पञ्चायुधस्तुतिः Panchayudhastutih

श्रीःअथ पञ्चायुधस्तुतिः ।प्रथिमहितं प्रोद्यद्धनमित्रद्योतं महायुधं हृदये ।सारसनाभं कलये सुदर्शनं साधुचक्रराजन्तम् ॥ १॥

śrīḥatha pañcāyudhastutiḥ |prathimahitaṃ prodyaddhanamitradyotaṃ mahāyudhaṃ hṛdaye |sārasanābhaṃ kalaye sudarśanaṃ sādhucakrarājantam || 1||

हरिमुखमरुदभिसंस्तवभवनिनदध्वस्तदनुतनुजदर्पः ।पञ्चजनाधारोऽव्याद्भगवाव्राजन्महादरः कोऽपि ॥ २॥

harimukhamarudabhisaṃstavabhavaninadadhvastadanutanujadarpaḥ |pañcajanādhāro'vyādbhagavāvrājanmahādaraḥ ko'pi || 2||

रुचिराङ्गदाभुजङ्गमपुङ्गवगिरिपतिकरग्रहोल्लसिताम् ।विधुतालसदनुजातां साधुश्रियमाश्रये शरणम् ॥ ३॥

rucirāṅgadābhujaṅgamapuṅgavagiripatikaragrahollasitām |vidhutālasadanujātāṃ sādhuśriyamāśraye śaraṇam || 3||

सन्नन्दकमसितोज्ज्वलमोजःश्रीमत्सरूपधेयाङ्गम् ।ध्यायामो बलिदैत्यध्वंसनदक्षिणमहाशयाकलितम् ॥ ४॥

sannandakamasitojjvalamojaḥśrīmatsarūpadheyāṅgam |dhyāyāmo balidaityadhvaṃsanadakṣiṇamahāśayākalitam || 4||

समुपनतेषु प्रवणं विधूनितज्यानिघृष्टपरकोटि ।वस्तुमहाशार्ङ्गं चिरमस्तु मम श्रेयसे किमपि ॥ ५॥

samupanateṣu pravaṇaṃ vidhūnitajyānighṛṣṭaparakoṭi |vastumahāśārṅgaṃ ciramastu mama śreyase kimapi || 5||

अनुदिनकृतिरचनकृती श्रीकृष्णब्रह्मतन्त्रपरकालः ।इष्टार्थदां यतिरिमां श्लिष्टां पञ्चायुधीयनुतिमतनोत् ॥ ६॥

anudinakṛtiracanakṛtī śrīkṛṣṇabrahmatantraparakālaḥ |iṣṭārthadāṃ yatirimāṃ śliṣṭāṃ pañcāyudhīyanutimatanot || 6||

इति श्रीकृष्ण ब्रह्मतन्त्र परकाल महादेशिकानां कृतिषुपञ्चायुधीयस्तुतिस्सम्पूर्णा ॥

iti śrīkṛṣṇa brahmatantra parakāla mahādeśikānāṃ kṛtiṣupañcāyudhīyastutissampūrṇā ||