रङ्गनाथपञ्चकम् Shri Ranganatha Panchakam Stotram

कदाहं कावेरीतटपरिसरे रङ्गनगरेशयानं भोगीन्द्रे शतमखमणिश्श्यामलरुचिम् ।उपासीनः क्रोशन्मधुमथननारायण हरेमुरारे गोविन्देत्यनिशमनुनेष्यमि दिवसान् ॥ १॥

kadāhaṃ kāverītaṭaparisare raṅganagareśayānaṃ bhogīndre śatamakhamaṇiśśyāmalarucim |upāsīnaḥ krośanmadhumathananārāyaṇa haremurāre govindetyaniśamanuneṣyami divasān || 1||

कदाहं कावेरीविमलसलिले वीतकलुषोभवेयं तत्तीरे श्रममुषि वसेयं घनवने ।कदा वा तत्पुण्ये महति पुलिने मङ्गलगुणंभजेयं रङ्गेशं कमलनयनं शेषशयनम् ॥ २॥

kadāhaṃ kāverīvimalasalile vītakaluṣobhaveyaṃ tattīre śramamuṣi vaseyaṃ ghanavane |kadā vā tatpuṇye mahati puline maṅgalaguṇaṃbhajeyaṃ raṅgeśaṃ kamalanayanaṃ śeṣaśayanam || 2||

पूगीकण्ठद्वयससरसस्निग्धनीरोपकण्ठामाविर्मोदास्तिमितिशकुनानूदितब्रह्मघोषाम् ।मार्गे मार्गे पथिकनिवहैरुध्यमानापवर्गांपश्येयं तां पुनरपि पुरीं श्रीमतीं रङ्गधाम्नः ॥ ३॥

pūgīkaṇṭhadvayasasarasasnigdhanīropakaṇṭhāmāvirmodāstimitiśakunānūditabrahmaghoṣām |mārge mārge pathikanivahairudhyamānāpavargāṃpaśyeyaṃ tāṃ punarapi purīṃ śrīmatīṃ raṅgadhāmnaḥ || 3||

कस्तूरीकलितोर्द्ध्वपुण्ड्रतिलकं कर्णान्तलोलेक्षणंमुग्धस्मेरमनोहराधरदलं मुक्ताकिरीटोज्ज्वलम् ।पश्यन्मानस पश्यतोहरतरं पर्यायपङ्केरुहंश्रीरङ्गाधिपतेः कदानुवदनं सेवेय भूयोप्यहम् ॥ ४॥

kastūrīkalitorddhvapuṇḍratilakaṃ karṇāntalolekṣaṇaṃmugdhasmeramanoharādharadalaṃ muktākirīṭojjvalam |paśyanmānasa paśyatoharataraṃ paryāyapaṅkeruhaṃśrīraṅgādhipateḥ kadānuvadanaṃ seveya bhūyopyaham || 4||

न जातु पीतामृतमूर्च्छितानां नाकौकसां नन्दनवाटिकासु ।रङ्गेश्वर त्वत्पुरमाश्रितानां रथ्यासुनामन्यतमो भवेयम् ॥ ५॥

na jātu pītāmṛtamūrcchitānāṃ nākaukasāṃ nandanavāṭikāsu |raṅgeśvara tvatpuramāśritānāṃ rathyāsunāmanyatamo bhaveyam || 5||

इति श्रीरङ्गनाथपञ्चकं स्तोत्रं सम्पूर्णम् ॥श्रीराधाकृष्णार्पणमस्तु ॥

iti śrīraṅganāthapañcakaṃ stotraṃ sampūrṇam ||śrīrādhākṛṣṇārpaṇamastu ||