राधायाः परिहारस्तोत्रम् Shri Radhayah Pariharastotram

त्वं देवी जगतां माता विष्णुमाया सनातनी ।कृष्णप्राणाधिदेवि च कृष्णप्राणाधिका शुभा ॥ १॥कृष्णप्रेममयी शक्तिः कृष्णसौभाग्यरूपिणी ।कृष्णभक्तिप्रदे राधे नमस्ते मङ्गलप्रदे ॥ २॥अद्य मे सफलं जन्म जीवनं सार्थकं मम ।पूजितासि मया सा च या श्रीकृष्णेन् पूजिता ॥ ३॥कृष्णवक्षसि या राधा सर्वसौभाग्यसंयुता ।रासे रासेश्वरीरूपा वृन्दा वृन्दावने वने ॥ ४॥कृष्णप्रिया च गोलोके तुलसी कानने तुया ।चम्पावती कृष्णसंगे क्रीडा चम्पककानने ॥ ५॥चन्द्राक्ली चन्द्रवने शतश्रिङ्गे सतीति च ।विरजादर्पहन्त्रि च विरजातटकानने ॥ ६॥पद्मावती पद्मवने कृष्णा कृष्णसरोवरे ।भद्रा कुञ्जकुटीरे च काम्या च काम्यके वने ॥ ७॥वैकुण्ठे च महालक्ष्मीर्वाणी नारायणोरसि ।क्षीरोदे सिन्धुकन्या च मर्त्ये लक्ष्मीर्हरिप्रिया ॥ ८॥सर्वस्वर्गे स्वर्गलक्ष्मीर्देवदुःखविनाशिनी ।सनातनी विष्णुमाया दुर्गा शंकरवक्षसि ॥ ९॥सावित्री वे! दमाता च कलया ब्रह्मवक्षसि ।कलया धर्मपत्नी त्वं नरनारायणप्रसूः ॥ १०॥कलया तुलसी त्वं च गङ्गा भुवनपावनी ।लोमकूपोद्भवा गोप्यः कलांशा हरिप्रिया ॥ ११ ॥कलाकलांशरूपा च शतरूपा शचि दितिः।अदितिर्देव्माता च त्वत्कलांशा हरिप्रिया ॥ १२॥देव्यश्च मुनिपत्न्यश्च्ज त्वत्कलाकलया शुभे ।कृष्णभक्तिं कृष्णदास्यं देहि मे कृष्णपूजिते॥ १३॥एवं कृत्वा परीहारं स्तुत्वा च कवचं पठेत् ।पुरा कृतं स्तोत्रमेतद् भक्तिदास्यप्रदं शुभम् ॥ १४॥॥ इति श्री ब्रह्मवैवर्ते श्रीराधायाःपरिहारस्तोत्रं सम्पूर्णम् ॥

tvaṃ devī jagatāṃ mātā viṣṇumāyā sanātanī |kṛṣṇaprāṇādhidevi ca kṛṣṇaprāṇādhikā śubhā || 1||kṛṣṇapremamayī śaktiḥ kṛṣṇasaubhāgyarūpiṇī |kṛṣṇabhaktiprade rādhe namaste maṅgalaprade || 2||adya me saphalaṃ janma jīvanaṃ sārthakaṃ mama |pūjitāsi mayā sā ca yā śrīkṛṣṇen pūjitā || 3||kṛṣṇavakṣasi yā rādhā sarvasaubhāgyasaṃyutā |rāse rāseśvarīrūpā vṛndā vṛndāvane vane || 4||kṛṣṇapriyā ca goloke tulasī kānane tuyā |campāvatī kṛṣṇasaṃge krīḍā campakakānane || 5||candrāklī candravane śataśriṅge satīti ca |virajādarpahantri ca virajātaṭakānane || 6||padmāvatī padmavane kṛṣṇā kṛṣṇasarovare |bhadrā kuñjakuṭīre ca kāmyā ca kāmyake vane || 7||vaikuṇṭhe ca mahālakṣmīrvāṇī nārāyaṇorasi |kṣīrode sindhukanyā ca martye lakṣmīrharipriyā || 8||sarvasvarge svargalakṣmīrdevaduḥkhavināśinī |sanātanī viṣṇumāyā durgā śaṃkaravakṣasi || 9||sāvitrī ve! damātā ca kalayā brahmavakṣasi |kalayā dharmapatnī tvaṃ naranārāyaṇaprasūḥ || 10||kalayā tulasī tvaṃ ca gaṅgā bhuvanapāvanī |lomakūpodbhavā gopyaḥ kalāṃśā haripriyā || 11 ||kalākalāṃśarūpā ca śatarūpā śaci ditiḥ|aditirdevmātā ca tvatkalāṃśā haripriyā || 12||devyaśca munipatnyaścja tvatkalākalayā śubhe |kṛṣṇabhaktiṃ kṛṣṇadāsyaṃ dehi me kṛṣṇapūjite|| 13||evaṃ kṛtvā parīhāraṃ stutvā ca kavacaṃ paṭhet |purā kṛtaṃ stotrametad bhaktidāsyapradaṃ śubham || 14|||| iti śrī brahmavaivarte śrīrādhāyāḥparihārastotraṃ sampūrṇam ||