कैलासलिङ्गवर्णनम् १ Kailasalingavarnanam 1

स्कन्दःरुद्रावतारचरितैर्मणिराजद्वृषैर्युतम् ।ललामशोभिकलशैश्चतुर्दिक्षु विराजितम् ॥ ९॥

skandaḥrudrāvatāracaritairmaṇirājadvṛṣairyutam |lalāmaśobhikalaśaiścaturdikṣu virājitam || 9||

तत्रान्तर्गृहमीशस्य गर्भागारं मनोहरम् ।नवरत्नाखण्डकॢप्तस्तम्भपीठविराजितम् ॥ १०॥

tatrāntargṛhamīśasya garbhāgāraṃ manoharam |navaratnākhaṇḍakḷptastambhapīṭhavirājitam || 10||

तच्चिन्तामणिभाजालभासितं गर्भधाम तत् ।तदग्रतो भाति शम्भोस्सहस्रस्तम्भमण्डितः ॥ ११॥

taccintāmaṇibhājālabhāsitaṃ garbhadhāma tat |tadagrato bhāti śambhossahasrastambhamaṇḍitaḥ || 11||

सुमुक्तिमण्डपो नाम सर्ववेदशिखास्तुतः ।तत्प्रभाभासिता लोका ब्रह्मविष्ण्वादयस्सुराः ॥ १२॥

sumuktimaṇḍapo nāma sarvavedaśikhāstutaḥ |tatprabhābhāsitā lokā brahmaviṣṇvādayassurāḥ || 12||

दिक्पालयक्षरक्षौघनागाप्सरसकिन्नराः ।उरगास्तुरगाश्चैव सारङ्गाथामरास्सृमाः ॥ १३॥

dikpālayakṣarakṣaughanāgāpsarasakinnarāḥ |uragāsturagāścaiva sāraṅgāthāmarāssṛmāḥ || 13||

मयवस्सामजालावा हरयश्शरभास्तथा ।भल्लूकभेकखङ्गैश्च हरिणैर्महिषैस्तथा ॥ १४॥

mayavassāmajālāvā harayaśśarabhāstathā |bhallūkabhekakhaṅgaiśca hariṇairmahiṣaistathā || 14||

लिङ्गाग्रे मण्डपो भाति कैलासेश्वरसन्निधौ ।ततोऽन्तरे गर्भगृहं कैलासेशस्य सत्तम ॥ २३॥

liṅgāgre maṇḍapo bhāti kailāseśvarasannidhau |tato'ntare garbhagṛhaṃ kailāseśasya sattama || 23||

नवरत्नमणीपीठं वेदिकातलसुन्दरम् ।गर्भकोष्ठैः पट्टिकाभिर्देवकोष्ठैर्विराजितम् ॥ २४॥

navaratnamaṇīpīṭhaṃ vedikātalasundaram |garbhakoṣṭhaiḥ paṭṭikābhirdevakoṣṭhairvirājitam || 24||

वलभीतलसञ्चारिमरालकुलसुन्दरम् ।कपोतपालीपालिस्थमणिसिह्मवृषैर्युतम् ॥ २५॥

valabhītalasañcārimarālakulasundaram |kapotapālīpālisthamaṇisihmavṛṣairyutam || 25||

दिक्पालैर्ब्रह्मविष्ण्वाद्यैर्दक्षिणामूर्तिविस्तृतम् ।दक्षिणे पश्चिमे चापि प्रागुत्तरदिशि प्रभाः ॥ २६॥

dikpālairbrahmaviṣṇvādyairdakṣiṇāmūrtivistṛtam |dakṣiṇe paścime cāpi prāguttaradiśi prabhāḥ || 26||

लिङ्गोद्भवान्धकारातित्रिपुरासुरसंहृतिः ।ब्रह्मविष्णूद्भवश्चापि ताण्डवेशश्च सुन्दरः ॥ २७॥

liṅgodbhavāndhakārātitripurāsurasaṃhṛtiḥ |brahmaviṣṇūdbhavaścāpi tāṇḍaveśaśca sundaraḥ || 27||

करिचर्मपरीधानो हेरम्बस्कन्दसंयुतः ।भिक्षाटनश्च कङ्कालशूलासक्तकरो हरः ॥ २८॥

karicarmaparīdhāno herambaskandasaṃyutaḥ |bhikṣāṭanaśca kaṅkālaśūlāsaktakaro haraḥ || 28||

मेखलावृतकण्ठोद्यत्पादाम्भोजाक्तपादुकः ।जटाजालितसन्मौलिरिन्दुकुन्दशताच्छभाः ॥ २९॥

mekhalāvṛtakaṇṭhodyatpādāmbhojāktapādukaḥ |jaṭājālitasanmaulirindukundaśatācchabhāḥ || 29||

सोमावतंसोक्षवाहो गणवृन्दवृतः क्वचित् ।उमया संस्थितः पीठे पश्यन् गौरीं मनोहरः ॥ ३०॥

somāvataṃsokṣavāho gaṇavṛndavṛtaḥ kvacit |umayā saṃsthitaḥ pīṭhe paśyan gaurīṃ manoharaḥ || 30||

गौरीप्रसादनपरः पश्यंस्तद्धनुकेकरम् ।अर्धेननारीवपुषा शोभितो हरिहीरभाः ॥ ३१॥

gaurīprasādanaparaḥ paśyaṃstaddhanukekaram |ardhenanārīvapuṣā śobhito harihīrabhāḥ || 31||

रत्नाहिकुण्डलद्योतिसोमधामसमाननः ।व्याघ्ररत्नाम्बरधरस्त्रिपुण्ड्रतिलकोज्वलः ॥ ३२॥

ratnāhikuṇḍaladyotisomadhāmasamānanaḥ |vyāghraratnāmbaradharastripuṇḍratilakojvalaḥ || 32||

मणिरिङ्खत्सुभूपाड्यो नानाभूतिजगन्धधृक् ।क्वणन्मञ्जीरपादार्धशेषार्धपदपङ्कजः ॥ ३३॥

maṇiriṅkhatsubhūpāḍyo nānābhūtijagandhadhṛk |kvaṇanmañjīrapādārdhaśeṣārdhapadapaṅkajaḥ || 33||

गरकण्ठार्धको दिव्यमणिकण्ठार्धधृक्छिवः ।नपचन्द्रोत्तमाङ्गोत्थगङ्गारयवराश्रयः ॥ ३४॥

garakaṇṭhārdhako divyamaṇikaṇṭhārdhadhṛkchivaḥ |napacandrottamāṅgotthagaṅgārayavarāśrayaḥ || 34||

वामदक्षिणभागस्थलोकेशहरिसेवितः ।चण्डांशुतनयोद्भीतलिङ्गालिङ्गद्विजावनः ॥ ३५॥

vāmadakṣiṇabhāgasthalokeśaharisevitaḥ |caṇḍāṃśutanayodbhītaliṅgāliṅgadvijāvanaḥ || 35||

गङ्गातरङ्गकलितकपर्देणाङ्कशोभितः ।मुरवैरिमहानेत्रपूजिताङ्घ्रिसरोरुहः ॥ ३६॥

gaṅgātaraṅgakalitakapardeṇāṅkaśobhitaḥ |muravairimahānetrapūjitāṅghrisaroruhaḥ || 36||

ब्रह्ममुण्डललद्गण्डकर्णकुण्डलशोभितः ।एवं रुद्रावतारैश्चाप्यखण्डमणिकल्पितैः ॥ ३७॥

brahmamuṇḍalaladgaṇḍakarṇakuṇḍalaśobhitaḥ |evaṃ rudrāvatāraiścāpyakhaṇḍamaṇikalpitaiḥ || 37||

चन्द्रस्फटिकहारैश्च पुष्पगोमेदनीलजैः ।श्रीमहेशमहादिव्यविग्रहैः परितोवृतैः ॥ ३८॥

candrasphaṭikahāraiśca puṣpagomedanīlajaiḥ |śrīmaheśamahādivyavigrahaiḥ paritovṛtaiḥ || 38||

देव्या हरिन्मणिभवैः पद्मरागभवैस्तथा ।इन्द्रविष्णुविधातॄणां दिक्पालानाञ्च मूर्तयः ॥ ३९॥

devyā harinmaṇibhavaiḥ padmarāgabhavaistathā |indraviṣṇuvidhātṝṇāṃ dikpālānāñca mūrtayaḥ || 39||

कल्पिताश्रीमहेशेन मनसैव मनोरमाः ।हीरसारघनोत्तुङ्गपञ्चाशद्योजनोच्छ्रयम् ॥ ४३॥

kalpitāśrīmaheśena manasaiva manoramāḥ |hīrasāraghanottuṅgapañcāśadyojanocchrayam || 43||

वृत्तायाममहाश्लक्ष्णकोटिभास्करभाततम् ।कदलीपुष्पसङ्काशसमुच्छ्रायोरुमण्डलम् ॥ ४४॥

vṛttāyāmamahāślakṣṇakoṭibhāskarabhātatam |kadalīpuṣpasaṅkāśasamucchrāyorumaṇḍalam || 44||

ज्वलदिन्दुमहावृत्तब्रह्माण्डोदरदारणम् ।गर्भगेहं तत्र शम्भोर्वेदवेदान्तसंस्तुतम् ॥ ४५॥

jvaladindumahāvṛttabrahmāṇḍodaradāraṇam |garbhagehaṃ tatra śambhorvedavedāntasaṃstutam || 45||

कैलाससारसुभगमणिवेदिविराजितम् ।तत्रैवान्तर्महापीठे कोटिद्युमणिसन्निभे ॥ ४६॥

kailāsasārasubhagamaṇivedivirājitam |tatraivāntarmahāpīṭhe koṭidyumaṇisannibhe || 46||

प्रभाभासिजगज्जालं चन्द्राच्छस्फटिकोज्वलम् ।आयामवृत्तगोमुख्याहरिब्रह्मोरुपीठकम् ॥ ४७॥

prabhābhāsijagajjālaṃ candrācchasphaṭikojvalam |āyāmavṛttagomukhyāharibrahmorupīṭhakam || 47||

महालिङ्गं महाकारमखण्डस्फटिकोज्वलम् ।तल्लिङ्गसारधाराभिः कैलासोऽप्यतिपाण्डरः ॥ ४८॥

mahāliṅgaṃ mahākāramakhaṇḍasphaṭikojvalam |talliṅgasāradhārābhiḥ kailāso'pyatipāṇḍaraḥ || 48||

मणिप्रभाततात्यच्छ्शोभितोत्तुङ्गमौक्तिकम् ।सहस्रास्यमहाशेषफणामणिविराजितम् ॥ ५५॥

maṇiprabhātatātyacchśobhitottuṅgamauktikam |sahasrāsyamahāśeṣaphaṇāmaṇivirājitam || 55||

पद्मरागमहारागत्रिपुण्ड्रतिलकोज्वलम् ।तत्कान्तिकाञ्चितालोकास्तद्धारासारसागराः ॥ ५६॥

padmarāgamahārāgatripuṇḍratilakojvalam |tatkāntikāñcitālokāstaddhārāsārasāgarāḥ || 56||

तत्कैलासमहासारपिण्डशेखरपूजितम् ।कैलासेशाख्यममलं लिङ्गं मङ्गलदायकम् ॥ ५६॥

tatkailāsamahāsārapiṇḍaśekharapūjitam |kailāseśākhyamamalaṃ liṅgaṃ maṅgaladāyakam || 56||

मङ्गलापतिदृक्पातधारासारविजृम्भितम् ।तल्लिङ्गमहिमावेदैरपारशिखराश्रयैः ॥ ५८॥

maṅgalāpatidṛkpātadhārāsāravijṛmbhitam |talliṅgamahimāvedairapāraśikharāśrayaiḥ || 58||

ब्रह्मविष्ण्वादिभिर्देवै रुदैर्वा मुनिभिस्तथा ।नशक्यो ज्ञातुमीषद्वा मूकावेदोक्तयो यथा ॥ ५९॥

brahmaviṣṇvādibhirdevai rudairvā munibhistathā |naśakyo jñātumīṣadvā mūkāvedoktayo yathā || 59||

कैलासशैलमणिधामनि दिव्यलिङ्गं कैलासनामकमहो त्रिजगद्विचित्रम् ।तल्लिङ्गमौलिशकलेन्दुकलासुभाभि(झरिभि)राप्लावितोरुशिखरोऽत्र विभाति शैलः ॥ ६०॥

kailāsaśailamaṇidhāmani divyaliṅgaṃ kailāsanāmakamaho trijagadvicitram |talliṅgamauliśakalendukalāsubhābhi(jharibhi)rāplāvitoruśikharo'tra vibhāti śailaḥ || 60||

॥ इति शिवरहस्यान्तर्गते माहेश्वराख्ये कैलासलिङ्गवर्णनम् १॥॥ श्रीशिवरहस्यम् । माहेश्वराख्यः प्रथमांशः । अध्यायः ३५ कैलासलिङ्गवर्णनम् । वावृत्तश्लोकाः ॥– ॥ श्रीशिवरहस्यम् । माहेश्वराख्यः प्रथमांशः । अध्यायः ३५ – कैलासलिन्गवर्णनम् । वावृत्तश्लोकाः ॥

|| iti śivarahasyāntargate māheśvarākhye kailāsaliṅgavarṇanam 1|||| śrīśivarahasyam | māheśvarākhyaḥ prathamāṃśaḥ | adhyāyaḥ 35 kailāsaliṅgavarṇanam | vāvṛttaślokāḥ ||– || śrīśivarahasyam | māheśvarākhyaḥ prathamāṃśaḥ | adhyāyaḥ 35 – kailāsalingavarṇanam | vāvṛttaślokāḥ ||