पद्मनाभस्तोत्रम् Shri Padmanabhastotram

(श्रीमदनन्तपद्मनाभक्षेत्रे)पद्मनाभ करुणामृतराशे सद्महेतुलवशून्यकृपायाः ।छद्महारितमहाबलिसम्पद्विद्म एव तव वीर्यमनन्तम् ॥ १॥

(śrīmadanantapadmanābhakṣetre)padmanābha karuṇāmṛtarāśe sadmahetulavaśūnyakṛpāyāḥ |chadmahāritamahābalisampadvidma eva tava vīryamanantam || 1||

नाभ्याः सरस्त्वेन हि वर्णनं तु सत्यं तदा स्यात्किल पद्मनाभ ।यदा त्वदीयं विषयीकरोति नाभिं न चेद्याति कथं प्रमात्वम् ॥ २॥

nābhyāḥ sarastvena hi varṇanaṃ tu satyaṃ tadā syātkila padmanābha |yadā tvadīyaṃ viṣayīkaroti nābhiṃ na cedyāti kathaṃ pramātvam || 2||

नाभीपद्मे पुत्रं वक्षसि कान्तां च सन्दधत्तान्तः ।स्वपिषि सदा किं विष्णो नम्रायास्मै द्रुतं ब्रूहि ॥ ३॥

nābhīpadme putraṃ vakṣasi kāntāṃ ca sandadhattāntaḥ |svapiṣi sadā kiṃ viṣṇo namrāyāsmai drutaṃ brūhi || 3||

पापाब्धौ बडवानलस्य हि शिखा जाड्यान्धकारे रविःभाग्याब्धौ शरदिन्दुपङ्क्तिरमला त्वन्नामसङ्कीर्तनम् ।भक्तानां परिपोषणे च जननी स्वात्मावबोधे पिताकस्तस्माद्विमुखो भवेद्भुवि नरो नो चेन्महापापभाक् ॥क्षीराम्भोनिधिराजमानफणिराण्मध्ये शयाना सदालक्ष्मीपाणिपयोजमर्दितपदा कारुण्यवारान्निधिः ।कुर्वाणा मधुना च कैटभयुजा युद्धं च दोर्भ्यां मुहुर्मुद्रा काचन मुक्तिदानकुशला निद्राति जागर्ति वा ॥पद्मनाभ तव पादसरोजासक्तचित्तमवनीपतिमेनम् ।पाहि साश्रितसबन्धुसविद्वल्लोकमादरभरेण सराष्ट्रम् ॥ ६॥

pāpābdhau baḍavānalasya hi śikhā jāḍyāndhakāre raviḥbhāgyābdhau śaradindupaṅktiramalā tvannāmasaṅkīrtanam |bhaktānāṃ paripoṣaṇe ca jananī svātmāvabodhe pitākastasmādvimukho bhavedbhuvi naro no cenmahāpāpabhāk ||kṣīrāmbhonidhirājamānaphaṇirāṇmadhye śayānā sadālakṣmīpāṇipayojamarditapadā kāruṇyavārānnidhiḥ |kurvāṇā madhunā ca kaiṭabhayujā yuddhaṃ ca dorbhyāṃ muhurmudrā kācana muktidānakuśalā nidrāti jāgarti vā ||padmanābha tava pādasarojāsaktacittamavanīpatimenam |pāhi sāśritasabandhusavidvallokamādarabhareṇa sarāṣṭram || 6||

सामोदं प्रदिशन्तु वञ्चिकुलभूमूलर्क्षराजाय वाग्देवीचन्द्रकलाधरेभवदनाः कारुण्यवाराशयः ।दीर्घायुर्दृढगात्रतामलयशांस्याचन्द्रतिग्मांशुभंधर्माध्वन्यधिकां प्रवृत्तिमचलामच्छिन्नसत्सन्ततिम् ॥ ७॥

sāmodaṃ pradiśantu vañcikulabhūmūlarkṣarājāya vāgdevīcandrakalādharebhavadanāḥ kāruṇyavārāśayaḥ |dīrghāyurdṛḍhagātratāmalayaśāṃsyācandratigmāṃśubhaṃdharmādhvanyadhikāṃ pravṛttimacalāmacchinnasatsantatim || 7||

पायासुर्जगदम्बकेन्दुविलसच्छीर्षेभवक्त्राः सदाराज्ञ्यौ केरलदेशभाग्यलतिके कारुण्ययुग्भिर्मुदा ।दृग्भिः पादविनम्रसौख्यविततेः सम्पादिकाभिर्जवाद्दत्त्वा सन्ततिमाशु सद्गुणयुतामारोग्यदीर्घायुषी ॥ ८॥

pāyāsurjagadambakenduvilasacchīrṣebhavaktrāḥ sadārājñyau keraladeśabhāgyalatike kāruṇyayugbhirmudā |dṛgbhiḥ pādavinamrasaukhyavitateḥ sampādikābhirjavāddattvā santatimāśu sadguṇayutāmārogyadīrghāyuṣī || 8||

मोचितः किं गजाधीश पद्मनाभेन सत्वरम् ।दृढभावनया तस्य पद्मनाभोऽभवद्गजेट् ॥ ९॥

mocitaḥ kiṃ gajādhīśa padmanābhena satvaram |dṛḍhabhāvanayā tasya padmanābho'bhavadgajeṭ || 9||

श्रीभूमिपाणिसरसीरुहसेविताङ्घ्रेश्रीवत्सकौस्तुभधर प्रणतार्तिहारिन् ।श्रीकण्ठमित्र दिननाथसुधांशुनेत्रश्रीपद्मनाभ मम देहि पदावलम्बम् ॥ १०॥

śrībhūmipāṇisarasīruhasevitāṅghreśrīvatsakaustubhadhara praṇatārtihārin |śrīkaṇṭhamitra dinanāthasudhāṃśunetraśrīpadmanābha mama dehi padāvalambam || 10||

नागेन्द्रभोगशयन प्रणतालिवाञ्छासम्पूरणामरतरो विधियोनिनाभे ।नाकाधिपादिपरिपूजितपादपद्मश्रीपद्मनाभ मम देहि करावलम्बम् ॥ ११॥

nāgendrabhogaśayana praṇatālivāñchāsampūraṇāmarataro vidhiyoninābhe |nākādhipādiparipūjitapādapadmaśrīpadmanābha mama dehi karāvalambam || 11||

कमलाकरपद्मपूजितं करुणादुग्धपयोधिमध्यगम् ।भुजगाधिपभोगशायिनं कलये कञ्चन देवसत्तमम् ॥ १२॥

kamalākarapadmapūjitaṃ karuṇādugdhapayodhimadhyagam |bhujagādhipabhogaśāyinaṃ kalaye kañcana devasattamam || 12||

इति श्रीशृङ्गेरी जगद्गुरु श्रीसदाशिवाभिनवनृसिंहभारतीश्रीपादैः विरचितं श्रीपद्मनाभस्तोत्रं सम्पूर्णम् ।

iti śrīśṛṅgerī jagadguru śrīsadāśivābhinavanṛsiṃhabhāratīśrīpādaiḥ viracitaṃ śrīpadmanābhastotraṃ sampūrṇam |