राधिकाष्टकम् Shri Radhikashtakam

रसवलितमृगाक्षी मौलिमाणिक्यलक्ष्मीःप्रमुदितमुरवैरिप्रेमवापीमराली ।व्रजवरवृषभानोः पुण्यगीर्वाणवल्लीस्नपयतु निजदास्ये राधिका मां कदा नु ॥ १॥

rasavalitamṛgākṣī maulimāṇikyalakṣmīḥpramuditamuravairipremavāpīmarālī |vrajavaravṛṣabhānoḥ puṇyagīrvāṇavallīsnapayatu nijadāsye rādhikā māṃ kadā nu || 1||

स्फुरदरुणदुकूलद्योतितोद्यन्नितम्बस्थलमभिवरकाञ्चीलास्यमुल्लासयन्ती ।कुचकलशविलासस्फीतमुक्तासरःश्रीःस्नपयतु निजदास्ये राधिका मां कदा नु ॥ २॥

sphuradaruṇadukūladyotitodyannitambasthalamabhivarakāñcīlāsyamullāsayantī |kucakalaśavilāsasphītamuktāsaraḥśrīḥsnapayatu nijadāsye rādhikā māṃ kadā nu || 2||

सरसिजवरगर्भाखर्वकान्तः समुद्यत्तरुणिमघनसाराश्लिष्टकैशोरसीधुः ।दरविकसितहास्यस्यन्दबिम्बाधराग्रास्नपयतु निजदास्ये राधिका मां कदा नु ॥ ३॥

sarasijavaragarbhākharvakāntaḥ samudyattaruṇimaghanasārāśliṣṭakaiśorasīdhuḥ |daravikasitahāsyasyandabimbādharāgrāsnapayatu nijadāsye rādhikā māṃ kadā nu || 3||

अतिचटुलतरं तं काननान्तर्मिलन्तंव्रजनृपतिकुमारं वीक्ष्य शङ्काकुलाक्षी ।मधुरमधुवचोभिः संस्तुता नेत्रभङ्गयास्नपयतु निजदास्ये राधिका मां कदा नु ॥ ४॥

aticaṭulataraṃ taṃ kānanāntarmilantaṃvrajanṛpatikumāraṃ vīkṣya śaṅkākulākṣī |madhuramadhuvacobhiḥ saṃstutā netrabhaṅgayāsnapayatu nijadāsye rādhikā māṃ kadā nu || 4||

व्रजकुलमहिलानां प्राणभूताऽखिलानांपशुपपतिगृहिण्याः कृष्णवत्प्रेमपात्रम् ।सुललितललितान्तः स्नेहफुल्लान्तरात्मास्नपयतु निजदास्ये राधिका मां कदा नु ॥ ५॥

vrajakulamahilānāṃ prāṇabhūtā'khilānāṃpaśupapatigṛhiṇyāḥ kṛṣṇavatpremapātram |sulalitalalitāntaḥ snehaphullāntarātmāsnapayatu nijadāsye rādhikā māṃ kadā nu || 5||

निरवधि सविशाखा शाखियूथप्रसूनैःस्रजमिह रजयन्ती वैजयन्तीं वनान्ते ।अघविजयवरोरः प्रेयसी श्रेयसी सास्नपयतु निजदास्ये राधिका मां कदा नु ॥ ६॥

niravadhi saviśākhā śākhiyūthaprasūnaiḥsrajamiha rajayantī vaijayantīṃ vanānte |aghavijayavaroraḥ preyasī śreyasī sāsnapayatu nijadāsye rādhikā māṃ kadā nu || 6||

प्रकटितस्वनिवासं स्निग्धवेणुप्रणादैःद्रुतगतिहरिमारात्प्राप्य कुञ्जे स्मिताक्षी ।श्रवणकुहरकण्डूं तन्वती नम्रवक्त्रास्नपयतु निजदास्ये राधिका मां कदा नु ॥ ७॥

prakaṭitasvanivāsaṃ snigdhaveṇupraṇādaiḥdrutagatiharimārātprāpya kuñje smitākṣī |śravaṇakuharakaṇḍūṃ tanvatī namravaktrāsnapayatu nijadāsye rādhikā māṃ kadā nu || 7||

अमलकमलराजिस्पर्शवातप्रशीतेनिजसरसि निदाघे सायमुल्लासिनीयम् ।परिजनगणयुक्ता क्रीडयन्ती बकारिंस्नपयतु निजदास्ये राधिका मां कदा नु ॥ ८॥

amalakamalarājisparśavātapraśītenijasarasi nidāghe sāyamullāsinīyam |parijanagaṇayuktā krīḍayantī bakāriṃsnapayatu nijadāsye rādhikā māṃ kadā nu || 8||

पठति विमलचेताः मिष्टराधाष्टकं यःपरिहृतनिखिलाशासन्ततिः कातरः सन् ।पशुपपतिकुमारः कम्रमामोदितस्तंनिजजनगणमध्ये राधिकायास्तनोति ॥ ९॥

paṭhati vimalacetāḥ miṣṭarādhāṣṭakaṃ yaḥparihṛtanikhilāśāsantatiḥ kātaraḥ san |paśupapatikumāraḥ kamramāmoditastaṃnijajanagaṇamadhye rādhikāyāstanoti || 9||

इति श्रीरघुनाथदासगोस्वामिविरचितस्तवावल्यां श्रीराधिकाष्टकं सम्पूर्णम् ।

iti śrīraghunāthadāsagosvāmiviracitastavāvalyāṃ śrīrādhikāṣṭakaṃ sampūrṇam |