पञ्चपञ्चाशन्नामस्थलस्तोत्रम् Panchapanchashannamasthala Stotram

भगवानुवाचसर्वगः सर्वभूतोऽहं न हि किञ्चिन्मया विना ।चराचरे जगत्यस्मिन्विद्यते कुरुसत्तम ॥ ९॥

bhagavānuvācasarvagaḥ sarvabhūto'haṃ na hi kiñcinmayā vinā |carācare jagatyasminvidyate kurusattama || 9||

तथापि येषु स्थानेषु चिन्तनीयोऽहमर्जुन ।स्तोतव्यो नामभिर्यैस्तु श्रूयतां तद्वदामि ते ॥ १०॥

tathāpi yeṣu sthāneṣu cintanīyo'hamarjuna |stotavyo nāmabhiryaistu śrūyatāṃ tadvadāmi te || 10||

पुष्करे पुण्डरीकाक्षं गयायां च गदाधरम् ।लोहदण्डे तथा विष्णुं स्तुवंस्तरति दुष्कृतम् ॥ ११॥

puṣkare puṇḍarīkākṣaṃ gayāyāṃ ca gadādharam |lohadaṇḍe tathā viṣṇuṃ stuvaṃstarati duṣkṛtam || 11||

कामाख्ये कुमारं नेपाले लोकभावनंराघवं चित्रकूटे तु प्रभासे दैत्यसूदनम् ।वृन्दावने च गोविन्दं मा स्तुवन्पुण्यभाग्भवेत् ॥ १२॥

kāmākhye kumāraṃ nepāle lokabhāvanaṃrāghavaṃ citrakūṭe tu prabhāse daityasūdanam |vṛndāvane ca govindaṃ mā stuvanpuṇyabhāgbhavet || 12||

मन्दोदपाने वैकुण्ठं माहन्त्रे चाच्युतं विभुंजयं जयन्त्यां तद्वच्च जयन्तं हस्तिनापुरे ।वाराहं कर्दमाले तु काश्मीरे चक्रपाणिनम् ॥ १३॥

mandodapāne vaikuṇṭhaṃ māhantre cācyutaṃ vibhuṃjayaṃ jayantyāṃ tadvacca jayantaṃ hastināpure |vārāhaṃ kardamāle tu kāśmīre cakrapāṇinam || 13||

जनार्दनं च कुब्जाम्रे मथुरायां च केशवम् ।कुब्जके श्रीधरं तद्वद्गङ्गाद्वारे सुरोत्तमम् ॥ १४॥

janārdanaṃ ca kubjāmre mathurāyāṃ ca keśavam |kubjake śrīdharaṃ tadvadgaṅgādvāre surottamam || 14||

शालग्रामे महायोगिं हरिं गोवर्धनाचले ।पिण्डारके चतुर्बाहुं शङ्खोद्धारे च शङ्खिनम् ॥ १५॥

śālagrāme mahāyogiṃ hariṃ govardhanācale |piṇḍārake caturbāhuṃ śaṅkhoddhāre ca śaṅkhinam || 15||

वामनं च कुरुक्षेत्रे यमुनायां त्रिविक्रमंवनमालं च किष्किन्धायां देवं रैवतके द्विजकाशीजले महायोगं देवं चामिततेजसंवैशाखयूपे अजितं विरजायां विप्रप्रियम् ।विश्वेश्वरं तथा शोणे कपिलं पूर्वसागरे ॥ १६॥

vāmanaṃ ca kurukṣetre yamunāyāṃ trivikramaṃvanamālaṃ ca kiṣkindhāyāṃ devaṃ raivatake dvijakāśījale mahāyogaṃ devaṃ cāmitatejasaṃvaiśākhayūpe ajitaṃ virajāyāṃ viprapriyam |viśveśvaraṃ tathā śoṇe kapilaṃ pūrvasāgare || 16||

श्वेतद्वीपपतिं चापि गङ्गासागरसङ्गमे ।भूधरं देविकानद्यां प्रयागे चैव माधवम् ॥ १७॥

śvetadvīpapatiṃ cāpi gaṅgāsāgarasaṅgame |bhūdharaṃ devikānadyāṃ prayāge caiva mādhavam || 17||

नरनारायणाख्यं च तथा बदरिकाश्रमे ।समुद्रे दक्षिणे स्तव्यं पद्मनाभेति फाल्गुन ॥ १८॥

naranārāyaṇākhyaṃ ca tathā badarikāśrame |samudre dakṣiṇe stavyaṃ padmanābheti phālguna || 18||

द्वारकायां तथा कृष्णं स्तुवंस्तरति दुर्गतिम् ।रामं नाम महेन्द्राद्रौ हृषीकेशं तथार्बुदे ॥ १९॥

dvārakāyāṃ tathā kṛṣṇaṃ stuvaṃstarati durgatim |rāmaṃ nāma mahendrādrau hṛṣīkeśaṃ tathārbude || 19||

अश्वतीर्थे हयग्रीवं विश्वरूपं हिमाचले ।नृसिंहं कृतशौचे च विपाशायां द्विजप्रियम् ॥ २०॥

aśvatīrthe hayagrīvaṃ viśvarūpaṃ himācale |nṛsiṃhaṃ kṛtaśauce ca vipāśāyāṃ dvijapriyam || 20||

नैमिषे यज्ञपुरुषं जम्बूमार्गे तथाच्युतम् ।अनन्तं सैन्धवारण्ये दण्डके शार्ङ्गधारिणम् ॥ २१॥

naimiṣe yajñapuruṣaṃ jambūmārge tathācyutam |anantaṃ saindhavāraṇye daṇḍake śārṅgadhāriṇam || 21||

उत्पलावर्तके शौरिं नर्मदायां श्रियःपतिम् ।दामोदरं रैवतके नन्दायां जलशायिनम् ॥ २२॥

utpalāvartake śauriṃ narmadāyāṃ śriyaḥpatim |dāmodaraṃ raivatake nandāyāṃ jalaśāyinam || 22||

सर्वयोगेश्वरं चैव सिन्धुसागरसङ्गमे ।सह्याद्रौ देवदेवेशं वैकुण्ठं मागधे वने ॥ २३॥

sarvayogeśvaraṃ caiva sindhusāgarasaṅgame |sahyādrau devadeveśaṃ vaikuṇṭhaṃ māgadhe vane || 23||

सर्वपापहरं विन्ध्ये उड्रेषु पुरुषोत्तमम् ।हृदये चापि कौन्तेय परमात्मानमात्मनः ॥ २४॥

sarvapāpaharaṃ vindhye uḍreṣu puruṣottamam |hṛdaye cāpi kaunteya paramātmānamātmanaḥ || 24||

वटे वटे वैश्रवणं चत्वरे चत्वरे शिवम् ।पर्वते पर्वते रामं सर्वत्र मधुसूदनम् ॥ २५॥

vaṭe vaṭe vaiśravaṇaṃ catvare catvare śivam |parvate parvate rāmaṃ sarvatra madhusūdanam || 25||

नरं भूमौ तथा व्योम्नि कौन्तेय गरुडध्वजम् ।वासुदेवं च सर्वत्र संस्मरञ्ज्योतिषां पतिम् ॥ २६॥

naraṃ bhūmau tathā vyomni kaunteya garuḍadhvajam |vāsudevaṃ ca sarvatra saṃsmarañjyotiṣāṃ patim || 26||

अर्चयन्प्रणमंस्तु त्वं संस्मरंश्च धनञ्जय ।एतेष्वेतानि नामानि नरः पापैः प्रमुच्यते ॥ २७॥

arcayanpraṇamaṃstu tvaṃ saṃsmaraṃśca dhanañjaya |eteṣvetāni nāmāni naraḥ pāpaiḥ pramucyate || 27||

स्थानेष्वेतेषु मन्नाम्नामेतेषां प्रीणनं नरः ।द्विजानां प्रीणनं कृत्वा स्वर्गलोकेऽभिजायते ॥ २८॥

sthāneṣveteṣu mannāmnāmeteṣāṃ prīṇanaṃ naraḥ |dvijānāṃ prīṇanaṃ kṛtvā svargaloke'bhijāyate || 28||

इति विष्णुधर्मेषु षट्त्रिंशोऽध्यायान्तर्गतं श्रीकृष्णप्रोक्तंपञ्चपञ्चाशन्नामस्थलस्तोत्रं सम्पूर्णम् ।

iti viṣṇudharmeṣu ṣaṭtriṃśo'dhyāyāntargataṃ śrīkṛṣṇaproktaṃpañcapañcāśannāmasthalastotraṃ sampūrṇam |