कैलाससभासुनृत्तवर्णनम् १ हेमसभापतीश्वर शिवस्तवः १ Kailasasabhasu Nrittavarnanam 1

(हेम(कनक)सभापतीश्वर शिवस्तवः १)स्कन्दःराजद्राजकलाविराजितजटाराजीरजोघ्नं सतांरामालङ्कृत्तवामभागमनिशं श्रीराजराजार्चितं ।नृत्यन्तं नृशिरःकपालकलिकामालास्फुरद्वक्षसंनृत्यन्तं रजताद्रिहेमसदसि श्रीधूर्जटिं भावये ॥ ३२॥

(hema(kanaka)sabhāpatīśvara śivastavaḥ 1)skandaḥrājadrājakalāvirājitajaṭārājīrajoghnaṃ satāṃrāmālaṅkṛttavāmabhāgamaniśaṃ śrīrājarājārcitaṃ |nṛtyantaṃ nṛśiraḥkapālakalikāmālāsphuradvakṣasaṃnṛtyantaṃ rajatādrihemasadasi śrīdhūrjaṭiṃ bhāvaye || 32||

नृत्यद्ब्रह्मकपालघट्टनपतद्ब्रह्माण्डकोटिस्रवद्वर्षाधारसुपूरपूरतिजटागङ्गातरङ्गोद्भटम् ।सेवार्थागतविष्णुमुख्यसुरतावद्धाञ्जलिप्रार्थनंनृत्यन्तं रजताद्रिहेमसदसि श्रीधूर्जटिं भावये ॥ ३३॥

nṛtyadbrahmakapālaghaṭṭanapatadbrahmāṇḍakoṭisravadvarṣādhārasupūrapūratijaṭāgaṅgātaraṅgodbhaṭam |sevārthāgataviṣṇumukhyasuratāvaddhāñjaliprārthanaṃnṛtyantaṃ rajatādrihemasadasi śrīdhūrjaṭiṃ bhāvaye || 33||

तण्डौ वादिनि डिण्डिमण्डमरुकामाखण्डले वाद्यतिब्रह्मण्यम्बुजलोचने च नमति श्रीचण्डिकेशे करैः ।घण्टाडोलनतत्परे सुरनुतं श्रीताण्डवे पण्डितंनृत्यन्तं रजताद्रिहेमसदसि श्रीधूर्जटिं भावये ॥ ३४॥

taṇḍau vādini ḍiṇḍimaṇḍamarukāmākhaṇḍale vādyatibrahmaṇyambujalocane ca namati śrīcaṇḍikeśe karaiḥ |ghaṇṭāḍolanatatpare suranutaṃ śrītāṇḍave paṇḍitaṃnṛtyantaṃ rajatādrihemasadasi śrīdhūrjaṭiṃ bhāvaye || 34||

शीर्षाबद्धकपालमालममलं नृत्यज्जटामण्डलंभूषावेषविषाग्निमिश्रितसुधाधारेषदुष्णार्चिषम् ।नृत्यन्तं रमणीमुदे निगमवाङ्मुर्धाधिरूढं शिवंनृत्यन्तं रजताद्रिहेमसदसि श्रीधूर्जटिं भावये ॥ ३५॥

śīrṣābaddhakapālamālamamalaṃ nṛtyajjaṭāmaṇḍalaṃbhūṣāveṣaviṣāgnimiśritasudhādhāreṣaduṣṇārciṣam |nṛtyantaṃ ramaṇīmude nigamavāṅmurdhādhirūḍhaṃ śivaṃnṛtyantaṃ rajatādrihemasadasi śrīdhūrjaṭiṃ bhāvaye || 35||

पादाबद्धहरीशकङ्कणरणत्कारौघनिष्पन्दितब्रह्माद्याखिलजङ्गमं बहुभुजालङ्कारदेव्याः पुरः ।मन्दस्मेरविराजमानवदनाम्भोजं नटन्तं शिवंकैलासाचलशातकुम्भसदसि श्रीशम्भुमालोकये ॥ ३६॥

pādābaddhaharīśakaṅkaṇaraṇatkāraughaniṣpanditabrahmādyākhilajaṅgamaṃ bahubhujālaṅkāradevyāḥ puraḥ |mandasmeravirājamānavadanāmbhojaṃ naṭantaṃ śivaṃkailāsācalaśātakumbhasadasi śrīśambhumālokaye || 36||

इत्थं नृत्यति देवेशस्सायं देव्या सदाशिवः ।कैलासहेमसदसि प्राच्यां गणवरैर्वृतः ॥ ३७॥

itthaṃ nṛtyati deveśassāyaṃ devyā sadāśivaḥ |kailāsahemasadasi prācyāṃ gaṇavarairvṛtaḥ || 37||

॥ इति शिवरहस्यान्तर्गते माहेश्वराख्ये कैलाससभासु नृत्तवर्णनम् १ हेम(कनक)सभापतीश्वर शिवस्तवः ॥॥ श्रीशिवरहस्यम् । माहेश्वराख्यः प्रथमांशः । अध्यायः ३३ सभासु नृत्तवर्णनम् । ३२३७॥

|| iti śivarahasyāntargate māheśvarākhye kailāsasabhāsu nṛttavarṇanam 1 hema(kanaka)sabhāpatīśvara śivastavaḥ |||| śrīśivarahasyam | māheśvarākhyaḥ prathamāṃśaḥ | adhyāyaḥ 33 sabhāsu nṛttavarṇanam | 3237||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः ३३ – सभासु नृत्तवर्णनम् ।३२-३७॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 33 – sabhāsu nṛttavarṇanam | 32-37||