पाण्डुरङ्गसुप्रभातम् Shri Panduranga Suprabhatam

उत्तिष्ठ पाण्डुरङ्गेश उत्तिष्ठ रुक्मिणीप्रिय ।उत्तिष्ठोत्तिष्ठ सर्वेश त्रैलोक्यं मङ्गलं कुरु ॥ १॥

uttiṣṭha pāṇḍuraṅgeśa uttiṣṭha rukmiṇīpriya |uttiṣṭhottiṣṭha sarveśa trailokyaṃ maṅgalaṃ kuru || 1||

उत्तिष्ठोत्तिष्ठ गोविन्द नन्दानन्दविवर्धन ।उत्तिष्ठ पण्ढरीनाथ भक्तकार्यं समाचर ॥ २॥

uttiṣṭhottiṣṭha govinda nandānandavivardhana |uttiṣṭha paṇḍharīnātha bhaktakāryaṃ samācara || 2||

मातः पयोधितनये जगदादिभूतेब्रह्मादिदेवजननि श्रितदुःखहन्त्रि ।श्रीकृष्णनाथपदपङ्कजदास्यनिष्ठेश्रीपाण्डुरङ्गदयिते तव सुप्रभातम् ॥ ३॥

mātaḥ payodhitanaye jagadādibhūtebrahmādidevajanani śritaduḥkhahantri |śrīkṛṣṇanāthapadapaṅkajadāsyaniṣṭheśrīpāṇḍuraṅgadayite tava suprabhātam || 3||

सौन्दर्यमार्दवकृपादिगुणालये चमातः स्वभक्तजनकल्पलते प्रसन्ने ।श्रीरुक्मिणीतिविदिते हरिलग्नचित्तेश्रीपाण्डुरङ्गदयिते तव सुप्रभातम् ॥ ४॥

saundaryamārdavakṛpādiguṇālaye camātaḥ svabhaktajanakalpalate prasanne |śrīrukmiṇītividite harilagnacitteśrīpāṇḍuraṅgadayite tava suprabhātam || 4||

विघ्नेशसूर्यशिवशक्तिधनाधिपेशवागीशवायुविबुधेशमरुद्गणाद्याः ।त्वद्द्वारिबद्धकरसम्पुटतः पठन्तिश्रीपण्ढरीपुरपते तव सुप्रभातम् ॥ ५॥

vighneśasūryaśivaśaktidhanādhipeśavāgīśavāyuvibudheśamarudgaṇādyāḥ |tvaddvāribaddhakarasampuṭataḥ paṭhantiśrīpaṇḍharīpurapate tava suprabhātam || 5||

नारायणाङ्घ्रिसरसीरुहजासुनीलागोदावरीशरयुभीमसमुद्भवाङ्गाः ।नद्यः प्रसन्नसलिला जगदुः प्रभातेश्रीपण्ढरीपुरपते तव सुप्रभातम् ॥ ६॥

nārāyaṇāṅghrisarasīruhajāsunīlāgodāvarīśarayubhīmasamudbhavāṅgāḥ |nadyaḥ prasannasalilā jagaduḥ prabhāteśrīpaṇḍharīpurapate tava suprabhātam || 6||

प्रह्लादनारदशुकार्जनपुण्डरीकव्यासाम्बरीषबलिशौनक भीष्ममुख्याः ।त्वत्पादपद्ममकरन्दरसानुसक्ताःश्रीपण्ढरीपुरपते तव सुप्रभातम् ॥ ७॥

prahlādanāradaśukārjanapuṇḍarīkavyāsāmbarīṣabaliśaunaka bhīṣmamukhyāḥ |tvatpādapadmamakarandarasānusaktāḥśrīpaṇḍharīpurapate tava suprabhātam || 7||

कूजन्ति कोकिलमिषेण मुदात्र सिद्धाःनृत्यच्छिखण्डिमिषतो मुदमावहन्ति ।गुञ्जारवेण मधुपाः पदपङ्कजरक्ताःश्रीपण्ढरीपुरपते तव सुप्रभातम् ॥ ८॥

kūjanti kokilamiṣeṇa mudātra siddhāḥnṛtyacchikhaṇḍimiṣato mudamāvahanti |guñjāraveṇa madhupāḥ padapaṅkajaraktāḥśrīpaṇḍharīpurapate tava suprabhātam || 8||

त्वद्याम्यपार्श्वगतगोपिगणाङ्गनस्थागाढानुरागभरतो बत मुक्तकेशी ।सद्मस्थिताश्च मृदु केलिशुकाः पठन्तिश्रीपण्ढरीपुरपते तव सुप्रभातम् ॥ ९॥

tvadyāmyapārśvagatagopigaṇāṅganasthāgāḍhānurāgabharato bata muktakeśī |sadmasthitāśca mṛdu keliśukāḥ paṭhantiśrīpaṇḍharīpurapate tava suprabhātam || 9||

त्वत्सङ्गिसङ्गिजनसङ्गमनीषया चत्वत्पादधूलिकणमज्जनलब्धुकामाः ।देवास्त्वदत्रनगरे तृणलोष्टदेहाःश्रीपण्ढरीपुरपते तव सुप्रभातम् ॥ १०॥

tvatsaṅgisaṅgijanasaṅgamanīṣayā catvatpādadhūlikaṇamajjanalabdhukāmāḥ |devāstvadatranagare tṛṇaloṣṭadehāḥśrīpaṇḍharīpurapate tava suprabhātam || 10||

वाय्व्ग्निशक्रविधिशङ्करसोममुख्यादेवाः ससिद्धऋषिकिन्नरबन्दिमुख्यैः ।त्वत्क्षेत्रवाससमुपासनलालसा वैश्रीपण्ढरीपुरपते तव सुप्रभातम् ॥ ११॥

vāyvgniśakravidhiśaṅkarasomamukhyādevāḥ sasiddhaṛṣikinnarabandimukhyaiḥ |tvatkṣetravāsasamupāsanalālasā vaiśrīpaṇḍharīpurapate tava suprabhātam || 11||

सौवर्णपद्मकरवीरसुपारिजाताःखर्जूरचूतबदरीसुकपित्थवृक्षाः ।त्वां स्वीयपुष्पफलसम्भृतो उअजन्तिश्रीपण्ढरीपुरपते तव सुप्रभातम् ॥ १२॥

sauvarṇapadmakaravīrasupārijātāḥkharjūracūtabadarīsukapitthavṛkṣāḥ |tvāṃ svīyapuṣpaphalasambhṛto uajantiśrīpaṇḍharīpurapate tava suprabhātam || 12||

यस्याङ्घ्रिकञ्जयुगसम्भवसीधुपानपुष्टान् विलोक्य सुजनान् विबुधा लषन्ति ।मर्त्येजनुर्निरतिशायिसुखाप्तिहेतुश्रीपण्ढरीपुरपते तव सुप्रभातम् ॥ १३॥

yasyāṅghrikañjayugasambhavasīdhupānapuṣṭān vilokya sujanān vibudhā laṣanti |martyejanurniratiśāyisukhāptihetuśrīpaṇḍharīpurapate tava suprabhātam || 13||

पित्रोश्च सेवनरतं निजभक्तवर्यंश्रीपुण्डरीकमनघं शुभकृत्तमं तम् ।पुष्ट्वा वरैर्वससि देव सदास्य भूमौश्रीपण्ढरीपुरपते तव सुप्रभातम् ॥ १४॥

pitrośca sevanarataṃ nijabhaktavaryaṃśrīpuṇḍarīkamanaghaṃ śubhakṛttamaṃ tam |puṣṭvā varairvasasi deva sadāsya bhūmauśrīpaṇḍharīpurapate tava suprabhātam || 14||

माण्डवकण्वऋभुशङ्खमृकण्डसूनुव्यासात्रिकश्यपवसिष्ठपराशराद्याः ।क्षेत्रप्रदक्षिणकराः प्रवदन्त्य्युषायांश्रीपण्ढरीपुरपते तव सुप्रभातम् ॥ १५॥

māṇḍavakaṇvaṛbhuśaṅkhamṛkaṇḍasūnuvyāsātrikaśyapavasiṣṭhaparāśarādyāḥ |kṣetrapradakṣiṇakarāḥ pravadantyyuṣāyāṃśrīpaṇḍharīpurapate tava suprabhātam || 15||

त्वन्मन्दिरस्थशिखराग्रनिरीक्षणेनतत्प्राप्तवारिनिकरेषु सुमज्जनेन ।प्राप्ताः कृतार्थपदवीं स्तवमुज्जगन्तिश्रीपण्ढरीपुरपते तव सुप्रभातम् ॥ १६॥

tvanmandirasthaśikharāgranirīkṣaṇenatatprāptavārinikareṣu sumajjanena |prāptāḥ kṛtārthapadavīṃ stavamujjagantiśrīpaṇḍharīpurapate tava suprabhātam || 16||

पद्मं च कुण्डलमथापि च चन्द्रभागातीर्थानि पापहरणानि सुपुण्यदानि ।त्वत्क्षेत्रभूमिमधिगम्य रटन्ति कल्येश्रीपण्ढरीपुरपते तव सुप्रभातम् ॥ १७॥

padmaṃ ca kuṇḍalamathāpi ca candrabhāgātīrthāni pāpaharaṇāni supuṇyadāni |tvatkṣetrabhūmimadhigamya raṭanti kalyeśrīpaṇḍharīpurapate tava suprabhātam || 17||

श्रीनारदः सरसिसम्भवजातजायादुर्गा च विश्वजननी भुवनेश्वरी च ।त्वद्द्वारदेशमधिकृत्य पठन्त्युषस्सुश्रीपण्ढरीपुरपते तव सुप्रभातम् ॥ १८॥

śrīnāradaḥ sarasisambhavajātajāyādurgā ca viśvajananī bhuvaneśvarī ca |tvaddvāradeśamadhikṛtya paṭhantyuṣassuśrīpaṇḍharīpurapate tava suprabhātam || 18||

श्रीपाण्डुरङ्ग हरवन्द्य त्रिदष्ट्रघातिन्श्रीपुण्डरीकमुनिवर्यवरप्रदायिन् ।श्रीरुक्मिणीश बलदेवसुपूजिताङ्घ्रेश्रीपण्ढरीपुरपते तव सुप्रभातम् ॥ १९॥

śrīpāṇḍuraṅga haravandya tridaṣṭraghātinśrīpuṇḍarīkamunivaryavarapradāyin |śrīrukmiṇīśa baladevasupūjitāṅghreśrīpaṇḍharīpurapate tava suprabhātam || 19||

मन्दातिमन्दमतिपापरताल्पचित्तसंसारसागरसमुद्धरणावतीर्ण ।मायापते यदुपते जगदेकबन्धोश्रीपण्ढरीपुरपते तव सुप्रभातम् ॥ २०॥

mandātimandamatipāparatālpacittasaṃsārasāgarasamuddharaṇāvatīrṇa |māyāpate yadupate jagadekabandhośrīpaṇḍharīpurapate tava suprabhātam || 20||

श्रीपाण्डुरङ्ग निख्लेश धनुर्धरोऽसिक्षेत्रं धनुः शरवरस्तव चन्द्रभागा ।लक्ष्यं समस्तशमलं निजबोधनाश्यंश्रीपण्ढरीपुरपते तव सुप्रभातम् ॥ २१॥

śrīpāṇḍuraṅga nikhleśa dhanurdharo'sikṣetraṃ dhanuḥ śaravarastava candrabhāgā |lakṣyaṃ samastaśamalaṃ nijabodhanāśyaṃśrīpaṇḍharīpurapate tava suprabhātam || 21||

उत्कर्षिनी च विमला च क्रियाऽथ ज्ञानायोगा तथा वितथताऽनुग्रहेशना च ।प्रह्वीतिशक्तिनवकं गिरति स्तवं तेश्रीपण्ढरीपुरपते तव सुप्रभातम् ॥ २२॥

utkarṣinī ca vimalā ca kriyā'tha jñānāyogā tathā vitathatā'nugraheśanā ca |prahvītiśaktinavakaṃ girati stavaṃ teśrīpaṇḍharīpurapate tava suprabhātam || 22||

श्रीपुण्डरीकमुनिदत्तमृदासने तेपादारविन्दयुगलं सममेव नाथ ।नासाग्रदृष्टिकटिहस्ततया स्थितोऽसिश्रीपण्ढरीपुरपते तव सुप्रभातम् ॥ २३॥

śrīpuṇḍarīkamunidattamṛdāsane tepādāravindayugalaṃ samameva nātha |nāsāgradṛṣṭikaṭihastatayā sthito'siśrīpaṇḍharīpurapate tava suprabhātam || 23||

श्रीवत्ससन्मकरकुण्डलकौस्तुभाश्चपीताम्बरं तुलसिदाम दरोथ पद्मम् ।एतानि भूषवराणि तवाश्रितानिश्रीपण्ढरीपुरपते तव सुप्रभातम् ॥ २४॥

śrīvatsasanmakarakuṇḍalakaustubhāścapītāmbaraṃ tulasidāma darotha padmam |etāni bhūṣavarāṇi tavāśritāniśrīpaṇḍharīpurapate tava suprabhātam || 24||

आषाढकार्तिकसिते तव देव यात्राचैकादशीव्रतमलं हरिनामद्घोषः ।एतैः प्रसीदसि सदा भगवन् स्वभक्तान्श्रीपण्ढरीपुरपते तव सुप्रभातम् ॥ २५॥

āṣāḍhakārtikasite tava deva yātrācaikādaśīvratamalaṃ harināmadghoṣaḥ |etaiḥ prasīdasi sadā bhagavan svabhaktānśrīpaṇḍharīpurapate tava suprabhātam || 25||

निर्माणरक्षण्विनाशकरोस्यथापिकर्तृत्वभावरहितोऽसिसदाव्ययोऽसि ।श्रीरामकृष्णनरसिंहकृतावतारश्रीपण्ढरीपुरपते तव सुप्रभातम् ॥ २६॥

nirmāṇarakṣaṇvināśakarosyathāpikartṛtvabhāvarahito'sisadāvyayo'si |śrīrāmakṛṣṇanarasiṃhakṛtāvatāraśrīpaṇḍharīpurapate tava suprabhātam || 26||

श्रीपौण्डरीकनगरं किल चन्द्रभागाश्रीविष्णुपादसुषमा पुलिनं च नद्याः ।एतत्त्वदीयवसतेः शुभनामशेयंश्रीपण्ढरीपुरपते तव सुप्रभातम् ॥ २७॥

śrīpauṇḍarīkanagaraṃ kila candrabhāgāśrīviṣṇupādasuṣamā pulinaṃ ca nadyāḥ |etattvadīyavasateḥ śubhanāmaśeyaṃśrīpaṇḍharīpurapate tava suprabhātam || 27||

ज्ञानेश्नाथजगमित्रतुकानिळोबानामाजनीसखुमीरादिसमस्तसन्तः ।श्रीविठ्ठलेश तव पादयुगं प्रपन्नाःश्रीपण्ढरीपुरपते तव सुप्रभातम् ॥ २८॥

jñāneśnāthajagamitratukāniḷobānāmājanīsakhumīrādisamastasantaḥ |śrīviṭhṭhaleśa tava pādayugaṃ prapannāḥśrīpaṇḍharīpurapate tava suprabhātam || 28||

अस्मत्कुलाग्रजननास्तव भक्तवर्यागुण्डाख्यसद्गुरुवराश्च तदीय वंश्याः ।सर्वे प्रभातसमये प्रपठन्ति नित्यंश्रीपण्ढरीपुरपते तव सुप्रभातम् ॥ २९॥

asmatkulāgrajananāstava bhaktavaryāguṇḍākhyasadguruvarāśca tadīya vaṃśyāḥ |sarve prabhātasamaye prapaṭhanti nityaṃśrīpaṇḍharīpurapate tava suprabhātam || 29||

श्रीपण्ढरीपुरपतेरिह सुप्रभातंये श्रद्धयाप्रतिदिनं मनुजाः पठन्ति ।ते पाण्डुरङ्गकृपया हरिपादपद्मभक्तिं समाप्य निजबोधयुता भवन्तु ॥ ३०॥

śrīpaṇḍharīpurapateriha suprabhātaṃye śraddhayāpratidinaṃ manujāḥ paṭhanti |te pāṇḍuraṅgakṛpayā haripādapadmabhaktiṃ samāpya nijabodhayutā bhavantu || 30||

तव विठ्ठल दसोऽहं चन्द्रशेखरनामभाक् ।सुप्रबातस्तवं भक्त्या त्वत्कृपार्थं समर्पये ॥ ३१॥

tava viṭhṭhala daso'haṃ candraśekharanāmabhāk |suprabātastavaṃ bhaktyā tvatkṛpārthaṃ samarpaye || 31||

श्री चन्द्रशेखरमहाराज देगलूरकरविरचितंश्रीपाण्डुरङ्गसुप्रभातं सम्पूर्णम् ॥पुण्डलीकवरदा हरि विठ्ठल ।श्रीज्ञानदेवतुकाराम ।सद्गुरु गुण्डमाहाराज की जय ।सद्गुरु हरिमाहाराज की जय ।

śrī candraśekharamahārāja degalūrakaraviracitaṃśrīpāṇḍuraṅgasuprabhātaṃ sampūrṇam ||puṇḍalīkavaradā hari viṭhṭhala |śrījñānadevatukārāma |sadguru guṇḍamāhārāja kī jaya |sadguru harimāhārāja kī jaya |