शरभेश्वरकवचम् शरभकवचम् Shri Sharabheshvara Kavacham

(शरभकवचम्)ॐ श्रीगणेशाय नमः ।श्री देव्युवाच ।सर्वज्ञ सर्वमन्त्रस्य सर्वाचार्य शिव प्रभो ।शरभं कवचं दिव्यं सर्वरक्षाकरं परम् ॥ १॥

(śarabhakavacam)oṃ śrīgaṇeśāya namaḥ |śrī devyuvāca |sarvajña sarvamantrasya sarvācārya śiva prabho |śarabhaṃ kavacaṃ divyaṃ sarvarakṣākaraṃ param || 1||

वज्रपञ्जर नामाख्यं वद मे करुणाकर ।श्रीशिव उवाच ।वक्ष्यामि शृणु देवेशि सर्व लक्षणमद्भुतम् । (शृणु ते देवि)शारभं कवचं नाम्ना चतुर्वर्गफलप्रदम् ॥ २॥

vajrapañjara nāmākhyaṃ vada me karuṇākara |śrīśiva uvāca |vakṣyāmi śṛṇu deveśi sarva lakṣaṇamadbhutam | (śṛṇu te devi)śārabhaṃ kavacaṃ nāmnā caturvargaphalapradam || 2||

शरभसालुवपक्षिराजाख्य कवचस्य तु । (शरभशालुव)सदाशिव ऋषिश्छन्दो बृहती शरभेश्वरः ॥ ३॥

śarabhasāluvapakṣirājākhya kavacasya tu | (śarabhaśāluva)sadāśiva ṛṣiśchando bṛhatī śarabheśvaraḥ || 3||

देवता प्रणवं बीजं प्रकृतिः शक्तिरुच्यते ।कीलकं पक्षिराजाय सर्वरक्षाकरोविभुः ॥ ४॥

devatā praṇavaṃ bījaṃ prakṛtiḥ śaktirucyate |kīlakaṃ pakṣirājāya sarvarakṣākarovibhuḥ || 4||

परप्रयोगशान्त्यर्थ सर्वशत्रुनिवृत्तये ।चतुर्वर्गार्थसिध्यर्थे विनियोगोऽथ भावना ॥ ५॥

paraprayogaśāntyartha sarvaśatrunivṛttaye |caturvargārthasidhyarthe viniyogo'tha bhāvanā || 5||

ध्यानम् ।रक्ताभं सुप्रसन्नं त्रिनयनममृतोन्मत्त भाषाभिराममंकारुण्याम्भोधिमीशं वरदमभयदं चन्द्ररेखावतंसम् । (शरभमभयदं)शङ्खध्माताखिलाशा प्रतिहतविधिना भासमानात्मभावं (शङ्खध्वानाखिलाशा)सर्वेशं सालुवेशं प्रणतभयहरं पक्षिराजं नमामि ॥ ६॥ (सर्वेशंशालुवेशं)

dhyānam |raktābhaṃ suprasannaṃ trinayanamamṛtonmatta bhāṣābhirāmamaṃkāruṇyāmbhodhimīśaṃ varadamabhayadaṃ candrarekhāvataṃsam | (śarabhamabhayadaṃ)śaṅkhadhmātākhilāśā pratihatavidhinā bhāsamānātmabhāvaṃ (śaṅkhadhvānākhilāśā)sarveśaṃ sāluveśaṃ praṇatabhayaharaṃ pakṣirājaṃ namāmi || 6|| (sarveśaṃśāluveśaṃ)

ॐ श्री शिवः पुरतः पातु मायाधीशस्तु पृष्ठतः ।पिनाकी दक्षिणं पातु वामपार्श्वं महेश्वरः ॥ १॥

oṃ śrī śivaḥ purataḥ pātu māyādhīśastu pṛṣṭhataḥ |pinākī dakṣiṇaṃ pātu vāmapārśvaṃ maheśvaraḥ || 1||

शिखाग्रं पातु मे शम्भुर्निटिलं पातु शङ्करः ।ईश्वरो वदनं पातु भ्रुवोर्मध्यं पुरान्तकः ॥ २॥

śikhāgraṃ pātu me śambhurniṭilaṃ pātu śaṅkaraḥ |īśvaro vadanaṃ pātu bhruvormadhyaṃ purāntakaḥ || 2||

भ्रुवौ पातु मम स्थाणुः कपर्दी पातु लोचने ।शर्वो मे श्रोत्रयोः पातु वागीशः पातु लम्बिकाम् ॥ ३॥ (श्रोत्रके पातु)

bhruvau pātu mama sthāṇuḥ kapardī pātu locane |śarvo me śrotrayoḥ pātu vāgīśaḥ pātu lambikām || 3|| (śrotrake pātu)

नासयोर्मे वृषारूढो नासाग्रं वृषभध्वजः । (नासिके, नासाग्रे)स्मरारिः पातु मे ताल्वेरोष्ठयोर्भक्तवत्सलः ॥ ४॥

nāsayorme vṛṣārūḍho nāsāgraṃ vṛṣabhadhvajaḥ | (nāsike, nāsāgre)smarāriḥ pātu me tālveroṣṭhayorbhaktavatsalaḥ || 4||

जिह्वां मम सदा पातु सर्वविद्या प्रदायकः ।पातु मृत्युञ्जयो दन्तान्चिबुकं पातु भूतराट् ॥ ५॥

jihvāṃ mama sadā pātu sarvavidyā pradāyakaḥ |pātu mṛtyuñjayo dantāncibukaṃ pātu bhūtarāṭ || 5||

परमेशः कपोलौ मे त्रिकं पातु कपालभृत् ।कण्ठं पशुपतिः पातु शूली पातु हनू मम ॥ ६॥

parameśaḥ kapolau me trikaṃ pātu kapālabhṛt |kaṇṭhaṃ paśupatiḥ pātu śūlī pātu hanū mama || 6||

स्कन्धद्वयं हरः पातु धूर्जटि पातु मे भुजौ ।भुजसन्धिं महादेव ईशानो मे प्रकूपरे ॥ ७॥

skandhadvayaṃ haraḥ pātu dhūrjaṭi pātu me bhujau |bhujasandhiṃ mahādeva īśāno me prakūpare || 7||

मध्यसन्धी जगन्नाथः प्रकोष्ठे चन्द्रशेखरः ।मणिबन्धौ त्रिनेत्रो मे भीमः पातु करस्थले ॥ ८॥

madhyasandhī jagannāthaḥ prakoṣṭhe candraśekharaḥ |maṇibandhau trinetro me bhīmaḥ pātu karasthale || 8||

करपृष्ठे मृडः पातु रुद्रोऽगुंष्ठद्वये मम ।उमासहायस्तर्जन्यौ भर्गो मे पातु मध्यमे ॥ ९॥

karapṛṣṭhe mṛḍaḥ pātu rudro'guṃṣṭhadvaye mama |umāsahāyastarjanyau bhargo me pātu madhyame || 9||

अनामिके करालास्यः कालकण्ठः कनिष्ठिके ।गङ्गाधरोऽङ्गुलीपर्वाण्यप्रमेयो नखानि मे ॥ १०॥

anāmike karālāsyaḥ kālakaṇṭhaḥ kaniṣṭhike |gaṅgādharo'ṅgulīparvāṇyaprameyo nakhāni me || 10||

वक्षस्तत्पुरुषः पातु कक्षे दक्षाध्वरान्तकः ।अघोरो हृदयं पातु वामदेव स्तनद्वयम् ॥ ११॥

vakṣastatpuruṣaḥ pātu kakṣe dakṣādhvarāntakaḥ |aghoro hṛdayaṃ pātu vāmadeva stanadvayam || 11||

भालदृक् जठरं पातु नाभिं नारायणप्रियः ।कुक्षौ प्रजाकरः पातु कुक्षिपार्श्वे महाबलः ॥ १२॥

bhāladṛk jaṭharaṃ pātu nābhiṃ nārāyaṇapriyaḥ |kukṣau prajākaraḥ pātu kukṣipārśve mahābalaḥ || 12||

सद्योजातः कटी पातु पृष्ठभागं तु भैरवः ।मोहनोजघनं पातु गुदं मम जितेन्द्रियः ॥ १३॥

sadyojātaḥ kaṭī pātu pṛṣṭhabhāgaṃ tu bhairavaḥ |mohanojaghanaṃ pātu gudaṃ mama jitendriyaḥ || 13||

ऊर्ध्वरेता लिङ्गदेशं वृषणं विश्वमोहनः ।ऊरूद्वयं भवः पातु जानुयुग्मं भवान्तकः ॥ १४॥ (ऊरुयुग्मं हरः पातु)

ūrdhvaretā liṅgadeśaṃ vṛṣaṇaṃ viśvamohanaḥ |ūrūdvayaṃ bhavaḥ pātu jānuyugmaṃ bhavāntakaḥ || 14|| (ūruyugmaṃ haraḥ pātu)

हुङ्कारः पातु मे जङ्घे फट्कारो मम गुल्फके ।वषट्कारः पादपृष्ठे वौषट्कारोऽङ्घ्रिणस्तले ॥ १५॥ (खट्कारः)

huṅkāraḥ pātu me jaṅghe phaṭkāro mama gulphake |vaṣaṭkāraḥ pādapṛṣṭhe vauṣaṭkāro'ṅghriṇastale || 15|| (khaṭkāraḥ)

स्वाहाकारोऽङ्गुलीपार्श्वे स्वधाकारोऽङ्गुलीर्मम ।त्वरितः सर्व सन्धीन्मे रोमकूपाणि सिंहजित् ॥ १६॥ (त्वरितः सन्धिबन्धं मे)

svāhākāro'ṅgulīpārśve svadhākāro'ṅgulīrmama |tvaritaḥ sarva sandhīnme romakūpāṇi siṃhajit || 16|| (tvaritaḥ sandhibandhaṃ me)

त्वचं पातु मनोवेगः कालजिद्रुधिरं मम ।पुष्टिदः पातु मे मांसं मेदो मे स्वस्तिदोऽवतु ॥ १७॥

tvacaṃ pātu manovegaḥ kālajidrudhiraṃ mama |puṣṭidaḥ pātu me māṃsaṃ medo me svastido'vatu || 17||

सर्वात्मास्थिचयं पातु मज्जानं मे जगत्प्रभु । (मज्जां मम)शुक्रं वृद्धिकरः पातु बुद्धिं वाचामधीश्वरः ॥ १८॥

sarvātmāsthicayaṃ pātu majjānaṃ me jagatprabhu | (majjāṃ mama)śukraṃ vṛddhikaraḥ pātu buddhiṃ vācāmadhīśvaraḥ || 18||

मूलाधाराम्बुजं पातु भगवान्शरभेश्वरः ।स्वाधिष्ठानमजः पातु मणीपूरं हरिप्रियः ॥ १९॥

mūlādhārāmbujaṃ pātu bhagavānśarabheśvaraḥ |svādhiṣṭhānamajaḥ pātu maṇīpūraṃ haripriyaḥ || 19||

अनाहतं सालुवेशोविशुद्धं जीवनायकः । (शालुवेशोविशुद्धं)सर्वज्ञानप्रदोह्याज्ञां ललाटं मे सदाशिवः ॥ २०॥ (प्रदो देवो)

anāhataṃ sāluveśoviśuddhaṃ jīvanāyakaḥ | (śāluveśoviśuddhaṃ)sarvajñānapradohyājñāṃ lalāṭaṃ me sadāśivaḥ || 20|| (prado devo)

ब्रह्मरन्ध्रं महादेवः पक्षिराजोऽखिलात्मवान् ।सर्वलोकवशीकारः पातु मां परगर्वजित् ॥ २१॥

brahmarandhraṃ mahādevaḥ pakṣirājo'khilātmavān |sarvalokavaśīkāraḥ pātu māṃ paragarvajit || 21||

वज्रमुष्टिवराभीतिहस्तः कालाभ्रसन्निभः ।विजया सहितः पातु चैन्द्रीं ककुभमग्निजित् ॥ २२॥

vajramuṣṭivarābhītihastaḥ kālābhrasannibhaḥ |vijayā sahitaḥ pātu caindrīṃ kakubhamagnijit || 22||

शक्तिशूलकपालासिहस्तः सौदामिनीप्रभः ।जयायुतो महाभीमः पातु वैश्वानरीं दिशम् ॥ २३॥

śaktiśūlakapālāsihastaḥ saudāminīprabhaḥ |jayāyuto mahābhīmaḥ pātu vaiśvānarīṃ diśam || 23||

दण्डासिमुसलंहालपाशाङ्कुश कराम्बुजः । (दण्डासिमुसली सीर)यमान्तकोऽजितायुक्तो याम्यीं पातु दिशं ममः ॥ २४॥ (कामान्तकोऽजितायुक्त्ऱः दिशं याम्यां सदाऽवतु)

daṇḍāsimusalaṃhālapāśāṅkuśa karāmbujaḥ | (daṇḍāsimusalī sīra)yamāntako'jitāyukto yāmyīṃ pātu diśaṃ mamaḥ || 24|| (kāmāntako'jitāyuktraḥ diśaṃ yāmyāṃ sadā'vatu)

खड्गखेटासिपरशुहस्तशत्रुविमर्दनः । (खेटाग्नि)अपराजितया युक्तः सदाव्यान्नैरॄतिं दिशम् ॥ २५॥

khaḍgakheṭāsiparaśuhastaśatruvimardanaḥ | (kheṭāgni)aparājitayā yuktaḥ sadāvyānnairṝtiṃ diśam || 25||

पाशाङ्कुशधनुर्बाणपाणिघोणियुतोऽग्रकः ।हरिद्राभोऽनिशं पायाद्वारुणीं दिशमात्मजित् ॥ २६॥

pāśāṅkuśadhanurbāṇapāṇighoṇiyuto'grakaḥ |haridrābho'niśaṃ pāyādvāruṇīṃ diśamātmajit || 26||

ध्वजचक्रयुतोदारिभुजो दुर्गा युतोऽर्गलः । (ध्वजछत्रगदाकुन्त)चण्डवेगः शिवः पायात्सततं मारुती दिशम् ॥ २७॥

dhvajacakrayutodāribhujo durgā yuto'rgalaḥ | (dhvajachatragadākunta)caṇḍavegaḥ śivaḥ pāyātsatataṃ mārutī diśam || 27||

गदास्त्रग्वरदाभीति कराम्भोज श्रियायुतः । (गदाक्षर)कनकाभो महातेजः पातु कौबेरकीदिशम् ॥ २८॥

gadāstragvaradābhīti karāmbhoja śriyāyutaḥ | (gadākṣara)kanakābho mahātejaḥ pātu kauberakīdiśam || 28||

त्रिशूलाहिकपालाग्निदोस्तलो विद्ययायुतः ।भस्मोद्धूलितसर्वाङ्ग ऐशीं पात्वपराजितः ॥ २९॥ (सर्वाङ्गो दिशं पातु शिवप्रियाम्)

triśūlāhikapālāgnidostalo vidyayāyutaḥ |bhasmoddhūlitasarvāṅga aiśīṃ pātvaparājitaḥ || 29|| (sarvāṅgo diśaṃ pātu śivapriyām)

जपास्त्रक्पुस्तकाम्भोज कमण्डलुं कराम्बुजः । (जपस्रक्)ऊर्ध्वं पातु गिरायुक्तः सर्वभूतहितेरतः ॥ ३०॥

japāstrakpustakāmbhoja kamaṇḍaluṃ karāmbujaḥ | (japasrak)ūrdhvaṃ pātu girāyuktaḥ sarvabhūtahiterataḥ || 30||

शङ्खचक्रगदाऽभीतिहस्तः पद्मायुतोऽव्ययः ।कालाञ्जनसमोनीलः पातालं पात्वनारतम् ॥ ३१॥ (नीलाञ्जनो)

śaṅkhacakragadā'bhītihastaḥ padmāyuto'vyayaḥ |kālāñjanasamonīlaḥ pātālaṃ pātvanāratam || 31|| (nīlāñjano)

अनुक्ता विदिशः पातु सालुवो नारसिंहजित् ।शरभः पातु सङ्ग्रामे युद्धे वैरिकुलान्तकः ॥ ३२॥

anuktā vidiśaḥ pātu sāluvo nārasiṃhajit |śarabhaḥ pātu saṅgrāme yuddhe vairikulāntakaḥ || 32||

सर्वसौभाग्यदः पातु जाग्रत्स्वप्नसुषुप्तिषु ।सर्वसम्पत्प्रदः पातु धनधान्यादिकं मम ॥ ३३॥

sarvasaubhāgyadaḥ pātu jāgratsvapnasuṣuptiṣu |sarvasampatpradaḥ pātu dhanadhānyādikaṃ mama || 33||

सन्तानदः सुतान्पातु दारानायुष्करोऽनिशम् । (पुत्रानायुषकरो)बन्धून्वृद्धिकरः पातु गृहं सर्ववशङ्करः ॥ ३४॥

santānadaḥ sutānpātu dārānāyuṣkaro'niśam | (putrānāyuṣakaro)bandhūnvṛddhikaraḥ pātu gṛhaṃ sarvavaśaṅkaraḥ || 34||

ग्रामं ग्रामेश्वरः पातु राज्यं पातु दिगम्बरः ।राष्ट्रं शान्तिकरः पातु राजानं धर्मशासकः ॥ ३५॥

grāmaṃ grāmeśvaraḥ pātu rājyaṃ pātu digambaraḥ |rāṣṭraṃ śāntikaraḥ pātu rājānaṃ dharmaśāsakaḥ || 35||

मार्गं दुष्टहरः पातु धर्मकर्माणि भैरवः ।बटुकः पातु मे सर्वं त्र्यवस्थासु भयेषु च ॥ ३६॥

mārgaṃ duṣṭaharaḥ pātu dharmakarmāṇi bhairavaḥ |baṭukaḥ pātu me sarvaṃ tryavasthāsu bhayeṣu ca || 36||

स्पर्शवीक्षणसंयुक्तः प्राणरक्षां मनोजवः ।प्रधानमूर्तिभावश्च प्रासादेष्वाशुसिद्धिकृत् ॥ ३७॥

sparśavīkṣaṇasaṃyuktaḥ prāṇarakṣāṃ manojavaḥ |pradhānamūrtibhāvaśca prāsādeṣvāśusiddhikṛt || 37||

साधकः प्रणवं बीजं नमो भगवतेति च । (प्रणवं ध्यायान् ज्वलद्द्विः प्रज्ज्वलद्वयम्)प्रतिनाम चतुर्थ्यन्तं स्पर्श इत्यभिधीयते ॥ ३८॥ (प्रत्यावृत्ति चतुर्थ्यन्तं)

sādhakaḥ praṇavaṃ bījaṃ namo bhagavateti ca | (praṇavaṃ dhyāyān jvaladdviḥ prajjvaladvayam)pratināma caturthyantaṃ sparśa ityabhidhīyate || 38|| (pratyāvṛtti caturthyantaṃ)

द्विर्ज्वलप्रज्वले साध्यं साधय द्विर्द्वि रक्ष तत् ।सर्वदुष्टेभ्यो हुं फट् स्वाहान्त युग्वीक्षणम् ॥ ३९॥

dvirjvalaprajvale sādhyaṃ sādhaya dvirdvi rakṣa tat |sarvaduṣṭebhyo huṃ phaṭ svāhānta yugvīkṣaṇam || 39||

स्पृशन् पश्यन् जपं कृत्वा प्रतिस्थानं समाहितः । (स्पर्शं स्पर्शं जपं)प्रार्थयेदखिलं स्वेष्टं हृदिस्थं सालुवेश्वरम् ॥ ४०॥ (शालुवेश्वरम्)

spṛśan paśyan japaṃ kṛtvā pratisthānaṃ samāhitaḥ | (sparśaṃ sparśaṃ japaṃ)prārthayedakhilaṃ sveṣṭaṃ hṛdisthaṃ sāluveśvaram || 40|| (śāluveśvaram)

ये ग्रामघातकाः क्रूराः कपटा दौष्टिका भटाः । (कपटा दुर्मदा ग्रहाः)तस्कराः शत्रवः क्रुद्धा वधे सक्ताः पलाशनाः ॥ ४१॥

ye grāmaghātakāḥ krūrāḥ kapaṭā dauṣṭikā bhaṭāḥ | (kapaṭā durmadā grahāḥ)taskarāḥ śatravaḥ kruddhā vadhe saktāḥ palāśanāḥ || 41||

छद्मचाराः विटाः भ्रष्टास्दिवाचरनिशाचराः ।ते सर्वे पक्षिराजस्य पक्षवातपराहताः ॥ ४२॥

chadmacārāḥ viṭāḥ bhraṣṭāsdivācaraniśācarāḥ |te sarve pakṣirājasya pakṣavātaparāhatāḥ || 42||

स्त्रीबालसहिताः क्षिप्रं पितृमातृ कुलान्विताः ।भग्नचित्ता गतस्थाना यान्तु देशान्तरं स्वयम् ॥ ४३॥ (जगस्थाना यान्तु)

strībālasahitāḥ kṣipraṃ pitṛmātṛ kulānvitāḥ |bhagnacittā gatasthānā yāntu deśāntaraṃ svayam || 43|| (jagasthānā yāntu)

ये च दुष्टग्रहा रक्षःपिशाचाः देवयोनयः । (ये तु दुष्टाहा यक्षाः)चतुःषष्टिगणाः सप्तसप्तत्युन्मादका ग्रहाः ॥ ४४॥ (मत्तका ग्रहाः)

ye ca duṣṭagrahā rakṣaḥpiśācāḥ devayonayaḥ | (ye tu duṣṭāhā yakṣāḥ)catuḥṣaṣṭigaṇāḥ saptasaptatyunmādakā grahāḥ || 44|| (mattakā grahāḥ)

अष्टाशीति महाभूताः सप्तकोटि महाग्रहाः ।नवति ज्वरभेदाश्च शतभेदाश्च कृत्तिकाः ॥ ४५॥ (शतभेदाश्च कृत्रिमाः )

aṣṭāśīti mahābhūtāḥ saptakoṭi mahāgrahāḥ |navati jvarabhedāśca śatabhedāśca kṛttikāḥ || 45|| (śatabhedāśca kṛtrimāḥ )

पञ्चाशद् गणनाथाश्च नियुता कृत्रिमा ग्रहाः ।प्रेतारूढास्त्रयस्त्रिंशत्पिण्डदान परायणाः ॥ ४६॥

pañcāśad gaṇanāthāśca niyutā kṛtrimā grahāḥ |pretārūḍhāstrayastriṃśatpiṇḍadāna parāyaṇāḥ || 46||

अयुतं क्षुद्रभेदाश्च चत्वारिंशच्छिवाह्वयाः ।द्वात्रिंशद्वह्निवक्त्राश्च त्रिंशन्मार्जारवक्त्रकाः ॥ ४७॥

ayutaṃ kṣudrabhedāśca catvāriṃśacchivāhvayāḥ |dvātriṃśadvahnivaktrāśca triṃśanmārjāravaktrakāḥ || 47||

चतुःषष्ट्याखुरूपाश्च ये चान्ये क्षुद्रयोनयः ।ते सर्वे सालुवेशस्य शङ्खनिःस्वनमोहिताः ॥ ४८॥ (शालुवेशस्य)

catuḥṣaṣṭyākhurūpāśca ye cānye kṣudrayonayaḥ |te sarve sāluveśasya śaṅkhaniḥsvanamohitāḥ || 48|| (śāluveśasya)

विषण्णाः खिलतःस्वान्ताः प्राणत्राणपरायणाः ।गच्छन्तु सम्प्रयोक्तारो देशान्तरमनिच्छया ॥ ४९॥ (सत्प्रयोक्तारो)

viṣaṇṇāḥ khilataḥsvāntāḥ prāṇatrāṇaparāyaṇāḥ |gacchantu samprayoktāro deśāntaramanicchayā || 49|| (satprayoktāro)

ये च मूषकवैडालाः शुनकोरगवृश्चिकाः ।आशीविषाः शिवा व्याला व्याघ्रऋक्षेभसूकराः ॥ ५०॥ (शूकराः)

ye ca mūṣakavaiḍālāḥ śunakoragavṛścikāḥ |āśīviṣāḥ śivā vyālā vyāghraṛkṣebhasūkarāḥ || 50|| (śūkarāḥ)

गृध्राः श्येनाः खगाः कङ्का दंशका भ्रंशका मृगाः । (काकदंशका भृशका ग्रहाः)एते शरभहस्ताग्रनखक्षतविमोक्षगाः ॥ ५१॥

gṛdhrāḥ śyenāḥ khagāḥ kaṅkā daṃśakā bhraṃśakā mṛgāḥ | (kākadaṃśakā bhṛśakā grahāḥ)ete śarabhahastāgranakhakṣatavimokṣagāḥ || 51||

स्रवद्रक्ततलासिक्ताः शिलातलनिपीडिताः ।सम्भिन्नतनवः शीघ्रं नश्यत्खिलदुश्चराः ॥ ५२॥

sravadraktatalāsiktāḥ śilātalanipīḍitāḥ |sambhinnatanavaḥ śīghraṃ naśyatkhiladuścarāḥ || 52||

न दंशन्तूरगाः क्वापि नातिवातोऽपि वीजतु । (नातिवातोऽपि धातु च)न दहत्वसहो वह्निरायान्त्वापो न चाधिकाः ॥ ५३॥

na daṃśantūragāḥ kvāpi nātivāto'pi vījatu | (nātivāto'pi dhātu ca)na dahatvasaho vahnirāyāntvāpo na cādhikāḥ || 53||

न वर्षत्वतिवृष्टिश्च न पतत्वशनिः क्वचित् ।नाक्रामत्वपमृत्युश्च नास्त्युत्पातं कदाचन ॥ ५४॥

na varṣatvativṛṣṭiśca na patatvaśaniḥ kvacit |nākrāmatvapamṛtyuśca nāstyutpātaṃ kadācana || 54||

न भ्रियन्त्वम्भसि जना न भवत्वशुभं क्वचित् ।न वदन्त्वसहं वाक्यं जन्तवो मम देशके ॥ ५५॥

na bhriyantvambhasi janā na bhavatvaśubhaṃ kvacit |na vadantvasahaṃ vākyaṃ jantavo mama deśake || 55||

नास्ति वैरं तु जन्तूनामन्योऽयं राजके मम ।भवन्तु सुखिनः सर्वे नार्यः सन्तु पतिव्रताः ॥ ५६॥ (सर्वे सर्वाः सन्तु)

nāsti vairaṃ tu jantūnāmanyo'yaṃ rājake mama |bhavantu sukhinaḥ sarve nāryaḥ santu pativratāḥ || 56|| (sarve sarvāḥ santu)

सर्वाः सूयन्तु सत्पुत्रान्पुत्रीश्च शुभलक्षणाः ।सर्वे देवाश्च नन्दन्तु सन्तु कल्याणकारकाः ॥ ५७॥

sarvāḥ sūyantu satputrānputrīśca śubhalakṣaṇāḥ |sarve devāśca nandantu santu kalyāṇakārakāḥ || 57||

राजन्वती मही चास्तु राजा भवतु धार्मिकः ।ससंस्त्रवंपयोगावः फलन्त्वोषधयोऽधिकम् ॥ ५८॥ (संस्रवन्तु पयो)

rājanvatī mahī cāstu rājā bhavatu dhārmikaḥ |sasaṃstravaṃpayogāvaḥ phalantvoṣadhayo'dhikam || 58|| (saṃsravantu payo)

भवन्तु फलदा वृक्षाः सिद्धिर्भवतु मेऽखिला ।ममास्तु तरसा नूनमात्मज्ञानमचञ्चलम् ॥ ५९॥

bhavantu phaladā vṛkṣāḥ siddhirbhavatu me'khilā |mamāstu tarasā nūnamātmajñānamacañcalam || 59||

महाक्रोधमहालोभाः समदा लोभ मत्सराः । (मोह मत्सराः)न सन्तु क्वापि मे सर्वे भगवन्करुणानिधे ॥ ६०॥ (नाक्रामेयुश्च सर्वेश्)

mahākrodhamahālobhāḥ samadā lobha matsarāḥ | (moha matsarāḥ)na santu kvāpi me sarve bhagavankaruṇānidhe || 60|| (nākrāmeyuśca sarveś)

शरभेश्वर विश्वेश पक्षिराज दयानिधे ।देहि मे ह्यचलां भक्ति प्रणतोऽस्मि पुनः पुनः ॥ ६१॥

śarabheśvara viśveśa pakṣirāja dayānidhe |dehi me hyacalāṃ bhakti praṇato'smi punaḥ punaḥ || 61||

गौरिवल्लभ कामारे कालकूटविषादन ।मामुद्धरापदम्भोधेस्त्रिपुरघ्नान्तकान्तक ॥ ६२॥

gaurivallabha kāmāre kālakūṭaviṣādana |māmuddharāpadambhodhestripuraghnāntakāntaka || 62||

सालुवेश (शालुवेश) जगन्नाथ सर्वभूतहिते रत । (शालुवेश)पाहि मां तरसा चौरान्दुष्टान्नाशय नाशय ॥ ६३॥ (त्राहि मां तरसा घोरान्)

sāluveśa (śāluveśa) jagannātha sarvabhūtahite rata | (śāluveśa)pāhi māṃ tarasā caurānduṣṭānnāśaya nāśaya || 63|| (trāhi māṃ tarasā ghorān)

कालभैरव विश्वेश विश्वरक्षापरायण ।रक्ष मूषकचौरेभ्यो धान्यराशिमिमं प्रभो ॥ ६४॥ (मूषिकचोरेभ्यो)

kālabhairava viśveśa viśvarakṣāparāyaṇa |rakṣa mūṣakacaurebhyo dhānyarāśimimaṃ prabho || 64|| (mūṣikacorebhyo)

पक्षिराज महादेव प्रणतार्तिविनाशन ।मदीयानि पदार्थानि नित्यं पालय पालय ॥ ६५॥

pakṣirāja mahādeva praṇatārtivināśana |madīyāni padārthāni nityaṃ pālaya pālaya || 65||

सर्वज्ञ सर्वलोकेश सर्वदुष्टविनाशन ।तस्करेण हृतं वस्तु द्रुतं दापय दापय ॥ ६६॥

sarvajña sarvalokeśa sarvaduṣṭavināśana |taskareṇa hṛtaṃ vastu drutaṃ dāpaya dāpaya || 66||

ये मर्मवादिनः क्षुद्राः छिद्रोपद्रवकारकाः । (ये मर्मघातिनः)सर्वाचारपरिभ्रष्टा मानहीनाश्च रोधकाः ॥ ६७॥ (सर्वाचारपरित्यक्ताः)

ye marmavādinaḥ kṣudrāḥ chidropadravakārakāḥ | (ye marmaghātinaḥ)sarvācāraparibhraṣṭā mānahīnāśca rodhakāḥ || 67|| (sarvācāraparityaktāḥ)

ते सर्वे सालुवेशस्य मुसलायुधचूर्णिताः । (शालुवेशस्य)नश्यन्तु निमिषार्धेन पावकावृततूलवत् ॥ ६८॥

te sarve sāluveśasya musalāyudhacūrṇitāḥ | (śāluveśasya)naśyantu nimiṣārdhena pāvakāvṛtatūlavat || 68||

ये जना द्रोहिणोऽश्लाघ्यास्त्वकालोचितभाषणाः ।(ये जनद्रोहिणोऽल्पाश्च दुरालोचितभाषिणः)सत्कर्म विघ्नकर्तारः शान्त भर्त्सापरायणाः ॥ ६९॥

ye janā drohiṇo'ślāghyāstvakālocitabhāṣaṇāḥ |(ye janadrohiṇo'lpāśca durālocitabhāṣiṇaḥ)satkarma vighnakartāraḥ śānta bhartsāparāyaṇāḥ || 69||

(सत्कर्मविघ्नकर्तारश्चासत्कर्मपरा नराः)ते सालुवेश हस्ताग्रखड्गनिर्भिन्नदेहिनः । (शालुवेशहस्ताग्रहस्तनिर्भिन्नदेहिनः)पतन्तु भूतले याम्यां प्राणास्तेषां प्रयान्त्वरम् ॥ ७०॥ (प्रयान्तु वै)

(satkarmavighnakartāraścāsatkarmaparā narāḥ)te sāluveśa hastāgrakhaḍganirbhinnadehinaḥ | (śāluveśahastāgrahastanirbhinnadehinaḥ)patantu bhūtale yāmyāṃ prāṇāsteṣāṃ prayāntvaram || 70|| (prayāntu vai)

त्वदङ्घ्रि ध्यान निर्दग्ध पापकोशाय मन्त्रिणे । (पापकोशाय मे शिव)मह्यं द्रुह्यन्ति ये तेषां विभवानि क्षयन्त्वरम् ॥ ७१॥

tvadaṅghri dhyāna nirdagdha pāpakośāya mantriṇe | (pāpakośāya me śiva)mahyaṃ druhyanti ye teṣāṃ vibhavāni kṣayantvaram || 71||

त्वदाचारं परं भक्तं साधकानां विवेकिनम् ।य आक्रमन्ति सङ्ग्रामे ते गच्छन्तु पराहताः ॥ ७२॥ (आक्रामन्ति च सङ्ग्रामे)

tvadācāraṃ paraṃ bhaktaṃ sādhakānāṃ vivekinam |ya ākramanti saṅgrāme te gacchantu parāhatāḥ || 72|| (ākrāmanti ca saṅgrāme)

त्वदीयेनैव मार्गेण सञ्चरन्तं जपातुरम् । (मार्गेण चरतां जपतां सदा)ये वदन्ति परीवादं भ्रान्ताः शीघ्रं भवन्तु ते ॥ ७३ ॥ (परीवादे)

tvadīyenaiva mārgeṇa sañcarantaṃ japāturam | (mārgeṇa caratāṃ japatāṃ sadā)ye vadanti parīvādaṃ bhrāntāḥ śīghraṃ bhavantu te || 73 || (parīvāde)

त्वद्दासममलं धीरं ये मां तर्जयितुं बलात् ।(त्वद्दासमुख्यं मां धीरं तर्जयन्ति बलाच्च ये)मनसा ये न मन्यन्ते तत्स्वान्तं भ्रमतु क्षणात् ॥ ७४॥ (मनसा येऽव्मन्यन्ते)

tvaddāsamamalaṃ dhīraṃ ye māṃ tarjayituṃ balāt |(tvaddāsamukhyaṃ māṃ dhīraṃ tarjayanti balācca ye)manasā ye na manyante tatsvāntaṃ bhramatu kṣaṇāt || 74|| (manasā ye'vmanyante)

मनसा कर्मणा वाचा ये कुर्वन्त्यतिदुःसहम् ।ते महाशोकरोगाब्धौ पतन्त्वाशु शिवाज्ञया ॥ ७५॥

manasā karmaṇā vācā ye kurvantyatiduḥsaham |te mahāśokarogābdhau patantvāśu śivājñayā || 75||

मदीयानि पदार्थानि गृहीतुं योऽवलोकते । (ग्रहितुं)तत्क्षणादेव नष्टाक्षो भवत्वाश्वीश्वराज्ञया ॥ ७६॥ (भवत्वाशु शिवाज्ञया)

madīyāni padārthāni gṛhītuṃ yo'valokate | (grahituṃ)tatkṣaṇādeva naṣṭākṣo bhavatvāśvīśvarājñayā || 76|| (bhavatvāśu śivājñayā)

मदीयं द्रव्यमादाय ये गच्छन्तीह तस्कराः ।सिंहारिपाशसम्बद्धास्ते चरन्तु प्रदक्षिणम् ॥ ७७॥ (पाशसम्बन्द्धात् ते)

madīyaṃ dravyamādāya ye gacchantīha taskarāḥ |siṃhāripāśasambaddhāste carantu pradakṣiṇam || 77|| (pāśasambanddhāt te)

सीमातीताश्च ये चौरा गृहीतद्रव्यसञ्चयाः । (सीमान्तरगताश्चोरा)अवशावयवास्ते तु आगच्छन्तु शिवाज्ञया ॥ ७८॥ (च गच्छन्तु शरभाज्ञया)

sīmātītāśca ye caurā gṛhītadravyasañcayāḥ | (sīmāntaragatāścorā)avaśāvayavāste tu āgacchantu śivājñayā || 78|| (ca gacchantu śarabhājñayā)

तस्कराः निम्नगातीताः स्वान्तधान्यधनाधिकाः ।(तस्करा येऽपगृह्णन्ति मम धान्यधनादिकम्)पक्षिराजाङ्कुशाकृष्टाः समागच्छन्तु मद्गृहम् ॥ ७९॥

taskarāḥ nimnagātītāḥ svāntadhānyadhanādhikāḥ |(taskarā ye'pagṛhṇanti mama dhānyadhanādikam)pakṣirājāṅkuśākṛṣṭāḥ samāgacchantu madgṛham || 79||

(पक्षिराट् क्रोडिकाकृष्टाः समागच्छन्तु ते द्रुतम्)समाहृतपदार्थाद्या देशातीताश्च तस्कराः ।शरभेशहलाकृष्टास्ते आगच्छन्तु वै द्रुतम् ॥ ८०॥

(pakṣirāṭ kroḍikākṛṣṭāḥ samāgacchantu te drutam)samāhṛtapadārthādyā deśātītāśca taskarāḥ |śarabheśahalākṛṣṭāste āgacchantu vai drutam || 80||

चौरा ग्रहीतुमुद्युक्ताः समागच्छन्ति मद्गृहे ।ते सालुवेशपक्षोत्थवातैर्गच्छन्तु सत्वरम् ॥ ८१॥ (शालुवेशपक्षोत्थवातैर्गच्छन्तु)

caurā grahītumudyuktāḥ samāgacchanti madgṛhe |te sāluveśapakṣotthavātairgacchantu satvaram || 81|| (śāluveśapakṣotthavātairgacchantu)

शान्तं विवेकिनं भक्तं त्वदङ्घ्रि ध्यानतत्परम् ।ब्रुवन्ति ये सहप्राणास्तेषां यान्ति यमीं पुरीम् ॥ ८२॥

śāntaṃ vivekinaṃ bhaktaṃ tvadaṅghri dhyānatatparam |bruvanti ye sahaprāṇāsteṣāṃ yānti yamīṃ purīm || 82||

(द्रुह्यन्ति य इह प्राणास्तेषां यान्तु यमं शिव)षट्त्रिंशत्कोष्टके यन्त्रे रेखाशूलाग्रसाध्यके ।स्वेच्छामन्त्रं लिखित्वा तु जपेदाराध्य साधकः ॥ ८३॥

(druhyanti ya iha prāṇāsteṣāṃ yāntu yamaṃ śiva)ṣaṭtriṃśatkoṣṭake yantre rekhāśūlāgrasādhyake |svecchāmantraṃ likhitvā tu japedārādhya sādhakaḥ || 83||

मध्ये पाशाङ्कुशे वह्नि साध्य नाम लिखेत्क्रमात् ।उदङमुखः सहस्त्रं तु रक्षणाय जपेन्निशिः ॥ ८४॥

madhye pāśāṅkuśe vahni sādhya nāma likhetkramāt |udaṅamukhaḥ sahastraṃ tu rakṣaṇāya japenniśiḥ || 84||

नष्टाहरणके पञ्चरात्रं पश्चिमदिङ्मुखः ।मारणे सप्तरात्रं तु दक्षिणाभिमुखो जपेत् ॥ ८५॥

naṣṭāharaṇake pañcarātraṃ paścimadiṅmukhaḥ |māraṇe saptarātraṃ tu dakṣiṇābhimukho japet || 85||

रोगनिग्रहणे चाष्टरात्रमाग्नेयदिङ्मुखः ।इति गुह्यं महामन्त्रं परमं सर्वसिद्धिदम् ॥ ८६॥

roganigrahaṇe cāṣṭarātramāgneyadiṅmukhaḥ |iti guhyaṃ mahāmantraṃ paramaṃ sarvasiddhidam || 86||

शरभेशाख्यकवचं चतुर्वर्गफलप्रदम् ।प्रत्यहं प्रतिपक्षं वा प्रतिमासमथापि वा ॥ ८७॥

śarabheśākhyakavacaṃ caturvargaphalapradam |pratyahaṃ pratipakṣaṃ vā pratimāsamathāpi vā || 87||

यो जपेत्प्रतिवर्षं वा वरेण्यः स शिवो भवेत् ।एवं हि जपतः पुंसां पातकं चोपपातकम् ॥ ८८॥

yo japetprativarṣaṃ vā vareṇyaḥ sa śivo bhavet |evaṃ hi japataḥ puṃsāṃ pātakaṃ copapātakam || 88||

तत्सर्वं लयमाप्नोति रविणा तिमिरं यथा ।दशाब्दं यो जपेन्नित्यं प्रातरुत्थाय साधकः ॥ ८९॥

tatsarvaṃ layamāpnoti raviṇā timiraṃ yathā |daśābdaṃ yo japennityaṃ prātarutthāya sādhakaḥ || 89||

सर्वसिद्धिं समाश्लिष्य देहान्ते स शिवो भवेत् । (सर्वसिद्धिं समाश्रित्य)त्रिकालं ध्यानपूर्वं तु जपेद्द्वादशवार्षिकम् ।कायेनानेन सो देवि जीवन्मुक्तो भवेन्नरः ॥ ९०॥ (जीवन्मुक्तो भवेच्छिवे)

sarvasiddhiṃ samāśliṣya dehānte sa śivo bhavet | (sarvasiddhiṃ samāśritya)trikālaṃ dhyānapūrvaṃ tu japeddvādaśavārṣikam |kāyenānena so devi jīvanmukto bhavennaraḥ || 90|| (jīvanmukto bhavecchive)

शतवारं जपेन्नित्यं मण्डलं यो वरानने ।सोऽणिमादिगुणान्प्राप्य विचरेत्स्वेच्छया सदा ॥ ९१॥

śatavāraṃ japennityaṃ maṇḍalaṃ yo varānane |so'ṇimādiguṇānprāpya vicaretsvecchayā sadā || 91||

अतलादिधरण्यादि भुवनानि चतुर्दश । (अतलादिधरण्यन्तर्भुवनेषु तथोपरि)विचरेत्कामतः सर्वैः पूज्यमानो यथासुखम् ॥ ९२॥ (विचरेत्कामगः)

atalādidharaṇyādi bhuvanāni caturdaśa | (atalādidharaṇyantarbhuvaneṣu tathopari)vicaretkāmataḥ sarvaiḥ pūjyamāno yathāsukham || 92|| (vicaretkāmagaḥ)

त्रिमासं यो जपेन्नित्यमष्टोत्तरसहस्रकम् ।सहसा शरभेशस्य सारूप्यं लभतेऽम्बिके ॥ ९३॥

trimāsaṃ yo japennityamaṣṭottarasahasrakam |sahasā śarabheśasya sārūpyaṃ labhate'mbike || 93||

षण्मासं यो जपेद्देवि प्रयतस्तु दृढव्रतः ।मद्रूपधारको मर्त्यः सर्वसिद्धिप्रदायकम् ॥ ९४॥

ṣaṇmāsaṃ yo japeddevi prayatastu dṛḍhavrataḥ |madrūpadhārako martyaḥ sarvasiddhipradāyakam || 94||

(मद्रूपधारकैर्मत्यैः सहसिद्धिप्रदायकैः)मम लोके सम्पूज्यो विष्णुलोके विशेषतः ।ब्रह्मलोके च रमते सर्वत्र न निवार्यते ॥ ९५॥

(madrūpadhārakairmatyaiḥ sahasiddhipradāyakaiḥ)mama loke sampūjyo viṣṇuloke viśeṣataḥ |brahmaloke ca ramate sarvatra na nivāryate || 95||

इन्द्राग्नियमरक्षेशजलेशपवनैः सह ।सोमेशैः सह रुद्रेशैर्दिशाम्पालैः स पूज्यते ॥ ९६॥ (सोमेशानकलक्ष्मीशैर्दिशाम्)

indrāgniyamarakṣeśajaleśapavanaiḥ saha |someśaiḥ saha rudreśairdiśāmpālaiḥ sa pūjyate || 96|| (someśānakalakṣmīśairdiśām)

आदित्यसोमपृथ्वीजबुधश्रीगुरुभार्गवैः ।पूज्यते स ग्रहैः सर्वैस्सशनिराहुकेतुभिः ॥ ९७॥

ādityasomapṛthvījabudhaśrīgurubhārgavaiḥ |pūjyate sa grahaiḥ sarvaissaśanirāhuketubhiḥ || 97||

भृग्वङ्गिरःपुलस्त्यैश्चपुलहात्रि मरीचिभिः । (पुलहादि)दक्षकश्यपभृग्वाद्यैर्योगिभिश्च स पूज्यते ॥ ९८॥

bhṛgvaṅgiraḥpulastyaiścapulahātri marīcibhiḥ | (pulahādi)dakṣakaśyapabhṛgvādyairyogibhiśca sa pūjyate || 98||

(दक्षकाश्यपक्रत्वब्जयोनिभिः स च पूज्यते)भैरवैर्वसुभी रुद्रैरादित्यैर्बालखिल्यकैः ।दिग्गजैश्च महानागैर्दिव्यास्त्रैर्दिव्यवाहनैः ॥ ९९॥

(dakṣakāśyapakratvabjayonibhiḥ sa ca pūjyate)bhairavairvasubhī rudrairādityairbālakhilyakaiḥ |diggajaiśca mahānāgairdivyāstrairdivyavāhanaiḥ || 99||

माहेश्वरैर्महारत्नैः कामधेनुसुरद्रुमैः ।सरिद्भिः सागरैः शैलैर्देवताभिस्तपोधनैः ॥ १००॥

māheśvarairmahāratnaiḥ kāmadhenusuradrumaiḥ |saridbhiḥ sāgaraiḥ śailairdevatābhistapodhanaiḥ || 100||

दानवै राक्षसैः क्रूरैः सिद्धगन्धर्वकिन्नरैः ।यक्षविद्याधरैर्नागैरप्सरोभिश्च पूज्यते ॥ १०१॥

dānavai rākṣasaiḥ krūraiḥ siddhagandharvakinnaraiḥ |yakṣavidyādharairnāgairapsarobhiśca pūjyate || 101||

अपस्मारग्रहैर्भीमैरुन्मतैर्ब्रह्मराक्षसैः ।वेतालैः खेचरैर्मर्त्यैः कूष्माण्डै राक्षसग्रहैः ॥ १०२॥ (खेचरैर्क्रूरैः)

apasmāragrahairbhīmairunmatairbrahmarākṣasaiḥ |vetālaiḥ khecarairmartyaiḥ kūṣmāṇḍai rākṣasagrahaiḥ || 102|| (khecarairkrūraiḥ)

ज्वालावक्त्रैस्तमोहारैः स्त्रीग्रहैः पावकग्रहैः ।भूतप्रेतपिशाचाद्यैर्ग्रहैः सर्वैः स पूज्यते ॥ १०३॥

jvālāvaktraistamohāraiḥ strīgrahaiḥ pāvakagrahaiḥ |bhūtapretapiśācādyairgrahaiḥ sarvaiḥ sa pūjyate || 103||

ब्राह्मणैः क्षत्रियैर्वैश्यैः शूद्रैरन्यैश्च जातिभिः । (शुद्रैरन्यैश्च मानवैः)पशुपक्षिमृगव्यालैः पूज्यते सर्वजन्तुभिः ॥ १०४॥

brāhmaṇaiḥ kṣatriyairvaiśyaiḥ śūdrairanyaiśca jātibhiḥ | (śudrairanyaiśca mānavaiḥ)paśupakṣimṛgavyālaiḥ pūjyate sarvajantubhiḥ || 104||

किमत्र बहुना देवि तव वक्ष्येऽहं यथातथम् ।मया च विष्णुना चैव विश्वकर्त्रा च कल्प्यते ॥ १०५॥ (विश्वकर्त्रा च पाल्यते)

kimatra bahunā devi tava vakṣye'haṃ yathātatham |mayā ca viṣṇunā caiva viśvakartrā ca kalpyate || 105|| (viśvakartrā ca pālyate)

भवत्या च गिरा लक्ष्म्या ब्रह्माण्याद्यष्टमातृभिः ।गणेश्वरादियोगीन्द्रैर्योगिनीभिः स पाल्यते ॥ १०६॥

bhavatyā ca girā lakṣmyā brahmāṇyādyaṣṭamātṛbhiḥ |gaṇeśvarādiyogīndrairyoginībhiḥ sa pālyate || 106||

य इदं प्रजपेद्भक्त्या तस्यासाध्यं न विद्यते ।कवचेन्द्र महामन्त्रं जपेत्तस्मादनुत्तमम् ॥ १०७॥

ya idaṃ prajapedbhaktyā tasyāsādhyaṃ na vidyate |kavacendra mahāmantraṃ japettasmādanuttamam || 107||

उच्चाटने मरुद्वक्त्रो विद्वेषे राक्षसाननः ।प्रागाननोऽभिवृद्धौ तु सर्वेष्वीशानदिङ्मुखः ॥ १०८॥

uccāṭane marudvaktro vidveṣe rākṣasānanaḥ |prāgānano'bhivṛddhau tu sarveṣvīśānadiṅmukhaḥ || 108||

यो जपेत्कवचं नित्यं त्रिकालं ध्यानपूर्वकम् ।सर्वसिद्धिमवाप्नोति सहसा साधकोत्तमः ॥ १०९॥

yo japetkavacaṃ nityaṃ trikālaṃ dhyānapūrvakam |sarvasiddhimavāpnoti sahasā sādhakottamaḥ || 109||

श्रीदेव्युवाच ।देव देव महादेव शिव कारुण्यवारिधे ।पाहि मां प्रणतं स्वामिन्प्रसीद सततं मम ॥ ११०॥

śrīdevyuvāca |deva deva mahādeva śiva kāruṇyavāridhe |pāhi māṃ praṇataṃ svāminprasīda satataṃ mama || 110||

सर्वार्थसाधनोपाय सर्वैश्वर्यप्रदायक ।समस्तापत्प्रतीकार चन्द्रशेखर ते नमः ॥ १११॥

sarvārthasādhanopāya sarvaiśvaryapradāyaka |samastāpatpratīkāra candraśekhara te namaḥ || 111||

यत्कृत्यं तन्नकृतं यदकृत्यं कृत्यवदाचरितम् ।उभयोः प्रायश्चित्तं शिव तव नामाक्षरद्वयोच्चरितम् ॥ ११२॥ (नामाक्षरद्वितयम्)

yatkṛtyaṃ tannakṛtaṃ yadakṛtyaṃ kṛtyavadācaritam |ubhayoḥ prāyaścittaṃ śiva tava nāmākṣaradvayoccaritam || 112|| (nāmākṣaradvitayam)

॥ इति श्री आकाशभैरवकल्पे प्रत्यक्षसिद्धिप्रदेउमामहेश्वरसंवादे शरभकवचं सम्पूर्णम् ॥॥ आकाशभैरवकल्पम् । एकचत्वारिंशोऽध्यायः ॥इति श्रीशरभेश्वरकवचं अथवा श्रीशरभकवचं सम्पूर्णम् ।

|| iti śrī ākāśabhairavakalpe pratyakṣasiddhipradeumāmaheśvarasaṃvāde śarabhakavacaṃ sampūrṇam |||| ākāśabhairavakalpam | ekacatvāriṃśo'dhyāyaḥ ||iti śrīśarabheśvarakavacaṃ athavā śrīśarabhakavacaṃ sampūrṇam |