शिवाष्टकम् मार्कण्डेयकृतम् Shri Shiva Ashtakam by Markandeya

सदा गोदावर्यास्तटनिकटवासं पशुपतिंवदान्यं सर्वेशं वरदमखिलार्थैक घटनम् ।शिवं गौरीनाथं शशिधरमनन्तार्चितपदंभजे मार्कण्डेयं भसितनिटलं भव्यनटनम् ॥ १॥

sadā godāvaryāstaṭanikaṭavāsaṃ paśupatiṃvadānyaṃ sarveśaṃ varadamakhilārthaika ghaṭanam |śivaṃ gaurīnāthaṃ śaśidharamanantārcitapadaṃbhaje mārkaṇḍeyaṃ bhasitaniṭalaṃ bhavyanaṭanam || 1||

सदा कैलासाद्रि स्वपदमनघं सर्वजगतांप्रभुं श्रीविश्वेशं प्रकटित परन्धामसरथम् ।नटेशं गौरीशं ललितरविचन्द्रानलसदृशंभजे मार्कण्डेयं भसितनिटलं भव्यनटनम् ॥ २॥

sadā kailāsādri svapadamanaghaṃ sarvajagatāṃprabhuṃ śrīviśveśaṃ prakaṭita parandhāmasaratham |naṭeśaṃ gaurīśaṃ lalitaravicandrānalasadṛśaṃbhaje mārkaṇḍeyaṃ bhasitaniṭalaṃ bhavyanaṭanam || 2||

महादेवं सर्वं मधुरिपुसखं मङ्गलकरंपरं शम्भुं साम्बं पुरमथनमीशं भवहरम् ।स्मरारिं सर्वज्ञं स्मरहरमनादिं मृगधरंभजे मार्कण्डेयं भसितनिटलं भव्यनटनम् ॥ ३॥

mahādevaṃ sarvaṃ madhuripusakhaṃ maṅgalakaraṃparaṃ śambhuṃ sāmbaṃ puramathanamīśaṃ bhavaharam |smarāriṃ sarvajñaṃ smaraharamanādiṃ mṛgadharaṃbhaje mārkaṇḍeyaṃ bhasitaniṭalaṃ bhavyanaṭanam || 3||

प्रदोषेषु स्वान्तं प्रबलतरतौर्यत्रिककृतंत्रयत्रिंशत्कोटि त्रिशदप्रवरैः सं परिवृतम् ।रमावाणीन्द्र श्रीपति विधिकृतोल्लास्यकरणंभजे मार्कण्डेयं भसितनिटलं भव्यनटनम् ॥ ४॥

pradoṣeṣu svāntaṃ prabalataratauryatrikakṛtaṃtrayatriṃśatkoṭi triśadapravaraiḥ saṃ parivṛtam |ramāvāṇīndra śrīpati vidhikṛtollāsyakaraṇaṃbhaje mārkaṇḍeyaṃ bhasitaniṭalaṃ bhavyanaṭanam || 4||

भवानीहृत्पद्मारुणमहिनि नीलोत्पलगलंसहस्रारे पद्मानिशमविवसन्तं सुरगुरुम् ।स्तुतिभ्यो भक्तानां निखिलसुखदं सुस्थिरपदंभजे मार्कण्डेयं भसितनिटलं भव्यनटनम् ॥ ५॥

bhavānīhṛtpadmāruṇamahini nīlotpalagalaṃsahasrāre padmāniśamavivasantaṃ suragurum |stutibhyo bhaktānāṃ nikhilasukhadaṃ susthirapadaṃbhaje mārkaṇḍeyaṃ bhasitaniṭalaṃ bhavyanaṭanam || 5||

शिवस्त्वं विष्णुत्वं सकलभुवनस्त्वं रविशशिनभस्त्वं कायस्त्वं सकलजगात्मा त्वमसि भो ।यतिर्देयं सान्ते सुखतमखिलं जैमिनिवरेःभजे मार्कण्डेयं भसितनिटलं भव्यनटनम् ॥ ६॥

śivastvaṃ viṣṇutvaṃ sakalabhuvanastvaṃ raviśaśinabhastvaṃ kāyastvaṃ sakalajagātmā tvamasi bho |yatirdeyaṃ sānte sukhatamakhilaṃ jaiminivareḥbhaje mārkaṇḍeyaṃ bhasitaniṭalaṃ bhavyanaṭanam || 6||

सदोच्चैराह्वानं हरहरहरेति प्रवचसासदा भक्त्यानन्दो शिवशिवशिवेति स्वमनसा ।स्तुतिं वारं वारम्भवभवभवेति प्रतिभया ।भजे मार्कण्डेयं भसितनिटलं भव्यनटनम् ॥ ७॥

sadoccairāhvānaṃ haraharahareti pravacasāsadā bhaktyānando śivaśivaśiveti svamanasā |stutiṃ vāraṃ vārambhavabhavabhaveti pratibhayā |bhaje mārkaṇḍeyaṃ bhasitaniṭalaṃ bhavyanaṭanam || 7||

यमाहूतं भीतं मुनिवरनुतं पाशनिहतिंभवन्तं सद्भक्त्या हृदिशिशुमवन्तं करुणया ।शरण्यं भक्तानां परमगतिमीशं परशिवंभजे मार्कण्डेयं भसितनिटलं भव्यनटनम् ॥ ८॥

yamāhūtaṃ bhītaṃ munivaranutaṃ pāśanihatiṃbhavantaṃ sadbhaktyā hṛdiśiśumavantaṃ karuṇayā |śaraṇyaṃ bhaktānāṃ paramagatimīśaṃ paraśivaṃbhaje mārkaṇḍeyaṃ bhasitaniṭalaṃ bhavyanaṭanam || 8||

श्रीकोलाचलसद्वंशवारिदेस्तु सुधाकरः ।यज्ञेशो भूसुरश्चक्रे मार्कण्डेयशिवाष्टकम् ॥ ९॥

śrīkolācalasadvaṃśavāridestu sudhākaraḥ |yajñeśo bhūsuraścakre mārkaṇḍeyaśivāṣṭakam || 9||

इति श्रीमार्कण्डेयकृतं शिवाष्टकं सम्पूर्णम् ।

iti śrīmārkaṇḍeyakṛtaṃ śivāṣṭakaṃ sampūrṇam |