शिवाष्टोत्तरशतनामस्तोत्रम् ३ Shri Shiva Ashtottarashatanama Stotram

ॐ श्रीकण्ठो वरदः शर्व आशुतोष उमापतिः ।दयानिधिर्महादेवो भवो भवहरो हरः ॥ १॥

oṃ śrīkaṇṭho varadaḥ śarva āśutoṣa umāpatiḥ |dayānidhirmahādevo bhavo bhavaharo haraḥ || 1||

मदनारिस्त्रिनयनः शङ्करः सुकविः शिवः ।विभुः प्रभुर्वृषरथो विवेकी विशदो वशी ॥ २॥

madanāristrinayanaḥ śaṅkaraḥ sukaviḥ śivaḥ |vibhuḥ prabhurvṛṣaratho vivekī viśado vaśī || 2||

ललाटाक्षः कालकालः शरण्यश्चन्द्रशेखरः ।पुरारातिः श्रितहितो देवदेवः सदाशिवः ॥ ३॥

lalāṭākṣaḥ kālakālaḥ śaraṇyaścandraśekharaḥ |purārātiḥ śritahito devadevaḥ sadāśivaḥ || 3||

शान्त उग्रः समः श्रेष्ठो भूतेशो भव्यविग्रहः ।परमेशः परानन्दः परिपूर्णः पदप्रदः ॥ ४॥

śānta ugraḥ samaḥ śreṣṭho bhūteśo bhavyavigrahaḥ |parameśaḥ parānandaḥ paripūrṇaḥ padapradaḥ || 4||

मधुरो महितः शम्भुर्गिरीशो गिरिशो मृडः ।अजः पिनाकी प्रवरः प्रबलः प्रमथाधिपः ॥ ५॥

madhuro mahitaḥ śambhurgirīśo giriśo mṛḍaḥ |ajaḥ pinākī pravaraḥ prabalaḥ pramathādhipaḥ || 5||

मानदः पञ्चवदनो दशबाहुर्दिगम्बरः ।शूली कपाली सुमुखो मृगपाणिर्जटाधरः ॥ ६॥

mānadaḥ pañcavadano daśabāhurdigambaraḥ |śūlī kapālī sumukho mṛgapāṇirjaṭādharaḥ || 6||

शाश्वतोऽतिमहाः स्वामी गिरिधन्वा गुरूत्तमः ।रुद्रो जयप्रदो जेता भुजगाभूषणोऽव्ययः ॥ ७॥

śāśvato'timahāḥ svāmī giridhanvā gurūttamaḥ |rudro jayaprado jetā bhujagābhūṣaṇo'vyayaḥ || 7||

पुराणः पुण्डरीकाक्षप्रियः प्रणव उद्धवः ।कर्पूरगौरः सुतपाः सामतुष्टः प्रजापतिः ॥ ८॥

purāṇaḥ puṇḍarīkākṣapriyaḥ praṇava uddhavaḥ |karpūragauraḥ sutapāḥ sāmatuṣṭaḥ prajāpatiḥ || 8||

महाव्रतः सुरमणिः सत्यसन्धो विनायकः ।अन्धकारातिरजितः सदोदारो निरञ्जनः ॥ ९॥

mahāvrataḥ suramaṇiḥ satyasandho vināyakaḥ |andhakārātirajitaḥ sadodāro nirañjanaḥ || 9||

दीनबन्धुर्दक्षहन्ता विरागो नीललोहितः ।सेव्यः साक्षी कृती नेता उदासीनः सतां गतिः ॥ १०॥

dīnabandhurdakṣahantā virāgo nīlalohitaḥ |sevyaḥ sākṣī kṛtī netā udāsīnaḥ satāṃ gatiḥ || 10||

माता पिता सखा भर्ता सकलाधिनिवारकः ।बहुरूपो वेदसारो विद्यानाथः शिवायनः ॥ ११॥

mātā pitā sakhā bhartā sakalādhinivārakaḥ |bahurūpo vedasāro vidyānāthaḥ śivāyanaḥ || 11||

निरमित्रो निरवधिर्निरविद्यो निरामयः ।मोक्षप्रदमिदं नाम्नां शम्भोरष्टोत्तरं शतम् ॥ १२॥

niramitro niravadhirniravidyo nirāmayaḥ |mokṣapradamidaṃ nāmnāṃ śambhoraṣṭottaraṃ śatam || 12||

इति श्रीमयूरकृतेषु संस्कृतकाव्येषुश्रीशिवाष्टोत्तरशतनामस्तोत्रं सम्पूर्णम् ।

iti śrīmayūrakṛteṣu saṃskṛtakāvyeṣuśrīśivāṣṭottaraśatanāmastotraṃ sampūrṇam |