राधातापिनीस्तुतिः Shri Radhatapinistutih

सहोवाच ।किं कीलकं किं बीज्ं को मन्त्रः ॥का निवाहनानि कत्यङ्गानि किं पुरश्चरणं कः समाधिः ॥किमनेन साध्यते ॥किं फलं किं बलं गुणो यथा मन्त्रस्तत्सर्वं ब्रूह्हीति ॥सहोवाच ।श्रीराधेति परमप्रकृतिः सैव लक्ष्मीः सरस्वती सैवलोककर्त्री लोकमाता देवजननी ॥गोलोकवासिनी गोलोकनियन्त्री वैकुण्ठाधिष्ठात्री रूपंदाहोवतीर्णा सुवर्णवर्णप्रध्वंसनमूर्तिः ॥सर्वाङ्गसुन्दरी ध्यानं द्विभुजा कमलनयना त्रैलोक्यमोहिनी ध्यायेदिति ॥अथर्वणोक्तध्यानं किं कीलकमिति ॥सहोवाच ॥ह्रां ह्रीं ह्रूं ह्रैं ह्रौं ह्रः ॥इति महाकीलकमिति किं बीजमिति ॥सहोवाच ॥ॐ श्रीराधिकायै हुं फट् ॥इति कीलकमेष वै परमो मन्त्रः ॥इति बीजमुच्यते ॥को मन्त्र इति सहोवाच ॥ॐ श्रीं ह्रीं क्लीं हुं फट् स्वाहेति मन्त्रः ॥एतस्य श्रीभगवान् कृष्णः परमात्मा देवतेति षडक्षरोयं मन्त्र इति ॥ओमिति बीजं फडिति शक्तिः श्रीमिति कीलकं ह्रीमित्यस्रंक्लीमिति कीलकमिति चतुर्वर्गसिद्धौ विनियोगः ॥

sahovāca |kiṃ kīlakaṃ kiṃ bījṃ ko mantraḥ ||kā nivāhanāni katyaṅgāni kiṃ puraścaraṇaṃ kaḥ samādhiḥ ||kimanena sādhyate ||kiṃ phalaṃ kiṃ balaṃ guṇo yathā mantrastatsarvaṃ brūhhīti ||sahovāca |śrīrādheti paramaprakṛtiḥ saiva lakṣmīḥ sarasvatī saivalokakartrī lokamātā devajananī ||golokavāsinī golokaniyantrī vaikuṇṭhādhiṣṭhātrī rūpaṃdāhovatīrṇā suvarṇavarṇapradhvaṃsanamūrtiḥ ||sarvāṅgasundarī dhyānaṃ dvibhujā kamalanayanā trailokyamohinī dhyāyediti ||atharvaṇoktadhyānaṃ kiṃ kīlakamiti ||sahovāca ||hrāṃ hrīṃ hrūṃ hraiṃ hrauṃ hraḥ ||iti mahākīlakamiti kiṃ bījamiti ||sahovāca ||oṃ śrīrādhikāyai huṃ phaṭ ||iti kīlakameṣa vai paramo mantraḥ ||iti bījamucyate ||ko mantra iti sahovāca ||oṃ śrīṃ hrīṃ klīṃ huṃ phaṭ svāheti mantraḥ ||etasya śrībhagavān kṛṣṇaḥ paramātmā devateti ṣaḍakṣaroyaṃ mantra iti ||omiti bījaṃ phaḍiti śaktiḥ śrīmiti kīlakaṃ hrīmityasraṃklīmiti kīlakamiti caturvargasiddhau viniyogaḥ ||

अथ ध्यानंशृणु सुवर्णकेतकीवर्णाभ्यां द्विभुजां कमलनयनांबिम्बोष्ठीं राधिकां कृष्णमनोहरवतीं त्रैलोक्यमोहिनीम् ॥श्रीमद् वृन्दावननिकेतनां ध्यायेदिति यो जपति शतमष्टोत्तरम् ॥सर्वलोकाञ्जयति सर्वजनान् वशीकरोति सर्वदेवाधिको भवति ॥वाञ्छति चेत् पुत्रपौत्रादिकमाप्नोति सस्वर्गलोकमश्नुते ब्रह्मलोके महीयतेदिक् पालत्वमाप्नोति गन्धर्वविद्यानिपुणो भवति सङ्गीतविद्याचतुरो भवतिसर्ववेदपारायणं लभते सर्वतीर्थफलमश्नुते ॥सर्वाँल्लोकाञ्जयति सर्वान् देवाञ्जयति लोकाधिपो भवति ॥सुतलादिलोकमनोहरो भवति ॥ अर्तीव प्रियतरो भगवद्विष्णोर्भवति ॥इयं श्रीराधातापिनी पठिता श्रुता गृहे लिखित्वा स्थापिता श्रीमतः ॥श्रीकृष्णस्य प्रेमभक्तिं कारयति श्रीकृष्णवल्लभो भवति ॥श्रद्धावान् पठनशील इति ॥सहोवाच ॥सर्वलोकासाधारण्यं प्राप्नोति ॥सर्ववेदपाठजनितपुण्यापुण्यतरो भवति ॥एवं यो वेदसपरमज्ञानी भवति ॥परमभागवतो भवति परमसन्तुष्टो भवति ॥परमाह्लादवान् भवति ॥ एतद् गुप्तं गोलोके ततो मनुष्यलोकमवतीर्णम् ॥इति ह वेदवेदविद्भवति इत्याथर्वणीयम् ॥

atha dhyānaṃśṛṇu suvarṇaketakīvarṇābhyāṃ dvibhujāṃ kamalanayanāṃbimboṣṭhīṃ rādhikāṃ kṛṣṇamanoharavatīṃ trailokyamohinīm ||śrīmad vṛndāvananiketanāṃ dhyāyediti yo japati śatamaṣṭottaram ||sarvalokāñjayati sarvajanān vaśīkaroti sarvadevādhiko bhavati ||vāñchati cet putrapautrādikamāpnoti sasvargalokamaśnute brahmaloke mahīyatedik pālatvamāpnoti gandharvavidyānipuṇo bhavati saṅgītavidyācaturo bhavatisarvavedapārāyaṇaṃ labhate sarvatīrthaphalamaśnute ||sarvām̐llokāñjayati sarvān devāñjayati lokādhipo bhavati ||sutalādilokamanoharo bhavati || artīva priyataro bhagavadviṣṇorbhavati ||iyaṃ śrīrādhātāpinī paṭhitā śrutā gṛhe likhitvā sthāpitā śrīmataḥ ||śrīkṛṣṇasya premabhaktiṃ kārayati śrīkṛṣṇavallabho bhavati ||śraddhāvān paṭhanaśīla iti ||sahovāca ||sarvalokāsādhāraṇyaṃ prāpnoti ||sarvavedapāṭhajanitapuṇyāpuṇyataro bhavati ||evaṃ yo vedasaparamajñānī bhavati ||paramabhāgavato bhavati paramasantuṣṭo bhavati ||paramāhlādavān bhavati || etad guptaṃ goloke tato manuṣyalokamavatīrṇam ||iti ha vedavedavidbhavati ityātharvaṇīyam ||

इति श्रीराधातापिनीसमाप्तिमगात् ॥

iti śrīrādhātāpinīsamāptimagāt ||