राधास्तोत्रम् ०५ Shri Radhastotram

व्रजमोहनदासकृतम् ।जय जय वृषभानुनन्दनि रमणीशिरोमणि राधिके ।जय जय मोहननागरशेखरमदनमोहनमनोहारिके ॥ १॥

vrajamohanadāsakṛtam |jaya jaya vṛṣabhānunandani ramaṇīśiromaṇi rādhike |jaya jaya mohananāgaraśekharamadanamohanamanohārike || 1||

जय जय वृन्दाविपिनविहारिणि श्यामसुन्दरसुखदायिके ।जय जय ललितादिकवशवर्तिनि नन्दनन्दनहृदि शायिके ॥ २॥

jaya jaya vṛndāvipinavihāriṇi śyāmasundarasukhadāyike |jaya jaya lalitādikavaśavartini nandanandanahṛdi śāyike || 2||

जय जय गोपीजनरतिनायकालिङ्गनसुखजीविके ।जय जय प्रेमसुधामयि सुन्दरि पीताम्बरधरसेविके ॥ ३॥

jaya jaya gopījanaratināyakāliṅganasukhajīvike |jaya jaya premasudhāmayi sundari pītāmbaradharasevike || 3||

जय जय नीलाम्बरवरधारिणि व्रजपतिसुतहृतवंशिके ।जय जय शास्त्रागमान्तरवर्तिनि सिद्धसतीकुलवंशिके ॥ ४॥

jaya jaya nīlāmbaravaradhāriṇi vrajapatisutahṛtavaṃśike |jaya jaya śāstrāgamāntaravartini siddhasatīkulavaṃśike || 4||

जय जय रासविनोदविमोहिनि रासेश्वरि रसवर्धिके ।जय जय कान्त्यामृतमदखण्डनि रूपवतीमदमर्दिके ॥ ५॥

jaya jaya rāsavinodavimohini rāseśvari rasavardhike |jaya jaya kāntyāmṛtamadakhaṇḍani rūpavatīmadamardike || 5||

जय जय केशिनिषूदनकर्षिणि भावविशेषविभूषिके ।जय जय पूर्णानन्दमुकुटमणे बिम्बाधररसपोषिके ॥ ६॥

jaya jaya keśiniṣūdanakarṣiṇi bhāvaviśeṣavibhūṣike |jaya jaya pūrṇānandamukuṭamaṇe bimbādhararasapoṣike || 6||

जय जय गोकुलमण्डनमण्डिनि अधरस्मितशोभिके ।जय जय दामोदरसङ्गानन्दनिरन्तरलोभिके ॥ ७॥

jaya jaya gokulamaṇḍanamaṇḍini adharasmitaśobhike |jaya jaya dāmodarasaṅgānandanirantaralobhike || 7||

जय जय जगदाह्लादकहृदये सङ्कीर्तनमिति भावके ।सुजनकण्ठभूषणमिदं वर्णितव्रजमोहनदासके ॥ ८॥

jaya jaya jagadāhlādakahṛdaye saṅkīrtanamiti bhāvake |sujanakaṇṭhabhūṣaṇamidaṃ varṇitavrajamohanadāsake || 8||

इति व्रजमोहनदासकृतं श्रीराधास्तोत्रं सम्पूर्णम् ।

iti vrajamohanadāsakṛtaṃ śrīrādhāstotraṃ sampūrṇam |