवरगोपुराः ।सहस्रप्रमथाधीशैस्सप्तसागरमध्यगैः ॥ ५६॥

evamābhyantarāḥ kḷptāḥ prākāravaragopurāḥ |sahasrapramathādhīśaissaptasāgaramadhyagaiḥ || 56||

शैलद्वीपसरिद्भिश्च निर्मितं विपिननैरपि ।ध्यात्वा ध्येयमिदं विप्रगणो भवति शाङ्करः ॥ ५७॥

śailadvīpasaridbhiśca nirmitaṃ vipinanairapi |dhyātvā dhyeyamidaṃ vipragaṇo bhavati śāṅkaraḥ || 57||

स्कन्द उवाचनेव प्राकारमध्ये हरविधिहरयो नो गणा नापि वातोनो चन्द्रो न सूर्यरश्मिनिचयोनाग्नित्रयं नो सुराः ।एकस्तत्र महेश्वरो विहरति स्वैरं सहाम्बो मुदातद्वेदैरपि वक्तुमेव न भवेत्कावा कथान्यस्य हि ॥ ५८॥

skanda uvācaneva prākāramadhye haravidhiharayo no gaṇā nāpi vātono candro na sūryaraśminicayonāgnitrayaṃ no surāḥ |ekastatra maheśvaro viharati svairaṃ sahāmbo mudātadvedairapi vaktumeva na bhavetkāvā kathānyasya hi || 58||

शरशरधिरथाङ्गं यन्तृयानं वहा वे धनुवरमथ तज्या वैरिवर्गं रथीच ।हरिविधिश्रुतयः क्ष्मा पुष्पवन्तौ तथाब्धिर्नगवर उरगेन्द्रस्रैपुरं श्रीमहेशः ॥ ५९॥

śaraśaradhirathāṅgaṃ yantṛyānaṃ vahā ve dhanuvaramatha tajyā vairivargaṃ rathīca |harividhiśrutayaḥ kṣmā puṣpavantau tathābdhirnagavara uragendrasraipuraṃ śrīmaheśaḥ || 59||

निश्वासश्रुतिरेक एव भगवानास्ते सहाम्बो भवस्तस्यापारविचित्रसर्गबहुळास्स्वाभाविकाश्शक्तयः ।तस्यानन्दघनस्य भक्तिपरमा भावा गणास्ते द्विजाब्रह्मेन्द्रादिमरुत्पदेषु विहितास्सक्ता महेशाचने ॥ ६०॥

niśvāsaśrutireka eva bhagavānāste sahāmbo bhavastasyāpāravicitrasargabahuḷāssvābhāvikāśśaktayaḥ |tasyānandaghanasya bhaktiparamā bhāvā gaṇāste dvijābrahmendrādimarutpadeṣu vihitāssaktā maheśācane || 60||

॥ इति शिवरहस्यान्तर्गते माहेश्वराख्ये कैलासशैले अष्टदिग्गोपुरवर्णनम् २॥॥ श्रीशिवरहस्यम् । माहेश्वराख्यः प्रथमांशः । अध्यायः १५ शैलप्राकारवर्णनम् ॥– ॥ श्रीशिवरहस्यम् । माहेश्वराख्यः प्रथमांशः । अध्यायः १५ – शैलप्राकारवर्णनम् ॥

|| iti śivarahasyāntargate māheśvarākhye kailāsaśaile aṣṭadiggopuravarṇanam 2|||| śrīśivarahasyam | māheśvarākhyaḥ prathamāṃśaḥ | adhyāyaḥ 15 śailaprākāravarṇanam ||– || śrīśivarahasyam | māheśvarākhyaḥ prathamāṃśaḥ | adhyāyaḥ 15 – śailaprākāravarṇanam ||