वेङ्कटेशाष्टोत्तरशतनामस्तोत्रम् ४ Shrivemkateshashtottarashatanamastotram 4

ऋषय ऊचुः ।सूत सर्वार्थतत्त्वज्ञ सर्ववेदाङ्गपारग ।येनचाराधितः सद्यः श्रीमद्वेंकटनायकः ॥ १॥

ṛṣaya ūcuḥ |sūta sarvārthatattvajña sarvavedāṅgapāraga |yenacārādhitaḥ sadyaḥ śrīmadveṃkaṭanāyakaḥ || 1||

भवत्यभीष्टसर्वार्थप्रदस्तद्ब्रूहि नो मुने ।इति पृष्टस्तदा सूतो ध्यात्वा स्वात्मनि तत् क्षणात् ॥उवाच मुनिशार्दूल श्रूयतामिति वै मुनीन् ॥ २॥

bhavatyabhīṣṭasarvārthapradastadbrūhi no mune |iti pṛṣṭastadā sūto dhyātvā svātmani tat kṣaṇāt ||uvāca muniśārdūla śrūyatāmiti vai munīn || 2||

॥ श्रीसूत उवाच॥अस्ति किंचिन्महद्गोप्यं भगवत्प्रियकारकम् ।पुरा शेषेण कथितं कपिलाय महात्मने ॥ ३॥

|| śrīsūta uvāca||asti kiṃcinmahadgopyaṃ bhagavatpriyakārakam |purā śeṣeṇa kathitaṃ kapilāya mahātmane || 3||

नाम्नामष्टशतं पुण्यं पवित्रं पापनाशनम् ।आदाय हेमपद्मानि स्वर्णदीसंभवानि च ॥ ४॥

nāmnāmaṣṭaśataṃ puṇyaṃ pavitraṃ pāpanāśanam |ādāya hemapadmāni svarṇadīsaṃbhavāni ca || 4||

ब्रह्मा वै पूर्वमभ्यर्च्य श्रीमद्वेंकटनायकम् ।अष्टोत्तरशतैर्दिव्यैर्नामभिर्मुनिपुष्पकैः ॥ ५॥

brahmā vai pūrvamabhyarcya śrīmadveṃkaṭanāyakam |aṣṭottaraśatairdivyairnāmabhirmunipuṣpakaiḥ || 5||

स्वाभीष्टं लब्धवान् ब्रह्मा सर्वलोकपितामहः ।भवद्भिरपि पद्मैश्च समभ्यर्च्य च नामतः ॥ ६॥

svābhīṣṭaṃ labdhavān brahmā sarvalokapitāmahaḥ |bhavadbhirapi padmaiśca samabhyarcya ca nāmataḥ || 6||

तेषां शेषनगाधीशो मनसो ह्लादकारकः ।नाम्नामष्टशतं पुण्यं वेंकटाद्रिनिवासिनः ॥ ७॥

teṣāṃ śeṣanagādhīśo manaso hlādakārakaḥ |nāmnāmaṣṭaśataṃ puṇyaṃ veṃkaṭādrinivāsinaḥ || 7||

आयुरारोग्यदं पुंसां धनधान्यसुखप्रदम् ।ज्ञानप्रदं विशेषेण महदैश्वर्यकारकम् ॥ ८॥

āyurārogyadaṃ puṃsāṃ dhanadhānyasukhapradam |jñānapradaṃ viśeṣeṇa mahadaiśvaryakārakam || 8||

अर्चयेन्नामभिर्दिव्यैः वेंकटेशपदांतिकैः ।नाम्नामष्टशतस्यास्य ऋषिर्बहुः प्रकीर्तितः ॥ ९॥

arcayennāmabhirdivyaiḥ veṃkaṭeśapadāṃtikaiḥ |nāmnāmaṣṭaśatasyāsya ṛṣirbahuḥ prakīrtitaḥ || 9||

छंदोऽनुष्टुप् तथा देवो वेंकटेश उदाहृतः ।नीलगोक्षीरसंभूतो बीजमित्युच्यते बुधैः ॥ १०॥

chaṃdo'nuṣṭup tathā devo veṃkaṭeśa udāhṛtaḥ |nīlagokṣīrasaṃbhūto bījamityucyate budhaiḥ || 10||

श्रीनिवासस्तथा शक्तिर्हृदयं वेंकटाधिपः ।विनियोगस्तथाऽभीष्टसिद्ध्यर्थे विनिगद्यते ॥ ११॥

śrīnivāsastathā śaktirhṛdayaṃ veṃkaṭādhipaḥ |viniyogastathā'bhīṣṭasiddhyarthe vinigadyate || 11||

ॐ नमो वेंकटेशाय शेषाद्रिनिलयाय च ।वृषदृग्गोचरायाथ विष्णवे सततं नमः ॥ १२॥

oṃ namo veṃkaṭeśāya śeṣādrinilayāya ca |vṛṣadṛggocarāyātha viṣṇave satataṃ namaḥ || 12||

सदंजनगिरीशाय वृषाद्रिपतये नमः ।मेरुपुत्रगिरीशाय सरस्स्वामितटं जुषे ॥ १३॥

sadaṃjanagirīśāya vṛṣādripataye namaḥ |meruputragirīśāya sarassvāmitaṭaṃ juṣe || 13||

कुमारकल्पसेव्याय वज्रदृग्विषयाय च ।सुवर्चलासुतान्यस्तसेनापत्यकराय च ॥ १४॥

kumārakalpasevyāya vajradṛgviṣayāya ca |suvarcalāsutānyastasenāpatyakarāya ca || 14||

रामाय पद्मनाभाय सदा वायुस्तुताय च ।त्यक्तवैकुण्टलोकाय गुह्यकुंजविहारिणे ॥ १५॥

rāmāya padmanābhāya sadā vāyustutāya ca |tyaktavaikuṇṭalokāya guhyakuṃjavihāriṇe || 15||

हरिचंदनगोप्तेंद्रस्वामिने सततं नमः ।शंकरऽजननेत्राब्जविषयाय नमो नमः ॥ १६॥

haricaṃdanagopteṃdrasvāmine satataṃ namaḥ |śaṃkara'jananetrābjaviṣayāya namo namaḥ || 16||

वसूपरिचरित्राय कृष्णाय सततं नमः ।अब्धिकन्यापरिष्वक्तवक्षसे वेंकटाय च ॥ १७॥

vasūparicaritrāya kṛṣṇāya satataṃ namaḥ |abdhikanyāpariṣvaktavakṣase veṃkaṭāya ca || 17||

सनकादिमहायोगिपूजिताय नमो नमः ।देवजित्प्रमुखानंतदैत्यसंघप्रणासिने ॥ १८॥

sanakādimahāyogipūjitāya namo namaḥ |devajitpramukhānaṃtadaityasaṃghapraṇāsine || 18||

श्वेतद्वीपे वसन्मुक्तपूजितांघ्रियुगाय च ।शेषपर्वतरूपत्वप्रशासनवराय च ॥ १९॥ प्रकाशनपराय

śvetadvīpe vasanmuktapūjitāṃghriyugāya ca |śeṣaparvatarūpatvapraśāsanavarāya ca || 19|| prakāśanaparāya

सानुस्थापिततार्क्ष्याय तार्क्ष्याचलनिवासिने ।मायागूढविमानाय गरुडस्कन्धवासिने ॥ २०॥

sānusthāpitatārkṣyāya tārkṣyācalanivāsine |māyāgūḍhavimānāya garuḍaskandhavāsine || 20||

अनंतशिरसे नित्यमनंताक्षाय ते नमः ।अनंतचरणाय श्रीशैलनिलयाय च ॥ २१॥

anaṃtaśirase nityamanaṃtākṣāya te namaḥ |anaṃtacaraṇāya śrīśailanilayāya ca || 21||

दामोदरय ते नित्यं नीलमेघनिभाय च ।ब्रह्मादिदेवदृष्टाय विश्वरूपाय ते नमः ॥ २२॥

dāmodaraya te nityaṃ nīlameghanibhāya ca |brahmādidevadṛṣṭāya viśvarūpāya te namaḥ || 22||

वेंकटागतसद्धेमविमानांतर्गताय च ।अगस्त्यार्चिताशेषजनदृग्विषयाय च ॥ २३॥

veṃkaṭāgatasaddhemavimānāṃtargatāya ca |agastyārcitāśeṣajanadṛgviṣayāya ca || 23||

वासुदेवाय हरये तीर्थपंचकवासिने ।वामदेवप्रियायाथ जनकेष्टप्रदाय च ॥ २४॥

vāsudevāya haraye tīrthapaṃcakavāsine |vāmadevapriyāyātha janakeṣṭapradāya ca || 24||

वाक्पतिब्रह्मधात्रे च चंद्रलावण्यदायिने ।मार्कण्डेयमहातीर्थजातपुण्यप्रदाय च ॥ २५॥

vākpatibrahmadhātre ca caṃdralāvaṇyadāyine |mārkaṇḍeyamahātīrthajātapuṇyapradāya ca || 25||

नारायणनगेशाय ब्रह्मकॢप्तोत्सवाय च ।शंकचक्रगदापद्मलसत्करतलाय च ॥ २६॥

nārāyaṇanageśāya brahmakḷptotsavāya ca |śaṃkacakragadāpadmalasatkaratalāya ca || 26||

द्रवन्मृगमदासक्तविग्रहाय नमो नमः ।केशवाय नमस्तुभ्यं नित्ययौवनमूर्तये ॥ २७॥

dravanmṛgamadāsaktavigrahāya namo namaḥ |keśavāya namastubhyaṃ nityayauvanamūrtaye || 27||

अर्थितार्थप्रदात्रे च विश्वतोर्थौघहारिणे ।तीर्थस्वामिसरःस्नातजनाभीष्टप्रदाय च ॥ २८॥

arthitārthapradātre ca viśvatorthaughahāriṇe |tīrthasvāmisaraḥsnātajanābhīṣṭapradāya ca || 28||

कुमारधारिकास्कन्दमह्यशक्तिप्रदाय च ।जमदग्निसमद्भूतपौत्रिणे कूर्ममूर्तये ॥ २९॥

kumāradhārikāskandamahyaśaktipradāya ca |jamadagnisamadbhūtapautriṇe kūrmamūrtaye || 29||

किन्नरद्वंद्वशापांतप्रदात्रे माधवाय च ।वैखानसमुनिश्रेष्ठपूजिताय नमो नमः ॥ ३०॥

kinnaradvaṃdvaśāpāṃtapradātre mādhavāya ca |vaikhānasamuniśreṣṭhapūjitāya namo namaḥ || 30||

सिंहाचलनिवासाय श्रीमन्नारायणाय च ।सद्भक्तनीलकण्ठाय नृसिंहाय नमो नमः ॥ ३१॥

siṃhācalanivāsāya śrīmannārāyaṇāya ca |sadbhaktanīlakaṇṭhāya nṛsiṃhāya namo namaḥ || 31||

कुमुदाक्षगणश्रेष्ठसेनापत्यप्रदाय च ।दुर्मेधःप्राणहर्त्रे च वामनाय नमो नमः ॥ ३२॥

kumudākṣagaṇaśreṣṭhasenāpatyapradāya ca |durmedhaḥprāṇahartre ca vāmanāya namo namaḥ || 32||

क्षत्रियान्तकरामाय मत्स्यरूपाय ते नमः ।पाण्डवाघप्रहर्त्रे च श्रीधराय नमो नमः ॥ ३३॥

kṣatriyāntakarāmāya matsyarūpāya te namaḥ |pāṇḍavāghaprahartre ca śrīdharāya namo namaḥ || 33||

उपत्यकाप्रदेशस्थशंकरध्यानमूर्तये ।रुक्माब्जसरसीकूललक्ष्मीकृततपस्विने ॥ ३४॥

upatyakāpradeśasthaśaṃkaradhyānamūrtaye |rukmābjasarasīkūlalakṣmīkṛtatapasvine || 34||

लसल्लक्ष्मीकरांभोजदत्तकल्हारकस्रजे ।शालिग्रामनिवासाय शुकदृग्विषयाय च ॥ ३५॥

lasallakṣmīkarāṃbhojadattakalhārakasraje |śāligrāmanivāsāya śukadṛgviṣayāya ca || 35||

नारायणार्थिताशेषजनदृग्विषयाय च ।मृगयारसिकायाथ वृषभासुरहारिणे ॥ ३६॥

nārāyaṇārthitāśeṣajanadṛgviṣayāya ca |mṛgayārasikāyātha vṛṣabhāsurahāriṇe || 36||

अंजनागोत्रपतये वृषभाचलवासिने ।अंजनासुतदात्रे च माधवस्याघहारिणे ॥ ३७॥

aṃjanāgotrapataye vṛṣabhācalavāsine |aṃjanāsutadātre ca mādhavasyāghahāriṇe || 37||

प्रियाङ्गप्रियकोलाय श्वेतकोलवराय च ।नीलधेनुपयोधारासेकदेहोद्भवाय च ॥ ३८ ।

priyāṅgapriyakolāya śvetakolavarāya ca |nīladhenupayodhārāsekadehodbhavāya ca || 38 |

सगरप्रियमित्राय चोलपुत्रप्रियाय च ।सुधर्मिणे सुचैतन्यप्रदात्रे मधुघातिने ॥ ३९॥

sagarapriyamitrāya colaputrapriyāya ca |sudharmiṇe sucaitanyapradātre madhughātine || 39||

कृष्णाख्यविप्रवेदान्तदेशिकत्व प्रियाय च ।वराहाचलनाथाय बलभद्राय ते नमः ॥ ४०॥

kṛṣṇākhyavipravedāntadeśikatva priyāya ca |varāhācalanāthāya balabhadrāya te namaḥ || 40||

त्रिविक्रमाय महते हृषीकेशाय ते नमः ।अच्युताय नमो नित्यं नीलाद्रिनिलयाय च ॥ ४१॥

trivikramāya mahate hṛṣīkeśāya te namaḥ |acyutāya namo nityaṃ nīlādrinilayāya ca || 41||

नमः क्षीराब्धिनाथाय वैकुंठाचलवासिने ।मुकुंदाय नमो नित्यं अनंताय नमो नमः ॥ ४२॥

namaḥ kṣīrābdhināthāya vaikuṃṭhācalavāsine |mukuṃdāya namo nityaṃ anaṃtāya namo namaḥ || 42||

विरिंचभ्यर्तितानीतसौम्यरूपाय ते नमः ।सुवर्णमुखरीस्नातमनुजाभीष्टदायिने ॥ ४३॥

viriṃcabhyartitānītasaumyarūpāya te namaḥ |suvarṇamukharīsnātamanujābhīṣṭadāyine || 43||

हलायुधजगत्तीर्थसमस्तफलदायिने ।गोविन्दाय नमो नित्यं श्रीनिवासाय ते नमः ॥ ४४॥

halāyudhajagattīrthasamastaphaladāyine |govindāya namo nityaṃ śrīnivāsāya te namaḥ || 44||

अष्टोत्तरशतं नाम्नां चतुर्थ्या नमसान्वितम् ।यः पठेच्छृणुयान्नित्यं श्रद्धाभक्तिसमन्वितः ॥ ४५॥

aṣṭottaraśataṃ nāmnāṃ caturthyā namasānvitam |yaḥ paṭhecchṛṇuyānnityaṃ śraddhābhaktisamanvitaḥ || 45||

वेंकटेशाभिधे यंत्रे वेंकटाद्रिनिवासिनः ।अर्चयन्नामभिस्तस्य फलमुक्तं प्रसिध्यते ॥ ४६॥

veṃkaṭeśābhidhe yaṃtre veṃkaṭādrinivāsinaḥ |arcayannāmabhistasya phalamuktaṃ prasidhyate || 46||

अर्चनायां विशेषेण ग्राह्यमष्टोत्तरं शतम् ।तस्य श्रीवेंकटेशश्च प्रसन्नो भवति ध्रुवम् ॥ ४७॥

arcanāyāṃ viśeṣeṇa grāhyamaṣṭottaraṃ śatam |tasya śrīveṃkaṭeśaśca prasanno bhavati dhruvam || 47||

गोपनीयमिदं स्तोत्रं सर्वेषां न प्रकाशयेत् ।श्रद्धाभक्तियुजामेव दापयेन्नामसंग्रहम् ॥ ४८॥

gopanīyamidaṃ stotraṃ sarveṣāṃ na prakāśayet |śraddhābhaktiyujāmeva dāpayennāmasaṃgraham || 48||

इति शेषेण कथितं कपिलाय महात्मने ।कपिलाख्यमहायोगिसकाशात्तु मयाश्रुतम् ।तदुक्तं भवतामद्य सद्यः प्रीतिकरं हरेः ॥ ४९॥

iti śeṣeṇa kathitaṃ kapilāya mahātmane |kapilākhyamahāyogisakāśāttu mayāśrutam |taduktaṃ bhavatāmadya sadyaḥ prītikaraṃ hareḥ || 49||

॥ इति श्रीवराहपुराणे श्रीवेंकटेशाष्टोत्तरशतनामस्तोत्रं संपूर्णम् ॥

|| iti śrīvarāhapurāṇe śrīveṃkaṭeśāṣṭottaraśatanāmastotraṃ saṃpūrṇam ||