शिवकर्पूरस्तोत्रम् Shri Shiva Karpurastotram

कर्पूरस्याद्यवर्णं तदनु गिरिपते पर्दिने हृद्युतस्ते ।मन्त्रः साक्षात् पडरर्णो भवति शुभकरः शत्रुविध्वंसकारी ।एतन्मन्त्रं सदा यो जपति निजगुरोः पादपद्मं स्मरन् सन्पूज्यो भूत्वा सदैव प्रभवति स नरः श्रीयमोऽन्यो रिपूणाम् ॥ १॥

karpūrasyādyavarṇaṃ tadanu giripate pardine hṛdyutaste |mantraḥ sākṣāt paḍararṇo bhavati śubhakaraḥ śatruvidhvaṃsakārī |etanmantraṃ sadā yo japati nijaguroḥ pādapadmaṃ smaran sanpūjyo bhūtvā sadaiva prabhavati sa naraḥ śrīyamo'nyo ripūṇām || 1||

भोः शम्भो सौष्मकान्ते वकरमसहिताकारयुक्ताम्बुतीक्ष्णैःपञ्चार्णो मन्त्रराजो भवति शुभकरो मुक्तिदः शैवरूपः ।तारान्ते ये जपन्तोह तवमनुवरं शुद्धभावैः प्रशान्ताःते ते सिद्धिं लभन्ते शिवरसमुदिता मुक्तरूपा मुनीन्द्राः ॥ २॥

bhoḥ śambho sauṣmakānte vakaramasahitākārayuktāmbutīkṣṇaiḥpañcārṇo mantrarājo bhavati śubhakaro muktidaḥ śaivarūpaḥ |tārānte ye japantoha tavamanuvaraṃ śuddhabhāvaiḥ praśāntāḥte te siddhiṃ labhante śivarasamuditā muktarūpā munīndrāḥ || 2||

श्रीमत्मासादयुग्मं कृतपुटितमहापञ्चतारैमहेशत्वन्मन्त्रं शाम्भवाख्यं स्मरति यदि जनोवारमेकं जितात्मा ।भूत्वा पृथ्व्यां स लक्ष्मीपतिरपि च महाकालकालः कवीन्द्रःपश्चान्निर्वाण मुक्तिं सुरनुतलभते पुण्यपापैर्विमुक्तः ॥ ३॥

śrīmatmāsādayugmaṃ kṛtapuṭitamahāpañcatāraimaheśatvanmantraṃ śāmbhavākhyaṃ smarati yadi janovāramekaṃ jitātmā |bhūtvā pṛthvyāṃ sa lakṣmīpatirapi ca mahākālakālaḥ kavīndraḥpaścānnirvāṇa muktiṃ suranutalabhate puṇyapāpairvimuktaḥ || 3||

शम्भो त्वां श्रीमहापाशुपतमनुवरं संस्मरन् बाणलिङ्गेसद्योजातादिवक्त्रार्चनमपि ललितापूजनं भालदेशे ।कुर्वञ्च्छ्रीयन्त्रपूजां १ममममहिलाभिर्नरो ब्रह्मरन्ध्रेसाक्षाद्योगीन्द्ररूपः प्रभवति शिवतां याति सर्त्य पृथिव्याम् ॥ ४॥

śambho tvāṃ śrīmahāpāśupatamanuvaraṃ saṃsmaran bāṇaliṅgesadyojātādivaktrārcanamapi lalitāpūjanaṃ bhāladeśe |kurvañcchrīyantrapūjāṃ 1mamamamahilābhirnaro brahmarandhresākṣādyogīndrarūpaḥ prabhavati śivatāṃ yāti sartya pṛthivyām || 4||

यस्त्वां ब्राह्म मुहुर्ते यजति सह सदा क्षीररुद्राभिषेकैःसद्यः सन्तोष्यदेवं ग्रहभयहरणं जायते तस्य शर्व ।तैलाख्यैः शत्रुनाशं स्मरहरदुरितध्वंशनं गोपयोभिःनिर्वाणो मोक्षरूपः प्रभवति कुलजः २कौलरुद्राभिषेकैः ॥ ५॥

yastvāṃ brāhma muhurte yajati saha sadā kṣīrarudrābhiṣekaiḥsadyaḥ santoṣyadevaṃ grahabhayaharaṇaṃ jāyate tasya śarva |tailākhyaiḥ śatrunāśaṃ smaraharaduritadhvaṃśanaṃ gopayobhiḥnirvāṇo mokṣarūpaḥ prabhavati kulajaḥ 2kaularudrābhiṣekaiḥ || 5||

शिवं त्वां पञ्चाश्यं त्रिनयनयुतं शुद्धधवलंचतुर्हस्तोपेतं सुपरशुमृगाभीतिवरदम् ।सदानन्दं व्याघ्राम्बरपरिदधानं स्मरहरस्मरन्ति श्रीशैवास्त्रिवसुदलपीठोपरिगतम् ॥ ६॥

śivaṃ tvāṃ pañcāśyaṃ trinayanayutaṃ śuddhadhavalaṃcaturhastopetaṃ suparaśumṛgābhītivaradam |sadānandaṃ vyāghrāmbaraparidadhānaṃ smaraharasmaranti śrīśaivāstrivasudalapīṭhoparigatam || 6||

प्रदोषे भक्तोयो यजति तव पादाम्बुजयुगंसुपत्रैर्विल्वैर्वा कुशुमसलिलैर्वा त्रिषवणम् ।प्रशान्तो दिव्यो वार्चयति शिवरात्रौ पशुपतेस एव ब्रह्मात्मा स हि भुवनसौख्यञ्चलभते ॥ ७॥

pradoṣe bhaktoyo yajati tava pādāmbujayugaṃsupatrairvilvairvā kuśumasalilairvā triṣavaṇam |praśānto divyo vārcayati śivarātrau paśupatesa eva brahmātmā sa hi bhuvanasaukhyañcalabhate || 7||

निशायां श्रीचक्रं यजति शिवलिङ्गोपरिसदातथा विन्दौ शैवं त्रिपुरहर निर्वाणपरमम् ।कुलद्रव्यैश्वाहङकृतिमयवलिं यः प्रकुरुतेपरो दिव्यः कौलो ब्रजति शिवतां भोः पशुपते ॥ ८॥

niśāyāṃ śrīcakraṃ yajati śivaliṅgoparisadātathā vindau śaivaṃ tripurahara nirvāṇaparamam |kuladravyaiśvāhaṅakṛtimayavaliṃ yaḥ prakuruteparo divyaḥ kaulo brajati śivatāṃ bhoḥ paśupate || 8||

व्रती मूलाधारोपरि रसदलं दिग्दलमथोपरं हृत्पत्राख्यं परशिव महाषोडशदलम् ।त्रिवेण्यां हक्षाभ द्विदलकमलं ब्रह्ममदनंहठाभ्यां संयोगदलसति सुषुम्णाख्यपथतः ॥ ९॥

vratī mūlādhāropari rasadalaṃ digdalamathoparaṃ hṛtpatrākhyaṃ paraśiva mahāṣoḍaśadalam |triveṇyāṃ hakṣābha dvidalakamalaṃ brahmamadanaṃhaṭhābhyāṃ saṃyogadalasati suṣumṇākhyapathataḥ || 9||

सहस्रारेदीपाकृतिपरमलिङ्गं परशिवंसदा ध्यायन दिव्यं समरसयुतं हंसगपरम् ।परान्तस्थं शुद्धं जपतियदिमन्त्रं कुलजनस्तदा जीवन्मुक्तः परमपदलीनः प्रभवति ॥ १०॥

sahasrāredīpākṛtiparamaliṅgaṃ paraśivaṃsadā dhyāyana divyaṃ samarasayutaṃ haṃsagaparam |parāntasthaṃ śuddhaṃ japatiyadimantraṃ kulajanastadā jīvanmuktaḥ paramapadalīnaḥ prabhavati || 10||

इदं स्तोत्रं सूक्ष्मं मनुवरसमुद्धारणजपस्वरूपाख्यम्पूजापरमशुभयोगादिसहितम् ॥मया भक्त्या शम्भो तव परशिवाख्यं विरचितंप्रसादार्थीतेऽहङ्गिरिश धनशंशेरमनुजः ॥ ११॥

idaṃ stotraṃ sūkṣmaṃ manuvarasamuddhāraṇajapasvarūpākhyampūjāparamaśubhayogādisahitam ||mayā bhaktyā śambho tava paraśivākhyaṃ viracitaṃprasādārthīte'haṅgiriśa dhanaśaṃśeramanujaḥ || 11||

(टिप्पणी१ मननम् । मन्त्रः । मौनम् । मनः । (योग) मुद्रा ।एवं पञ्चमकाराः एव मममममहिलाः ।२ मूलाधारगतस्वयम्भूलिङ्गपरि कुलाकुलक्रमेणनिसृतामृतधाराभिषेकानि एव कौलरुद्राभिषेकानीत्युच्यते ।)इति श्रीधनशंशेर जङ्गवर्म्मणाविरचितं वीरेन्द्रकेसरिन्शर्म्मणा संशोधितं श्रीशिवकर्पूरस्तोत्रम् ॥

(ṭippaṇī1 mananam | mantraḥ | maunam | manaḥ | (yoga) mudrā |evaṃ pañcamakārāḥ eva mamamamamahilāḥ | 2 mūlādhāragatasvayambhūliṅgapari kulākulakrameṇanisṛtāmṛtadhārābhiṣekāni eva kaularudrābhiṣekānītyucyate |)iti śrīdhanaśaṃśera jaṅgavarmmaṇāviracitaṃ vīrendrakesarinśarmmaṇā saṃśodhitaṃ śrīśivakarpūrastotram ||