कैलाससभासुनृत्तवर्णनम् ४ चित्सभाधीश्वर नटेश शिवस्तवः ४ Kailasasabhasu Nrittavarnanam 4

(चित्सभाधीश्वर नटेश शिवस्तवः ४)श्रीस्कन्दःउत्तरे चित्सभायान्तु नृत्यत्यम्बा विलोकयन् ।गणेन्द्रैस्सेवितपदो महादेवो महेश्वरः ॥ ५५॥

(citsabhādhīśvara naṭeśa śivastavaḥ 4)śrīskandaḥuttare citsabhāyāntu nṛtyatyambā vilokayan |gaṇendraissevitapado mahādevo maheśvaraḥ || 55||

ह्रीर्मूर्त्या शिवया विराण्मयमयं हृत्पङ्कजस्थं सदाह्रीणानां शिवकीर्तने हितकरं हेलह्रदां मानिनाम् ।ह्रीबेरादिसुगन्धवस्त्ररुचिरं हेमाद्रिवाणासनंह्रीङ्कारादिकपादपीठममलं हृद्यं नटेशं भजे ॥ ५६॥

hrīrmūrtyā śivayā virāṇmayamayaṃ hṛtpaṅkajasthaṃ sadāhrīṇānāṃ śivakīrtane hitakaraṃ helahradāṃ māninām |hrīberādisugandhavastraruciraṃ hemādrivāṇāsanaṃhrīṅkārādikapādapīṭhamamalaṃ hṛdyaṃ naṭeśaṃ bhaje || 56||

श्रीमद्ज्ञानसभान्तरे प्रविलसच्छ्रीपञ्चवर्णाकृतिंश्रीवाणीविनुताङ्घ्रिपङ्कजयुगं श्रीवल्लभेनार्चितम् ।श्रीविद्यामनुमोदनं शृतजनश्रीदायकं श्रीधरंश्रीचक्रान्तरवासिनं शिवमहं श्रीमन्नटेशं भजे ॥ ५७॥

śrīmadjñānasabhāntare pravilasacchrīpañcavarṇākṛtiṃśrīvāṇīvinutāṅghripaṅkajayugaṃ śrīvallabhenārcitam |śrīvidyāmanumodanaṃ śṛtajanaśrīdāyakaṃ śrīdharaṃśrīcakrāntaravāsinaṃ śivamahaṃ śrīmannaṭeśaṃ bhaje || 57||

नव्याम्भोजमुखं नमज्जनविधिं नारायणेनार्चितंनागौकोनगरीनदीविलसितं नागाजिनालङ्कृतम् ।नानारूपकनर्तनादिचतुरं नालीकजान्वेष्टितंनादात्मानमहं नगेन्द्रतनयानाथं नटेशं भजे ॥ ५८॥

navyāmbhojamukhaṃ namajjanavidhiṃ nārāyaṇenārcitaṃnāgaukonagarīnadīvilasitaṃ nāgājinālaṅkṛtam |nānārūpakanartanādicaturaṃ nālīkajānveṣṭitaṃnādātmānamahaṃ nagendratanayānāthaṃ naṭeśaṃ bhaje || 58||

मध्यस्थं मधुवैरिमार्गितपदं मद्वंशनाथं प्रभुंमारारातिमतीव मञ्जुवपुषं मन्दारगौरप्रभम् ।मायातीतमशेषमङ्गलनिधिं सद्भावनाभावितंमध्येव्योमसभागुहास्थमखिलं मान्यं नटेशं भजे ॥ ५९॥

madhyasthaṃ madhuvairimārgitapadaṃ madvaṃśanāthaṃ prabhuṃmārārātimatīva mañjuvapuṣaṃ mandāragauraprabham |māyātītamaśeṣamaṅgalanidhiṃ sadbhāvanābhāvitaṃmadhyevyomasabhāguhāsthamakhilaṃ mānyaṃ naṭeśaṃ bhaje || 59||

शिष्टैः पूजितपादुकं शिवकरं शीतांशुरेखाधरंशिल्पं भक्तजनावने शिथिलिताघौघं शिवायाः प्रियम् ।शिक्षारक्षणमम्बुजासनशिरोसंहारशीलं प्रभुंशीतापाङ्गविलोचनं शिवमहं श्रीमन्नटेशं भजे ॥ ६०॥

śiṣṭaiḥ pūjitapādukaṃ śivakaraṃ śītāṃśurekhādharaṃśilpaṃ bhaktajanāvane śithilitāghaughaṃ śivāyāḥ priyam |śikṣārakṣaṇamambujāsanaśirosaṃhāraśīlaṃ prabhuṃśītāpāṅgavilocanaṃ śivamahaṃ śrīmannaṭeśaṃ bhaje || 60||

वाणीवल्लभवन्द्यवैभवयुतं वन्दारुचिन्तामणिवाताशाधिपभूषणं वरकृपावारान्निधिं योगिनाम् ।वाञ्छापूर्तिकरं वलारिविनुतं वाहीकृताम्नायकंवामाङ्गात्तवराङ्गनं मम हृदावासं नटेशं भजे ॥ ६१॥

vāṇīvallabhavandyavaibhavayutaṃ vandārucintāmaṇivātāśādhipabhūṣaṇaṃ varakṛpāvārānnidhiṃ yoginām |vāñchāpūrtikaraṃ valārivinutaṃ vāhīkṛtāmnāyakaṃvāmāṅgāttavarāṅganaṃ mama hṛdāvāsaṃ naṭeśaṃ bhaje || 61||

यक्षाधीशसखं यमप्रमथनं यामिन्यधीशाननंयज्ञध्वंसकरं यतीन्द्रविनुतं यज्ञक्रियाधीश्वरम् ।याज्यं याजकरूपिणं यमधनैर्यत्नोपलभ्याङ्घ्रिकंयानीभूतवृषं यतीन्द्रविनुतं याज्यं नटेशं भजे ॥ ६२॥

yakṣādhīśasakhaṃ yamapramathanaṃ yāminyadhīśānanaṃyajñadhvaṃsakaraṃ yatīndravinutaṃ yajñakriyādhīśvaram |yājyaṃ yājakarūpiṇaṃ yamadhanairyatnopalabhyāṅghrikaṃyānībhūtavṛṣaṃ yatīndravinutaṃ yājyaṃ naṭeśaṃ bhaje || 62||

मायाश्रीविलसच्चिदम्बरमहापञ्चाक्षरैरङ्कितान्श्लोकान्त्सप्त पठन्ति येऽनुदिवसं चिन्तामणीनामकान् ।तेषां भाग्यमनेकमायुरधिकं विद्यावरान् सत्सुतान्सर्वाभीष्टमसौ ददाति सहसा श्रीचित्सभाधीश्वरः ॥ ६३॥

māyāśrīvilasaccidambaramahāpañcākṣarairaṅkitānślokāntsapta paṭhanti ye'nudivasaṃ cintāmaṇīnāmakān |teṣāṃ bhāgyamanekamāyuradhikaṃ vidyāvarān satsutānsarvābhīṣṭamasau dadāti sahasā śrīcitsabhādhīśvaraḥ || 63||

॥ इति शिवरहस्यान्तर्गते माहेश्वराख्ये कैलाससभासु नृत्तवर्णनम् ४ चित्सभाधीश्वर नटेश शिवस्तवः ॥॥ श्रीशिवरहस्यम् । माहेश्वराख्यः प्रथमांशः । अध्यायः ३३ सभासु नृत्तवर्णनम् । ५५६३॥

|| iti śivarahasyāntargate māheśvarākhye kailāsasabhāsu nṛttavarṇanam 4 citsabhādhīśvara naṭeśa śivastavaḥ |||| śrīśivarahasyam | māheśvarākhyaḥ prathamāṃśaḥ | adhyāyaḥ 33 sabhāsu nṛttavarṇanam | 5563||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः ३३ – सभासु नृत्तवर्णनम् ।५५-६३॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 33 – sabhāsu nṛttavarṇanam | 55-63||