राधिकाष्टोत्तरशतनामस्तोत्रम् Shri Radhika Ashtottarashatanama Stotram

अवीक्षितेश्वरी काचिद्वृन्दावनमहेश्वरीम् ।तत्पदाम्भोजमात्रैकगतिः दास्यतिकातरा ॥ १॥

avīkṣiteśvarī kācidvṛndāvanamaheśvarīm |tatpadāmbhojamātraikagatiḥ dāsyatikātarā || 1||

पतिता तत्सरस्तीरे रुदत्यार्तरवाकुलम् ।तच्छ्रीवक्त्रेक्षणप्राप्त्यै नामान्येतानि सञ्जगौ ॥ २॥

patitā tatsarastīre rudatyārtaravākulam |tacchrīvaktrekṣaṇaprāptyai nāmānyetāni sañjagau || 2||

राधा गन्धर्विका गोष्ठयुवराजैककामिता ।गन्धर्वाराधिता चन्द्रकान्तिर्माधवसङ्गिनी ॥ ३॥

rādhā gandharvikā goṣṭhayuvarājaikakāmitā |gandharvārādhitā candrakāntirmādhavasaṅginī || 3||

दामोदराद्वैतसखी कार्तिकोत्कीर्तिदेश्वरी ।मुकुन्ददयितावृन्दधम्मिल्लमणिमञ्जरी ॥ ४॥

dāmodarādvaitasakhī kārtikotkīrtideśvarī |mukundadayitāvṛndadhammillamaṇimañjarī || 4||

भास्करोपासिका वार्षभानवी वृषभानुजा ।अनङ्गमञ्जरीज्येष्ठा श्रीदामावरजोत्तमा ॥ ५॥

bhāskaropāsikā vārṣabhānavī vṛṣabhānujā |anaṅgamañjarījyeṣṭhā śrīdāmāvarajottamā || 5||

कीर्तिदाकन्यका मातृस्नेहपीयूषपुत्रिका ।विशाखासवयाः प्रेष्ठविशाखाजीविताधिका ॥ ६॥

kīrtidākanyakā mātṛsnehapīyūṣaputrikā |viśākhāsavayāḥ preṣṭhaviśākhājīvitādhikā || 6||

प्राणाद्वितीयाललिता वृन्दावनविहारिणी ।ललिताप्राणरक्षैकलक्षा वृन्दावनेश्वरी ॥ ७॥

prāṇādvitīyālalitā vṛndāvanavihāriṇī |lalitāprāṇarakṣaikalakṣā vṛndāvaneśvarī || 7||

व्रजेन्द्रगृहिणी कृष्णप्रायस्नेहनिकेतनम् ।व्रजगोगोपगोपालीजीवमात्रैकजीवनम् ॥ ८॥

vrajendragṛhiṇī kṛṣṇaprāyasnehaniketanam |vrajagogopagopālījīvamātraikajīvanam || 8||

स्नेहलाभीरराजेन्द्रा वत्सलाच्युतपूर्वजा ।गोविन्दप्रणयाधारा सुरभीसेवनोत्सुका ॥ ९॥

snehalābhīrarājendrā vatsalācyutapūrvajā |govindapraṇayādhārā surabhīsevanotsukā || 9||

धृतनन्दीश्वरक्षेमा गमनोत्कण्ठिमानसा ।स्वदेहाद्वैततादृश्टाधनिष्ठाध्येयदर्शना ॥ १०॥

dhṛtanandīśvarakṣemā gamanotkaṇṭhimānasā |svadehādvaitatādṛśṭādhaniṣṭhādhyeyadarśanā || 10||

गोपेन्द्रमहिषीपाकशालावेदिप्रकाशिका ।आयुर्वर्धाकरद्वानारोहिणीघ्रातमस्तका ॥ ११॥

gopendramahiṣīpākaśālāvediprakāśikā |āyurvardhākaradvānārohiṇīghrātamastakā || 11||

सुबलान्यस्तसारूप्या सुबलाप्रीतितोषिता ।मुखरादृक्सुधानप्त्री जटिलादृष्टिभासिता ॥ १२॥

subalānyastasārūpyā subalāprītitoṣitā |mukharādṛksudhānaptrī jaṭilādṛṣṭibhāsitā || 12||

मधुमङ्गलनर्मोक्तिजनितस्मितचन्दिरका ।मुखरादृक्सुधानप्त्री जटिलादृष्टिभासिता ॥ १२॥

madhumaṅgalanarmoktijanitasmitacandirakā |mukharādṛksudhānaptrī jaṭilādṛṣṭibhāsitā || 12||

मधुमङ्गलनर्मोक्तिजनितस्मितचन्दिरका ।पौर्णमासीबहिःखेलत्प्राणपञ्जरसारिका ॥ १३॥

madhumaṅgalanarmoktijanitasmitacandirakā |paurṇamāsībahiḥkhelatprāṇapañjarasārikā || 13||

स्वगुणाद्वैतजीवातुः स्वीयाहङ्कारवर्धिनी ।स्वगणोपेन्द्रपादाब्जस्पर्शालम्भनहर्षिणी ॥ १४॥

svaguṇādvaitajīvātuḥ svīyāhaṅkāravardhinī |svagaṇopendrapādābjasparśālambhanaharṣiṇī || 14||

स्वीयब्रुन्दावनोद्यानपालिकीकृतवृन्दका ।ज्ञातवृन्दाटवीसर्वलतातरुमृगद्विजा ॥ १५॥

svīyabrundāvanodyānapālikīkṛtavṛndakā |jñātavṛndāṭavīsarvalatātarumṛgadvijā || 15||

ईषच्चन्दनसङ्घृष्ट नवकाश्मीरदेहभाः ।जपापुष्पप्रीतहरी पट्टचीनारुणाम्बरा ॥ १६॥

īṣaccandanasaṅghṛṣṭa navakāśmīradehabhāḥ |japāpuṣpaprītaharī paṭṭacīnāruṇāmbarā || 16||

चरणाब्जतलज्योतिररुणीकृतभूतला ।हरिचित्तचमत्कारि चारुनूपुरनिःस्वना ॥ १७॥

caraṇābjatalajyotiraruṇīkṛtabhūtalā |haricittacamatkāri cārunūpuraniḥsvanā || 17||

कृष्णश्रान्तिरश्रेणीपीठवल्गितघण्टिका ।कृष्णसर्वस्वपीनोद्यत्कुचाञ्चन्मणिमालिका ॥ १८॥

kṛṣṇaśrāntiraśreṇīpīṭhavalgitaghaṇṭikā |kṛṣṇasarvasvapīnodyatkucāñcanmaṇimālikā || 18||

नानारत्नेल्लसच्छङ्खचूडचारुभुजद्वया ।स्यमन्तकमणिभ्राजन्मणिबन्धातिबन्धुरा ॥ १९॥

nānāratnellasacchaṅkhacūḍacārubhujadvayā |syamantakamaṇibhrājanmaṇibandhātibandhurā || 19||

सुवर्णदर्पणज्योतिरुल्लङ्घिमुखमण्डला ।पक्वदाडिमबीजाभ दन्ताकृष्टाघभिच्छुका ॥ २०॥

suvarṇadarpaṇajyotirullaṅghimukhamaṇḍalā |pakvadāḍimabījābha dantākṛṣṭāghabhicchukā || 20||

अब्जरागादिसृष्टाब्जकलिकाकर्णभूषणा ।सौभाग्यकज्जलाङ्काक्त नेत्रानन्दितखञ्जना ॥ २१॥

abjarāgādisṛṣṭābjakalikākarṇabhūṣaṇā |saubhāgyakajjalāṅkākta netrānanditakhañjanā || 21||

सुवृत्तमौकित्कामुक्तानासिकातिलपुष्पिका ।सुचारुनवकस्तूरीतिलकाञ्चितभालका ॥ २२॥

suvṛttamaukitkāmuktānāsikātilapuṣpikā |sucārunavakastūrītilakāñcitabhālakā || 22||

दिव्यवेणीविनिर्धूतकेकीपिञ्चवरस्तुतिः ।नेत्रान्तसारविध्वंसकृतचाणूरजिद्धृतिः ॥ २३॥

divyaveṇīvinirdhūtakekīpiñcavarastutiḥ |netrāntasāravidhvaṃsakṛtacāṇūrajiddhṛtiḥ || 23||

स्फुरत्कैशोरतारुण्यसन्धिबन्धुरविग्रहा ।माधवोल्लासकोन्मत्त पिकोरुमधुरस्वरा ॥ २४॥

sphuratkaiśoratāruṇyasandhibandhuravigrahā |mādhavollāsakonmatta pikorumadhurasvarā || 24||

प्राणायुतशतप्रेष्ठमाधवोत्कीर्तिलम्पटा ।कृष्णापाङ्गतरङ्गोद्यत्सिमतपीयूषबुद्धुदा ॥ २५॥

prāṇāyutaśatapreṣṭhamādhavotkīrtilampaṭā |kṛṣṇāpāṅgataraṅgodyatsimatapīyūṣabuddhudā || 25||

पुञ्जीभूतजग्गलज्जावैदग्धीदिग्धविग्रहा ।करुणाविद्रवद्देहा मूर्तिमन्माधुरीघटा ॥ २६॥

puñjībhūtajaggalajjāvaidagdhīdigdhavigrahā |karuṇāvidravaddehā mūrtimanmādhurīghaṭā || 26||

जगद्गुणवतीवर्गगीयमानगुणोच्चया ।शच्यादिसुभगावृन्दवन्द्यमानोरुसौभगा ॥ २७॥

jagadguṇavatīvargagīyamānaguṇoccayā |śacyādisubhagāvṛndavandyamānorusaubhagā || 27||

वीणावादनसङ्गीत रसलास्यविशारदा ।नारदप्रमुखोद्गीतजगदानन्दिसद्यशाः ॥ २८॥

vīṇāvādanasaṅgīta rasalāsyaviśāradā |nāradapramukhodgītajagadānandisadyaśāḥ || 28||

गोवर्धनगुहागेहगृहिणीकुञ्जमण्डना ।चण्डांशुनन्दिनीबद्धभगिनीभावविभ्रमा ॥ २९॥

govardhanaguhāgehagṛhiṇīkuñjamaṇḍanā |caṇḍāṃśunandinībaddhabhaginībhāvavibhramā || 29||

दिव्यकुन्दलतानर्मसख्य दामविभूषणा ।गोवर्धनधराह्णादि शृङ्गाररसपण्डिता ॥ ३०॥

divyakundalatānarmasakhya dāmavibhūṣaṇā |govardhanadharāhṇādi śṛṅgārarasapaṇḍitā || 30||

गिरीन्द्रधरवक्षः श्रीः शङ्खचूडारिजीवनम् ।गोकुलेन्द्रसुतप्रेमकामभूपेन्द्रपट्टणम् ॥ ३१॥

girīndradharavakṣaḥ śrīḥ śaṅkhacūḍārijīvanam |gokulendrasutapremakāmabhūpendrapaṭṭaṇam || 31||

वृषविध्वंसनर्मोक्ति स्वनिर्मितसरोवरा ।निजकुण्डजलक्रीडाजितसङ्कर्षणानुजा ॥ ३२॥

vṛṣavidhvaṃsanarmokti svanirmitasarovarā |nijakuṇḍajalakrīḍājitasaṅkarṣaṇānujā || 32||

मुरमर्दनमत्तेभविहारामृतदीर्घिका ।गिरीन्द्रधरपारिन्द्ररतियुद्धरुसिंहिका ॥ ३३॥

muramardanamattebhavihārāmṛtadīrghikā |girīndradharapārindraratiyuddharusiṃhikā || 33||

स्वतनूसौरभोन्मत्तीकृतमोहनमाधवा ।दोर्मूलोच्चलनक्रीडाव्याकुलीकृतकेशवा ॥ ३४॥

svatanūsaurabhonmattīkṛtamohanamādhavā |dormūloccalanakrīḍāvyākulīkṛtakeśavā || 34||

निजकुण्डततीकुञ्ज क्लृप्तकेलीकलोद्यमा ।दिव्यमल्लीकुलोल्लासि शय्याकल्पितविग्रहा ॥ ३५॥

nijakuṇḍatatīkuñja klṛptakelīkalodyamā |divyamallīkulollāsi śayyākalpitavigrahā || 35||

कृष्णवामभुजन्यस्त चारुदक्षिणगण्डका ।सव्यबाहुलताबद्धकृष्णदक्षिणसद्भुजा ॥ ३६॥

kṛṣṇavāmabhujanyasta cārudakṣiṇagaṇḍakā |savyabāhulatābaddhakṛṣṇadakṣiṇasadbhujā || 36||

कृष्णदक्षिणचारूरुश्लिष्टवामोरुरम्भिका ।गिरीन्द्रधरदृग्वक्षेमर्दिसुस्तनपर्वता ॥ ३७॥

kṛṣṇadakṣiṇacārūruśliṣṭavāmorurambhikā |girīndradharadṛgvakṣemardisustanaparvatā || 37||

गोविन्दाधरपीयूषवासिताधरपल्लवा ।सुधासञ्चयचारूक्ति शीतलीकृतमाधवा ॥ ३८॥

govindādharapīyūṣavāsitādharapallavā |sudhāsañcayacārūkti śītalīkṛtamādhavā || 38||

गोविन्दोद्गीर्णताम्बूल रागरज्यत्कपोलिका ।कृष्णसम्भोग सफलीकृतमन्मथसम्भवा ॥ ३९॥

govindodgīrṇatāmbūla rāgarajyatkapolikā |kṛṣṇasambhoga saphalīkṛtamanmathasambhavā || 39||

गोविन्दमार्जितोद्दामरतिप्रस्विन्नसन्मुखा ।विशाखाविजितक्रीडाशान्तिनिद्रालुविग्रहा ॥ ४०॥

govindamārjitoddāmaratiprasvinnasanmukhā |viśākhāvijitakrīḍāśāntinidrāluvigrahā || 40||

गोविन्दचरणन्यस्तकायमानसजीवना ।स्वप्राणार्बुदनिर्मच्छय हरिपादरजः कणा ॥ ४१॥

govindacaraṇanyastakāyamānasajīvanā |svaprāṇārbudanirmacchaya haripādarajaḥ kaṇā || 41||

अणुमात्राच्युतादर्शशय्यमानात्मलिचना ।नित्यनूतनगोविन्दवक्त्रशुभ्रांशुदर्शना ॥ ४२॥

aṇumātrācyutādarśaśayyamānātmalicanā |nityanūtanagovindavaktraśubhrāṃśudarśanā || 42||

निःसीमहरिमाधुर्यसौन्दर्याद्येकभोगिनी ।सापत्न्यधाममुरलीमात्रभाग्यकटाक्षिणी ॥ ४३॥

niḥsīmaharimādhuryasaundaryādyekabhoginī |sāpatnyadhāmamuralīmātrabhāgyakaṭākṣiṇī || 43||

गाढबुद्ध्बलक्रीडाजितवंशीविकर्षिणी ।नर्मोक्तिचन्दिरकोत्फुल्ल कृष्णकामाब्धिवर्धिनी ॥ ४४॥

gāḍhabuddhbalakrīḍājitavaṃśīvikarṣiṇī |narmokticandirakotphulla kṛṣṇakāmābdhivardhinī || 44||

व्रजचन्द्रेज्दिरयग्राम विश्रामविधुशालिका ।कृष्णसर्वेन्दिरयोन्मादि राधेत्यक्षरयुग्मका ॥ ४५॥

vrajacandrejdirayagrāma viśrāmavidhuśālikā |kṛṣṇasarvendirayonmādi rādhetyakṣarayugmakā || 45||

इदं श्रीराधिकानाम्नामष्टोत्तरशतोज्ज्वलम् ।श्रीराधलम्भकं नाम स्तोत्रं चारु रसायनम् ॥ ४६॥

idaṃ śrīrādhikānāmnāmaṣṭottaraśatojjvalam |śrīrādhalambhakaṃ nāma stotraṃ cāru rasāyanam || 46||

योऽधीते परमप्रीत्या दीनः कातरमानसः ।स नाथामचिरेणैव सनाथामीक्षते ध्रुवम् ॥ ४७॥

yo'dhīte paramaprītyā dīnaḥ kātaramānasaḥ |sa nāthāmacireṇaiva sanāthāmīkṣate dhruvam || 47||

इति श्रीरघुनाथदासगोस्वामिविरचितस्तवावल्यांश्रीराधिकाष्टोत्तरशतनामस्तोत्रं सम्पूर्णम् ।

iti śrīraghunāthadāsagosvāmiviracitastavāvalyāṃśrīrādhikāṣṭottaraśatanāmastotraṃ sampūrṇam |