शिवस्तुतिः कैलासकृता Kailasakrita Shiva Stuti

भव शिव भगवन् पिनाकपाणे सुरवरकिन्नरमौलिशोभिताङ्घ्रे ।निरवधिकरुणापयोधिराजच्छशिधामन् प्रणतोऽस्मि ते पदाब्जम् ॥ २५॥

bhava śiva bhagavan pinākapāṇe suravarakinnaramauliśobhitāṅghre |niravadhikaruṇāpayodhirājacchaśidhāman praṇato'smi te padābjam || 25||

गुणगणनन्दितनामरूपहीन त्रिगुणातीत जराविहीन शम्भो ।हरिरुद्राब्जजसार्वभौम भूमन् स्तुतवेदोत्थितदेवजालमौले ॥ २६॥

guṇagaṇananditanāmarūpahīna triguṇātīta jarāvihīna śambho |harirudrābjajasārvabhauma bhūman stutavedotthitadevajālamaule || 26||

शशिसूर्यानलशोभिताक्षिफाल स्फुरदुरुसोमकलाधर प्रसीद ।स्फुरदुरु(जटाधारित)गाङ्गसत्कपर्द शम्भो मयि दृष्टिं वितराशु सप्रसादाम् ॥ २७॥

śaśisūryānalaśobhitākṣiphāla sphuradurusomakalādhara prasīda |sphuraduru(jaṭādhārita)gāṅgasatkaparda śambho mayi dṛṣṭiṃ vitarāśu saprasādām || 27||

मुनिजनकुवलोत्थचन्द्रमौले दुरितापह पारतार धीर ।दृशि शशिविहितेन चक्षुषा मां परिपाहीश दयाकटाक्षसारैः ॥ २८॥

munijanakuvalotthacandramaule duritāpaha pāratāra dhīra |dṛśi śaśivihitena cakṣuṣā māṃ paripāhīśa dayākaṭākṣasāraiḥ || 28||

सुरगणनुत वेदवेद्य शम्भो उरगेन्द्रामलहार नीलकण्ठ ।अव शिव दयया ममैव मौलौ वसतिस्तेऽस्तु गणेन्द्रता ममाद्य ॥ २९॥

suragaṇanuta vedavedya śambho uragendrāmalahāra nīlakaṇṭha |ava śiva dayayā mamaiva maulau vasatiste'stu gaṇendratā mamādya || 29||

भगवन्भव भूतनाथ शम्भो उरगेन्द्रामलहार पार्वतीश ।परिपश्यामलचक्षुषा प्रसादैस्तव पादाब्जरजोत्थमौलयो नः ॥ ३६॥

bhagavanbhava bhūtanātha śambho uragendrāmalahāra pārvatīśa |paripaśyāmalacakṣuṣā prasādaistava pādābjarajotthamaulayo naḥ || 36||

तव सन्निधिरेव शोकहारी स्मृतिमात्रेण तवागता वयम् ।वद किङ्करवाम देवदेव तव दृष्ट्या विवशेषु देहि चाज्ञाम् ॥ ३७॥

tava sannidhireva śokahārī smṛtimātreṇa tavāgatā vayam |vada kiṅkaravāma devadeva tava dṛṣṭyā vivaśeṣu dehi cājñām || 37||

( वद किङ्करवाम देवदेव तव दृष्ट्या विततां विधेहि चाज्ञाम्)॥ ३७॥

( vada kiṅkaravāma devadeva tava dṛṣṭyā vitatāṃ vidhehi cājñām)|| 37||

प्रालेयाचलकन्यकापरिलसद्वामार्धभागं सदाज्वालाजालयुतानलाक्षितिलकम्फाले त्रिपुण्ड्रोज्वलम् ।लीलावीक्षितदग्धकामवपुषं कल्पद्रुमूले स्थितंलीलाचालितलोकजालमनिशं कालान्तकं भावये ॥ ४४॥

prāleyācalakanyakāparilasadvāmārdhabhāgaṃ sadājvālājālayutānalākṣitilakamphāle tripuṇḍrojvalam |līlāvīkṣitadagdhakāmavapuṣaṃ kalpadrumūle sthitaṃlīlācālitalokajālamaniśaṃ kālāntakaṃ bhāvaye || 44||

त्रिशूलविलसत्करं तदपरेण बालादरंकुरङ्गविलसत्करं कुमुदिनीशभूषामणिम् ।नीलोद्दामतमालसन्निभगलं गङ्गाजलाप्लावितंस्फारोत्कूटजटाकुटीरविलसत्सोमार्धचूडं सदा ॥ ४५॥

triśūlavilasatkaraṃ tadapareṇa bālādaraṃkuraṅgavilasatkaraṃ kumudinīśabhūṣāmaṇim |nīloddāmatamālasannibhagalaṃ gaṅgājalāplāvitaṃsphārotkūṭajaṭākuṭīravilasatsomārdhacūḍaṃ sadā || 45||

वन्देसुन्दरताण्डवादिचतुरं कैलासमौलिस्थितम् ॥ ४६॥

vandesundaratāṇḍavādicaturaṃ kailāsamaulisthitam || 46||

इलामिलन्मौलिरुवाच शम्भुं नमो नमस्ते गिरिशेति शैलः ।(अपीन्दु मौलिं प्राहस्वमौळौ निवसेति शैलः) ।स्वमौलिगापारमहोरुलिङ्गपालीषु च प्रीतियुतश्च भूयाः ॥ ४७॥

ilāmilanmauliruvāca śambhuṃ namo namaste giriśeti śailaḥ |(apīndu mauliṃ prāhasvamauḷau nivaseti śailaḥ) |svamauligāpāramahoruliṅgapālīṣu ca prītiyutaśca bhūyāḥ || 47||

वेदोऽपि स्वयमाद्यमाह भगवन्रुद्रैर्नमोन्तैः पदैःत्वत्सर्वात्मकतां गदत्यथ तरां भक्त्या परं त्वां सदा ।त्वत्सान्निध्यबलेन मामपि विभो स्तोष्यन्नमस्यन्पुनःमन्त्रैर्यत्र निषीदसीति च पुनर्धन्यो मदन्यो हि कः ॥ ४८॥

vedo'pi svayamādyamāha bhagavanrudrairnamontaiḥ padaiḥtvatsarvātmakatāṃ gadatyatha tarāṃ bhaktyā paraṃ tvāṃ sadā |tvatsānnidhyabalena māmapi vibho stoṣyannamasyanpunaḥmantrairyatra niṣīdasīti ca punardhanyo madanyo hi kaḥ || 48||

ईश्वरःइत्थं कैलासशैलस्य श्रुत्वा वचनमम्बिके ।तमब्रुवं महाशैलं कैलासं वरभूधरम् ॥ ४९॥

īśvaraḥitthaṃ kailāsaśailasya śrutvā vacanamambike |tamabruvaṃ mahāśailaṃ kailāsaṃ varabhūdharam || 49||

शिवःकैलासशैल वरसानुगतोर्ध्वसौधलिङ्गावलीषु सततन्निवसामि कामम् ।पापं हरामि सुतरां जनतादिलोकदुःखं च मुक्तिमथ भुक्तिमथो दिशामि ॥ ५०॥

śivaḥkailāsaśaila varasānugatordhvasaudhaliṅgāvalīṣu satatannivasāmi kāmam |pāpaṃ harāmi sutarāṃ janatādilokaduḥkhaṃ ca muktimatha bhuktimatho diśāmi || 50||

॥ इति शिवरहस्यान्तर्गते माहेश्वराख्ये कैलासकृता शिवस्तुतिः ॥॥ श्रीशिवरहस्यम् । माहेश्वराख्यः प्रथमांशः । अध्यायः ४५ कैलासवरप्रदानम् । वावृत्तश्लोकाः ॥– ॥ श्रीशिवरहस्यम् । माहेश्वराख्यः प्रथमांशः । अध्यायः ४५ – कैलासवरप्रदानम् । वावृत्तश्लोकाः ॥

|| iti śivarahasyāntargate māheśvarākhye kailāsakṛtā śivastutiḥ |||| śrīśivarahasyam | māheśvarākhyaḥ prathamāṃśaḥ | adhyāyaḥ 45 kailāsavarapradānam | vāvṛttaślokāḥ ||– || śrīśivarahasyam | māheśvarākhyaḥ prathamāṃśaḥ | adhyāyaḥ 45 – kailāsavarapradānam | vāvṛttaślokāḥ ||