कैलासदर्शनम् १ शङ्करावासवर्णनम् कैलासदर्शने Kailasadarshane Shankaravasavarnanam

॥ कैलासदर्शने हिमावन्प्रति नन्दिकेशप्रोक्तं शङ्करावासवर्णनम् ॥(शिवरहस्यान्तर्गते कैलासदर्शनम् १)नन्दिकेशः (उवाच)पश्य धन्येन नेत्रेण कैलासं शङ्करस्य हि ।यत्रैकं वा शिवागारं तत्क्षेत्रं योजनायु(वृ)तम् ॥ २२\।२४॥तत्रैव वसतां पुंसामप्या(पि)कीटपिपीलिकम् ।मुक्तिरीशप्रसादेन पश्यतां पापनाशनम् ॥ २२\।२५॥अत्रानन्तशिवागारे मौलीकुम्भैकदर्शनात् ।न जाने महिमां वक्तुं शिवो जानाति नेतरः ॥ २२\।२६॥कैलासं शङ्करावासं नानाद्रुमलतायुतम् ।रत्नपुष्करिणीफुल्लसरोजकुलसङ्कुलम् ॥ २२\।२७॥नानावल्लीवेष्टितोरुवनस्पतिशतायुतम् ।नानापक्षिरुतापारवननिर्ज्झरकन्ध(न्द)रम् ॥ २२\।२८॥मृगेन्द्रसिन्धुरेन्द्रादिचमरीमहिषार्वृतम् ।(मृगेन्द्रसिन्धुरेन्द्रादिचमरैरहिभिर्वृतम् ।)कोकिलाकाह(क)लीगानशुकशा(सा)रिकसारसैः ॥ २२\।२९॥कुरराक्रन्दबहुलं हंसनादविनादितम् ।नगमौलिगतोत्तुङ्गसालतालद्रुमाकुलम् ॥ २२\।३०॥सुरम्यबन्धुरामोदपुष्पकिञ्जल्कमारुतम् ।पुष्पगुच्छभरालोलमारुतामलभूतलम् ॥ २२\।३१॥तलशोभितपुष्पौघफलतारायितोत्तमम् ।प्रभातवातपोतोद्यच्छीतलायितभूतलम् ॥ २२\।३२॥द्रौणिजालम्बिसत्क्षौ(सक्षौ)द्ररसाक्तससुधाङ्गणम् ।भ्रमद्भ्रमरझङ्कारमधु(धू)कोद्दामगन्धिनम् ॥ २२\।३३॥केतकीपुष्पसौरभ्यसुगन्धायितदिक्तटम् ।कुरवोद्दामगन्धोद्यच्चन्दनानन्दिताननम् ॥ २२\।३४॥तिलकायितदेवद्रुमौलिस्थतिलकैर्युतम् ।वातपोतमुखाहारवल्मीकक्षितिपन्नगम् ॥ २२\।३५॥करटीकटधारार्दीकृतगन्धितभूतलम् ।रोमन्थफेन बिन्दूद्यन्महिषीणां गवां तथा ॥ २२\।३६॥ऊधोनिर्यत्पयःपूरपङ्किलायितभूतलम् ।तत्पङ्कपङ्क्तिसंलग्नवरैणखुरभूतलम् ॥ २२\।३७॥मुस्ताम्रेड(डा)नकोद्धु(द्धृ)ष्टकोलदंष्ट्रोत्थितोपलम् ।गैरिकापीतहारीतरक्तमाञ्जिष्ठधातुभिः ॥ २२\।३८॥स्रवन्तं रीतिभिश्शैलं गजेन्द्रमिव (गजेन्द्र इव) च त्रिधा ।उत्तुङ्गशिखरापारशृङ्गैरुल्लिखिताम्बरम् ॥ २२\।३९॥स्कन्दःदर्शयामास नन्दीशो नगराजायतन्नगम् ।कैलासं कलधौतोद्यद्रम्यकान्तिविराजितम् ॥ २२\।४०॥प्राह तं नन्दिकेशोऽपि शिखरीन्द्र शिवाज्ञया ॥ २२\।४१॥नन्दिकेशः (शैलादिः) उवाचपश्य शैलं महाशैलं महेशस्य दृशा तव ।पश्य पश्येदमतुलं प्राकारं(र)वरगोपुरम् ॥ २२\।४२॥नानागोपुरसौधैश्च मदालयमिदं ततम् ।विकेशस्येदमतुलं (अम्बिकेशाख्यमतुलं)गृहं शम्भोर्वरालयं (गृहेशं भो वरालयम्) ॥ २२\।४३॥एष रत्नगिरिर्भाति रत्नकान्तिशिलोच्चयः ।तत्र रत्नाग्रशिखरः प्रासादोऽयं महेशितुः ॥ २२\।४४॥उद्यत्पताकरुचिरो रत्नतोरणमण्डितः ।हरिन्मणिमयो भाति सहस्रस्तम्भमण्डपः ॥ २२\।४५॥मध्येशैलं सदाभाति हरमानसमोदभूः ।कोटिलिङ्गालयानाञ्च शिखराण्यपि पश्य भोः ॥ २२\।४६॥दर्शनेनापि पापानां प्रलयोऽद्य भविष्यति ।एष दक्षिणतो मेरोः प्राकारो मणिकल्पितः ॥ २२\।४७॥चण्डीश्वरालयं पश्य रत्नसौधवरान्वितम् ।चण्डीश्वरेशशिखरं पश्य तञ्च नमस्कुरु ॥ २२\।४८॥लिङ्गायुतमहासद्मप्रोद्यत्कुम्भैकभासुरम् ।पश्य शैलेश्वरापारगोपुराणां तलान्यपि ॥ २२\।४९॥सुरत्नपद्मिनीचेयं रत्नसोपानमण्टपैः ।परितः परिविता (पदवीनां) च रत्नकुण्डलहल्लकैः ॥ २२\।५०॥मणिजैररविन्दोद्यत्परागरसरञ्जिता ।कैलासेशस्य शिखरं पश्य भूधरनायक ॥ २२\।५१॥उद्यत्पताकाकलशरत्नगोपुरभासुरम् ।अत्र स्वयं महादेवः सम्पूजयति सर्वदा ॥ २२\।५२॥तल्लिङ्गं वरिवस्यातो (तल्लिङ्गवरिवस्यातः) हर्षतो देवनायकः ।प्रदोषेषु विशेषेण पश्यन्नृत्तोरुमण्डपम् ॥ २२\।५३॥अभ्रंलिहैर्महाकुम्भैर्विशालैर्मणिभासुरैः ।सुरम्यरत्नवेदीभिः परितः परिवेष्टितैः ॥ २२\।५४॥अत्र देवीं समावेश्य रत्नसिह्मासने शिवः ।मणिरङ्गे सदा सायं नृत्यत्यानन्दनिर्भरः ॥ २२\।५५॥मया च गणनाथेन स्कन्देन गणपैर्वृतः ।वेणुमद्दलमड्डूत्थतालकाहलनिःस्वनैः ॥ २२\।५६॥सभाः पश्यात्रवितता मणिमौलिपताककाः ।सहस्रस्तम्भसंयुक्ताश्चतुर्दिक्षु मनोहराः ॥ २२\।५७॥सौवर्णी राजती चापि चित्सभात्र महेशितुः ।अन्यारत्नसभाचेयं रत्नापारैककान्तियुक् ॥ २२\।५८॥सायं नृत्यति देवेशो देव्यग्रेऽत्र (देव्यग्रे च) सभासु च ।रम्यं सहस्रलिङ्गानामिदमालयमुत्तमम् ॥ २२\।५९॥उद्यद्दिवाकरप्रख्यं कुम्भजालकिताम्बरम् ।पश्यात्र देवदेवस्य कोटिस्तम्भोरुमण्टपम् ॥ २२\।६०॥धूपदीपमणिज्योतिरुद्राक्रीडनमुत्तमम् ।मौलिजालकमध्यस्थमणिकुम्भोज्ज्वलद्वृषम् ॥ २२\।६१॥सुरम्यवापिकाचेयं सुधाकल्लोलमालिनी ।देवगङ्गातटं पश्य लिङ्गसौधोरुमण्टपा ॥ २२\।६२॥सुधासागरगा चैष गङ्गा कैलासमौलिगा ।पञ्चवक्त्रेश्वरस्यापि सभां पश्य मनोहरां(पश्य सद्म मनोहरम्) ॥ २२\।६३॥रत्नकुम्भमहाकान्ति तिरस्कृतदिवाकरम् ।तल्लिङ्गपञ्चवक्त्रोत्था नद्यः पञ्चाद्य(त्र) सुस्रुवुः ॥ २२\।६४॥शिवगङ्गा देवगङ्गा रत्नगङ्गेति विश्रुताः ।कैलासगङ्गा शैलेन्द्र मधुगङ्गेति च क्रमात् ॥ २२\।६५॥सर्वास्तास्तीरबद्धोरुमणिसोपानमण्टपाः ।परितश्शोभितापारशिवसौधविराजिताः ॥ २२\।६६॥लिङ्गसद्ममहाकुम्भबिम्बितोत्तुङ्गनीरकाः ।रत्नकर्कटमत्स्यैश्च पद्महंसैककोककाः ॥ २२\।६७॥नीलोत्पलामलमणिप्रासादोरत्नरञ्जितः ।उद्यत्कुम्भस्सदाभाति दिव्यसिह्मासनञ्चितः (नोचितः) ॥ २२\।६८॥रत्नेश्वरालयं पश्य नवरत्नविचित्रितम् ।पश्य बिल्ववनं शम्भोर्नवारुणदलान्वितम् ॥ २२\।६९॥तन्मूलमणिलिङ्गोद्यद्धारारसविजृम्भितम् ।कल्पवाटीमिमां पश्य रत्नवेदिक(नवरत्नवि)चित्रिताम् ॥ २२\।७०॥कन्दललेशालयं पश्य शैलात्र सुमनोहरम् ।कुल्याश्चाद्य(त्र) प्रपश्यात्र(द्य) मधुक्षीरघृतस्रवाः ॥ २२\।७१॥देवीश्वरालयं पश्य सदा देव्याः प्रियङ्करम् ।तत्र सालवनं पश्य परिच्छदफलावृतम् ॥ २२\।७२॥विलोकय दृशा शैल पश्चिमे गोपुरं स्थितम् ।सहस्रतलसंयुक्तं गवाक्ष(क्षं)वृषभैर्युतम् ॥ २२\।७३॥रम्योत्तुङ्गमणिद्योति शिखराग्रपताककम् ।उग्रेश्वरालयं पश्य चो(उ)ग्रपातकनाशनम् ॥ २२\।७४॥भृङ्गिसौधोऽयमतुलो बाणस्यात्र गृहं महत् ।हरिकेशालयं पश्य पश्य स्कन्दालयं महत् ॥ २२\।७५॥अम्बिकेशस्य शिखरं पश्य प्रणतिगो नग ।नवरत्नमहाशैलान्पश्य सौधोत्तमैर्वृतान् ॥ २२\।७६॥उत्तमेशमहाधाम पश्यात्र सुमनोहरम् ।गर्भेशगर्भभवनं पश्य कुम्भैकभाततम् ॥ २२\।७७॥मण्टपं दशसाहस्रस्तम्भकुम्भविराजितम् ।कैलासनलिनी चेयं रत्नफुल्लाम्बुजावृता ॥ २२\।७८॥तन्मध्यसौधमध्यस्थमणिमञ्चं प्रपश्य भो (भोः) ।कुलिशेशालयं पश्य पापाद्रिकुलिशं हि तत् ॥ २२\।७९॥कुलशैल(लं)प्रपश्याद्य चन्द्रकान्तशिलातलम् ।सहस्रयोजनायामं तत्र चन्द्रेश्वरालयम् ॥ २२\।८०॥कुलाचलमहासौधान्प्रपश्य नगसत्तम ।अयुतं लिङ्गसदनं मदनान्तकरप्रियम् ॥ २२\।८१॥आलोकय महाशैल शैलेशस्य वरालयम् ।क्षीरोदवापिका चेयं रत्नसोपानमण्टपा ॥ २२\।८२॥क्षीरेश्वरालयं तीरे तस्याः पश्य मनोहरम् ।मयूरेशस्य सद्मैतद्वनगर्भे विलोकय ॥ २२\।८३॥रिटिरास्तेऽत्र सौधे तु चा(आ)ज्ञया शूलिनो नग ।पूर्वतोऽहं दक्षिणतश्चण्डी भृङ्गी रिटिस्तथा ॥ २२\।८४॥पश्चादथोत्तरे शैल चन्द्रचूडस्य शासनात् ।पालयामो गणौघैश्च सदा शूलवरायुधैः ॥ २२\।८५॥एतल्लिङ्गकुलं त्वपारमणिजैस्सौधैश्च सद्गोपुरैःरम्योत्तुङ्गनिखातसागरमहाप्राकारभूभृद्गणैः ।फुल्लाब्जैस्सरसीगणैस्सुमवनैः कॢर्प्तोऽद्य वै भूधरो(र)विश्वेशेन विचित्रचित्रमनसा सम्पश्य शैलोत्तम ॥ २२\।८६॥ताराराजविराजितोरुशिरसो वासो ह्ययं शैलराट्राजद्राजतकान्तिसारनिवहैश्श्रीविप्रराजाधिकः ।राजल्लिङ्गगणै रराज भुवने विश्वेश्वरस्याज्ञयाराजद्राजसखस्य राजति परं शैलाधिराजेक्षया(य) ॥ २२\।८७॥॥ इति शिवरहस्यान्तर्गते भवाख्ये कैलासदर्शने हिमावन्प्रति नन्दिकेशप्रोक्तं शङ्करावासवर्णनम् ॥॥ श्रीशिवरहस्यम् । भवाख्यः द्वितीयांशः । अध्यायः २२ । २४८७॥

|| kailāsadarśane himāvanprati nandikeśaproktaṃ śaṅkarāvāsavarṇanam ||(śivarahasyāntargate kailāsadarśanam 1)nandikeśaḥ (uvāca)paśya dhanyena netreṇa kailāsaṃ śaṅkarasya hi |yatraikaṃ vā śivāgāraṃ tatkṣetraṃ yojanāyu(vṛ)tam || 22\|24||tatraiva vasatāṃ puṃsāmapyā(pi)kīṭapipīlikam |muktirīśaprasādena paśyatāṃ pāpanāśanam || 22\|25||atrānantaśivāgāre maulīkumbhaikadarśanāt |na jāne mahimāṃ vaktuṃ śivo jānāti netaraḥ || 22\|26||kailāsaṃ śaṅkarāvāsaṃ nānādrumalatāyutam |ratnapuṣkariṇīphullasarojakulasaṅkulam || 22\|27||nānāvallīveṣṭitoruvanaspatiśatāyutam |nānāpakṣirutāpāravananirjjharakandha(nda)ram || 22\|28||mṛgendrasindhurendrādicamarīmahiṣārvṛtam |(mṛgendrasindhurendrādicamarairahibhirvṛtam |)kokilākāha(ka)līgānaśukaśā(sā)rikasārasaiḥ || 22\|29||kurarākrandabahulaṃ haṃsanādavināditam |nagamauligatottuṅgasālatāladrumākulam || 22\|30||suramyabandhurāmodapuṣpakiñjalkamārutam |puṣpagucchabharālolamārutāmalabhūtalam || 22\|31||talaśobhitapuṣpaughaphalatārāyitottamam |prabhātavātapotodyacchītalāyitabhūtalam || 22\|32||drauṇijālambisatkṣau(sakṣau)drarasāktasasudhāṅgaṇam |bhramadbhramarajhaṅkāramadhu(dhū)koddāmagandhinam || 22\|33||ketakīpuṣpasaurabhyasugandhāyitadiktaṭam |kuravoddāmagandhodyaccandanānanditānanam || 22\|34||tilakāyitadevadrumaulisthatilakairyutam |vātapotamukhāhāravalmīkakṣitipannagam || 22\|35||karaṭīkaṭadhārārdīkṛtagandhitabhūtalam |romanthaphena bindūdyanmahiṣīṇāṃ gavāṃ tathā || 22\|36||ūdhoniryatpayaḥpūrapaṅkilāyitabhūtalam |tatpaṅkapaṅktisaṃlagnavaraiṇakhurabhūtalam || 22\|37||mustāmreḍa(ḍā)nakoddhu(ddhṛ)ṣṭakoladaṃṣṭrotthitopalam |gairikāpītahārītaraktamāñjiṣṭhadhātubhiḥ || 22\|38||sravantaṃ rītibhiśśailaṃ gajendramiva (gajendra iva) ca tridhā |uttuṅgaśikharāpāraśṛṅgairullikhitāmbaram || 22\|39||skandaḥdarśayāmāsa nandīśo nagarājāyatannagam |kailāsaṃ kaladhautodyadramyakāntivirājitam || 22\|40||prāha taṃ nandikeśo'pi śikharīndra śivājñayā || 22\|41||nandikeśaḥ (śailādiḥ) uvācapaśya śailaṃ mahāśailaṃ maheśasya dṛśā tava |paśya paśyedamatulaṃ prākāraṃ(ra)varagopuram || 22\|42||nānāgopurasaudhaiśca madālayamidaṃ tatam |vikeśasyedamatulaṃ (ambikeśākhyamatulaṃ)gṛhaṃ śambhorvarālayaṃ (gṛheśaṃ bho varālayam) || 22\|43||eṣa ratnagirirbhāti ratnakāntiśiloccayaḥ |tatra ratnāgraśikharaḥ prāsādo'yaṃ maheśituḥ || 22\|44||udyatpatākaruciro ratnatoraṇamaṇḍitaḥ |harinmaṇimayo bhāti sahasrastambhamaṇḍapaḥ || 22\|45||madhyeśailaṃ sadābhāti haramānasamodabhūḥ |koṭiliṅgālayānāñca śikharāṇyapi paśya bhoḥ || 22\|46||darśanenāpi pāpānāṃ pralayo'dya bhaviṣyati |eṣa dakṣiṇato meroḥ prākāro maṇikalpitaḥ || 22\|47||caṇḍīśvarālayaṃ paśya ratnasaudhavarānvitam |caṇḍīśvareśaśikharaṃ paśya tañca namaskuru || 22\|48||liṅgāyutamahāsadmaprodyatkumbhaikabhāsuram |paśya śaileśvarāpāragopurāṇāṃ talānyapi || 22\|49||suratnapadminīceyaṃ ratnasopānamaṇṭapaiḥ |paritaḥ parivitā (padavīnāṃ) ca ratnakuṇḍalahallakaiḥ || 22\|50||maṇijairaravindodyatparāgarasarañjitā |kailāseśasya śikharaṃ paśya bhūdharanāyaka || 22\|51||udyatpatākākalaśaratnagopurabhāsuram |atra svayaṃ mahādevaḥ sampūjayati sarvadā || 22\|52||talliṅgaṃ varivasyāto (talliṅgavarivasyātaḥ) harṣato devanāyakaḥ |pradoṣeṣu viśeṣeṇa paśyannṛttorumaṇḍapam || 22\|53||abhraṃlihairmahākumbhairviśālairmaṇibhāsuraiḥ |suramyaratnavedībhiḥ paritaḥ pariveṣṭitaiḥ || 22\|54||atra devīṃ samāveśya ratnasihmāsane śivaḥ |maṇiraṅge sadā sāyaṃ nṛtyatyānandanirbharaḥ || 22\|55||mayā ca gaṇanāthena skandena gaṇapairvṛtaḥ |veṇumaddalamaḍḍūtthatālakāhalaniḥsvanaiḥ || 22\|56||sabhāḥ paśyātravitatā maṇimaulipatākakāḥ |sahasrastambhasaṃyuktāścaturdikṣu manoharāḥ || 22\|57||sauvarṇī rājatī cāpi citsabhātra maheśituḥ |anyāratnasabhāceyaṃ ratnāpāraikakāntiyuk || 22\|58||sāyaṃ nṛtyati deveśo devyagre'tra (devyagre ca) sabhāsu ca |ramyaṃ sahasraliṅgānāmidamālayamuttamam || 22\|59||udyaddivākaraprakhyaṃ kumbhajālakitāmbaram |paśyātra devadevasya koṭistambhorumaṇṭapam || 22\|60||dhūpadīpamaṇijyotirudrākrīḍanamuttamam |maulijālakamadhyasthamaṇikumbhojjvaladvṛṣam || 22\|61||suramyavāpikāceyaṃ sudhākallolamālinī |devagaṅgātaṭaṃ paśya liṅgasaudhorumaṇṭapā || 22\|62||sudhāsāgaragā caiṣa gaṅgā kailāsamauligā |pañcavaktreśvarasyāpi sabhāṃ paśya manoharāṃ(paśya sadma manoharam) || 22\|63||ratnakumbhamahākānti tiraskṛtadivākaram |talliṅgapañcavaktrotthā nadyaḥ pañcādya(tra) susruvuḥ || 22\|64||śivagaṅgā devagaṅgā ratnagaṅgeti viśrutāḥ |kailāsagaṅgā śailendra madhugaṅgeti ca kramāt || 22\|65||sarvāstāstīrabaddhorumaṇisopānamaṇṭapāḥ |paritaśśobhitāpāraśivasaudhavirājitāḥ || 22\|66||liṅgasadmamahākumbhabimbitottuṅganīrakāḥ |ratnakarkaṭamatsyaiśca padmahaṃsaikakokakāḥ || 22\|67||nīlotpalāmalamaṇiprāsādoratnarañjitaḥ |udyatkumbhassadābhāti divyasihmāsanañcitaḥ (nocitaḥ) || 22\|68||ratneśvarālayaṃ paśya navaratnavicitritam |paśya bilvavanaṃ śambhornavāruṇadalānvitam || 22\|69||tanmūlamaṇiliṅgodyaddhārārasavijṛmbhitam |kalpavāṭīmimāṃ paśya ratnavedika(navaratnavi)citritām || 22\|70||kandalaleśālayaṃ paśya śailātra sumanoharam |kulyāścādya(tra) prapaśyātra(dya) madhukṣīraghṛtasravāḥ || 22\|71||devīśvarālayaṃ paśya sadā devyāḥ priyaṅkaram |tatra sālavanaṃ paśya paricchadaphalāvṛtam || 22\|72||vilokaya dṛśā śaila paścime gopuraṃ sthitam |sahasratalasaṃyuktaṃ gavākṣa(kṣaṃ)vṛṣabhairyutam || 22\|73||ramyottuṅgamaṇidyoti śikharāgrapatākakam |ugreśvarālayaṃ paśya co(u)grapātakanāśanam || 22\|74||bhṛṅgisaudho'yamatulo bāṇasyātra gṛhaṃ mahat |harikeśālayaṃ paśya paśya skandālayaṃ mahat || 22\|75||ambikeśasya śikharaṃ paśya praṇatigo naga |navaratnamahāśailānpaśya saudhottamairvṛtān || 22\|76||uttameśamahādhāma paśyātra sumanoharam |garbheśagarbhabhavanaṃ paśya kumbhaikabhātatam || 22\|77||maṇṭapaṃ daśasāhasrastambhakumbhavirājitam |kailāsanalinī ceyaṃ ratnaphullāmbujāvṛtā || 22\|78||tanmadhyasaudhamadhyasthamaṇimañcaṃ prapaśya bho (bhoḥ) |kuliśeśālayaṃ paśya pāpādrikuliśaṃ hi tat || 22\|79||kulaśaila(laṃ)prapaśyādya candrakāntaśilātalam |sahasrayojanāyāmaṃ tatra candreśvarālayam || 22\|80||kulācalamahāsaudhānprapaśya nagasattama |ayutaṃ liṅgasadanaṃ madanāntakarapriyam || 22\|81||ālokaya mahāśaila śaileśasya varālayam |kṣīrodavāpikā ceyaṃ ratnasopānamaṇṭapā || 22\|82||kṣīreśvarālayaṃ tīre tasyāḥ paśya manoharam |mayūreśasya sadmaitadvanagarbhe vilokaya || 22\|83||riṭirāste'tra saudhe tu cā(ā)jñayā śūlino naga |pūrvato'haṃ dakṣiṇataścaṇḍī bhṛṅgī riṭistathā || 22\|84||paścādathottare śaila candracūḍasya śāsanāt |pālayāmo gaṇaughaiśca sadā śūlavarāyudhaiḥ || 22\|85||etalliṅgakulaṃ tvapāramaṇijaissaudhaiśca sadgopuraiḥramyottuṅganikhātasāgaramahāprākārabhūbhṛdgaṇaiḥ |phullābjaissarasīgaṇaissumavanaiḥ kḷrpto'dya vai bhūdharo(ra)viśveśena vicitracitramanasā sampaśya śailottama || 22\|86||tārārājavirājitoruśiraso vāso hyayaṃ śailarāṭrājadrājatakāntisāranivahaiśśrīviprarājādhikaḥ |rājalliṅgagaṇai rarāja bhuvane viśveśvarasyājñayārājadrājasakhasya rājati paraṃ śailādhirājekṣayā(ya) || 22\|87|||| iti śivarahasyāntargate bhavākhye kailāsadarśane himāvanprati nandikeśaproktaṃ śaṅkarāvāsavarṇanam |||| śrīśivarahasyam | bhavākhyaḥ dvitīyāṃśaḥ | adhyāyaḥ 22 | 2487||

– ॥ श्रीशिवरहस्यम् ।भवाख्यः द्वितीयांशः ।अध्यायः २२ ।२४-८७॥

– || śrīśivarahasyam |bhavākhyaḥ dvitīyāṃśaḥ |adhyāyaḥ 22 | 24-87||