वेङ्कटेशकवचस्तोत्रम् Shrivenkateshakavachastotram

आग्नेयपुराणेअस्य श्रीवेङ्कटेशकवचस्तोत्रमहामन्त्रस्य ब्रह्मा ऋषिःगायत्री छन्दः श्रीवेङ्कटेश्वरो देवता ।ॐ बीजं ह्रीं शक्तिः क्लीं कीलकम् । इष्टार्थे विनियोगः ।ध्यानम्ध्यायेद्वेङ्कटनायकं करयुगे शङ्खं च चक्रं मुदा [गदा]चान्ये [चाद्य] पाणियुगे वरं कटितटे विभ्राणमर्कच्छविम् ।देवं देवशिखामणिं श्रियमथो वक्षोदधानं हरिंभूषाजालमनेकरत्नखचितं दिव्यं किरीटाङ्गदम् ॥ १॥

āgneyapurāṇeasya śrīveṅkaṭeśakavacastotramahāmantrasya brahmā ṛṣiḥgāyatrī chandaḥ śrīveṅkaṭeśvaro devatā |oṃ bījaṃ hrīṃ śaktiḥ klīṃ kīlakam | iṣṭārthe viniyogaḥ |dhyānamdhyāyedveṅkaṭanāyakaṃ karayuge śaṅkhaṃ ca cakraṃ mudā [gadā]cānye [cādya] pāṇiyuge varaṃ kaṭitaṭe vibhrāṇamarkacchavim |devaṃ devaśikhāmaṇiṃ śriyamatho vakṣodadhānaṃ hariṃbhūṣājālamanekaratnakhacitaṃ divyaṃ kirīṭāṅgadam || 1||

वराहः पातु मे शीर्षं केशान् श्रीवेंङ्कटेश्वरः ।शिखामिळापतिः कर्णो ललाटं दिव्यविग्रहः ॥ २॥

varāhaḥ pātu me śīrṣaṃ keśān śrīveṃṅkaṭeśvaraḥ |śikhāmiḷāpatiḥ karṇo lalāṭaṃ divyavigrahaḥ || 2||

नेत्रे युगान्तस्थायी मे कपोले कनकाम्बरः ।नासिकामिन्दिरानाथो वक्त्रं ब्रह्मादिवन्दितः ॥ ३॥

netre yugāntasthāyī me kapole kanakāmbaraḥ |nāsikāmindirānātho vaktraṃ brahmādivanditaḥ || 3||

चुबुकं कामदः कण्ठमगस्त्याभीष्टदायकः ।अंसौ कंसान्तकः पातु कमठस्स्तनमण्डले ॥ ४॥

cubukaṃ kāmadaḥ kaṇṭhamagastyābhīṣṭadāyakaḥ |aṃsau kaṃsāntakaḥ pātu kamaṭhasstanamaṇḍale || 4||

हृत्पद्मं पात्वदीनात्मा कुक्षिं कालाम्बरद्युतिः ।कटिं कोलवपुः पातु गुह्यं कमलकोशभृत् ॥ ५॥

hṛtpadmaṃ pātvadīnātmā kukṣiṃ kālāmbaradyutiḥ |kaṭiṃ kolavapuḥ pātu guhyaṃ kamalakośabhṛt || 5||

नाभिं पद्मापतिः पातु करौ कल्मषनाशनः ।अङ्गुलीर्हैमशैलेन्द्रो नखरानम्बरद्युतिः ॥ ६॥

nābhiṃ padmāpatiḥ pātu karau kalmaṣanāśanaḥ |aṅgulīrhaimaśailendro nakharānambaradyutiḥ || 6||

ऊरू तुम्बुरुगानज्ञो जानुनी शङ्खचक्रभृत् ।पादौ पद्मेक्षणः पातु गुल्फौ चाकाशगाङ्गदः ॥ ७॥

ūrū tumburugānajño jānunī śaṅkhacakrabhṛt |pādau padmekṣaṇaḥ pātu gulphau cākāśagāṅgadaḥ || 7||

दिशो दिक्।ह्पालवन्द्याङ्।ह्घ्रिर्भार्यां पाण्डवतीर्थगः ।अव्यात्पुत्रान् श्रीनिवासः सर्वकार्याणि गोत्रराट् ॥ ८॥

diśo dik|hpālavandyāṅ|hghrirbhāryāṃ pāṇḍavatīrthagaḥ |avyātputrān śrīnivāsaḥ sarvakāryāṇi gotrarāṭ || 8||

वेङ्कटेशः सदा पातु मद्भाग्यं देवपूजितः ।कुमारधारिकावासो भक्ताभीष्टाभयप्रदः ॥ ९॥

veṅkaṭeśaḥ sadā pātu madbhāgyaṃ devapūjitaḥ |kumāradhārikāvāso bhaktābhīṣṭābhayapradaḥ || 9||

शङ्खाभयप्रदाता तु शम्भुसेवितपादुकः ।वाञ्छितं वरदो दद्याद्वेङ्कटाद्रिशिखामणिः ॥ १०॥

śaṅkhābhayapradātā tu śambhusevitapādukaḥ |vāñchitaṃ varado dadyādveṅkaṭādriśikhāmaṇiḥ || 10||

श्वेतवाराहरूपोऽयं दिनरात्रिस्वरूपवान् ।रक्षेन्मां कमलनाथः सर्वदा पातु वामनः ॥ ११॥

śvetavārāharūpo'yaṃ dinarātrisvarūpavān |rakṣenmāṃ kamalanāthaḥ sarvadā pātu vāmanaḥ || 11||

श्रीनिवासस्य कवचं त्रिसन्ध्यं भक्तिमान् पठेत् ।तस्मिन् श्रीवेङ्कटाधीशः प्रसन्नो भवति ध्रुवम् ॥ १२॥

śrīnivāsasya kavacaṃ trisandhyaṃ bhaktimān paṭhet |tasmin śrīveṅkaṭādhīśaḥ prasanno bhavati dhruvam || 12||

आपत्काले जपेद्यस्तु शान्तिमायात्युपद्रवात् ।रोगाः प्रशमनं यान्ति त्रिर्जपेद्भानुवासरे ॥ १३॥

āpatkāle japedyastu śāntimāyātyupadravāt |rogāḥ praśamanaṃ yānti trirjapedbhānuvāsare || 13||

सर्वसिद्धिमवाप्नोति विष्णुसायुज्यमाप्नुयात् ।॥ इति श्रीमदाग्नेयपुराणे वेङ्कटाचलमाहात्म्ये वसिष्टनारदसंवादेवेङ्कटेशदिव्यकवचस्तोत्रं नाम पञ्चदशोऽध्यायः ॥

sarvasiddhimavāpnoti viṣṇusāyujyamāpnuyāt ||| iti śrīmadāgneyapurāṇe veṅkaṭācalamāhātmye vasiṣṭanāradasaṃvādeveṅkaṭeśadivyakavacastotraṃ nāma pañcadaśo'dhyāyaḥ ||