वेङ्कटेश्वराष्टोत्तरशतनामस्तोत्रम् ३ Shrivenkateshvarashtottarashatanamastotram 3

॥ श्रीः ॥॥ सिद्धाः ऊचुः॥भगवन् वेङ्कटेशस्य नाम्नामष्टोत्तरं शतम् ।अनुब्रूहि दयासिन्धो क्षिप्रसिद्धिप्रदं नृणाम् ॥ १॥

|| śrīḥ |||| siddhāḥ ūcuḥ||bhagavan veṅkaṭeśasya nāmnāmaṣṭottaraṃ śatam |anubrūhi dayāsindho kṣiprasiddhipradaṃ nṛṇām || 1||

॥ नारद उवाच॥सावधानेन मनसा शृन्वन्तु तदिदं शुभम् ।जप्तं वैखानसैः पूर्वं सर्वसौभाग्यवर्धनम् ॥ २॥

|| nārada uvāca||sāvadhānena manasā śṛnvantu tadidaṃ śubham |japtaṃ vaikhānasaiḥ pūrvaṃ sarvasaubhāgyavardhanam || 2||

ओङ्कारपरमार्थश्च नरनारायणात्मकः ।मोक्षलक्ष्मीप्राणकान्तो वेङ्कटाचलनायकः ॥ ३॥

oṅkāraparamārthaśca naranārāyaṇātmakaḥ |mokṣalakṣmīprāṇakānto veṅkaṭācalanāyakaḥ || 3||

करुणापूर्णहृदयः टेङ्कारजपसौख्यदः ।शास्त्रप्रमाणगम्यश्च यमाद्यष्टाङ्गगोचरः ॥ ४॥

karuṇāpūrṇahṛdayaḥ ṭeṅkārajapasaukhyadaḥ |śāstrapramāṇagamyaśca yamādyaṣṭāṅgagocaraḥ || 4||

भक्तलोकैकवरदो वरेण्यो भयनाशनः ।यजमानस्वरूपश्च हस्तन्यस्तसुदर्शनः ॥ ५॥

bhaktalokaikavarado vareṇyo bhayanāśanaḥ |yajamānasvarūpaśca hastanyastasudarśanaḥ || 5||

रमावतारमङ्गेशो णाकारजपसुप्रियः ।यज्ञेशो गतिदाता च जगतीवल्लभो वरः ॥ ६॥

ramāvatāramaṅgeśo ṇākārajapasupriyaḥ |yajñeśo gatidātā ca jagatīvallabho varaḥ || 6||

रक्षस्सन्दोहसंहर्त्रा वर्चस्वी रघुपुङ्गवः ।दानधर्मपरो याजी घनश्यामलविग्रः ॥ ७॥

rakṣassandohasaṃhartrā varcasvī raghupuṅgavaḥ |dānadharmaparo yājī ghanaśyāmalavigraḥ || 7||

हरादिसर्वदेवेड्यो रामो यदुकुलाग्रणीः ।श्रीनिवासो महात्मा च तेजस्वी तत्त्वसन्निधिः ॥ ८॥

harādisarvadeveḍyo rāmo yadukulāgraṇīḥ |śrīnivāso mahātmā ca tejasvī tattvasannidhiḥ || 8||

त्वमर्थलक्ष्यरूपश्च रूपवान् पावनो यशः ।सर्वेशो कमलाकान्तो लक्ष्मीसल्लापसम्मुखः ॥ ९॥

tvamarthalakṣyarūpaśca rūpavān pāvano yaśaḥ |sarveśo kamalākānto lakṣmīsallāpasammukhaḥ || 9||

चतुर्मुखप्रतिष्टाता राजराजवरप्रदः ।चतुर्वेदशिरोरत्नं रमणो नित्यवैभवः ॥ १०॥

caturmukhapratiṣṭātā rājarājavarapradaḥ |caturvedaśiroratnaṃ ramaṇo nityavaibhavaḥ || 10||

दासवर्गपरित्राता नारदादिमुनिस्तुतः ।यादवाचलवासी च खिद्यद्भक्तार्तिभञ्जनः ॥ ११॥

dāsavargaparitrātā nāradādimunistutaḥ |yādavācalavāsī ca khidyadbhaktārtibhañjanaḥ || 11||

लक्ष्मीप्रसादको विष्णुः देवेशो रम्यविग्रः ।माधवो लोकनाथश्च लालिताखिलसेवकः ॥ १२॥

lakṣmīprasādako viṣṇuḥ deveśo ramyavigraḥ |mādhavo lokanāthaśca lālitākhilasevakaḥ || 12||

यक्षगन्धर्ववरदः कुमारो मातृकार्चितः ।रटद्पालकपोषी च शेषशैलकृतस्थलः ॥ १३॥

yakṣagandharvavaradaḥ kumāro mātṛkārcitaḥ |raṭadpālakapoṣī ca śeṣaśailakṛtasthalaḥ || 13||

षाड्गुण्यपरिपूर्णश्च द्वैतदोषनिवारणः ।तिर्यग्जन्त्वर्चिताङ्घ्रिश्च नेत्रानन्दोत्सवः ॥ १४॥

ṣāḍguṇyaparipūrṇaśca dvaitadoṣanivāraṇaḥ |tiryagjantvarcitāṅghriśca netrānandotsavaḥ || 14||

द्वादशोत्तमलीलश्च दरिद्रजनरक्षकः ।शत्रुकृत्यादिभीतिघ्नो भुजङ्गशयनप्रियः ॥ १५॥

dvādaśottamalīlaśca daridrajanarakṣakaḥ |śatrukṛtyādibhītighno bhujaṅgaśayanapriyaḥ || 15||

जाग्रद्रहस्यावासश्च यः शिष्टपरिपालकः ।वरेण्यः पूर्णबोधश्च जन्मसंसारभेषजम् ॥ १६॥

jāgradrahasyāvāsaśca yaḥ śiṣṭaparipālakaḥ |vareṇyaḥ pūrṇabodhaśca janmasaṃsārabheṣajam || 16||

कार्तिकेयवपुर्धारी यतिशेखरभावितः ।नरकादिभयध्वंसी रथोत्सवकलाधरः ॥ १७॥

kārtikeyavapurdhārī yatiśekharabhāvitaḥ |narakādibhayadhvaṃsī rathotsavakalādharaḥ || 17||

लोकार्चामुख्यमूर्तिश्च केशवाद्यवतारवान् ।शास्त्रश्रुतानन्तलीलो यमशिक्षानिबर्हणः ॥ १८॥

lokārcāmukhyamūrtiśca keśavādyavatāravān |śāstraśrutānantalīlo yamaśikṣānibarhaṇaḥ || 18||

मानसंरक्षणपरः इरिणाङ्कुरधान्यदः ।नेत्रहीनाक्षिदायी च मतिहीनमतिप्रदः ॥ १९॥

mānasaṃrakṣaṇaparaḥ iriṇāṅkuradhānyadaḥ |netrahīnākṣidāyī ca matihīnamatipradaḥ || 19||

हिरण्यदानग्राही च मोहजालनिकृन्तनः ।दधिलाजाक्षतार्च्यश्च यातुधानविनाशनः ॥ २०॥

hiraṇyadānagrāhī ca mohajālanikṛntanaḥ |dadhilājākṣatārcyaśca yātudhānavināśanaḥ || 20||

यजुर्वेदशिखागम्यो वेङ्कटो दक्षिणास्थितः ।सारपुष्करणीतीरे रात्रौदेवगणार्चितः ॥ २१॥

yajurvedaśikhāgamyo veṅkaṭo dakṣiṇāsthitaḥ |sārapuṣkaraṇītīre rātraudevagaṇārcitaḥ || 21||

यत्नवत्फलधाता श्रीञ्जपाद्धनवृद्धिकृत् ।क्लीङ्कारजापी काम्यार्थप्रदानदयान्तरः ॥ २२॥

yatnavatphaladhātā śrīñjapāddhanavṛddhikṛt |klīṅkārajāpī kāmyārthapradānadayāntaraḥ || 22||

स्वसर्वसिद्धिसन्धाता नमस्कर्तुरभीष्टदः ।मोहिताखिललोकश्च नानारूपव्यवस्थितः ॥ २३॥

svasarvasiddhisandhātā namaskarturabhīṣṭadaḥ |mohitākhilalokaśca nānārūpavyavasthitaḥ || 23||

राजीवलोचनो यज्ञवराहो गणवेङ्कटः ।तेजोराशीक्षणस्स्वामी हार्दाविद्यादिवारणः ॥ २४॥

rājīvalocano yajñavarāho gaṇaveṅkaṭaḥ |tejorāśīkṣaṇassvāmī hārdāvidyādivāraṇaḥ || 24||

इति श्रीवेङ्कटेशस्य नाम्नामष्टोत्तरं शतम् ।प्रातःप्रातस्समुत्ताय यः पटेद्भक्तिमान्नरः ॥ २५॥

iti śrīveṅkaṭeśasya nāmnāmaṣṭottaraṃ śatam |prātaḥprātassamuttāya yaḥ paṭedbhaktimānnaraḥ || 25||

सर्वेष्टार्थानवाप्नोति वेङ्कतेशप्रसादतः ॥ २६॥

sarveṣṭārthānavāpnoti veṅkateśaprasādataḥ || 26||

॥ इति श्रीसनत्कुमारसंहितान्तर्गतंश्रीवेङ्कटेशाष्टोत्तरशतनामस्तोत्रं सम्पूर्णम्॥

|| iti śrīsanatkumārasaṃhitāntargataṃśrīveṅkaṭeśāṣṭottaraśatanāmastotraṃ sampūrṇam||