कैलासदर्शनम् ४ शम्भुपार्वतीविग्रहवर्णनम् कैलासक्षेत्रे Kailasakshetre Shambhuparvativigrahavarnanam

॥ हिमावन्प्रति स्कन्दप्रोक्तं कैलासक्षेत्रे शम्भुपार्वतीविग्रहवर्णनम् ॥(शिवरहस्यान्तर्गते कैलासदर्शनम् ४)स्कन्द उवाचततो हिमाद्रिदेवेशं कैलासामलसौधगम् ।पार्वत्या सहितं शम्भुं दिव्यसिह्मासने स्थितम् ॥ २५\।१॥चतुर्भुजमुदाराङ्गं सर्वरत्नविभूषितम् ।किरीटकोटिगोद्भासि चन्द्रर्धकृतशेखरम् ॥ २५\।२॥कुण्डलायितकर्णोद्यत्कुण्डलीफणिभूषणम् ।नवरत्नाङ्गदलसत्कङ्कणाङ्गदमुद्रितम् ॥ २५\।३॥सोमधामसमानास्यं तपनानललोचनम् ।धृतत्रिपुण्ड्ररचनातदधस्तिलकोज्ज्वलम् ॥ २५\।४॥उत्फुल्लरक्तकमलरत्नमालाधरं विभुम् ।दिव्यचन्दनलिप्ताङ्गं दिव्यपुष्पार्चिताङ्घ्रिकम् ॥ २५\।५॥धूपितं परितो धूपैस्तगरागरुसम्भवैः ।शुद्धाम्बरधरं सौम्यं पश्यन्तमनिशं शिवाम् ॥ २५\।६॥मणिहर्म्यच्छविप्रोद्यद्दीप्तकैलासपर्वतम् ।वामाङ्कसन्निविष्टाम्बावदनस्मितकान्तिभिः ॥ २५\।७॥धावल्यतरनिर्यच्छ्रीदेव्यङ्ग(ङ्गे)प्रभया ततम् ।नम्राननां महादेवीं शिवाङ्कस्थां महेश्वरीम् ॥ २५\।८॥भस्मत्रिपुण्ड्रनिटिलां कस्तुरीतिलकोज्ज्वलाम् ।बिम्बाधरां प्रसन्नास्यललन्नासाग्रमौक्तिकाम् ॥ २५\।९॥मुकुटोद्भासिचन्द्राङ्कां कचबद्धसुमल्लिकाम् ।तपनोडुपविभ्राजिताटङ्कयुगलश्रवाम्(श्रियम्) ॥ २५\।१०॥मणिहीराच्छपदकलसद्ग्रीवा(वां) मनोहराम् ।कनकाङ्गदकेयूरनागबन्धविराजिताम् ॥ २५\।११॥कस्तूरीरसपाटीरचन्द्रचन्दनचर्चिताम् ।ताम्बूलपूरितमुखीं तिर्यग्लोचनकोटितः ॥ २५\।१२॥पश्यन्ती(न्तीं) वदनाम्भोजं शम्भोः सुन्दरमेदुरम् ।सुरम्यपादकमलं मुक्तामज्जीरशोभितम् ॥ २५\।१३॥देवीसखीभिश्च वृतं गणेन्द्रैश्च महेश्वरम् ।मया च गणपेनापि धृतचामरवीजितम् ॥ २५\।१४॥छत्रैः पताकानिचयधारिभिर्गणपुङ्गवैः ।जयन्ती विजयाहस्त धृतचामरवीजिता(ताम्) ॥ २५\।१५॥रम्यच्छत्रावृतमुखी(खीं) दण्डिन्यादर्शहस्तया ।वा(बा)लया वीटिकामत्स्यपेटीविधृतया तदा ॥ २५\।१६॥मुद्रिण्या (मन्त्रिण्या) खड्गकोशोद्यत्करया सेविता शिवा ।तण्डुहस्ते महाशूलं खङ्ग(ड्ग)कोशञ्च दण्डिना ॥ २५\।१७॥भैरवोद्भावितमहानिषङ्गवरकार्मुकैः(के) ।कालाग्निरुद्रो मायूरव्यजनेनाप्यवीजयत् ॥ २५\।१८॥एवं गणवृतं देवं देव्या सिह्मासने स्थितम् ।दृष्ट्वा प्रणम्य नन्दीशो गिरिं देवाय जिज्ञिपत् ॥ २५\।१९॥(दृष्ट्वा प्रणम्य नन्दीशो गिरिदेवं व्यजिज्ञपत्) ॥ २५\।१९॥प्रवेश्यतामित्या(प्रवेशयेत्यन्वशा)च्चदेवदेवो महेश्वरः ।प्राञ्जलिस्सत्वरं गत्वा ततोऽग्रे हिमभूधरम् ॥ २५\।२०॥दृष्ट्वा(ऽऽ)यान्तं स मैनाकं दत्तहस्तञ्च नन्दिना ।गौरीगुरुं महाशैलं जातहर्षं तदा नगम् ॥ २५\।२१॥प्रावेशयच्च सविधं शम्भोर्देव्या गणाग्रणीः ।दृष्ट्वा देवं महादेवं स नगो हर्षनिर्भरः ॥ २५\।२२॥प्रणम्य प्राञ्जलिर्विप्रा मम मातामहोऽद्रिराट् ।अगजापतिमाशास्यं तुष्टाव पुलकाङ्गकः ॥ २५\।२३॥॥ इति शिवरहस्यान्तर्गते भवाख्ये कैलासदर्शने हिमावन्प्रति स्कन्दप्रोक्तं कैलासक्षेत्रे शम्भुपार्वतीविग्रहवर्णनम् ॥॥ श्रीशिवरहस्यम् । भवाख्यः द्वितीयांशः । अध्यायः २५ । १२३ ॥

|| himāvanprati skandaproktaṃ kailāsakṣetre śambhupārvatīvigrahavarṇanam ||(śivarahasyāntargate kailāsadarśanam 4)skanda uvācatato himādrideveśaṃ kailāsāmalasaudhagam |pārvatyā sahitaṃ śambhuṃ divyasihmāsane sthitam || 25\|1||caturbhujamudārāṅgaṃ sarvaratnavibhūṣitam |kirīṭakoṭigodbhāsi candrardhakṛtaśekharam || 25\|2||kuṇḍalāyitakarṇodyatkuṇḍalīphaṇibhūṣaṇam |navaratnāṅgadalasatkaṅkaṇāṅgadamudritam || 25\|3||somadhāmasamānāsyaṃ tapanānalalocanam |dhṛtatripuṇḍraracanātadadhastilakojjvalam || 25\|4||utphullaraktakamalaratnamālādharaṃ vibhum |divyacandanaliptāṅgaṃ divyapuṣpārcitāṅghrikam || 25\|5||dhūpitaṃ parito dhūpaistagarāgarusambhavaiḥ |śuddhāmbaradharaṃ saumyaṃ paśyantamaniśaṃ śivām || 25\|6||maṇiharmyacchaviprodyaddīptakailāsaparvatam |vāmāṅkasanniviṣṭāmbāvadanasmitakāntibhiḥ || 25\|7||dhāvalyataraniryacchrīdevyaṅga(ṅge)prabhayā tatam |namrānanāṃ mahādevīṃ śivāṅkasthāṃ maheśvarīm || 25\|8||bhasmatripuṇḍraniṭilāṃ kasturītilakojjvalām |bimbādharāṃ prasannāsyalalannāsāgramauktikām || 25\|9||mukuṭodbhāsicandrāṅkāṃ kacabaddhasumallikām |tapanoḍupavibhrājitāṭaṅkayugalaśravām(śriyam) || 25\|10||maṇihīrācchapadakalasadgrīvā(vāṃ) manoharām |kanakāṅgadakeyūranāgabandhavirājitām || 25\|11||kastūrīrasapāṭīracandracandanacarcitām |tāmbūlapūritamukhīṃ tiryaglocanakoṭitaḥ || 25\|12||paśyantī(ntīṃ) vadanāmbhojaṃ śambhoḥ sundarameduram |suramyapādakamalaṃ muktāmajjīraśobhitam || 25\|13||devīsakhībhiśca vṛtaṃ gaṇendraiśca maheśvaram |mayā ca gaṇapenāpi dhṛtacāmaravījitam || 25\|14||chatraiḥ patākānicayadhāribhirgaṇapuṅgavaiḥ |jayantī vijayāhasta dhṛtacāmaravījitā(tām) || 25\|15||ramyacchatrāvṛtamukhī(khīṃ) daṇḍinyādarśahastayā |vā(bā)layā vīṭikāmatsyapeṭīvidhṛtayā tadā || 25\|16||mudriṇyā (mantriṇyā) khaḍgakośodyatkarayā sevitā śivā |taṇḍuhaste mahāśūlaṃ khaṅga(ḍga)kośañca daṇḍinā || 25\|17||bhairavodbhāvitamahāniṣaṅgavarakārmukaiḥ(ke) |kālāgnirudro māyūravyajanenāpyavījayat || 25\|18||evaṃ gaṇavṛtaṃ devaṃ devyā sihmāsane sthitam |dṛṣṭvā praṇamya nandīśo giriṃ devāya jijñipat || 25\|19||(dṛṣṭvā praṇamya nandīśo giridevaṃ vyajijñapat) || 25\|19||praveśyatāmityā(praveśayetyanvaśā)ccadevadevo maheśvaraḥ |prāñjalissatvaraṃ gatvā tato'gre himabhūdharam || 25\|20||dṛṣṭvā('')yāntaṃ sa mainākaṃ dattahastañca nandinā |gaurīguruṃ mahāśailaṃ jātaharṣaṃ tadā nagam || 25\|21||prāveśayacca savidhaṃ śambhordevyā gaṇāgraṇīḥ |dṛṣṭvā devaṃ mahādevaṃ sa nago harṣanirbharaḥ || 25\|22||praṇamya prāñjalirviprā mama mātāmaho'drirāṭ |agajāpatimāśāsyaṃ tuṣṭāva pulakāṅgakaḥ || 25\|23|||| iti śivarahasyāntargate bhavākhye kailāsadarśane himāvanprati skandaproktaṃ kailāsakṣetre śambhupārvatīvigrahavarṇanam |||| śrīśivarahasyam | bhavākhyaḥ dvitīyāṃśaḥ | adhyāyaḥ 25 | 123 ||

– ॥ श्रीशिवरहस्यम् ।भवाख्यः द्वितीयांशः ।अध्यायः २५ – ।१-२३ ॥

– || śrīśivarahasyam |bhavākhyaḥ dvitīyāṃśaḥ |adhyāyaḥ 25 – | 1-23 ||