कैलाससभासुनृत्तवर्णनम् ५ सूतकृतं सभाधीश्वर शिवस्तवः ५ Kailasasabhasu Nrittavarnanam 5

(सूतकृतं सभाधीश्वर शिवस्तवः ५)श्रीसूतःतटिन्निभजटार्भटीपटुरिटीड्यवागर्भटीनिटालककृपीडकं भज भजामहे धूर्जटिम् ।शिवं कटतटारटद्यमकठोरतुण्डार्भटीचपेटिवरशूलकं करटिचर्मशोभत्पटम् ॥ ६४॥

(sūtakṛtaṃ sabhādhīśvara śivastavaḥ 5)śrīsūtaḥtaṭinnibhajaṭārbhaṭīpaṭuriṭīḍyavāgarbhaṭīniṭālakakṛpīḍakaṃ bhaja bhajāmahe dhūrjaṭim |śivaṃ kaṭataṭāraṭadyamakaṭhoratuṇḍārbhaṭīcapeṭivaraśūlakaṃ karaṭicarmaśobhatpaṭam || 64||

हटात्कृतशठासुरमसुखभेदकृत्तीरटद्विपाठशरधारिणं कमठपृष्टपादं शिवम् ।भजामि जठरीधृतत्रिजगन्मूलपीटोस्थितजनार्दनपटुस्तवं हृदि सुनिष्ठितं योगिनाम् ॥ ६५॥

haṭātkṛtaśaṭhāsuramasukhabhedakṛttīraṭadvipāṭhaśaradhāriṇaṃ kamaṭhapṛṣṭapādaṃ śivam |bhajāmi jaṭharīdhṛtatrijaganmūlapīṭosthitajanārdanapaṭustavaṃ hṛdi suniṣṭhitaṃ yoginām || 65||

कुठारवरधारिणं कुमुदनाथचूडामणिंकुरङ्गवरभूषणं भजत नीलकण्ठं सदा ॥ ६६॥

kuṭhāravaradhāriṇaṃ kumudanāthacūḍāmaṇiṃkuraṅgavarabhūṣaṇaṃ bhajata nīlakaṇṭhaṃ sadā || 66||

उत्कोशकाशितमहाशिवरातखेटनीलोऽच्छताच्छसुकरोरुशिरोधरांसम् ।रक्षस्मृतिप्रजनितापगतादिसञ्ज्ञापस्मारमौलिपदपङ्कजनिं भजामि ॥ ६७॥

utkośakāśitamahāśivarātakheṭanīlo'cchatācchasukaroruśirodharāṃsam |rakṣasmṛtiprajanitāpagatādisañjñāpasmāramaulipadapaṅkajaniṃ bhajāmi || 67||

नादोत्थडम्बरमहाडमरुप्रकाण्डमुत्फुल्लपङ्कजवरानलमीशितारम् ।आरात् प्रणेमुरमरा रजताचलस्थं केक्याखुवाहगणपैः परमेशमेवम् ॥ ६८॥

nādotthaḍambaramahāḍamaruprakāṇḍamutphullapaṅkajavarānalamīśitāram |ārāt praṇemuramarā rajatācalasthaṃ kekyākhuvāhagaṇapaiḥ parameśamevam || 68||

नन्दीशभृङ्गिरिटयस्मुरनन्दिकसोमनन्दिचण्डीशतुण्डवरहुण्डतुहुण्डभद्राः ।श्रीबाणरावणगणाननकोटिचण्डा ब्रह्मा हरीश्वरमुखा अमरेन्द्रसङ्घनाः ॥ ६९॥

nandīśabhṛṅgiriṭayasmuranandikasomanandicaṇḍīśatuṇḍavarahuṇḍatuhuṇḍabhadrāḥ |śrībāṇarāvaṇagaṇānanakoṭicaṇḍā brahmā harīśvaramukhā amarendrasaṅghanāḥ || 69||

स्तम्भर्विद्रुमपुत्रिकौघघटितैर्हैमैर्महामातृकैःभास्वत्स्वावरणैश्च शक्तिभिरपि प्रोद्दण्डमायामये ।रङ्गे सर्वजगत्करण्डमखिलं यस्येक्षणाज्जृम्भतेयस्यैवेक्षणतश्च रक्षितमिदं तत्रैव लीनं क्षणात् ॥ ७०॥

stambharvidrumaputrikaughaghaṭitairhaimairmahāmātṛkaiḥbhāsvatsvāvaraṇaiśca śaktibhirapi proddaṇḍamāyāmaye |raṅge sarvajagatkaraṇḍamakhilaṃ yasyekṣaṇājjṛmbhateyasyaivekṣaṇataśca rakṣitamidaṃ tatraiva līnaṃ kṣaṇāt || 70||

सोऽप्येतादृशरङ्गमण्डपगतस्सर्वैश्च भूतैर्वृतोरुद्राणीसहितो गणेशगुहयुक्पार्श्वे सुरेन्द्रैरपि ।पाथोजास्नभवेन श्रीधरभवैरन्वास्यमानश्शिवोरुद्राणीगणपैश्च सेवितपदो मोदान्वितो रङ्गगः ॥ ७१॥

so'pyetādṛśaraṅgamaṇḍapagatassarvaiśca bhūtairvṛtorudrāṇīsahito gaṇeśaguhayukpārśve surendrairapi |pāthojāsnabhavena śrīdharabhavairanvāsyamānaśśivorudrāṇīgaṇapaiśca sevitapado modānvito raṅgagaḥ || 71||

ईषत्पादतलाहतित्रुटितभूभागासहिष्णुत्रुटत्स्फूर्जत्कर्पटशर्मदर्विधमहाकूर्मस्तवाम्रेडितम् ।अङ्गुल्यग्रपतत्तदीयपवनोत्क्षिप्तस्वधामस्थिरब्रह्माण्डं परमेशितुर्विजयते नृत्तं समस्ताद्भुतम् ॥ ७२॥

īṣatpādatalāhatitruṭitabhūbhāgāsahiṣṇutruṭatsphūrjatkarpaṭaśarmadarvidhamahākūrmastavāmreḍitam |aṅgulyagrapatattadīyapavanotkṣiptasvadhāmasthirabrahmāṇḍaṃ parameśiturvijayate nṛttaṃ samastādbhutam || 72||

नम्रान्पाणिगणान्दिशावधिकृते स्वीयान्कपर्दानपिव्योमान्ते नतिकुञ्चितामपि पुनः पातालमुख्यानधः ।लोकाख्यान् समतीत्य स्वीयचरणान्कुर्वन्निरालम्बनोनृत्तं केवलमीश्वरो वितनुते देव्यग्रतः केवलम् ॥ ७३॥

namrānpāṇigaṇāndiśāvadhikṛte svīyānkapardānapivyomānte natikuñcitāmapi punaḥ pātālamukhyānadhaḥ |lokākhyān samatītya svīyacaraṇānkurvannirālambanonṛttaṃ kevalamīśvaro vitanute devyagrataḥ kevalam || 73||

सभासु च सभापतिर्हरिहिरण्यगर्भादिभिःसनन्दनसनातनैर्हरमुनन्दिनन्यादिभिः ।कराहतिमहामणिप्रवरमद्दलादुत्थितःसुतालवरकल्पनैर्नटति नृत्तरङ्गस्थितः ॥ ७४॥

sabhāsu ca sabhāpatirharihiraṇyagarbhādibhiḥsanandanasanātanairharamunandinanyādibhiḥ |karāhatimahāmaṇipravaramaddalādutthitaḥsutālavarakalpanairnaṭati nṛttaraṅgasthitaḥ || 74||

वेदाधीश्वर वेद एव भगवन्भक्त्या त्वदीयास्सभानौति स्तौति भवन्तमेव हि ततो देवं सभाधीश्वरम् ।वेदो वेद न वेदरूपमपि ते नीरूपरूपः कथंतस्मादेवमहो महेश्वर सदा वाचानिवृत्तस्त्वयि ॥ ७५॥

vedādhīśvara veda eva bhagavanbhaktyā tvadīyāssabhānauti stauti bhavantameva hi tato devaṃ sabhādhīśvaram |vedo veda na vedarūpamapi te nīrūparūpaḥ kathaṃtasmādevamaho maheśvara sadā vācānivṛttastvayi || 75||

प्रोवाचावचनेन रूपमपि ते ज्ञातुं न शक्यं परैः ॥ ७६॥

provācāvacanena rūpamapi te jñātuṃ na śakyaṃ paraiḥ || 76||

॥ इति शिवरहस्यान्तर्गते माहेश्वराख्ये कैलाससभासु नृत्तवर्णनम् ५ सूतकृतं सभाधीश्वर शिवस्तवः ॥॥ श्रीशिवरहस्यम् । माहेश्वराख्यः प्रथमांशः । अध्यायः ३३ सभासु नृत्तवर्णनम् । ६४७६॥

|| iti śivarahasyāntargate māheśvarākhye kailāsasabhāsu nṛttavarṇanam 5 sūtakṛtaṃ sabhādhīśvara śivastavaḥ |||| śrīśivarahasyam | māheśvarākhyaḥ prathamāṃśaḥ | adhyāyaḥ 33 sabhāsu nṛttavarṇanam | 6476||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः ३३ – सभासु नृत्तवर्णनम् ।६४-७६॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 33 – sabhāsu nṛttavarṇanam | 64-76||