कैलाससभासुनृत्तवर्णनम् ३ कलधौत सभापतीश्वर शिवस्तवः ३ Kailasasabhasu Nrittavarnanam 3

(कलधौत(रजत)सभापतीश्वर शिवस्तवः ३)श्रीस्कन्दःपश्चात्सभायां रजतकल्पितायां महेश्वरः ।नृत्यत्यम्बा मुखं वीक्ष्य गणवृन्दसमन्वितः ॥ ४६॥

(kaladhauta(rajata)sabhāpatīśvara śivastavaḥ 3)śrīskandaḥpaścātsabhāyāṃ rajatakalpitāyāṃ maheśvaraḥ |nṛtyatyambā mukhaṃ vīkṣya gaṇavṛndasamanvitaḥ || 46||

नृत्यन्तं हरिभूषणं विधिशिरोवृन्दालिमालालसद्वामाङ्गाकृतिसत्स्त्रिया युतपदे केयूरशिञ्जत्स्वनम् ।कट्यां सामजचर्मवस्त्रकलितं नृत्यन्तमाशावसंबद्धार्धाङ्गकलेन बालकलितोत्तंसान्वितांसा वयम् ॥नृत्यन्तं कलधौतसारसदसि ध्यायामि नृत्तोन्मुखम् ॥ ४७॥

nṛtyantaṃ haribhūṣaṇaṃ vidhiśirovṛndālimālālasadvāmāṅgākṛtisatstriyā yutapade keyūraśiñjatsvanam |kaṭyāṃ sāmajacarmavastrakalitaṃ nṛtyantamāśāvasaṃbaddhārdhāṅgakalena bālakalitottaṃsānvitāṃsā vayam ||nṛtyantaṃ kaladhautasārasadasi dhyāyāmi nṛttonmukham || 47||

वाग्गुम्भान्विविधानकृत्रिममयानम्भोजजाते वदत्यानन्दाम्बुधिमग्नचेतसि परे गोविन्दपूज्ये हरे ।मन्दं मन्दमरन्दपाभिरखिले वृन्दारकाणाङ्गणेनृत्यन्तं कलधौतसारसदसि ध्यायामि नृत्तोन्मुखम् ॥ ४८॥

vāggumbhānvividhānakṛtrimamayānambhojajāte vadatyānandāmbudhimagnacetasi pare govindapūjye hare |mandaṃ mandamarandapābhirakhile vṛndārakāṇāṅgaṇenṛtyantaṃ kaladhautasārasadasi dhyāyāmi nṛttonmukham || 48||

यस्मिन् नृत्यति जङ्गमाचरमिदं विश्वं नरीनृत्यतियस्माद्भिन्नतया नकिञ्चिदपि वै वक्तुं नशक्यं बुधैः ।तादृशं नटनार्भटीकृतरुचिं भूषाहिशेषोज्वलंनृत्यन्तं कलधौतसारसदसि ध्यायामि शम्भोः पदम् ॥ ४९॥

yasmin nṛtyati jaṅgamācaramidaṃ viśvaṃ narīnṛtyatiyasmādbhinnatayā nakiñcidapi vai vaktuṃ naśakyaṃ budhaiḥ |tādṛśaṃ naṭanārbhaṭīkṛtaruciṃ bhūṣāhiśeṣojvalaṃnṛtyantaṃ kaladhautasārasadasi dhyāyāmi śambhoḥ padam || 49||

चेतस्त्वं भज यद्गतो न पुनरावृत्तिं भजेन्मानवोयस्माच्चित्रतरं न किञ्चिदधिकं तत्तादृशन्ताण्डवम् ।कुर्वन्तं करुणाम्बुधिं त्रिणयनं श्रीकालकूटोज्वलंनृत्यन्तं कलधौतसारसदसि ध्यायामि शम्भोः पदम् ॥ ५०॥

cetastvaṃ bhaja yadgato na punarāvṛttiṃ bhajenmānavoyasmāccitrataraṃ na kiñcidadhikaṃ tattādṛśantāṇḍavam |kurvantaṃ karuṇāmbudhiṃ triṇayanaṃ śrīkālakūṭojvalaṃnṛtyantaṃ kaladhautasārasadasi dhyāyāmi śambhoḥ padam || 50||

यस्मिन्भ्राम्यति बम्भ्रमीति सकलं विश्वश्चाराद्यात्मकंयस्मिन्नुत्प्लुतिमाचरत्यविकलं ब्रह्माण्डमुद्भियते ।यद्भासा प्रविभान्ति भास्करनिशानाथादयस्सन्ततंनृत्यन्तं कलधौतसारसदसि ध्यायामि शम्भोः पदम् ॥ ५१॥

yasminbhrāmyati bambhramīti sakalaṃ viśvaścārādyātmakaṃyasminnutplutimācaratyavikalaṃ brahmāṇḍamudbhiyate |yadbhāsā pravibhānti bhāskaraniśānāthādayassantataṃnṛtyantaṃ kaladhautasārasadasi dhyāyāmi śambhoḥ padam || 51||

यस्मिन्नापतिते न शर्म लभते कूर्मोऽपि भग्नस्थिकोनृत्तायासविनिर्गतोरुनयनश्रोत्रोत्थफूत्कारकः ।साङ्गा सा श्रुतिरित्युपेन्द्रसदृशास्तस्याश्रयाज्जीविनः ॥ ५२॥

yasminnāpatite na śarma labhate kūrmo'pi bhagnasthikonṛttāyāsavinirgatorunayanaśrotrotthaphūtkārakaḥ |sāṅgā sā śrutirityupendrasadṛśāstasyāśrayājjīvinaḥ || 52||

यस्य स्वेदजलं महोदधिरपि प्रोद्यन्मणीनां गणोरौप्याद्रौ कलधौतसारसदसि श्रीनीलकण्ठं भजे ॥ ५३॥

yasya svedajalaṃ mahodadhirapi prodyanmaṇīnāṃ gaṇoraupyādrau kaladhautasārasadasi śrīnīlakaṇṭhaṃ bhaje || 53||

एवं स नृत्यतीशानः कैलासकलधौतजे ।सदसि स्वैरमम्बायाः पुरतश्शशिशेखरः ॥ ५४॥

evaṃ sa nṛtyatīśānaḥ kailāsakaladhautaje |sadasi svairamambāyāḥ purataśśaśiśekharaḥ || 54||

॥ इति शिवरहस्यान्तर्गते माहेश्वराख्ये कैलाससभासु नृत्तवर्णनम् ३ कलधौत(रजत)सभापतीश्वर शिवस्तवः ॥॥ श्रीशिवरहस्यम् । माहेश्वराख्यः प्रथमांशः । अध्यायः ३३ सभासु नृत्तवर्णनम् । ४६५४॥

|| iti śivarahasyāntargate māheśvarākhye kailāsasabhāsu nṛttavarṇanam 3 kaladhauta(rajata)sabhāpatīśvara śivastavaḥ |||| śrīśivarahasyam | māheśvarākhyaḥ prathamāṃśaḥ | adhyāyaḥ 33 sabhāsu nṛttavarṇanam | 4654||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः ३३ – सभासु नृत्तवर्णनम् ।४६-५४॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 33 – sabhāsu nṛttavarṇanam | 46-54||