चन्द्रमौलिपञ्चकम् २ Shri Chandramaulipanchakam (2)

शिवाननारविन्दसन्मिलिन्दभावभाङ्मनोविनोदिने दिनेशकोटिकोटिदीप्ततेजसे ।स्वसेवलोकसादरावलोकनैकवर्तिनेनमः शिवाय साम्बशङ्कराय चन्द्रमौलये ॥ १॥

śivānanāravindasanmilindabhāvabhāṅmanovinodine dineśakoṭikoṭidīptatejase |svasevalokasādarāvalokanaikavartinenamaḥ śivāya sāmbaśaṅkarāya candramaulaye || 1||

जटातटीलुठद्वियद्धुनीधलद्धलध्वनद्घनौघगर्जितोत्थबुद्धिसम्भ्रमच्छिखण्डिने ।विखण्डितारिमण्डलप्रचण्डदोस्त्रिशूलिनेनमः शिवाय साम्बशङ्कराय चन्द्रमौलये ॥ २॥

jaṭātaṭīluṭhadviyaddhunīdhaladdhaladhvanadghanaughagarjitotthabuddhisambhramacchikhaṇḍine |vikhaṇḍitārimaṇḍalapracaṇḍadostriśūlinenamaḥ śivāya sāmbaśaṅkarāya candramaulaye || 2||

प्रहृष्टहृष्टतुष्टपुष्टदिष्टविष्टपाय संनमद्विशिष्टभक्तविष्टरार्त(प्त)येऽष्टमूर्तये (?) ।विदायिने धनाधिनाथसाधुसख्यदायिनेनमः शिवाय साम्बशङ्कराय चन्द्रमौलये ॥ ३॥

prahṛṣṭahṛṣṭatuṣṭapuṣṭadiṣṭaviṣṭapāya saṃnamadviśiṣṭabhaktaviṣṭarārta(pta)ye'ṣṭamūrtaye (?) |vidāyine dhanādhināthasādhusakhyadāyinenamaḥ śivāya sāmbaśaṅkarāya candramaulaye || 3||

अखर्वगर्वदोर्विजृम्भदम्भकुम्भदानवच्छिदासदाध्वनत्पिनाकहारिणे विहारिणे ।सुहृत्सुहृत्सुहृत्सुहृत्सुहृत्स्मयापहारिणेनमः शिवाय साम्बशङ्कराय चन्द्रमौलये ॥ ४॥

akharvagarvadorvijṛmbhadambhakumbhadānavacchidāsadādhvanatpinākahāriṇe vihāriṇe |suhṛtsuhṛtsuhṛtsuhṛtsuhṛtsmayāpahāriṇenamaḥ śivāya sāmbaśaṅkarāya candramaulaye || 4||

अखण्डदण्डबाहुदण्डदण्डितोग्रडिण्डिमप्रधिं धिमिन्धिमिन्धिमिन्ध्वनिक्रमोत्थताण्डवम् ।अखण्डवैभवाहिनाथमण्डितं चिदम्बरंनमः शिवाय साम्बशङ्कराय चन्द्रमौलये ॥ ५॥

akhaṇḍadaṇḍabāhudaṇḍadaṇḍitograḍiṇḍimapradhiṃ dhimindhimindhimindhvanikramotthatāṇḍavam |akhaṇḍavaibhavāhināthamaṇḍitaṃ cidambaraṃnamaḥ śivāya sāmbaśaṅkarāya candramaulaye || 5||

॥ इति श्रीचन्द्रमौलिपञ्चकं सम्पूर्णम् ॥

|| iti śrīcandramaulipañcakaṃ sampūrṇam ||