वेङ्कटेशद्वादशनामस्तोत्रम् Shrivenkateshadvadashanamastotram

ब्रह्माण्डपुराणान्तर्गतम्अस्य श्रीवेङ्कटेशद्वादशनामस्तोत्रमहामन्त्रस्य ब्रह्मा ऋषिःअनुष्टुप् छन्दः श्रीवेङ्कटेश्वरो देवता । इष्टार्थे विनियोगः ॥नारायणो जगन्नाथो वारिजासनवन्दितः ।स्वामिपुष्करिणीवासी शन्ङ्खचक्रगदाधरः ॥ १॥

brahmāṇḍapurāṇāntargatamasya śrīveṅkaṭeśadvādaśanāmastotramahāmantrasya brahmā ṛṣiḥanuṣṭup chandaḥ śrīveṅkaṭeśvaro devatā | iṣṭārthe viniyogaḥ ||nārāyaṇo jagannātho vārijāsanavanditaḥ |svāmipuṣkariṇīvāsī śanṅkhacakragadādharaḥ || 1||

पीताम्बरधरो देवो गरुडासनशोभितः ।कन्दर्पकोटिलावण्यः कमलायतलोचनः ॥ २॥

pītāmbaradharo devo garuḍāsanaśobhitaḥ |kandarpakoṭilāvaṇyaḥ kamalāyatalocanaḥ || 2||

इन्दिरापतिगोविन्दः चन्द्रसूर्यप्रभाकरः ।विश्वात्मा विश्वलोकेशो जयश्रीवेङ्कटेश्वरः ॥ ३॥

indirāpatigovindaḥ candrasūryaprabhākaraḥ |viśvātmā viśvalokeśo jayaśrīveṅkaṭeśvaraḥ || 3||

एतद्द्वादशनामानि त्रिसन्ध्यं यः पठेन्नरः ।दारिद्र्यदुःखनिर्मुक्तो धनधान्यसमृद्धिमान् ॥ ४॥

etaddvādaśanāmāni trisandhyaṃ yaḥ paṭhennaraḥ |dāridryaduḥkhanirmukto dhanadhānyasamṛddhimān || 4||

जनवश्यं राजवश्य सर्वकामार्थसिद्धिदम् ।दिव्यतेजः समाप्नोति दीर्घमायुश्च विन्दति ॥ ५॥

janavaśyaṃ rājavaśya sarvakāmārthasiddhidam |divyatejaḥ samāpnoti dīrghamāyuśca vindati || 5||

ग्रहरोगादिनाशं च कामितार्थफलप्रदम् ।इह जन्मनि सौख्यं च विष्णुसायुज्यमाप्नुयात् ॥ ६॥

graharogādināśaṃ ca kāmitārthaphalapradam |iha janmani saukhyaṃ ca viṣṇusāyujyamāpnuyāt || 6||

॥ इति ब्रह्माण्डपुराणे ब्रह्मनारदसंवादेवेङ्कटेशद्वादशनामस्तोत्रं सम्पूर्णम् ॥

|| iti brahmāṇḍapurāṇe brahmanāradasaṃvādeveṅkaṭeśadvādaśanāmastotraṃ sampūrṇam ||